ရန်ကုန်၊ ဧပြီ ၂၁။
နိုင်ငံ၏ အကောင်းဘက်သို့ ပြောင်းလဲနေသော ဖြစ်စဉ်များအပေါ် လုပ်ဆောင်နေသူများအား ချီးမြှောက်သည့်အနေဖြင့် ပြည်ထောင်စု ငြိမ်းချမ်းရေး ခေါင်းစဉ်ဖြင့် မြေနီကုန်းမှ အင်းလျားကန်ဘောင်ထိ
လမ်းလျောက်ပွဲကို လူအင်အား တစ်ရာခန့်ဖြင့် ယနေ့နံနက် ရှစ်နာရီခွဲတွင် ပြုလုပ်ခဲ့ကြကြောင်း သိရသည်။
ဒီမိုကရေစီ အသွင်ကူးပြောင်းရေး ကာလတွင် အကောင်းဘက်သို့ ပြောင်းလဲတိုးတက်နေသော အဖြစ်အပျက်လုပ်ဆောင်ချက်များ၊ နိုင်ငံတော် သမ္မတဦးသိန်းစိန် အပါအဝင် ငြိမ်းချမ်းရေးနှင့် ပတ်သက်၍ ယခုလက်ရှိလုပ်ဆောင်နေသော အဖွဲ့အစည်းများ၏ ဆောင်ရွက်ချက်များအား ပိုမို သိမြင်၍ လက်တွဲပါဝင် လာနိုင်စေရန်ချီးမြှောက်ဂုဏ်ပြုသည့် အနေဖြင့် ယခုကဲ့သို့ ငြိမ်းချမ်းရေး လမ်းလျောက်ပွဲကို စမ်းချောင်းနှင့်ကမာရွတ်မြိ်ု့နယ် ရဲစခန်များမှ တရားဝင်ခွင့်ပြုချက်ရယူ၍ စီစဉ် ရခြင်း ဖြစ်ကြောင်း ဦးဆောင်သူတစ်ဦးဖြစ်သည့် ဦးဆွေဆန်းဦးက ပြောကြားသည်။
“အကြိမ်ကြိမ် ကျွန်တော်တို့ ကြိုးစားရမှာပေါ့။ နောက်ထပ် လေးလတစ်ကြိမ် လေးလတစ်ကြိမ် လုပ်နေမယ်ပေါ့။ လုပ်နေတဲ့ အခါကျလို့ရှိရင် ပြည်သူတွေကနေ ငြိမ်းချမ်းရေးနဲ့ ပတ်သက်ပြီးတော့ စိတ်ပါဝင်စားလာမယ်။ ငြိမ်းချမ်းရေးနဲ့ ပတ်သက်ပြီးတော့ သူတို့တွေ ဘယ်လို အခန်းကဏ္ဍကနေရပ်တည်ရမယ်ဆိုတာကို သိလာမယ်”ဟု ယင်းက ဆက်လက်ပြောကြားသည်။
တစ်ကြိမ်တစ်ခါ ဆောင်ရွက်ရုံဖြင့် အောင်မြင်မှု ရရှိနိုင်မည် မဟုတ်ဘဲ အကြိမ်ကြိမ် ကြိုးစားရမည်ဖြစ် ကြောင်း၊ လေးလတစ်ကြိမ် ငြိမ်းချမ်းရေးအတွက် လမ်းလျောက် သွားမည်ဖြစ်ကြောင်း၊ ထိုသို့ပြုလုပ်ခြင်းအားဖြင့် ပြည်သူများ ငြိမ်းချမ်ရေးကို ပိုမို စိတ်ဝင်စားလာပြီး ပူးပေါင်းဆောင်ရွက်လာစေရန်လည်း ရည်ရွယ်ကြောင်း၊ ပထမဆုံးအကြိမ် လမ်းလျောက်ခြင်းဖြစ်သည့် အတွက် ကြီးမားသည့် မျှော်လင့်ချက် မရှိကြောင်း၊ ပြည်သူများ၏ စ်ိတ်အတွင်း၌လည်း ငြိမ်းချမ်းရေးနှင့် ပတ်သက်၍ ရင်းနှီးမှုလည်း အားနည်းနေသေးကြောင်း၊ ယခုကဲ့သို့ လမ်းလျောက်ခြင်းအပေါ် စိုးရွံ့စိတ်များ ရှိနေကြသေးကြောင်း၊ အလွှာပေါင်းစုံမှ ပါဝင်ဆောင်ရွက်မှသာ ငြိမ်းချမ်းရေး ဖြစ်စဉ်ပိုမို အားကောင်းလာနိုင်ကြောင်းလည်း ဆက်လက်ပြောကြားသည်။
ပြည်သူများအနေဖြင့် နိုင်ငံတော် သမ္မတဦးသိန်းစိန် ပြောကြားခဲ့သည့် အချက်များနှင့်အညီ နိုင်ငံသားအားလုံးလူမျိုးဘာသာမရွေး တစုတစည်းထဲ ပူးပေါင်း ဆောင်ရွက်စေလိုကြောင်း၊ အရေးပါသည့် စကားများကိုလေးစားလိုက်နာစေလိုကြောင်း၊ ယခုလမ်းလျောက်ပွဲအား စိတ်ဝင်စားသည့် အတွက် ယခုကဲ့သို့ လာရောက်ပူးပေါင်းဆောာင်ရွက်ခြင်း ဖြစ်ကြောင်း၊ ငြိမ်းချမ်းရေးနှင့် ပတ်သက်ပြီး အားလုံး တစ်စုတစ်ဝေးတည်းဖြစ်စေချင်သည့်အတွက် ယခုကဲ့သို့ One Myanmar ဟူသော ခေါင်းစဉ်ဖြင့် ဆောင်ရွက်ခြင်းဖြစ်ကြောင်း၊ အားလုံး တစ်စုတစ်စည်းတည်း တစ်စိတ်တစ်ဝမ်းတည်း ဖြစ်စေချင်သည့် ရည်ရွယ်ချက်ဖြင့်ဆောင်ရွက်ခြင်းဖြစ်ကြောင်း ငြိမ်းချမ်းရေး လမ်းလျောက်ရာတွင် လိုက်ပါသူ တစ်ဦးဖြစ်သည့် ကိုရဲကပြောကြားသည်။
ငြိမ်းချမ်းရေးနှင့် ပတ်သက်ပြီး ယခုကဲ့သို့ လမ်းလျောက်ခြင်းအား စိုးရွံ့မှုများဖြစ်ပွားနေခြင်းမှာ ပြများ အနေဖြင့် ဒီမိုကရေစီနှင့် ပတ်သက်၍ ယဉ်ကျေးမှုအားနည်းနေခြင်းကြောင့် ဖြစ်ပြီး၊ ဒီမိုကရေစီ ယဉ်ကျေးမှု အားကောင်းလာပါက ငြိမ်းချမ်းရေးနှင့်ပတ်သက်၍ အားကောင်းလာနိုင်ကြောင်း၊ ငြိမ်းချမ်းရေး ကို အောက်ခြေအဆင့်မှ စ၍ အားလုံးလိုက်ပါဆောင်ရွက် လာစေရန် ဆောင်ရွက်သွားမည်ဖြစ်ကြောင်း၊ အပေါ်မှ လုပ်ဆောင်ရုံဖြင့် ငြိမ်းချမ်းရေးလုပ်ဆောင်သည်ဟု မခေါ်ဆိုနိုင်ကြောင်း၊ အောက်ခြေမှများပါ ပါဝင်ဆောင်ရွက်သင့်ကြောင်း၊ငြိမ်းချမ်းရေးဆိုသည်မှာ ပြည်သူအားလုံးနှင့် သက်ဆိုင်ကြောင်း ဦးဆွေဆန်းဦး မှ ဖြည့်စွက်ပြောကြားသည်။
ငြိမ်းချမ်းရေး ဖြစ်စဉ် ပိုမို အားကောင်းလာစေရန်အတွက် လေးလလျှင်တစ်ကြိမ် ယခုကဲ့သို့ ငြိမ်းချမ်းရေးလမ်လျောက်မှု လုပ်ဆောင်သွားမည်ဖြစ်ပြီး ပြည်သူအားလုံး ငြိမ်းချမ်းရေး ဖြစ်စဉ်တွင် ပူးပေါင်း
ဆောင်ရွက် ပေးစေလိုကြောင်းလည်း ပြောကြားခဲ့သည်။
ဝေယံ
The Myanmar Age
