May 15 13
ရုရှားအစိုးရက ဖမ်းဆီးခဲ့သည့် သံတမန်အရာရှိအဖြစ် ဟန်ဆောင်ထားသူ အမေရိကန် CIA အေးဂျင့်အား နိုင်ငံတွင်းမှ ထွက်ခွာရန် အမိန့်ချမှတ်လိုက်ကြောင်း သိရှိရသည်။ ရိုင်ယန် ခရစ္စတိုဖာ ဖော့ဂ်လီသည် အင်္ဂါနေ့ ညပိုင်းက မော်စကိုမှ ထွက်ခွာရန် ဖိအားပေးခြင်း ခံခဲ့ရသည်။ ၎င်းသည် ရုရှား၏ တန်ပြန် ထောက်လှမ်းရေးသမား တစ်ဦးကို မိမိဘက်ပါအောင် သိမ်းသွင်း စည်းရုံးရင်း သရုပ်မှန် ပေါ်သွားခဲ့ခြင်းဟု ဆိုသည်။ ၎င်းသည် CIAမှ အေးဂျင့်တစ်ဦးဖြစ်ကာ မော်စကိုရှိ အမေရိကန် သံရုံးမှ နိုင်ငံရေးဌာနတွင် တာဝန် ထမ်းဆောင်နေကြောင်း ရုရှားဘက်မှ ကြေညာခဲ့သည်။ ၎င်းနှင့်အတူ ဈေးပေါပေါ သူလျှို အသုံးအဆောင် အချို့ကို ရုရှား အာဏာပိုင်များက သိမ်းဆည်း ရမိပြီး မြေပုံနှင့် သံလိုက်အိမ်မြှောင်၊ ဓားတစ်လက် စသည်တို့အပြင် ရေရှည် ပူးပေါင်း ဆောင်ရွက်ပါက အကျိုးအမြတ် များစွာ ဖြစ်ထွန်းစေမည်ဟု သိမ်းသွင်းထားသည့် စာတစ်စောင်တို့ ပါရှိခဲ့သည်။
(ရိုင်ယန် ခရစ္စတိုဖာ ဖော့ဂ်လီထံမှ သိမ်းဆည်းရမိသည့် ပစ္စည်းများ)
ရုရှား ထောက်လှမ်းရေး ဌာနသည် ဖော့ဂ်လီကို အမေရိကန် သံရုံး တာဝန်ရှိသူများထံ လွှဲအပ်ပေးခဲ့ပြီးနောက် ထိုသူကို ရုရှားမြေတွင် ဆက်လက် ထားရှိနိုင်မည် မဟုတ်သဖြင့် ရုရှားမှ ချက်ချင်း ထွက်ခွာရန်ပါ တောင်းဆိုခဲ့သည်။ အမေရိကန် နိုင်ငံခြားရေး ဝန်ကြီးဌာနက ယခုဖြစ်စဉ်တွင် ဖော့ဂ်လီသည် သံရုံးဝန်ထမ်း တစ်ဦးအနေဖြင့်သာ အတည်ပြု ဖော်ပြခဲ့ပြီး အခြား အသေးစိတ် အချက်အလက်များကို မထုတ်ပြန်ခဲ့ချေ။ CIAနှင့် ဖော့ဂ်လီ ဆက်နွယ်မှုရှိသည် ဆိုသော စွပ်စွဲချက်များကို အချို့သော တာဝန်ခံ အရာရှိများက တွင်တွင် ငြင်းဆန်နေခဲ့သည်။
ဖော့ဂ်လီသည် ဆယ်စုနှစ် တစ်ခုအတွင်း သူလျှိုမှုဖြင့် လူသိရှင်ကြား စွပ်စွဲကာ ရုရှားမြေတွင် ဖမ်းဆီးခံရသည့် ပထမဆုံး အမေရိကန် သံအရာရှိလည်း ဖြစ်လာသည်။ ဝါရှင်တန်နှင့် မော်စကိုရှိ ထိပ်တန်း အာဏာပိုင်များသည် နှစ်နိုင်ငံ ဆက်ဆံရေး မပျက်ပြားစေရန်အတွက် ယခုပြဿနာကို ပူးပေါင်း ရှင်းလင်းသွားဖွယ် ရှိနေသည်။ ရုရှား နိုင်ငံခြားရေး ဝန်ကြီးဌာနသည် အဆိုပါ ကိစ္စနှင့် ပတ်သက်ပြီး အမေရိကန် သံအမတ် မိုက်ကယ် မက်ဖောလ်အား ဆင့်ခေါ် အရေးဆိုခဲ့ကြောင်းလည်း သိရသည်။ မက်ဖောလ်ကမူ အဆိုပါ ကိစ္စအတွက် မိမိအနေဖြင့် မည်သည့် မှတ်ချက်မျှ မပေးလိုဟု သတင်းထောက်များအား ပြောကြားသွားသည်။
Planet Myanmar Network
