ပုဂံယဉ်ကျေးမှုဇုန်နယ်မြေသို့ လာရောက်လည်ပတ်သည့် နိုင်ငံခြားသား ဧည့်သည်များထံမှဇုန်ဝင် ကြေးကောက်ခံမှုကို ဟိုတယ်နှင့်ခရီးသွားလာရေး လုပ်ငန်းဝန်ကြီးဌာနက အသိအမှတ်ပြုသည့် မြန်မာ့ခရီးသွားလုပ်ငန်းအဖွဲ့သို့ဖြစ်စေ၊ အခြားခရီးသွားလုပ်ငန်းအဖွဲ့အစည်းသို့ဖြစ်စေ တာဝန်ပေးအပ်ရန်ရှိ ကြောင်း ယဉ်ကျေးမှုဝန်ကြီးဌာန၏သတင်းထုတ်ပြန်ချက်အရ သိရသည်။
လျှောက်ထားလိုသည့် အဖွဲ့အစည်းများသည် နိုင်ငံရေးနှင့်မသက်ဆိုင်သော အဖွဲ့အစည်းဖြစ်ရမည် ဖြစ်ပြီး အမြတ်အစွန်းမယူသည့် အခြေခံမူနှင့် ဆောင်ရွက်ရမည်ဖြစ်ကြောင်းသိရသည်။ ထို့ပြင် ကမ္ဘာနှင့်
တစ်ဝန်းကျင်းပလျှက်ရှိသော ခရီးသွားပွဲတော်များ၊ ပြပွဲများ၊ ခရီးသွား လုပ်ငန်းဈေးကွက်မြှင့်တင်ရေးပွဲများတွင် ဈေးကွက်ရှာဖွေရေးအတွက် သွားရောက်ပြသဖူးခြင်း၊ ဦးဆောင်စီစဉ်ဖူးခြင်း၊ အတွေ့အကြုံရှိခြင်းစတာများလိုအပ်မည်ဖြစ်ကြောင်း ယဉ်ကျေးမှုဝန်ကြီးဌာန၏ သတင်းထုတ်ပြန်ချက်တွင် ဖော်ပြပါရှိသည်။
သတ်မှတ်ထားသောလိုအပ်ချက်နှင့်ကိုက်ညီ၍ လုပ်ငန်းတာဝန်ဆောင်ရွက်လိုသူများအနေနှင့် ဧပြီလ (၃၀) ရက်နေ့၊ နောက်ဆုံးထားပြီး နေပြည်တော်ရှိယဉ်ကျေးမှုဝန်ကြီးဌာန၊ ရုံးအဖွဲ့မှူးသို့ လိပ်မူ၍ ရှေးဟောင်းသုတေသန၊ အမျိုးသားပြတိုက်နှင့်စာကြည့်တိုက်ဦးစီးဌာနညွှန်ကြားရေးမှူးချုပ်ထံသို့ မိတ္တူ ပေးပို့ရမည်ဖြစ်ကြောင်း သိရှိရသည်။
SkyNet TV Browser
နိုင်ငံခြားသားဧည့်သည်များထံမှ ဇုန်ဝင်ကြေးကောက်ခံမှုကို ပုဂ္ဂလိကသို့လွှဲမည်
Labels:
ပြည်တွင်းသတင်း