ငြိမ်းချမ်းရေးသဘောတူညီမှုများ ပျက်ပြယ်သွားရခြင်းမှာ အမျိုးသမီးများ၏ အခန်းကဏ္ဍ လစ်လပ်သည့်အတွက်ကြောင့် ဖြစ်ကြောင်း တွေ့ရှိရ...

21.5.2013, Tuesday
ငြိမ်းချမ်းရေးသဘောတူညီချက်များ၏ လုပ်ဆောင်ချက်များကို လေ့လာချက်အရ (၅၀)ရာခိုင်နှုန်းသော ငြိမ်းချမ်းရေး သဘောတူညီမှုများသည် ပျက်ပြယ်သွားပြီး ၎င်းမှာ အမျိုးသမီးများ၏အခန်းကဏ္ဍလစ်လပ် ကျန်ရစ်ခဲ့သည့်အတွက်ဖြစ်ကြောင်း လေ့လာသူများက တွေ့ရှိရကြောင်း
Women's Organizations Network (Myanmar)(WON)က Coordinator မမေစီစီအောင်က ပြောကြားခဲ့သည်။

အဆိုပါ ငြိမ်းချမ်းရေး သဘောတူညီချက်များသည်(၁၀)စုနှစ် တစ်နှစ်အတွင်းတွင် ပျက်ပြယ်သွား
ခြင်းဖြစ်ကြောင်းသိရသည်။ စစ်မက်များဖြစ်ပွားလျှင်အမျိုးသား ရော အမျိုးသမီးပါ အတူဒုက္ခခံစားရသော်လည်း အမျိုးသမီးနှင့် ကလေးများကပို၍ ဒုက္ခရောက်ကြကြောင်း၊ သို့သော် ငြိမ်းချမ်းရေးဖြစ်စဉ်များတွင် ပါဝင်နိုင်ရန် အမျိုးသမီးများ ပါဝင်ရန်အတွက် ချန်ထားခြင်း ခံရပြီး ထည့်သွင်း
စဉ်းစားခြင်း မပြုကြကြောင်း ပြောကြားသည်။

“စစ်ဖြစ်တိုင်းမှာအ မျိုးသမီးတွေနဲ့ ကလေးတွေဟာ စစ်ရဲ့သားကောင်ဖြစ်နေပါတယ်။ အမျိုးသမီးတွေကသာ ငြိမ်းချမ်းရေး တည်ဆောက်မှုကို သိနေရင် အကြမ်း ဖက်မှုကိုကာကွယ်နိုင်မှာ ဖြစ်ပါတယ်။ အမျိုးသားတွေကလည်း ငြိမ်းချမ်းရေးတည်ဆောက်သူတွေဖြစ်ပြီး အားလုံးပူးပေါင်းဆောင်ရွက်မှသာ ငြိမ်းချမ်းရေး တည်ဆောက်မှုကို အောင်မြင်စွာ ဆောင်ရွက်နိုင်မှာဖြစ်တယ်”ဟု Initiatives
for International Dialogue (IID)က Executive Director Mr. Gus Miclat
ကပြောသည်။

မြန်မာနိုင်ငံ၏ ယဉ်ကျေးမှု ဓလေ့ထုံးစံများအရ စည်းမျဉ်းကန့်သတ်ချက်များ၏ အောက်တွင် နေသားကျနေသော အမျိုးသမီးများသည် နစ်နာဆုံးရှုံးမှုများ ဖြစ်ပေါ်နေကြောင်း Kachin Women's Unionမှ ဒေါ်ဂျန်ရှမ်းခွမ်က ပြောသည်။ နိုင်ငံတော်သမ္မတ ဦးသိန်းစိန်က (၂၀၁၁)ခုနှစ်၊ သြဂုတ်လ (၁၇)ရက်နေ့က အမျိုးသမီးများကို ငြိမ်းချမ်းရေးဖြစ်စဉ်တွင် ပါဝင်ရန် ဖိတ်ခေါ်ခဲ့ကြောင်း သတင်းရရှိသည်။
SkyNet TV Browser