သမိုင်းဝင် သျှစ်သောင်းဘုရားပွဲတော်ကို နှစ်စဉ်နှစ်တိုင်း ကဆုန်လ (မေလ)တွင် ကျင်းပလေ့ရှိကာ ညပွဲအဖြစ် ဇာတ်သဘင်များနှင့် ပွဲကြည့်ပရိတ်သက်များအား ဖျော်ဖြေလေ့ရှိပြီး ယခုနှစ်တွင် အကြောင်းအမျိုးမျိုးကြောင်း ဒေသအခြေအနေအရ ညပွဲအစီအစဉ်ကို ဖျက်သိမ်းလိုက်သော်လည်း ယခင်နှစ်များထက် စည်းကားလျှက်ရှိသည်ကို သျှစ်သောင်းဂေါပကအဖွဲ့မှ ဥက္ကဌဖြစ်သူ ဦးစံမောင်က ပြောသည်။
“ ဒီနှစ်တော့ ညပွဲအစီအစဉ်မရှိဘူး။ ညပွဲမပါတာက လုံခြုံရေးကြောင်းရယ်၊ ဒီအချိန်မှာ ဇာတ်သဘင်ကလည်းမရှိတော့ဘူး ဆိုတာရယ် အဲဒါတွေကြောင့် ဖြစ်ပါတယ်။ ဒါပေမယ့် အရင်နှစ်ကထက် စာရင်တော့ တော်တော်လေးကို စည်းကားပါတယ်။ ဘာဖြစ်လို့လဲဆိုတော့ ကျနော်တို့ ဂေါပကအဖွဲ့ကနေ ဒီဘုရားပွဲကို မလုပ်ဘဲနဲ့ မြို့လူထုကို လုပ်ခွင့်ပေးလိုက်ရင် ကောင်းမယ်ထင်တာကြောင့် ပေးလိုက်ပါတယ်။ မြို့လူထုထဲမှာလည်း ကျင်ဆိုရင် ကျင်ဝါသနာရှင်တွေရှိတယ်။ ပြိုင်လောင်းဆိုရင် ပြိုင်လောင်း ၀ါသနာရှင်တွေရှိတယ်။ ဘောလုံးဆိုရင် ဘောလုံး ၀ါသနာရှင်တွေရှိတယ်။ သူတို့ကိုအပ်လိုက်တော့ သူတို့ကလည်း တာဝန်ယူလုပ်ဆောင်ကြတဲ့အတွက် ပိုစည်းကားတာဖြစ်ပါတယ်။ ” ဟု ပြောသည်။
သျှစ်သောင်းဘုရားပွဲတော်၏ အစိတ်အပိုင်းများဖြစ်သော ပွဲစဉ်ငယ်များဖြစ်သည့် ရခိုင့်ရိုးရာ ပြိုင်လောင်းပြိုင်ပွဲ (လှေလှော်ပြိုင်ပွဲ) ကို ဆန်စက်လုပ်ငန်းရှင်များအဖွဲ့မှ ဦးစီးလုပ်ဆောင်ကြကာ၊ ဘောလုံးပွဲကိုမှု သစ်စက် လုပ်ငန်းရှင်များက ဦးစီးလုပ်ဆောင်ကြပြီး၊ ရခိုင့်ရိုးရာ ကျင်ပွဲကို ဈေးအဖွဲ့မှ ဦးစီးလုပ်ဆောင်ကြကြောင်း သိရသည်။
ဆက်လက်ပြီး ဦးစံမောင်က “ ပြိုင်ပွဲတွေရဲ့ ဆုကြေးတွေကိုလည်း အရင်နှစ်ကထက် အများကြီးပေးထားတော့ လူတွေက စိတ်ဝင်စားမှု အားသန်ကြတယ်။ ဘောလုံးပွဲဆိုရင် အရင့်အရင်က အများဆုံးကတော့ ၃၂ သင်းပဲရောက်ပါတယ်။ ဒီနှစ်မှာတော့ ၅၈ သင်းထိကို ရောက်ပါတယ်။ ပြိုင်လောင်းမှာလေး ဒီလိုပဲ အရင်နှစ်ကထက် အများကြီးရောက်ကြပါတယ်။ ပြိုင်ပွဲလုပ်ငန်းရှင်းတွေက ဆုတွေကို မက်လောက်စရာပေးထားတော့ အရမ်းကိုစည်းတာပေါ့။ ဒီနှစ် စည်းကားတာကိုကြည့်ပြီးတော့ အင်မတန် ဝမ်းသာအားရပါတယ်။ နောက်နစ်တွေမှာလေး ဒီလိုပဲဖြစ်စေချင်ပါတယ်။ ” ဟု ပြောသည်။
အဆိုပါ သျှစ်သောင်းဘုရားပွဲတော် ကျင်းပသည့် ပြိုင်လောင်းပွဲတွင် လာရောက်ကြည့်ရှုအားပေးကြသူများသည် လှေကိုယ်စီဖြင့်လာကြပြီး တစ်လှေနှင့် တစ်လှေ အပြန်အလှန် ရေပတ်ကစားကြသည်မှာ အထူးပင် ရေပန်းစားသည့် ရေပေါ် သင်္ကြန်တစ်ခု ဖြစ်ကြောင်းသိရသည်။
ထိုသို့ ရေလောင်းရာတွင် သောက်စားမူးရစ်သူများရှိကြပြီး နှစ်စဉ်နှစ်တိုင်း ရေမြှပ်သေကြသော်လည်း ယခုနှစ်တွင် ပွဲတော်ပြီးဆုံးတော့မှာ ဖြစ်သော်လည်း မည်သူတစ်ဦးတစ်ယောက်မျှ ရေမြှပ်သေခြင်းမရှိသေးကြောင်း သျှစ်သောင်းဂေါပက၏ ဥက္ကဌ အဆိုအရ သိရသည်။
ရခိုင့်သမိုင်းဝင် သျှစ်သောင်းဘုရားပွဲတော်ကို မေလ ၂၄ ရက်မှ ၂၈ ရက်နေ့ထိ ၅ ရက်တိုင်တိုင်ကျင်းပကာ မနက်ဖန်နောက်ဆုံးနေ့ဖြစ်ပြီး ဘောလုံး၊ ကျင်၊ ပြိုင်လောင်း စသောပွဲများကိုလည်း ပထမရရှိသူများအား ဆုကြေးငွေ ထိုက်ထိုက်တန်တန် ချီးမြှင့်သွားမည်ဖြစ်ကြောင်း သိရသည်။
ရခိုင်တို့၏ သမိုင်းဝင်ဖြစ်သော ရှေ့ဟောင်း မြောက်ဦးမြို့တော်ကို ပျက်စီးပျောက်ကွယ်မည့် ဘေးအန္တရာယ်နှင့် ရင်ဆိုင်နေရသည့် ရှေးဟောင်းအမွေ ၁၀ ခုစာရင်း (Global Heritage Fund) တွင် ၂၀၁၂ ခုနှစ်က ထည့်သွင်းဖော်ပြခဲ့သည်။
မိုးဇော် (သတင်း)
Arakan Times
