ဧရာဝတီမြစ်ကမ်းနား သောင်ပြင်ရှိ အဆောက်အဦအား ဖျက်သိမ်းရန် ဆန္ဒဖော်ထုတ်မည်

ပြည်၊ မေ ၆။
ပြည်မြို့ အနောက်ဘက်ရှိ ဧရာဝတီမြစ် ကမ်းနားသောင်ပြင်ပေါ်တွင် ဆောက်လုပ်ထားသော အဆောက်အဦအားဖျက်သိမ်းရန်အတွက် တရားလွှတ်တော်ရှေ့နေ ဦးမြင့်အေးမှ ဦးဆောင်၍ ငြိမ်းချမ်းစွာ စုဝေးခွင့်စီတန်းလှည့်လည်ခွင့်ပြုရန် မြို့နယ်ရဲတပ်ဖွဲ့မှူးရုံးသို့ ယနေ့ လျှောက်ထားစာပေးပို့ခဲ့ကြောင်း သိရသည်။

“အဆောက်အဦးရှိနေတဲ့အတွက် မြစ်ပြင်ရဲ့အလှကို ဖုံးကွယ်ထားသလို ခံစားရတယ်။ အနောက်ဘက်ကမ်းက သစ်တောနဲ့ ဘုရားစေတီတွေကိုလည်း မမြင်ရတော့ဘူး။ သဲသောင်ကို မြေဖို့ပြီး ဆောက်ထားတော့ ရေစီးကြောင်းကိုပါ ပြောင်းသွားနိုင်တယ်”ဟု ဦးမြင့်အေးက ပြောကြားသည်။

ယင်းအဆောက်အဦအား စီးပွားရေး လုပ်ငန်းရှင်တစ်ဦးဖြစ်သူ ဦးလှမိုး(ခ)ဦးထိုင်ထိုင်မှ ပိုင်ဆိုင်ပြီး
နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ လက်ထက် ၁၉၉၆-၉၇ခုနှစ်က ဂရန်ချထားပေးခဲ့ကြောင်း သိရသည်။

လာမည့် မေလ(၁၇)ရက်နေ့၊ နံနက်(၉)နာရီ မှ(၁၁)နာရီ အထိ ခန့်မှန်း လူအင်အား(၅၀)နှင့်(၁၀၀)၀န်းကျင် ဆန္ဒဖော်ထုတ်မည်ဖြစ်ပြီး ဆိုင်းဘုတ်၊ ဗီနိုင်းပိုစတာများ အသင့်ပြုလုပ်ထားပြီးဖြစ်ကြောင်း၊ အကျီ င်္ဆင်တူများဖြင့် ဆန္ဒထုတ်ဖော်သွားမည်ဖြစ်ကြောင်းလည်း သိရသည်။

ပြီးခဲ့သည့် ၂၀၁၃ခုနှစ် ဖေဖော်ဝါရီလ(၂၆)ရက်နေ့တွင် ဧရာဝတီချစ်သူများ ကွန်ယက် (ပြည်ခရိုင်) အနေဖြင့် ယခုအဆောက်အဦး မဆောက်လုပ်မီ လူငါးရာကျော်စုပေါင်း လက်မှတ်ထိုး ကန့်ကွက်မှု ပြုလုပ်ပြီး
နိုင်ငံတော်သမ္မတ၊ သက်ဆိုင်ရာ ၀န်ကြီးဌာန များနှင့် ပြည်မဲဆန္ဒနယ်မှ ပြည်သူ့ လွှတ်တော်ကိုယ်စားလှယ်
ဦးဝင်းမြင့် တို့ထံသို့ ပေးပို့ခဲ့ကြောင်း သိရသည်။
ကိုရေခဲ(ပြည်)
မြန်မာ့ခေတ်