စစ်သားများက ရော်ဘာခြံနေသူ ဇနီးမောင်နှံအား ပြဿနာရှာ

လှည်းကူး၊ မေ ၇။
ရန်ကုန်တိုင်းဒေသကြီး လှည်းကူးမြို့နယ်မှ  ၁၈မိုင် အကွာရှိ တောင်လုံးမြောင်ကျေးရွာတွင် လွန်ခဲ့သည့်
မေလ ၃ ရက်ခန့်က ရာဘာခြံ တွင် မောင်စောဒါးလယ်နှင့်ဇနီး နှစ်ဦးသာ ရှိနေစဉ် လက်နက်နှင့်
ခဲယမ်းတပ်မှ ဗိုလ်ကြီးနှင့် ၎င်း၏ အပေါင်းအပါများ ရောက်လာကာ ၎င်းတို့နှစ်ဦးအား ထွက်သွားရန်
ခိုင်းစေခဲ့ပြီး ရာဘာပင်များအား ချိုးဖဲ့ဖျက်စီးခဲ့ကြောင်း၊ ၎င်းတို့ နှစ်ဦးကိုလည်း တွန်းထိုး ဆွဲလွဲကာ
မောင်းထုတ်ခဲ့ကြကြောင်း ကိုစောဒါးလယ်က ပြောကြားသည်။

“အဲ့နေ့က ကျွန်တော်တို့ လင်မယားနှစ်ယောက်ပဲ တဲမှာ ရှိတာ။ သူတို့က အားလုံး ဆယ်ယောက်လောက် ရှိတယ်။ မင်းတို့ ဒီက ထွက်သွားဆိုပြီး ပြောတာ။ ကျွန်တော်က ဆိုင်ကယ်လဲ မကောင်းလို့ပါ။ သွားလို့ မရဘူး ဆိုပြီးပေကပ်ကပ်နေတယ်။ အဲဒါနဲ့ ကျွန်တော့ကို တွန်းတယ်။ ပြီးတော့ ကျွန်တော့ကို သေနတ်ဒင်နဲ့ ထုမယ်လုပ်တော့ကျွန်တော့်မိန်းမက မလုပ်နဲ့လို့ ဝင်တားတော့ သူ့ကိုလည်း တွန်းလိုက်တယ်” ဟု ယင်းက ဆက်လက် ပြောကြားသည်။

ထို့နောက် ယင်းလင်မယားမှာ ထိုနေရာမှ တဂေါက်ဂေါက်မြည်နေသည့် ဆိုင်ကယ်နှင့်ပင် ရွာသို့ပြန်ခဲ့ကြပြီး
ရွာရောက်မှ လူကြီးများကို ပြောပြသည့်အခါ လူကြီးများက ယင်းနေရာသို့ တစ်ခေါက် ပြန်လာသည့်အခါမှ
ရာဘာပင်များ ဖျက်ဆီးသွားသည်ကို သိရခြင်းဖြစ်ကြောင်း သိရသည်။

ယင်းဗိုလ်ကြီး တွန်းထုတ်ခဲ့သည့် အမျိုးသမီးမှာ မနော်အေးအေးငြိမ်းဖြစ်ပြီး ကိုယ်ဝန်နေ့စေ့လစေ့ကြီးနှင့်ဖြစ်သောကြောင့် ယခုအခါ ပဲခူးဆေးရုံတွင် ဆေးကုသမှု ခံယူလျက်ရှိပြီးအခင်းဖြစ်သည့်နေ့၌ တစ်ညလုံး ဗိုက်အောင့်သည့် ဝေဒနာကို ခံစားခဲ့ရကြောင်း သိရသည်။

ယင်းပြဿနာဖြစ်ပွားရာ ရော်ဘာခြံမြေသည် ၁၉၉၉ ခုနှစ်မှ စ၍ တောင်လုံးမြောင်ရွာမှ ရွာသားများကို ဖယ်ခိုင်းခဲ့ပြီး ထိုနေရာကို စစ်တပ်မှ တပ်မြေအဖြစ် သိမ်းခဲ့ကြောင်း၊ ယင်းရွာသားများကို စားဘူးတောင်း အုပ်စုရှိ နန်းဘိုကုန်းကျေးရွာသို့ ပြန်လည်နေရာချထားပေးခဲ့ပြီး ၂၀၁၂ ခုနှစ်မှ စ၍ယင်းနေရာရှိ လယ်မြေများကို ပြန်လည်စိုက်ပျိုးခွင့် ပေးခဲ့ကြောင်း၊ ရာဘာပင်များစိုက်ပျိုးထားသည်မှာ တစ်နှစ်ခန့်သာ ရှိသေးကြောင်း ယင်းရာဘာပင်များကို စိုက်ပျိုးထားသူများထံမှ သိရသည်။

“ဒီနေရာတွေက အဘတို့ ဘိုးဘွားတွေ လက်ထက်ကတည်းက နေလာခဲ့တာ။ ဒီမိရိုးဖလာမြေမှာ ပြန်လုပ်စားခွင့်ရဖို့ လွန်ခဲ့တဲ့ ၉ လလောက်ကတည်းက စာတင်ခဲ့တယ်။ ပြန်လုပ်ခွင့်ရတာ သိပ်မကြာသေးဘူး” ဟု
ဦးစောဂျင်ကရက်က ပြောကြားသည်။

တောင်လုံးမြောင်ရွာတွင် အိမ်ခြေ ၆၀ခန့်ရှိပြီး လူဦးရော ၂၀၀ကျော် နေထိုင်လျက်ရှိကြောင်း၊ ယင်းရွာတစ်ရွာလုံးရှိ တောင်သူများ မှာ မြေလွတ်မြေရိုင်းများကို ယခုမှ ခုတ်ထွင်ရှင်းလင်းပြီး စိုက်ပျိုးရန် ကြိုးစားနေဆဲဖြစ်ကြောင်း၊ ယင်းတို့တစ်ရွာလုံး ပိုင်ဆိုင်သည့် စိုက်ပျိုးမြေဧကမှာ ဧက ၁၀၀၀ ခန့်ရှိပြီး တစ်ရွာလုံးမှာ ကရင်လူမျိုးများသာ နေထိုင်လျက်ရှိကြောင်း သိရသည်။

တပ်မတော် အစိုးရလက်ထက်က အကြောင်းအမျိုးမျိုးဖြင့် သိမ်းယူထားသော လယ်ယာမြေများတွင်
တပ်မတော်အတွက် အမှန်တကယ် မလိုအပ်သော မြေများကို မည့်သည့် အခကြေးငွေမျှမယူဘဲ
မူလမြေပိုင်ရှင်များအား လုပ်ပိုင်ခွင့်ပြန်ပေးရန် သက်ဆိုင်ရာ တပ်ရင်းတပ်ဖွဲ့ အသီးသီးသို့ လွန်ခဲ့သည့်
ဇန်နဝါရီလမှစ၍ ကာကွယ်ရေး ဦးစီးချုပ်ရုံးက  ညွှန်ကြားထားပြီး ဖြစ်ကြောင်း သိရသည်။

“ကျွန်နော်တို့ကို ခြံထဲဝင်ပြီး မောင်းထုတ်တယ်။ ကျွန်တော့ကို ကိုယ်ထိလက်ရောက် တွန်းရုံသာမကဘဲ
ကျွန်တော့မိန်းမကို တွန်းတဲ့အတွက်ပါ အမှုဖွင့်သွားဖို့ ရှိတယ်” ဟု ကိုစောဒါးလယ်က ပြောကြားသည်။

ယင်းနေရာ တစ်ဝိုက်တွင် ပဲခူးမြို့ လက်နက်နှင့် ခဲယမ်းမီးကျောက်တပ်မှ ဗိုလ်ကြီး ဝေဖြိုးအောင်မှာ
မကြာခဏ ဝင်ရောက် ပြဿနာရှာလျက်ရှိပြီး ရွာသူရွာသားများအပေါ် မကြာခဏ အနိုင်ကျင့်ဗိုလ်ကျလျက်ရှိကြောင်း၊ ၎င်းမှာ ယခင်ကလည်း ရာဘာပင်များ မီးရှို့မှုဖြင့် လှည်းကူးရဲစခန်းတွင် တရားစွဲဆို အမှုဖွင့်ခံထားရပြီး လက်ရှိတွင် တရားရင်ဆိုင်နေရသလည်း ဖြစ်ကြောင်း သိရသည်။
ရည်မွန်
မြန်မာ့ခေတ်