Wednesday, April 3, 2013
နောင်ချို၊ ဧပြီ ၃။
လားရှိုး မူးယစ်အထူးအဖွဲ့ (နောင်ချိုလှုပ်ရှား) မှ မူးယစ်ဆေးတစ်မျိုးဖြစ်သည့် မက်သာဖက်တမင်း ICE ပုံဆောင်ခဲ သယ်ဆောင်လာသူကို ယနေ့နံနက် ၂နာရီ အချိန်ခန့်တွင် နောင်ချိုမြို့ အ၀င် မိုင်တိုင်အမှတ် ၇၈ အနီး၌ ဖမ်းဆီးရမိခဲ့ကြောင်း သိရသည်။
ဧရာရွှေလီ ခရီးသည် ကားနှင့် လိုက်ပါလာသော ခရီးသည် ကိုဆိုင်နပ်၏ ဘောင်းဘီအိတ်ကပ်အတွင်းမှ ပြီးခဲ့သည့် မတ်လ ၂၅ ရက် နေ့စွဲဖြင့် မသင်ကာဖွယ် ပစ္စည်းပါဆယ် လက်ခံပြေစာ တစ်စောင်ကို တွေ့ရပြီး ဆက်လက်ရှာဖွေရာ ၎င်းသယ်လာသော အသားကင်စက် ၀ဲဘက်နှင့် ယာဘက်အံဝှက်တွင် ကျွတ်ကျွတ်အိတ်ဖြင့်ထည့်ထားသောမူးယစ်ဆေး မက်သာဖက်တမင်း ICE ပုံဆောင်ခဲ အထုပ်နှစ်ထုပ်ကို ဖမ်းမိခဲ့ခြင်းဖြစ်သည်။
အထုပ် တစ်ထုပ်လျှင် ၉၅၀ ဂရမ်ပါရှိပြီး နှစ်ထုပ်ပေါင်း ၁.၉ကီလိုဂရမ်ရှိကြောင်း စုစုပေါင်း ငွေတန်ဘိုးအားဖြင့် သိန်းသုံးရာ့ရှစ်ဆယ်ခန့်ရှိမည်ဖြစ်ကြောင်း လားရှိုး မူးရစ် အထူးအဖွဲ့မှ သိရသည်။ ဖမ်းဆီးရမိသူအား ကွင်းစက် စစ်ဆေးမှုများပြုလုပ်ချက်အရ သားသားနှင့် ကျော်မင်းဆိုသူ ရှိနေသေး ကြောင်း၊ သားသားမှာ ICEပုံဆောင်ခဲများ သယ်ဆောင်ခိုင်းနေသူ အသက်(၃၀)အရွယ် လူငယ်တစ်ဦး ဖြစ်ကြောင်း၊ ကျော်မင်းဆိုသူမှာ ရန်ကုန်တွင်ရှိပြီး မက်သာဖက်တမင်း ICE များကို လက်ခံပေး နေသူဖြစ်ကြောင်း ၎င်း၏ ထွက်ဆိုချက်အရ သိရသည်။
ထို့ကြောင့် ဖမ်းဆီးရမိသူ ကိုဆိုင်နပ်နှင့် အတူကွင်းစက်တရားခံ တို့ကို နောင်ချိုရဲစခန်းမှ မယ(ပ)၉/၂၀၁၃၊ မူးစိတ်ပုဒ်မ၁၅/၁၉(က)/၂၁အရ အမှုဖွင့် အရေးယူထားကြောင်း သိရသည်။
ကိုထွန်းထွန်း, မြန်မာ့ခေတ်