ရန်ကုန်၊ မတ်- ၃၀
ကမ္ဘာကျော် ကုန်အမှတ်တံဆိပ်နှင့် အမှတ်အသားများကို မြန်မာနိုင်ငံတွင်း လုပ်ငန်းရှင်အချို့က ၎င်းတို့ လုပ်ငန်းပိုင် ကုန်အမှတ်တံဆိပ်အဖြစ် အသုံးပြု၍ ပိုင်ဆိုင်ကြောင်း ကြေညာမှုများမှာ နိုင်ငံတကာမူပိုင်ခွင့်ဥပဒေအရ တရားမ၀င်ကြောင်း ဥပဒေပညာရှင်များနှင့် လွှတ်တော်ကိုယ်စားလှယ်များက ပြောကြားသည်။
မကြာသေးမီ ရက်ပိုင်းအတွင်း ကမ္ဘာကျော်အမှတ်တံဆိပ်ဖြစ်သည့် အမေရိကန်ကြက်ကြော်ကုမ္ပဏီ KFC အမှတ်တံဆိပ်ကို တစ်ဦးတည်းပိုင်အဖြစ် ပြည်တွင်းမှ လုပ်ငန်းတစ်ခုက နိုင်ငံပိုင်သတင်းစာများတွင် ကြေညာလာသည်ကို တွေ့ရသည်။
ယခင်ကလည်း ကမ္ဘာသိအမှတ်တံဆိပ်များဖြစ်သည့်၊ Google ၊ Guarfield ကာတွန်းဇာတ်ကောင် Asian စသည့် တံဆိပ်များကို ပြည်တွင်းလုပ်ငန်းရှင်များက တစ်ဦးတည်းမူပိုင်ဖြစ်ကြောင်း မှတ်ပုံတင်ကာ သတင်းစာများမှ ကြေညာမှုများရှိခဲ့ကြောင်း သတင်းစာပါ ကြေညာချက်များအရ သိရသည်။
မြန်မာနိုင်ငံတွင် ခိုင်မာသည့် မူပိုင်ခွင့်ဥပဒေတစ်ရပ် ပြဋ္ဌာန်းနိုင်ခြင်းမရှိသေးမီ ယခုကဲ့သို့ ကမ္ဘာကျော်အမှတ်တံဆိပ်များကို မိမိတို့တစ်ဦးတည်း မူပိုင်ဖြစ်ကြောင်းနှင့် အမှတ်တံဆိပ် မူလပိုင်ဆိုင်သူအဖြစ် ကြိုတင်နေရာဦး ကြေညာနေခြင်းမှာ နိုင်ငံနှင့်လူမျိုး၏ ဂုဏ်သိက္ခာကို ထိခိုက်စေပြီး အမှတ်တံဆိပ် မူလပိုင်ဆိုင်သူများအပေါ် လူလည်ကျရာရောက်ကြောင်း Kelvin Chia Law Firm မှ တရားလွှတ်တော်ရှေ့နေ ဦးသန်းမောင်(စစ်တွေ)က ပြောသည်။
ယခုကဲ့သို့ ကြိုတင်နေရာဦးသည့် သဘောဖြင့် ပြည်ပမှအမှတ်တံဆိပ်များကို စာချုပ်စာတမ်းမှတ်ပုံတင်ရုံးတွင် မှတ်ပုံတင်ရုံဖြင့် ယင်းအမှတ်တံဆိပ်၏ မူပိုင်ခွင့်ကို ရရှိမည်မဟုတ်ကြောင်း သိရသည်။
“ငါတို့နိုင်ငံမှာ မူပိုင်ခွင့်မရှိသေးဘူးဆိုပြီး ဦးအောင်မှတ်ပုံပြေးတင်နေတာကတော့ လုံးဝလွဲတယ်လို့ ပြောချင်တယ်။ နိုင်ငံခြားက မူလပိုင်ဆိုင်သူက သိလို့ လာတရားစွဲရင် သန်းပေါင်းများစွာ လျော်ဖို့သာ ပြင်ထားပေတော့လို့ ပြောချင်ပါတယ်”ဟု ၎င်းကပြောသည်။
လွန်ခဲ့သည့်လကလည်း ကမ္ဘာကျော်ကော်ဖီ Starbuck ကော်ဖီ အမှတ်တံဆိပ်ကို ၎င်း၏ကော်ဖီဆိုင် ဆိုင်းဘုတ်တွင် အသုံးပြုခဲ့သည့် ကျော်ကဖီးက မူပိုင်ခွင့် အငြင်းပွားမှုများ မဖြေရှင်းလိုသည့်အတွက် ဆိုင်းဘုတ်တင်ပြီး တစ်ရက်အကြာ ယင်းအမှတ်တံဆိပ်ကို ဖြုတ်ချခဲ့သည်ကို တွေ့ရသည်။ လက်ရှိအချိန်တွင် ကမ္ဘာကျော်အမှတ်တံဆိပ်ကို ပြည်တွင်းမှ ရယူသုံးစွဲထားသူတစ်ဦးထံ မူလပိုင်ဆိုင်သူက ကန့်ကွက်မှုရှိနေပြီး ကြားဝင်ညှိနှိုင်းပေးနေရကြောင်း ဦးသန်းမောင်(စစ်တွေ)က ပြောသည်။
မြန်မာနိုင်ငံတွင် မူပိုင်ခွင့်ဥပဒေ Intellectural Property Law ကို ယခုနှစ် ဇူလိုင်လတွင် ပြဋ္ဌာန်းနိုင်ရန် ရှေ့နေချုပ်ရုံးက ဦးဆောင်ရေးဆွဲနေပြီဖြစ်သည်။ ထို့အပြင် ကမ္ဘာ့နိုင်ငံအများစု ပါဝင်လက်မှတ်ရေးထိုးထားသော ၁၉၈၅ ခုနှစ် နယူးယောက်ကွန်ဗင်းရှင်းတွင် မြန်မာနိုင်ငံမှ လက်မှတ်ရေးထိုးရန် ပြည်ထောင်စုလွှတ်တော်ကလည်း သဘောတူထားပြီးဖြစ်ရာ ပြည်ထောင်စုရှေ့နေချုပ်က မကြာမီ သွားရောက်လက်မှတ်ရေးထိုးတော့မည်ဖြစ်သည်။ ယင်းကွန်ဗင်းရှင်းပါ သဘောတူညီချက်အရ အငြင်းပွားမှုများ ဖြစ်ပေါ်လာပါက အနုညာတခုံရုံးဖွဲ့ စီရင်နိုင်ကြောင်း ပြည်သူ့လွှတ်တော် တရားစီရင်ရေးနှင့် ဥပဒေပြုရေးကော်မတီဥက္ကဋ္ဌ သူရဦးအောင်ကိုက ပြောကြားသည်။
“နိုင်ငံတကာကုမ္ပဏီတွေနဲ့ အငြင်းပွားမှုတွေဖြစ်လာရင် သက်ဆိုင်ရာနိုင်ငံက ဥပဒေပညာရှင်နှစ်ဦး၊ ကိုယ့်နိုင်ငံက ပညာရှင်တစ်ဦးနဲ့ ခုံရုံးဖွဲ့ပြီး ဆုံးဖြတ်စီရင်ရပါတယ်။ ဒီစီရင်ချက်ကို မြန်မာနိုင်ငံက တရားရုံးတွေကလည်း အတည်ပြုပေးပါတယ်။ ဥပဒေမပြဋ္ဌာန်းနိုင်သေးမီစပ်ကြား အနာဂတ်မှာ ဖြစ်ပေါ်လာမယ့် အငြင်းပွားမှုတွေကို အနုညာတခုံရုံးနဲ့ပဲ ဆုံးဖြတ်ရမှာဖြစ်ပါတယ်”ဟု ပြောသည်။
မြန်မာနိုင်ငံတွင် မူပိုင်ခွင့်ဥပဒေ အသက်ဝင်လာပါက လုပ်ငန်းအများစုမှာ မူပိုင်ခွင့်ဥပဒေနှင့် ငြိစွန်းနေသောကြောင့် နိုင်ငံသားများအနေဖြင့် သတိပြုစေလိုကြောင်း ၎င်းက တိုက်တွန်းပြောကြားထားသည်။
7Day News Journal
