ကမ္ဘာ့ရွှေဈေးနှုန်းကျဆင်းမှုနှင့်အတူ ဈေးထိုးကျနေသော မြန်မာ့ရွှေဈေးမှာ ယနေ့တွင်မူ အခေါက်ရွှေတကျပ်သားလျှင် ငွေကျပ် ၄၀၀၀၀ နီးပါးပြန် လည် မြင့်တက်လာကြောင်း ဈေးကွက်အတွင်းမှ စုံစမ်းသိရှိရသည်။
ယမန်နေ့က ဈေးကွက်ဖွင့်ချိန်တွင် အခေါက်ရွှေတကျပ်သားလျှင် မြန်မာငွေ ကျပ် ၆၆၈၅၀၀ ကျပ်ဖြင့်ဈေးဖွင့်ခဲ့ပြီး ညနေပိုင်းတွင် ၆၉၀၀၀၀ ကျပ်ဝန်းကျင် ဈေးပိတ်ခဲ့သည်။
ယနေ့တွင်မူ အခေါက်ရွှေတကျပ်သားလျှင် မြန်မာငွေကျပ် ၇၁၁၀၀၀( ခုနစ်သိန်း တသောင်းတထောင်) ကျပ်ဈေးရှိပြီး အရောင်းအ၀ယ်စည်ကားလျက်ရှိကြောင်း ဈေးကွက်အတွင်းမှ သိရှိရသည်။
မြန်မာ့ရွှေဈေးပြန်လည်မြင့်တက်ရခြင်းမှာကမ္ဘာ့ရွှေ ဈေးပြန်လည်မြင့်တက်လာ ခြင်းကြောင့်ဖြစ်ပြီး ရွှေတအောင်စလျှင် အမေရိကန်ဒေါ်လာ ၁၄၁၇ ဒသမ ၁၆ ဈေးရှိပြီး ရွှေတအောင်စလျှင် အမေရိကန်ဒေါ်လာ ၁၃၃၈ ထိ အနိမ့်ဆုံးဈေးကျဆင်းခဲ့သည်။
အမေရိကန်ဒေါ်လာမှာမူ ပြင်ပဈေးကွက်တွင် တဒေါ်လာ ၈၈၅ ကျပ်နှင့် ၈၉၀ ကျပ်အကြား ဈေးပေါက်လျက်ရှိကြောင်း ဈေးကွက်အတွင်းမှ သိရှိရသည်။
The Irrawaddy (Burmese Version)
အခေါက်ရွှေတကျပ်သား ငွေကျပ် ၄၀၀၀၀ နီးပါး ပြန်တက်
Labels:
ပြည်တွင်းသတင်း