ကယား၊ ဧပြီ ၁၀။
ယနေ့တွင် ၁၃ကြိမ်မြောက်အဖြစ် ကျင်းပသော ကယန်းအမျိူးသားနေ့အား နေပြည်တော်၊ လယ်ဝေးမြို့နယ် အောင်နန်းချိုရွာတွင် ပြုလုပ်ရန်အတွက် ပွဲကျင်းပရေး ကော်မတီဖြစ်သော ကယန်းစာပေနှင့် ယဉ်ကျေးမှုအဖွဲ့မှ မြို့နယ် အုပ်ချုပ်ရေးမှူးသို့ မတ်လတွင် စာတင်ခဲ့ရာ ခွင့်ပြုချက် မရသောကြောင့် ပင်လောင်းမြို့နယ်၊ တလိုင်းမကျေးရွာတွင် ပြုလုပ်ရန် စီစဉ်ခဲ့ကြပြီး ယင်းအမျိုးသားနေ့ မတိုင်မီ ၄ရက်အလိုတွင် ပြန်လည်ခွင့်ပြုလိုက်သောကြောင့် ကယန်း အမျိုးသားနေ့အား စည်ကားစွာ ကျင်းပနိုင်ခြင်း မရှိကြောင်း ကယန်းမျိုးဆက်သစ် လူငယ်များက ပြောကြသည်။
“အခမ်းအနား ဖြစ်အောင်ပဲ မနည်းလုပ်လိုက်ရတယ် ။ အရင်တုန်းက ပြင်ဆင်ထားတဲ့ အောင်နန်းချိုရွာမှာ လုပ်ဖို့ကို ပိတ်လိုက်တော့ ပင်လောင်းမြို့နယ်၊ တလိုင်းမကျေးရွာ(ပေါင်းလောင်းဒေသ)မှာပဲ အရေးပေါ် ပြန်စီစဉ်လိုက်ရတဲ့ သဘောပါ။ တက်ရောက်တဲ့ လူအင်အားလည်း နည်းပါတယ်။ တစ်ထောငတောင် မပြည့်လောက်ဘူး။
ဒါပေမယ့် နိုင်ငံရေး အဖွဲ့အစည်းတွေ အချို့တက်ရောက် လာပါတယ်။ လူ့ဘောင်သစ်၊ ၈၈၊ ဗကသ၊ ကယန်းပြည်သစ်၊ ကယန်းလူငယ်၊ ကယန်းအမျိုးသမီး ၊ ကိုယ်တော်မှိုင်း ငြိမ်းချမ်းရေးကွန်ယက်စတဲ့အဖွဲ့တွေက သဝဏ်လွှာတော့ ပို့ကြတယ်။ အဲဒီအထဲမှာ ကယန်းပြည်သစ် ပါတီရဲ့ သဝဏ်လွှာနဲ့ ကယန်းမျိုးဆက်သစ် လူငယ်ရဲ့သဝဏ်လွှာကတော့ တော်တော်ပြင်းပြင်း ထန်ထန်ပဲ။
ပျဉ်းမနားမြို့နယ်မှာရှိတဲ့ ကယန်းလူထုတွေကို ပွဲအခမ်းအနား သွားမတက်ဖို့ အာဏာပိုင်တွေက တားဆီးတယ် ဆိုတာတော့ ခပ်သည့်သည့်လေး ကြားလိုက်တယ်” ဟု ကယန်းလူငယ် ကွန်ယက်မှ ကိုအသန်းက ပြောကြားသည်။
ယင်းကိစ္စနှင့် ပတ်သက်၍ လယ်ဝေးမြို့နယ် အုပ်ချုပ်ရေးမှူးသို့ ဆက်သွယ်မေးမြန်းရာ ယင်းအခမ်းအနားအား ခွင့်ပြုခဲ့ခြင်း လုံးဝမရှိကြောင်း၊ နေပြည်တော်တွင် ပြုလုပ်မည့် ညစာစားပွဲကိုလည်း အခက်အခဲ မရှိစေနိုင်ဘဲ မူလအခြေအနေ အတိုင်းသာ ခွင့်ပြုထားသည်ဟု ပြောကြားသည်။ ၎င်းကယန်း အမျိုးသားနေ့ ကျင်းပရန် ခွင့်ပြုချက်အား နေပြည်တော် ကောင်စီတွင် စတင်၍ စာတင်ခဲ့ကြခြင်းဖြစ်ပြီး ပြန်လည်ခွင့်ပြုခြင်း ဆိုသည်မှာလည်း ၎င်းအနေဖြင့် လုံးဝမသိခဲ့ကြောင်း၊ လယ်ဝေးမြို့နယ် အနေဖြင့် ခွင့်ပြုခဲ့ခြင်း မရှိကြောင်း ဆက်လက်ပြောကြားသည်။
ယင်းသို့ ကယန်းအမျိုးသားနေ့ အခမ်းအနားအား လယ်ဝေးမြို့နယ်၊ အောင်နန်းချို ရွာတွင် ပြုလုပ်ရန် စီစဉ်ထားခြင်းကို အစိုးရက ပိတ်ပင်လိုက်ခြင်းသည် ကယန်းလူမျိုးများ၏ တိုင်းရင်းသားတန်းတူအခွင့်အရေးကို ပိတ်ပင်လိုက်ခြင်း ဖြစ်ကြောင်း၊ ပျောက်ကွယ်လုမတတ် ဖြစ်နေသော ကယန်းလူမျိုးများ၏ ယဉ်ကျေးမှုကို ထိန်းသိမ်းနိုင်ရန် အစိုးရက ကမကထ ပြုလုပ်ရမည့်အစား ယခုကဲ့သို့ ပိတ်ပင်ခြင်းများနှင့် ကြုံရခြင်းသည် အစိုးရကို ကယန်းလူမျိုးများ အနေဖြင့် ယုံကြည်ရန် ခက်ခဲသွားစေကြောင်း၊ ကယန်းလူမျိုးများကဲ့သို့ပင် အခြားသော တိုင်းရင်းသားများလည်း စိတ်အေးနိုင်မည် မဟုတ်ပါကြောင်း၊ ကယန်းလူမျိုးများ၏ အခွင့်အရေးကို ပိတ်ပင်ခြင်းသည် တစ်နည်းအားဖြင့် တိုင်းရင်းသားများ၏ တန်းတအူခွငအရေးကို ချိုးနှိမ်ထားရာရောက်ပြီး ယခုအစိုးရက တည်ဆောက်နေသော ငြိမ်းချမ်းရေး လုပ်ငန်းများ အပေါ်တွင် သံသယများ တိုးလာစေလာနိုင်သည်ဟု ကယန်းအဖွဲ့အစည်းများက သုံးသပ်နေကြခြင်းဖြစ်သည်။
အောင်သိုက်
မြန်မာ့ခေတ်
