၂၃-၅-၂၀၁၃ ရက်နေ့ ၀၉၀၀ အချိန် ကချင်ပြည်နယ်၊ ဖားကန့်မြို့နယ်၊ ““ခိုင်လုံ””ကျောက်မျက်ကုမ္ပဏီလုပ်ကွက်၊ အမြင့်ပေ(၄၀)ခန့်ရှိ မြေစာပုံဟောင်းမှမြေစာများ ရုတ်တရက် ပြိုကျသဖြင့် မြေစာပုံအောက်ခြေတွင် ရေမဆေးကျောက်ရှာဖွေနေသည့် ဖားကန့်မြို့နယ်၊ သာယာကုန်း ကျေးရွာနေ အောင်ကျော်ညွန့်(၄၂)နှစ်မှာ ယာဘက်ရင်အုံပွန်းပဲ့၊ ၀ဲဘက်နားထင်ပွန်းပဲ့ဒဏ်ရာများ ရရှိ၍ အခင်းဖြစ်နေရာတွင်သေဆုံးခဲ့ပြီး ဖားကန့်မြို့နယ်၊ မှော်စီစာကျေးရွာ၊ ရွာမရပ်ကွက်နေ ခင်မောင်ထွေး(၃၀)နှစ်မှာ ယာဘက်ပုခုံးပွန်းပဲ့၊ ယာဘက်ဒူးခေါင်းပွန်းပဲ့ဒဏ်ရာများ ရရှိခဲ့သည်။
သို့ဖြစ်၍ သေဆုံးသူ၏အလောင်းနှင့် ဒဏ်ရာရရှိသူခင်မောင်ထွေးတို့အား လုံးခင်းတိုက်နယ်ဆေးရုံသို့ပို့ဆောင်ခဲ့ပြီး ဖားကန့်မြို့မရဲစခန်း သေမှုသေခင်းအမှတ်စဉ်(၂၂/၂၀၁၃)ဖြင့် အမှုဖွင့်စစ်ဆေးလျက်ရှိကြောင်း သတင်း ရရှိသည်။
ရဲဇာနည်
