မြန်မာ့ကျောက်စိမ်း ပြည်ပတင်ပို့မှုမှ ရငွေမှာ နှစ်နှစ်အတွင်း ၆ ဆကျော်
အထိ ပြန်လည်ကျဆင်းသွား ခဲ့ရသည်ဟု စီးပွားရေးနှင့် ကူးသန်းရောင်း
ဝယ်ရေး ၀န်ကြီးဌာနမှ ထုတ်ပြန်ထားသည့် ကိန်းဂဏန်းများအရ သိရသည်။
ယင်းအပြင် ကျောက်စိမ်းထုတ်ယူနိုင်မှုမှာလည်း ကချင်ပြည်နယ် ဒေသတွင်း အခြေအနေများကြောင့် နှစ်ဆမှ သုံးဆအထိ ထိုးကျခဲ့ရကြောင်း ကျောက်စိမ်း
ထုတ်လုပ်သည့် လုပ်ငန်းရှင်များက ပြောကြားခဲ့ကြသည်။
မြန်မာ့ကျောက်စိမ်းအား ပြည်ပသို့ တင်ပို့ရာတွင် ၂၀၁၀-၂၀၁၁ ဘဏ္ဍာ
aရးနှစ်က အမေရိကန်ဒေါ်လာ သန်း ၂၂၀၀ ကျော် ရရှိခဲ့သော်လည်း ၂၀၁၁-၂၀၁၂ ဘဏ္ဍာရေးနှစ်တွင် ဒေါ်လာသန်း ၇၈၀ ကျော်သာ ရရှိသည်အထိ ထိုးဆင်းခဲ့သည်။
ဆက်လက်၍ ၂၀၁၂-၂၀၁၃ ဘဏ္ဍာရေးနှစ်တွင်မူ ကျောက်စိမ်းတင်ပို့မှုမှ ရငွေမှာ အမေရိကန်ဒေါ်လာ ၃၂၆ သန်း နီးပါးသာ ရရှိသည့်အတွက် အစိုးရသစ်လက်ထက် နှစ်နှစ်အတွင်း ကျောက်စိမ်းတင်ပို့မှုမှ ရသည့်
နိုင်ငံခြားငွေ ပမာဏမှာ ၆ ဆအထိ ထိုးကျခဲ့ရသည်။
အဓိက အကြောင်းရင်းမှာ မြန်မာ့ကျောက်စိမ်း အဓိက၀ယ်လက် တရုတ်နိုင်ငံသည် မြန်မာနိုင်ငံမှ တင်သွင်းသည့် ကျောက်စိမ်းများ
အပေါ် အခွန်နှုန်း အဆမတန် တိုးမြှင့်လိုက်သည့်အတွက် ၀ယ်လိုအား ကျဆင်းခဲ့ရခြင်းဖြစ်ကြောင်း သိရသည်။
တရားဝင် ၀ယ်လိုအားသာ ကျဆင်းခဲ့ပြီး မှောင်ခိုကုန်သွယ်မှုပိုင်းတွင် ကျဆင်းမှုမရှိဘဲ မြန်မာ-တရုတ် နယ်စပ်ကုန်သွယ်ရေး လမ်းကြောင်း
တစ်လျှောက် ရှောင်ကွင်းလမ်းများမှတစ်ဆင့် မှောင်ခိုလျက်ရှိကြောင်း သိရသည်။
ကျောက်စိမ်းထုတ်လုပ်နိုင်မှုမှာ ၂၀၁၁ -၂၀၁၂ ဘဏ္ဍာရေးနှစ်က တန်ချိန်ပေါင်း ၄၃ သန်းအထိ ရှိသော်လည်း ယခုနှစ်တွင်မူ ကျောက်စိမ်း
တန်ချိန်ပေါင်း ၁၃ သန်းသာ ထုတ်ယူနိုင်ခဲ့ကြောင်း သိရသည်။
ယခု ၂၀၁၃-၂၀၁၄ ဘဏ္ဍာရေးနှစ်မှစ၍ မြန်မာနိုင်ငံ၏ ကျောက်စိမ်း
တင်ပို့မှုမှ ရငွေမှာ ပြန်လည်မြင့်တက် လာနိုင်မည်ဖြစ်ကြောင်းနှင့် လာမည့်နေပြည်တော် ကျောက်မျက်ပြပွဲပြီးပါက နိုင်ငံတကာ ၀ယ်လို
အားကို ခန့်မှန်းတွက်ချက် နိုင်မည်ဟု ကျောက်စိမ်းလုပ်ငန်းရှင်များက သုံးသပ်သည်။
ဘဏ္ဍာရေးနှစ်အလိုက် ကျောက်စိမ်းတင်ပို့မှုမှ ရငွေ (အမေရိကန်ဒေါ်လာ၊ သန်း)
ဘဏ္ဍာရေးနှစ် တန်ဖိုး
၂၀၀၆-၂၀၀၇ ၃၅၅ .၅၈၀
၂၀၀၇-၂၀၀၈ ၆၂၁ .၂၃၀
၂၀၀၈-၂၀၀၉ ၆၅၇ .၅၉၀
၂၀၀၉-၂၀၁၀ ၉၆၄ .၈၂၀
၂၀၁၀-၂၀၁၁ ၂၂၀၄ .၉၂၆
၂၀၁၁-၂၀၁၂ ၇၈၆ .၀၀၀၀
၂၀၁၂-၂၀၁၃ ၃၂၅ .၉၀၀
ဘဏ္ဍာရေးနှစ်အလိုက် ကျောက်စိမ်းထုတ်လုပ်မှု (ကီလိုဂရမ်)
ဘဏ္ဍာရေးနှစ် ကျောက်စိမ်း
၂၀၀၆-၂၀၀၇ ၂၀၄၅၈၂၇၉
၂၀၀၇-၂၀၀၈ ၂၀၂၃၅၀၃၀
၂၀၀၈-၂၀၀၉ ၃၂၉၂၁၅၄၂
၂၀၀၉-၂၀၁၀ ၂၅၇၉၅၄၁၅
၂၀၁၀-၂၀၁၁ ၄၆၈၁၀၁၂၀
၂၀၁၁-၂၀၁၂ ၄၃၁၈၅၃၃၉
၂၀၁၂-၂၀၁၃ ၁၃၃၄၉၂၅၄
eleven media group
