တာချီလိတ်တွင် မြေတစ်ဧကခွဲအား ပိုင်ဆိုင်မှုအငြင်းပွါး၍ “၀” ငြိမ်းချမ်းရေးအဖွဲ့နှင့် ဆက်နွယ်သူ
စီးပွါးရေး လုပ်ငန်းရှင်တစ်ဦးက မူလ လုပ်ကိုင်လာသော ခြံစိုက်တောင်သူအား လက်နက်ကိုင်၍ အတင်းအဓမ္မ
သိမ်းယူထားသော ကိစ္စများကဲ့သို့ အကြမ်းဖက်မှုများရှိနေပြီး တရားဥပဒေစိုးမိုးမှု
အားနည်းနေသောကြောင့် သက်ဆိုင်ရာဌာနများသို့ တင်ပြသွားမည်ဖြစ်ကြောင်း ခြံမြေအား လက်နှက်ဖြင့်
အသိမ်းခံရသူ ဦးကျော်ဝင်းက ပြောကြားသည်။
“ဝ”ငြိမ်းချမ်းရေးအဖွဲ့နှင့် ဆက်နွယ်သူ ဦးလောဆန်းသည် ဧပြီလ ၂၇ရက်နေ့ညနေ သုံးနာရီခန့်တွင်
လက်နက်ကိုင် လူတစ်စုနှင့် ခြံမြေအတွင်းသို့ လာရောက်ဝိုင်းကာ ဦးကျော်ဝင်းနှင့်တူ ခြံအလုပ် လုပ်ကိုင်သူ
ဦးကျော်မျိုးအောင်အား ဖမ်းဆီး၍ ရိုက်နှက်ခဲ့ကြောင်း၊ ထို့အပြင် ၎င်းအား ကားပေါ်သို့တင်ကာ
သတ်ပစ်ရန်ပြောခဲ့ကြောင်း ဦးကျော်မျိုးအောင်က ပြောကြားသည်။
“ကျွန်တော်တို့ခြံထဲမှာ ရှိနေတုန်း ကားတွေနဲ့ရောက်လာပြီး လက်ထိပ်ခြေထိပ်ခက်ပြီး ခေါ်သွားတယ်။
ဟိုရောက်တော့ ဦးလောဆန်း က သေနတ်ထုတ်ပြီး ကျွန်တော့်ကို ရိုက်တယ်။ ရိုက်တာက တော်တော်များတယ်။ ဘယ်နှစ်ချက် မှန်းတောင် မသိဘူး”ဟု ၎င်းအရိုက်ခံရသော ဒဏ်ရာများရိုက်ထားသော ဓာတ်ပုံကိုပြ၍ ဆက်လက် ပြောကြားသည်။
ထို့အပြင် ဦးလောဆန်းမှာ ဝရမ်းပြေး တစ်ယောက်ဖြစ်ကြောင်း၊ သို့သော်လည်း တာဝန်ရှိ ရဲများက ၎င်းအား
ခြေထိပ်လက်ထိပ်နှင့် ဖမ်းခေါ်စဉ် ကပင် မြင်ကြသော်လည်း မေးမြန်းစုံစမ်းခြင်း မရှိသောကြောင့် ယင်းတို့
အနေဖြင့် လက်ရှိတွင် အသက်အန္ဒရာယ်ပါ စိုးရိမ်နေ ရကြောင်း ပြောကြသည်။ ထို့သို့သော
အခြေအနေများကြောင့် အများပြည်သူအား ၎င်းတို့ ဖြစ်စဉ်ကို မီဒီယာများမှတစ်ဆင့် ချပြခြင်းဖြစ်ပြီး
သက်ဆိုင်ရာ တာဝန်ရှိသူများကိုလည်း ဆက်လက်၍ တိုင်ကြားသွားကြမည်ဖြစ်ကြောင်း ၎င်းတို့က ပြောကြသည်။
ပိုင်လေး
မြန်မာ့ခေတ်
