လူဇင်ဘာဂ်၊ ဧပြီ ၂၃။
လူ့အခွင့်အရေးစောင့်ကြည့်ရေးအဖွဲ့၏ အစီရင်ခံစာတွင် မူဆလင်များနှင့် ပတ်သက်၍ ရှုတ်ထွေးမှုများရှိနေကြောင်း ရေးသားခဲ့သော်လည်း ဥရောပသမဂ္ဂသည် လက်နက်ရောင်းဝယ်ခြင်းမှလွဲ၍ မြန်မာနိုင်ငံအပေါ် အခြားသော ပိတ်ဆို့ထားခြင်းများ ဖယ်ရှားရေးကို တနင်္လာနေ့က သဘောတူညီခဲ့သည်။
ယခုပိတ်ဆို့အရေးယူမှုကို ဖယ်ရှားခြင်းဖြင့် ဥရောပကုမ္ပဏီများသည် မြန်မာနိုင်ငံတွင် ရင်းနှီးမြှပ်နှံမှုများပြုလုပ်လာနိုင်မည်ဖြစ်သည်။
လွန်ခဲ့သည့်နှစ် မေလက ပိတ်ဆို့အရေးယူမှုကို တစ်ချို့တစ်ဝက်သာဖယ်ရှားခဲ့ပြီး အမေရိကန်ကုမ္ပဏီများကို
ရင်းနှီးမြှပ်နှံစေခဲ့သော အမေရိ ကန်နိုင်ငံသည် ယခု ဖြေလျှော့မှုကြောင့် ဖိအားများရှိလာနိုင်ပြီး အမေရိကန်စီးပွားရေးသမားတစ်ချို့သည် အစိုးရကို ထပ်တိုးပြီး ပိတ်ဆို့အရေး ယူမှု များကို လုံးဝဖယ်ရှားရေးကို တိုက်တွန်းထားကြောင်း သိရသည်။
ဥရောပသမဂ္ဂသည် စစ်အစိုးရပြုတ်ကျပြီး အရပ်သားအစိုးရတက်လာသည့် ၂၀၁၁ ခုနှစ်နောက်ပိုင်း ပြုပြင်ပြောင်းလဲမှုများကို ကြည့်ရှုသုံးသပ် ပြီး ယခုမှသာ ပိတ်ဆို့မှုများကို ဖယ်ရှားခြင်းဖြစ်သည်။
“ပြုပြင်ပြောင်းလဲမှုတွေလုပ်ခဲ့တာတွေအတွက် တုံပြန်မှုတစ်ခုအနေနဲ့လုပ်တာဖြစ်တယ်၊ ရှေ့လျှောက်လည်းပြုပြင်ပြောင်းလဲမှုများ ဆက်လက် လုပ်ဆောင်မယ် လို့ မျှော်လင့်ပါတယ်၊ ခုချိန်မှာတော့ လက်နက်ရောင်းဝယ်မှုကိုပဲ ပိတ်ပင်ထားဖို့ ဆုံးဖြတ်ထားတယ်” ဟု ဥရောပသမဂ္ဂ နိုင်ငံ ခြားရေးဝန်ကြီးများက လူဇင်ဘာဂ် တွင်ကျင်းပသည့် ဆွေးနွေးပွဲအပြီးတွင် ပြောကြားခဲ့သည်။
သို့သော် လူ့အခွင့်အရေးစောင့်ကြည့်ရေးအဖွဲ့က အာဏာပိုင်များသည် မြန်မာနိုင်ငံအနောက်ခြမ်းတွင်ဖြစ်ပွားခဲ့သော ပြဿနာများနှင့် ပတ်သက်၍ လူနည်းစု ဖယ်ရှားရေးလုပ်ဆောင်ခဲ့၍ လူသားကျင့်ဝတ်နှင့် ဆန့်ကျင်ကြောင်း အစီရင်ခံစာထုတ်ပြန်ခဲ့ရာ မြန်မာအစိုးရက အစီရင်ခံစာ သည် တစ်ဖက်သတ်ဖြစ်နေပြီး လက်မခံနိုင်စရာဖြစ်ကြောင်း ငြင်းဆိုချက်ထုတ်ပြန်ခဲ့သည်။
ဗြိတိန်နိုင်ငံခြားရေးဝန်ကြီး ဝီလျံဟေးဂ်က ပဋိပက္ခများရှိသော်လည်း တိုးတက်ဖြစ်ထွန်းလာမှုဟာ ပိတ်ဆို့အရေးယူမှုကို ဖယ်ရှားရန်အတွက် လုံလောက်ကြောင်း ပြောကြားခဲ့သည်။
“ လူနည်းစုနဲ့ပဋိပက္ခတွေ ရပ်တန့်ဖို့ ကြိုးစားလုပ်ဆောင်ဖို့ဟာ အရမ်းအရေးကြီးပါတယ်။ ဥရောပသမဂ္ဂနိုင်ငံတွေဟာ ကူညီနိုင်တဲ့နေရာတွေမှာ ရဲတပ်ဖွဲ့တွေ ကို လေ့ကျင့်ပေးခြင်း နှစ်ဦးနှစ်ဖက်ကြား ငြိမ်းချမ်းရေးဖော်ဆောင်နိုင်ရေးတွေမှာ လုပ်ဆောင်ပေးပါမယ်” ဟု မစ္စတာဟေးဂ်က သတင်းထောက်များကို ပြောကြား ခဲ့သည်။
ဥရောပသမဂ္ဂသည် မြန်မာနိုင်ငံရှိ ကုမ္ပဏီတစ်ထောင်နီးပါး၏ ပိုင်ဆိုင်မှုများကို ထုတ်ခွင့်ပိတ်ထားပြီး ဥရောပဇုံအတွင်းသို့ ဝင်ရောက်ခွင့် ပိတ် ခံရသူ ၅၀၀ခန့်ရှိသည်။
ဥရောပသမဂ္ဂသည် စစ်ရေးနည်းပညာ အကူအညီပေးခြင်းကို ဟန့်တားခဲ့ပြီး မိုင်းခွဲခြင်းလုပ်ငန်း၊ ကျွန်းသစ်နှင့် ကျောက်မျက်ရောင်းဝယ်ရေး နယ်ပယ်တွင် ရင်းနှီးမှုမြှပ်နှံ မှုကိုလည်း ပိတ်ဆို့ခဲ့သည်။
Ref:Reuters
The Myanma Age
လူ့အခွင့်အရေး အစီရင်ခံစာ ထုတ်သော်လည်း မြန်မာနိုင်ငံအပေါ် ပိတ်ဆို့မှုဖယ်ရှား
Labels:
ပြည်ပသတင်း