Saturday, April 13, 2013
ရန်ကုန်၊ ဧပြီ ၁၂။
ယခုနှစ် မြန်မာနိုင်ငံတွင် ဒီဇင်ဘာလ ၁၁ရက်နေ့တွင် ကျင်းပမည့် ဆီးဂိမ်းပြိုင်ပွဲတွင် ဖွင့်ပွဲ၊ ပိတ်ပွဲများကို လူဦးရေ တစ်သာင်းကျော် ပါဝင် ဖျော်ဖြေ တင်ဆက်ကြမည်ဖြစ်ပြီး ကုန်ကျစားရိတ်အားလုံးအား ဆီးဂိမ်းအပြီးတွင် စားရင်းအတိအကျကို ပွင့်လင်းမြင်သာစွာဖြင့် ချပြသွားမည်ဖြစ်ကြောင်း ယဉ်ကျေးမှုဝန်ကြီးဌာန၊ အနုပညာဦးစီးဌာန၏ ဆီးဂိမ်း ဖွင့်ပွဲ၊ ပိတ်ပွဲကျင်းပရေးကော်မတီမှ သိရသည်။
“ပြည်ထောင်စုဖလားတုန်းကတောင် ပွင့်လင်းစွာ ချပြခဲ့တယ်။ ငှက်ပျောသီး ဘယ်နှစ်ဖီး လှူတာကအစ အကုန်သတင်းစာ တစ်မျက်နှာလုံး ဖော်ပြခဲ့တယ်။ အခုလည်း အတိအကျ ထုတ်ပြန်မှာ ဖြစ်တယ်။ ငွေကြေးပမာဏ အတိုင်းအတာက အရမ်းများပါတယ်။ ခန့်မှန်းကိုပြောဖို့ အချိန် စောနေပါသေးတယ်” ဟု ယဉ်ကျေးမှု ဝန်ကြီးဌာန၊ အနုပညာဦးစီးဌာနမှ ညွှန်ကြားရေးမှူး ဦးရန်နိုင်ဦးက ပြောကြားသည်။
လူတစ်သောင်းကျော် ပါဝင်ဖျော်ဖြေမည့် ယင်းဖွင့်ပွဲ၊ ပိတ်ပွဲတွင် တက္ကသိုလ်မှ ကျောင်းသား/သူများ၊ အခြခံပညာ ဦးစီးဌာနမှ အထက်တန်း ကျောင်းသား/သူ များ၊ ပြည့်သူ့ရဲတပ်ဖွဲ့ဝင်များကလည်း ပူးပေါင်းပါဝင် တင်ဆက်ကြမည် ဖြစ်ကြောင်းလည်း သိရသည်။
ယင်းဆီးဂိမ်းဖွင့်ပွဲ၊ ပိတ်ပွဲတွင် အခြားအာဆီယံ နိုင်ငံများမှ အနုပညာရှင်များကလည်း တစ်နိုင်ငံလျှင် ၃၅ဦးနှုန်းဖြင့် ပါဝင်ဖျော်ဖြေကြမည် ဖြစ် ရာ ယခုလကုန်တွင် ယင်းတို့ပါဝင်ဖျော်ဖြေကြမည့် သီချင်းများ၊ အကများ၊ ဝတ်စုံများကို ဆီးဂိမ်းဖွင့်ပွဲ၊ ပိတ်ပွဲကျင်းပရေး ကော်မတီတွင် တင်ပြ ကြမည်ဖြစ်ကြောင်းလည်း သိရသည်။ ထို့သို့တင်ပြလာသော အကပုံစံများကို မြန်မာအကများဖြင့် ပေါင်းစပ်၍ ဖွင့်ပွဲ၊ ပိတ်ပွဲကို ဖျော်ဖြေ တင်ဆက်ကြမည် ဖြစ်ကြောင်း သိရသည်။
ယင်းဆီးဂိမ်းပိတ်ပွဲတွင် ၂၀၁၅ခုနှစ်၌ ၂၈ကြိမ်မြောက် ဆီးဂိမ်းပြိုင်ပွဲအား အိမ်ရှင်အဖြစ် လက်ခံကျင်းပမည့် စင်ကာပူနိုင်ငံက အနုပညာတင်ဆက်မှုများဖြင့် တင်ဆက်ပြသကြပြီး ဆီးဂိမ်းအလံကို လွှဲပြောင်းလက်ခံမည် ဖြစ်ကြောင်းလည်း သိရသည်။ ၂၆ကြိမ်မြောက် ဆီးဂိမ်းပြိုင်ပွဲအား အင်ဒိုနီးရှားနိုင်ငံတွင် ကျင်းပခဲ့ခြင်း ဖြစ်သည်။
အောင်သိုက်
မြန်မာ့ခေတ်
