ဂျာမန် ဘွန်းဒစ်လီဂါ ချန်ပီယံဆုကြီးကို ရာသီမကုန်ခင် ကတည်းက သိမ်းပိုက် ရယူထားသည့် ဘိုင်ယန်အသင်းသည် ဆုဖလား လက်ခံရယူသည့် ဂုဏ်ပြုပွဲတွင် ဘီယာများနှင့် အောင်ပွဲခံခဲ့
May 14 13
မွတ်ဆလင်တစ်ဦးအနေဖြင့် အရက်နှင့် ကင်းကင်းနေရန် ကြိုးစားခဲ့သော်လည်း ဘိုင်ယန်မြူးနစ် ကစားသမား ဖရန့်ခ် ရစ်ဘာရီ အနေဖြင့် အပျော်လွန်နေသော အသင်းဖော်များ လက်မှ ပြေးမလွတ်ခဲ့ရှာချေ။ ဂျာမန် ဘွန်းဒစ်လီဂါ ချန်ပီယံဆုကြီးကို ရာသီမကုန်ခင် ကတည်းက သိမ်းပိုက် ရယူထားသည့် ဘိုင်ယန်အသင်းသည် ဆုဖလား လက်ခံရယူသည့် ဂုဏ်ပြုပွဲတွင် ဘီယာများနှင့် အောင်ပွဲခံခဲ့သည်။ အသက်(၃၀)အရွယ် ပြင်သစ် လက်ရွေးစင် တောင်ပံ ကစားသမားက မိမိ၏ ဘာသာရေး ကိုးကွယ်မှုအရ အရက်နှင့် ကင်းကင်းနေလိုကြောင်း အသင်းဖော်များကို ပြောဆိုကာ ခပ်ဝေးဝေးသို့ တိမ်းရှောင်နေခဲ့သော်လည်း အသင်းဖော်များက ဘီယာဖြင့် အတင်း သွန်းလောင်း ကျီစယ်ခြင်းကို ခံခဲ့ရသည်။
![](https://fbcdn-sphotos-e-a.akamaihd.net/hphotos-ak-ash4/264482_10151427648259067_1439399222_n.jpg)
အော့စ်ဘာ့ဂ်ကို (၃-၀)ဖြင့် အနိုင်ယူပြီးနောက် ပြုလုပ်သည့် အောင်ပွဲခံ အခမ်းအနားတွင် ဘိုင်ယန် အသင်းဖော် ဂျရိုမီ ဘိုတန်းက ရစ်ဘာရီနောက် ပြေးလိုက်လာကာ ဘီယာခွက်ကြီးဖြင့် လောင်းချခဲ့သည်။ ရစ်ဘာရီ အနေဖြင့် ယင်းအခြေအနေတွင် မည်သည့် တုံ့ပြန်မှုမျှ မရှိခဲ့သော်လည်း ဘိုတန်၏ လုပ်ရပ်အတွက် အတန်ငယ် မပျော်မရွှင် ဖြစ်သွားဟန်တူကြောင်း ပရိသတ်များက ဆိုသည်။ ရစ်ဘာရီသည် ဘီယာရွှဲရွှဲစိုနေသည့် ဓာတ်ပုံတွင် "ကျွန်တော်တော့ ဘိုတန်ကို စကားမပြောတော့ဘူး။ ကျွန်တော် မွတ်ဆလင်ဆိုတာ သူသိလျှက်သားနဲ့"ဟု ပုံစာရေးထိုးကာ အင်တာနက်တွင် လွှင့်တင်ခဲ့သေးကြောင်း သတင်းများ ထွက်ပေါ်ခဲ့သည်။ သို့သော်လည်း အဆိုပါ လုပ်ရပ်ကို ရစ်ဘာရီ အစပြုခြင်း ဟုတ်မဟုတ် ၎င်းရော၊ အေးဂျင့်ကပါ အတည်မပြုခဲ့ချေ။
![](https://fbcdn-sphotos-d-a.akamaihd.net/hphotos-ak-ash4/321367_10151427657734067_810673825_n.jpg)
ရစ်ဘာရီသည် ငယ်ဘဝက အချစ်ဦး ဖြစ်ခဲ့သော ဝါဟီဘာကို လက်ထပ်ရန်အတွက် မွတ်ဆလင် ဘာသာဝင်အဖြစ် ခံယူခဲ့သည်။ ၎င်းတို့ ဇနီးမောင်နှံတွင် သမီးနှစ်ဦး ရှိသည်။ မီဒီယာများကြားတွင် ဘောလုံးနှင့် မသက်ဆိုင်သည့် ရစ်ဘာရီ၏ ပုံရိပ်ကို တွင်တွင်ကျယ်ကျယ် ဖော်ပြခံရမှုသည် ယခုတစ်ကြိမ် ပထမဆုံး မဟုတ်ချေ။ ရစ်ဘာရီသည် ပြီးခဲ့သည့် နှစ်ပိုင်းများ အတွင်းက အသက်မပြည့်သေးသည့် မော်ရိုကို ပြည့်တန်ဆာ တစ်ဦးနှင့် ဇာတ်ရှုပ်ခဲ့မှုအတွက် လူသိရှင်ကြား အရှက်ကွဲခဲ့သည်။
Source: DailyMail
Planet Myanmar Network