ပုံနှိပ်ဥပဒေမူကြမ်း စာနယ်ဇင်းကောင်စီ လက်မခံ

၂၀၁၂ ခုနှစ် စက်တင်ဘာလ ၁၇ ရက်က ရန်ကုန်မြို့၊ ချက်ထရီယံ ဟိုတယ်တွင် ပြုလုပ်သော စာနယ်ဇင်းအဖွဲ့ဝင်များ တွေ့ဆုံညှိနှိုင်းပွဲ အခမ်းအနားတွင် ဖွဲ့စည်းလိုက်သော စာနယ်ဇင်းကောင်စီ (ယာယီ) အဖွဲ့ဝင်များကို တွေ့ရစဉ်။

2013-07-05      
မနေ့က ပြည်သူ့လွှတ်တော်မှာ အတည်ပြုလိုက်တဲ့ ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေမူကြမ်းကို လက်မခံကြောင်း သဘောထားကြေညာချက်တစ်စောင် ကို မြန်မာနိုင်ငံစာနယ်ဇင်းကောင်စီ(ယာယီ)က ဒီကနေ့ ထုတ်ပြန်လိုက်ပါတယ်။

ပြန်ကြားရေးဝန်ကြီးဌာနက ရေးဆွဲတဲ့ ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေမူကြမ်းဟာ လွတ်လပ်စွာ ပြောဆိုသတင်းရေးသားခွင့်ကို ကန့်သတ်ချုပ်ချယ်တဲ့အချက်တွေ ပါဝင်နေတာကြောင့် မြန်မာနိုင်ငံ စာနယ်ဇင်းကောင်စီ(ယာယီ)အပါအဝင် သတင်းမီဒီယာသမား အတော်များများ ကန့်ကွက်ထားကြတာ ဖြစ်ပါတယ်။

မနေ့က ပြည်သူ့လွှတ်တော်မှာ အတည်ပြုလိုက်တဲ့ ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေမူကြမ်းမှာ မြန်မာနိုင်ငံ စာနယ်ဇင်းကောင်စီ(ယာယီ)က ပေးပို့ထားတဲ့ ပြင်ဆင်သင့်တဲ့အချက်တွေ မပါဝင်တာကြောင့် အဲ့ဒီဥပဒေကို ကန့်ကွက်တဲ့ ကြေညာချက်ထုတ်ပြန်တာဖြစ်တယ်လို့ မြန်မာနိုင်ငံ စာနယ်ဇင်းကောင်စီ(ယာယီ)က ဦးဇော်သက်ထွေးက ပြောပါတယ်။

မြန်မာနိုင်ငံ စာနယ်ဇင်းကောင်စီနဲ့ ပြန်ကြားရေးဝန်ကြီးဌာနတို့ သုံးကြိမ်တွေ့ဆုံညှိနှိုင်းပြီး အဲ့ဒီဥပဒေကြမ်းအပေါ် ပြင်ဆင်ဖြည့်စွက်လိုတာတွေကို စာနယ်ဇင်းကောင်စီက ဝန်ကြီးဌာနကို ပေးပို့ခဲ့ပြီးဖြစ်တယ်လို့ သိရပါတယ်။

စာနယ်ဇင်းကောင်စီရဲ့ ပေးပို့ချက်တွေကို လွှတ်တော်မှာ တင်ပြသွားမယ်လို့ သဘောတူထားခဲ့ပြီး မနေ့က ဥပဒေမူကြမ်းကို အတည်ပြုရာမှာ ဝန်ကြီးဌာနနဲ့ မြန်မာနိုင်ငံစာနယ်ဇင်းကောင်စီတို့အကြား သဘောတူထားခဲ့တဲ့ အချက်အများစု မပါဝင်တာတွေ့ရတဲ့အတွက် လက်မခံနိုင်ကြောင်း ထုတ်ပြန်ချက်မှာ ဖော်ပြထားပါတယ်။

မြန်မာနိုင်ငံ စာနယ်ဇင်းကောင်စီအနေနဲ့ လွှတ်တော်တွေမှာ အဲ့ဒီဥပဒေမူကြမ်းနဲ့ ပတ်သက်ပြီး ရှင်းလင်းတင်ပြသွားမှာဖြစ်သလို လွှတ်တော်ဥက္ကဌတွေဆီကိုလည်း စာပေးပို့သွားမယ်လို့ သိရပါတယ်။

သတင်းမီဒီယာအများစု ကန့်ကွက်ထားကြတဲ့ ပုံနှိပ်ခြင်းနဲ့ ထုတ်ဝေခြင်းလုပ်ငန်းဥပဒေ မူကြမ်းကို ပြည်သူ့လွှတ်တော်မှာ ပြင်ဆင်ချက်တွေနဲ့အတူ အတည်ပြုလိုက်တာနဲ့ ပတ်သက်လို့ စာနယ်ဇင်းသမားတွေရဲ့ သဘောထားတွေကို RFA သတင်းထောက် မဇင်မာဝင်းက စုစည်းတင်ပြထားပါတယ်။
RFA (မြန်မာပိုင်း)

သက်ခိုင် ဝတ္ထုသည် မင်းဒင်ရဲ့ ၁၅ နှစ်အတွင်း အကောင်းဆုံး ဟုဆို

စာရေးဆရာ မင်းဒင်၏ ”မင်းဒင် ရဲ့သက်ခိုင်” ဝတ္ထုစာအုပ်သည် ၁၅ နှစ် အတွင်း မြန်မာနိုင်ငံ၌ ထွက်ရှိသမျှ ဝတ္ထု စာအုပ်များထဲတွင် အကောင်းဆုံး ဖြစ်ကြောင်း စာရေးဆရာ ဟိန်းလတ် က ချီးကျူးပြောဆိုလိုက်သည်။ ”မြန်မာပြည်မှာ နိုဗယ်မရှိပါ ဆိုပြီး ကျွန်တော်တို့ ပြောနေကြတာ။ ဖတ်စရာ ဝတ္ထုမရှိတာ ၁၅ နှစ်လောက် ရှိပြီ။ အဲဒီမှာ မင်းဒင်ရဲ့ သက်ခိုင်စာအုပ် ဖတ်လိုက်တော့ ကျွန်တော်သာ အမျိုး သားစာပေဆု ရွေးချယ်ရေးကော်မတီ ဖြစ်ခဲ့ရင် ဒီစာအုပ်ကို ဆုပေးမှာအမှန်ပဲ။ ရသမျိုးစုံပါတယ်” ဟု စာရေးဆရာ ဟိန်းလတ်က မေ ၂၃ ရက်က စာရေး ဆရာ မင်းဒင်၏ ဒုတိယစာအုပ် ထုတ် ဝေခြင်း အခမ်းအနားတွင် ထိုင်းနိုင်ငံရှိ စာရေးဆရာ မင်းဒင်အား အွန်လိုင်း (Skype) မှတစ်ဆင့် ဂုဏ်ပြုစကား ပြောကြားခဲ့သည်။

”မင်းဒင်ရဲ့သက်ခိုင်” စာအုပ်သည် တရားဝင်ထုတ်ဝေဖြန့်ချိမှု မပြုမီက တည်းက မြန်မာစာဖတ်ပရိသတ် အ တော်များများ လမ်းဘေးအရောင်းဆိုင် များက ရောင်းသော မိတ္တူစာအုပ်ကို ဝယ်ယူဖတ်ရှုထားကြပြီး ယင်းစာအုပ်နှင့် ပတ်သက်၍ မြန်မာနိုင်ငံ ယခုလက်ရှိ သက်ရှိများ၏ သမိုင်းအဖြစ်အမျိုးမျိုး ပြောဆိုလျက်ရှိကြသည်။ စာရေးဆရာမောင်သွေးသစ်က လည်း မင်းဒင်နှင့်သက်ခိုင်ဝတ္ထုသည် ဖတ် ခဲ့ဖူးသမျှ အကြိုက်ဆုံးနှင့် ဇာတ်ကောင် များမှာ ပြင်ပတွင် လက်ရှိအချိန် အထိရှိ နေခြင်းက ထူးခြားကြောင်း ပြောသည်။

ထို့အပြင် စာရေးသူကိုယ်တိုင်က မူမမှန်သော ခေတ်ကြီးကို ယုံကြည်သလို ဖြတ်သန်းခဲ့ပုံသာ ဖြစ်သည်ဟု အမှာစာ ရေးသား ထားရာ မြန်မာနိုင်ငံ အမှောင် ခေတ်တစ်ခုမှ စီးပွားရေး၊ နိုင်ငံရေး၊ လူမှုရေးစသည့် နယ်ပယ်အရပ်ရပ်ကို ကိုယ်တွေ့ဖြတ်သန်းခဲ့သူပီပီ စာဖတ်ပရိ သတ်အကြိုက်ဝတ္ထု၊ အတ္ထုပ္ပတ္တိတစ်ခု အဖြစ် စာဖတ်သူများကပါ ချီးကျူးပြော ကြားသည်။စာရေးဆရာမင်းဒင်သည် မင်း ဒင်ရဲ့သက်ခိုင်စာအုပ်ပြီးနောက် ဒုတိယ မြောက်လုံးချင်းစာအုပ်အဖြစ် ”ဖြစ်ပျက် ရှာပုံတော်ခရီးသည်” ဘာသာရေးစာ အုပ်ကို ယခုအခါ ထုတ်ဝေဖြန့်ချိလိုက်ပြီး အဆိုပါ စာအုပ်ဖြန့်ချိခြင်း အထိမ်းအ မှတ်ပွဲကို မေလ ၂၃ ရက်နေ့က ရန်ကုန် မြို့ ၃၇ လမ်းအထက် တစ်ထိပ်တန်း ပညာ့ဗိမာန်၌ ပြုလုပ်ခဲ့သည်။ စာရေး ဆရာမင်းဒင်မှာ ထိုင်းနိုင်ငံဖူးခက်၌ နေထိုင်လျက်ရှိပြီး အဆိုပါစာအုပ်အခမ်း အနားကို တက်ရောက်လာသူများအား အင်တာနက်အွန်လိုင်းမှတစ် ဆင့် မေး မြန်းမှုများအား ပြန်လည်ဖြေကြားခဲ့ရာ ထူးခြားသည့် စာအုပ်မိတ်ဆက်ပွဲ ဖြစ်ခဲ့ သည်။ စာရေးဆရာ မင်းဒင်က ”မင်းဒင် ရဲ့သက်ခိုင် (၂)” စာအုပ် ဆက်လက် ထွက်လာရန်ရှိကြောင်းလည်း ပြောကြား ခဲ့သည်။
မိုးမြင့်
Popular Myanmar News Journal

ချင်းပြည်နယ် မူလတန်းကျောင်းများတွင် ချင်းစာပေ သင်ကြားမည်

ကလေး မေ ၂၃
ချင်းပြည်နယ်အတွင်းရှိ မူလတန်းကျောင်း များတွင် လာမည့် ၂၀၁၃-၂၀၁၄ ပညာသင်နှစ်မှ စတင်၍ ချင်းဘာသာစကား နှင့် စာပေကို ထည့်သွင်း သင်ကြားသွားမည်ဖြစ်ကြောင်း ချင်းပြည်နယ် လူမှုရေးဝန်ကြီး ဒေါက်တာဘမောင်က ပြောကြားသည်။
"အခုမှ စရမှာဆိုတော့ စိတ်တိုင်းကျ အကုန်အဆင်ပြေမယ် မပြေဘူး ဆိုတာက လက်တွေ့လုပ်မှ သိရမှာ" ဟု ၄င်းကဆိုသည်။

ချင်းပြည်နယ်အတွင်း မူလတန်း ကျောင်းပေါင်း ၁၀၀၀ ကျော်ရှိပြီး ချင်းဘာသာစာပေ သင်ကြားရာတွင် ကြုံတွေ့ရမည့် အခက်အခဲများမှာ သင်ကြားပေးမည့် ဆရာ ဆရာမ များ၏ ဘာသာစကားအခက် အခဲနှင့် လစာအခက်အခဲပင်ဖြစ်ကြောင်း ဒေါက်တာဘမောင်က ရှင်းပြသည်။

သင်ကြားပေးမည့် ဆရာ ဆရာမများ သည် မြေပြန့်ဘက်မှ လာသူများဖြစ်၍ ချင်း စကားနှင့် ချင်းစာကို မကျွမ်းကျင်ကြကြောင်း၊ လာမည့်နွေရာသီ ကျောင်းပိတ်ရက်တွင် မူလတန်းပြဆရာ၊ ဆရာမများကို သက်ဆိုင်ရာ မြို့နယ်အလိုက် ခေါ်ယူကာ ချင်းစာပေ သင်ကြားပေးမည်ဖြစ်ပြီး ပညာရေးဝန်ကြီးဌာန က ဆရာ၊ ဆရာမ ၁၀ ဦး အတွက်သာ လစာပေးမည်ဟု ကြားသိထားကြောင်း၊ မူလတန်း ကျောင်း ၁၀၀၀ ကျော်မှ ဆရာ၊ ဆရာမ ၁၀၀၀ ကျော်အတွက် ကုန်ကျမည့် လစာကို ပြည်နယ်အစိုးရ ကလည်း မပေးနိုင်သဖြင့် ယင်းအခက်အခဲ ပြေလည်စေရန် ဒေသအလိုက် စေတနာဖြင့် သင်ကြားပေးမည့် တိုင်းရင်းသားဆရာ၊ ဆရာမများ လိုအပ်ကြောင်း ဝန်ကြီးက ရှင်းလင်းပြောဆိုသည်။

"ကိုယ့်တိုင်းရင်းသား စာပေသင်ကြား ရတာကတော့ ကောင်းပါတယ်။ အစိုးရက ခုလို သတ်သတ်မှတ်မှတ် အသိအမှတ်ပြု သင်ကြားခွင့် ပေးလိုက်တယ် ဆိုတော့လေ" ဟု တီးတိန်မြို့ခံ ချင်းတိုင်းရင်းသား ဦးငင်ခေါဂင်က ၄င်း၏အမြင်ကို ပြောကြားသည်။

ချင်းစာပေ သင်ကြားနိုင်ရေးအတွက် ပြည်နယ်အတွင်းရှိ ကျေးရွာအချို့မှာ စိတ်အားထက်သန်နေပြီး သင်ကြားပေးနိုင်မည့် စေတနာရှင်ဆရာများ ရှာဖွေထားကြောင်း ဝန်ကြီးက ဆက်လက ပြောကြားသည်။ ချင်းတိုင်းရင်းသားများ အနေနှင့် မိမိတို့ ဘာသာစကားကို ဆန်းဒေး စကူးလ်များတွင် အပတ်စဉ် သင်ကြားပို့ချပေးလေ့ ရှိကြောင်း စစ်ကိုင်းတိုင်းဒေသကြီး ကလေးမြို့ပေါ်ရှိ ချင်းတိုင်းရင်းသား များထံမှ သိရသည်။
The Voice Weekly

ဖလေးဘုရား- မွန်သမိုင်း၊ ငလျင်သမိုင်း.........

ပဲခူးမြို့ တောင်ဖက် ၂၄ ကီလိုမီတာ (၁၅မိုင်) အကွာ၌ ဖလေးရွာ ရှိသည်။ ထိုရွာ စေတီတော်ကြီး ဖလေးစေတီ ခေါ်ရသည်။ သမိုင်း၌ ကျိုက်မက္ကော် ဟုဆိုသဖြင့် မွန်အနွယ်တို့ တည်ခဲ့ကြပုံ ရသည်။ စေတီမှာ ပဲခူးမှ ရွှေမောဓော စေတီတော်လောက် ရှေးမကျတောင် အလွန်ရှေးကျပုံ ရသည်။ ထိုအနီးနားမှ ဇွဲသဘုံမြို့ဟောင်းပင် ထိုစေတီတော် နောက်မှ တည်ခဲ့ပုံရသည်။ ဇွဲသဘုံမြို့သည် ရာဇာဓိရာဇ် ခေတ်၌ပင် အတော်စည်ကားသေးသည်။ ယခုတော့ မြို့အရာပင် တိမ်ကောနေပေပြီ။ ဤနေရာ၌ သမိုင်းကို ပြောလိုသည် မဟုတ်ပါ။ ဖလေးစေတီတော်၏ သက်တော် ကြာရင့်သည်ကိုသာ ဆိုလိုရင်း ဖြစ်သည်။ စေတီဟောင်းများကို ထပ်ကာ ထပ်ကာ ငုံကာ တည်ထား သောကြောင့် ယခုအခါ ရွှေမောဓေါ စေတီတော်နီးပါး မြင့်သည်။
စေတီတော်ကို ကြည်နူးဖွယ် တွေ့ရသည်။ စေတီတော်ကို ၃၀မီတာ (၁၀၀ပေ)ခန့် မြင့်သော တောင်မြောက် တန်းနေသည့် ဖလေးတောင်တန်းလေး အပေါ်၌ တည်ထားသည်။ ဤနေရာ၌ ထိုတောင်တန်းလေး ဖြစ်လာပုံကို အနည်း ပြောချင်သည်။ ဖလေးရွာ၊ ဖလေးစေတီတော်ကို ကောင်းကင်မှ ဖူးတွေ့ရပုံ မြန်မာပြည်၏ ငလျင်ဘူမိဗေဒ၌ ထင်ရှားသော စစ်ကိုင်းပြတ်ရွေ့ရှိသည်။ ထိုပြတ်ရွေ့တစ်လျောက် မြေထုချပ်ကြီးများ တောင်မြောက် ရွေ့သောအခါ ထိစပ်ရာ မျက်နှာပြင်ရှိ ကျောက်စိုင်များကို ဖိညစ်၍သွားတတ်သလို ဆွဲဆန့်၍လည်း သွားသည်။ ထိုအခါ ဖိညစ်ခံရသည့်နေရာ များသည် တောင်ကုန်းငယ်များ အတန်းလိုက် ဖြစ်ကျန်သကဲ့သို့ ဆွဲဆန့်ခံရသည့် နေရာများ၌လည်း ချိုင့်ဝှမ်းများ ဖြစ်ကျန်ရစ်သည်။

ဖလေးတောင်သည် ထိုနည်းနှင့် ဖြစ်လာသော တောင်ကုန်း pressure ridge ဖြစ်သည်။ ပဲခူးမြို့မြောက်ဖက် ဘုရားကြီးမြို့အနား၌ ရွှေဒန်းအင်း ဆိုတာရှိသည်။ ထိုအင်းသည် ဆွဲဆန့်ခံရသော sag pond အမျိုးအစား ဖြစ်သည်။ ဆိုလိုသည်မှာ ဖလေးစေတီသည် စစ်ကိုင်း ပြတ်ရွေ့အပေါ်မှ စေတီ ဖြစ်သည်။ ထိုကြောင့် ငလျင်လှုပ်သဖြင့် မကြာခဏ ပြိုကျသည်။ သို့သော် ပြိုကျသည့် အခါတိုင်း ပြန်ပြင်နိုင်သည် မဟုတ်ပေ။ မြို့ကြီး ပြကြီး စေတီတော် မဟုတ်သဖြင့် ပျက်၍ အတော်ကြီး ကြာမှ ပြင်နိုင်ကြသည်။ ပြင်ပြီးနောက် ငလျင်ဒဏ်ကြောင့် ပြိုရပြန်သည်။ မြန်မာနှစ် ၁၂၉၂ (၁၉၃၀)က ငလျင်ကြီး လှုပ်သဖြင့် အပေါ်ပိုင်းများ ပျက်ခဲ့သော စေတီတော်ကို ပြထားသည်။

၁၂၉၂ငလျင်ဒဏ်ကြောင့် ပျက်သွားသော ဖလေးစေတီတော် ဖလေးစေတီတော်သည် ငလျင်ဒဏ်ကို အကြိမ်များစွာ ခံရပုံရသည်။ ရှေးမှတ်တမ်း အချို့၌ ပြထားသည်မှာ ခရစ်နှစ် ၉၅၆၊ ၁၃၈၉၊ ၁၅၆၇၊ ၁၇၆၈ နှင့် ၁၈၃၀ များ၌လည်း ငလျင်ကြောင့် ပျက်စီး ဆိုသည်။ ၁၉၃၀ ပဲခူးငလျင်ကြီး လှုပ်စဉ်က ဗဟိုချက်ကို ပြရာ၌ ဤဖလေး စေတီတော် တည်ရာ တောင်ကုန်းငယ်တစ်ဝိုက်ကို ပြသည်။ နောက်ပိုင်း လေ့လာချက်များ အရလည်း ဖြစ်နိုင်သည်။ ဖလေးတောင်ကုန်းမှ အခြားသော ပြတ်ရွေ့ငယ်တစ်ခု တာဝဖက်သို့ ဖြာထွက်သွားသည်ကို တွေ့ထားပြီး ထိုဖြာထွက်သော အပိုင်းကလည်း (ငလျင်ကြီး လှုပ်သည့် အထောက်အထား မတွေ့ရသေးသည့်တိုင်) စစ်ကိုင်းပြတ်ရွေ့ကဲ့သို့ပင် အရွေ့ရှိသည်။ စစ်ကိုင်းပြတ်ရွေ့၏ ပဲခူးအဆစ်ပိုင်း၌ ဖလေးတောင်သည် အလယ်၌ရှိသည်။ မြောက်ဖက် ဘုရားကြီးမြို့ဟောင်း အနီးမှ တောင်ဖက် ပင်လယ်ဝထိ ၁၁၀ ကီလိုမီတာ ရှည်သည်။ ထိုမျှ ရှည်သော ပြတ်ရွေ့သည် ငလျင်ပမာဏ ၇.၀နှင့် အထက် လှုပ်လေ့ ရှိသည်။ ဖြောင့်တန်းနေသော စစ်ကိုင်းပြတ်ရွေ့နှင့် ဤ ဖလေးတောင်ကို ကြည့်မိတိုင်း ငလျင်ကြီးနှင့် ဆက်စပ်မိမြဲ ဖြစ်သည်။
Credit & Copy From > မွန်အမျိုးသား အမျိုးသမီးများစည်းလုံးညီညာအောင်ကြောင်းဖြာ, Today Myanmar

ရဲမင်းဦး ၏ ငရဲမကျသော ဟာသများ စာအုပ်ထွက်ရှိ

ရဲမင်းဦး ရဲ့ ဒုတိယမြောက် ဟာသစာစုများ (စာအုပ်) ဖြစ်သည့် "ငရဲမကျသော ဟာသများ" စာအုပ်ကို တန်ဖိုး ၁၅၀၀ ကျပ်ဖြင့် တိုးမြင့် စာအုပ်တိုတ်မှ ထုတ်ဝေလိုက်ပါသည်။ "ငရဲမကျသော ဟာသများ" စာအုပ်တွင် စာမူပေါင်း ၁၀၈ ပုဒ်တိတိ ပါဝင်ပြီး စာဖတ်သူများ ဟာသရသ ဖြစ်စေမည့် စာအုပ်တစ်အုပ် ဖြစ်သည်။ စာရေးဆရာ ရဲမင်းဦးက လေးလေးနက်နက်တွေးပြီး စာဖတ်သူများ ဟာဒယကို ပေါ့ပေါ့ပါးပါး ခံစားစေနိုင်ကြောင်း အမှာစာတွင် ရေးသားထားသည်။
Popular Journal

စာပေလောက(၅)မှာကျင်းပသည့်၂၀၁၃ ကမ္ဘာ့ကဗျာနေ့အခမ်းအနား

ရန်ကုန်၊ မတ်၊ ၂၁။ ၂၀၁၃
ကမ္ဘာ့ကဗျာနေ့ အခမ်းအနားကို ၂၀၁၃ခုနှစ် မတ်လ ၂၁ ရက်မှ ၂၃ရက်နေ့ နံနက် ၁၀း၀၀ နာရီ မှ ၁၂း၀၀နာရီအထိ ပန်းဆိုးတန်း စာပေလောက(၅) ဒုတိယထပ်တွင် ကျင်းပကြောင်း သိရသည်။ ယင်းအခမ်းအနား တွင် မတ်လ (၂၁)ရက်နေ့၌ နံရံကပ် ကဗျာအင်စတော်လေးရှင်း၊ ကဗျာဗေဒနှင့် ကဗျာဆရာ(ကျွမ်းကျင်သူဆွေးနွေးပွဲ)အဖြစ် ဆရာသစ္စာနီ၊ ဆရာငြိဏ်းဝေ၊ ဆရာမင်းထက်မောင်တို့က ပါဝင်ဆွေးနွေးမည်ဖြစ်ပြီး ဆရာမောင်လင်းရိပ်က မေးမြန်း တင်ဆက်သူအဖြစ် ဆောင်ရွက်ခဲ့သည်။ မတ်လ(၂၂)ရက်နေ့ ယနေ့ မြန်မာကဗျာ စာအုပ်ထုတ်ဝေရေး(ကျွမ်းကျင်သူဆွေးနွေးပွဲ)တွင် ဆရာစန်းဦးနှင့် ဆရာမိုးဦးဆွေညိန်းတို့က ဆွေးနွေးသူများအဖြစ် ပါဝင်ပြီး မေးမြန်း တင်ဆက်သူအဖြစ် ဆရာမင်းထက်မောင်က ကူညီဆောင်ရွက်မည်ဖြစ်ကြောင်း သိရသည်။ မတ်လ (၂၃)ရက်နေ့ နှောင်းကဗျာ စာဆိုများအမှတ်တရ ကဗျာဖတ်ပွဲတွင် ကွယ်လွန်သွားကြသော ကဗျာဆရာ/ဆရာမများ ဖြစ်ကြသည့် သခင်ကိုယ်တော်မှိုင်း၊ ဇော်ဂျီ၊ မင်းသုဝဏ်၊ ငွေတာရီ၊ နုယဉ်၊ ဒေါင်းနွယ်ဆွေ၊ မောင်လေးအောင်၊ တင်မိုး၊ ကြည်အောင်၊ ညွှန့်ကြူး၊ မောင်ချောနွယ်၊ ဖော်ဝေး၊ မြေချစ်သူ၊ မောင်လူမှိန်၊ ဇော်(ပျဉ်းမနား)၊ မောင်ခိုင်မာ၊ လှသန်းတို့၏ ကဗျာများကို ရွတ်ဖတ်သွားမည် ဖြစ်ကြောင်း အခမ်းအနားကျင်းပရေး ကော်မတီမှ သိရသည်။
The Myanma Age
ဓာတ်ပုံ - သီဟ