May 28, 2013
ရန်ကုန်မြို့၊ ဆီဒိုးနားဟို တယ်၌ တည်းခိုနေသော တရုတ်နိုင်ငံသား ၂ဦး ကားလမ်း ဖြတ်ကူးစဉ် မော်တော်ယာဉ် တစ်စီးက ၀င်ရောက်တိုက်မိသဖြင့် ထိခိုက်ဒဏ်ရာများရရှိသွား ကြောင်း သတင်းရရှိသည်။
မေ ၂၇ ရက် ည ၇ နာရီ ခန့်တွင် တရုတ်နိုင်ငံပေကျင်းမြို့ မှ ရန်ကုန်မြို့သို့ရောက်ရှိနေသော အဆိုပါတရုတ်အမျိုးသား ၂ဦး သည် ၎င်းတို့တည်းခိုရာ ဆီဒိုးနား ဟိုတယ်ဘက်မှ မြကျွန်းသာဘက် သို့ ကမ္ဘာအေးဘုရားလမ်းမကြီးကို ဖြတ်ကူးစဉ် ရန်ကုန်မြို့တွင်း ဘက်မှလာသော အမျိုးအစား၊ နံပါတ်မသိလိုက်သည့်ယာဉ်တစ် စီးက ၀င်ရောက်တိုက်မိကာ မောင်းနှင်ထွက်ပြေးသွားခြင်းဖြစ် ကြောင်း သိရသည်။
““သူတို့က ကျွန်တော်တို့ ဟိုတယ်မှာတည်းနေတာပါ””ဟု လာရောက်ကူညီဆောင်ရွက်ပေး နေသော ဟိုတယ်ဝန်ထမ်းတစ်ဦး က ပြောပြသည်။
ယာဉ်တိုက်မှုကြောင့် တရုတ် နိုင်ငံသားအမျိုးသား ၂ဦးလုံး အခင်းဖြစ်နေရာတွင် တစ်ဦးနှင့် တစ်ဦး ၁၀ ပေခန့်အကွာ၌ လဲကျ နေကာ တစ်ဦးမှာ အသက်ရှူ ကျပ်ပြီး ခြေထောက်နာကျင်ဒဏ် ရာ၊ အခြားတစ်ဦးမှာ ခြေထောက် နာကျင်ဒဏ်ရာနှင့် ပွန်းပဲ့ဒဏ်ရာ များကြောင့် ၂ဦးလုံး ထနိုင်ခြင်း မရှိကြောင်း သိရသည်။
အဆိုပါ တရုတ်နိုင်ငံသား ၂ဦးလမ်းဖြတ်ကူးသောနေရာမှာ လူကူးရန်သတ်မှတ်ထားသော နေရာမဟုတ်ကြောင်း သိရသည်။ ၎င်းတို့ ၂ဦးနှင့်ဆက်နွယ်သော အဖွဲ့အစည်းသို့ အကြောင်းကြား ထားပြီးဖြစ်ကြောင်း အဆိုပါ အမျိုးသား ၂ဦးကပြောကြားခဲ့ပြီး နောက် လူနာတင်ယာဉ်တစ်စီး နှင့် ကြက်ခြေနီများရောက်ရှိလာ ကာ ဒဏ်ရာရသူ ၂ ဦးကို ခေါ် ဆောင်သွားသည်ကို တွေ့ရသည်။
ရန်ကုန်မြို့တွင် ယာဉ်တိုက် မှုဖြစ်ပွားလျှင် ယာဉ်မောင်းများ က လူနာများကို တာဝန်ယူကူညီ ဆောင်ရွက်ပေးခြင်းနည်းပါးကာ ထွက်ပြေးတိမ်းရှောင်ခြင်းများပြား လျက်ရှိကာ ညဘက်များတွင် ဖြစ်ပွားသည့်ယာဉ်တိုက်မှုဖြစ်စဉ် များတွင် အများဆုံးထွက်ပြေးလေ့ ရှိကြောင်း ရန်ကုန်မြို့ခံအချို့က ဆိုသည်။
မျိုးကျော်
The Hot News
ဆီဒိုးနားဟိုတယ်၌ တည်းခိုနေသော တရုတ်နိုင်ငံသား ၂ ဦးကားတိုက်ခံရ
Labels:
ပြည်တွင်းသတင်း