ဖြစ်စဉ်မှာ ဧပြီလ ၁၂ ရက် ည ၁၂ နာရီခွဲက ရှမ်းစုမြောက် ရပ်ကွက် ၊ သျှင်းသျှင်း ဟိုတယ် သို့ အမှတ်(၁) ရဲတပ်ဖွဲ့ စခန်းမှ တပ်ဖွဲ့ဝင်များ ၊ အုပ်ချုပ်ရေးမှူး များနှင့် သက်သေများက သွားရောက် စစ်ဆေး ခဲ့ရာ အခန်း အမှတ် (၂၀၈) တွင် မြစ်ကြီးနားမြို့ စီတာပူ ရပ်ကွက် နေထိုင်သူများ ဖြစ်သည့် ဦးအောင်ကျော်လှိုင် နှင့် ဇနီး ဒေါ်ဘောမ်ဆွမ် တို့အား တွေ့ရှိရပြီး ၄င်းတို့နှင့် အတူ အခန်းအမှတ် ၁၀၇ တွင် တည်းခိုလျက် ရှိသည့် တရုတ်နိုင်ငံသား ၂ ဦးအား ဆက်လက် စစ်ဆေးရာ ရန်ဟုန်စိန် နှင့် ကြောင်ကြားရှုတ် ဆိုသူ ၂ ဦးအား တွေ့ရှိခဲ့သည်။
ဆက်လက်၍ အခန်းတွင်း ထိုင်ခုံပေါ်ရှိ အနက်ရောင် ခရီးဆောင် လက်ဆွဲအိတ် အတွင်းမှ မြန်မာ ငွေစက္ကူ အတုဟု ယူဆရသည့် ကျပ် ၅၀၀၀ တန် ငွေကျပ်သိန်း ၂၇၀ နှင့် အနက်ရောင် ကျောပိုးအိတ် အတွင်းမှ မြန်မာ ငွေစက္ကူ အစစ် ကျပ် ၅၀၀၀ တန် ငွေကျပ် ၂၁၅၅၀၀၀၀ ၊ တရုတ် ဆင်းကတ် ထည့်ထားသည့် လက်ကိုင်ဖုန်း ၃ လုံး ၊ ၄င်းတို့ပိုင် ၅ဂ/xxxx ပါဂျဲရိုး အစိမ်းရောင် လိုင်စင်မဲ့ မော်တော်ယာဉ် တစ်စီး တို့အား ဖမ်းဆီး ရမိခဲ့သည်။
ဖြစ်စဉ်နှင့် ပတ်သက်၍ ငွေစက္ကူအတု များ လက်ဝယ်ထား ရှိသူများ ဖြစ်သည့် အောင်ကျော်လှိုင် ၄၂ နှစ် (ဘ) ဦးတင်လှိုင် ၊ မဘောမ်ဆွမ် ၄၃ နှစ် (ဘ) ဦးယော်ဘောမ် (မြစ်ကြီးနားမြို့ နေသူများ ) နှင့် ရန်ဟုန်စိန် ၃၇ နှစ် (ဘ) ဦးဝမ်ပန်ပေါင် ၊ ကြောင်ကြားရှုတ် ၃၀ နှစ် (ဘ) ဦးကြောင်ရှိရှောက် ( တရုတ်နိုင်ငံ ယူနန်မြို့ နေသူများ ) အား အမှတ်(၁) ရဲတပ်ဖွဲ့ စခန်းမှ (ပ) ၆၆/၂၀၁၃ ၊ ပုဒ်မ ၄၈၉ - ၈ အရ အမှုဖွင့် အရေးယူ ထားကြောင်း သိရှိရသည်။
မြ၀တီ
