၂၂၊ မေ ၂၃၊ ၂၀၁၃
မေလ ၁၉ရက်က အမေရိကန်ပြည်ထောင်စု၊ ၀ါရှင်တန်ဒီစီသို့ NED အဖွဲ့ကြီး၏ ဂုဏ်ပြုချီးမြှင့်မှုကို လက်ခံရန် ရောက်ရှိလာသော ၈၈ မျိုးဆက် ခေါင်းဆောင် ကိုမင်းကိုနိုင်နှင့် ကိုကိုကြီးတို့ကို ပြည်ပရောက် မြန်မာမိသားစုများက ၀မ်းမြောက်ဝမ်းသာ ကြိုဆိုကြသည်။ လွန်ခဲ့သည့် မတ်လက ၈၈ မျိုးဆက်ခေါင်းဆောင် တဦးဖြစ်သော ကိုဌေးကြွယ်လာရောက်ပြီးနောက် အမေရိကန်ပြည်ထောင်စုသို့ လာရောက်လည်ပတ်သော ထင်ရှားသည့် ၈၈ ခေါင်းဆောင် ၂ ဦး ဖြစ်သည်။ ၎င်းတို့ခရီးစဉ်မှာ ကြိုတင်စီစဉ်ပြင်ဆင်ထားသော်လည်း အမှန်တကယ်လာရောက်ချိန်တွင် လက်ရှိ အာဏာရကြံ့ဖွံ့ပါတီ၏ အစိုးရခေါင်းဆောင် သမ္မတဦးသိန်းစိန် လာရောက်ချိန်နှင့် တိုက်ဆိုင်လျက်ရှိသည်။ ၈၈ မျိုးဆက်များက ဦးသိန်းစိန်၏ ခရီးစဉ်ကို အကောင်းမြင်ပြောကြားခဲ့သည်ကို တွေ့ရသည်။ ၎င်း ၈၈ မျိုးဆက်ခေါင်းဆောင်များကို အမေရိကန်ပြည်နယ်အနှံ့အပြားရှိ မြန်မာတိုင်းရင်းသားမိသားစုများက ကြိုဆိုပြီးတွေ့ဆုံပွဲများ ကျင်းပရန် စီစဉ်လျက်ရှိသည်ဟု ဆိုသည်။
ယမန်နေ့ မေလ ၂၂ ရက်နေ့က ၈၈ မျိုးဆက်ခေါင်းဆောင်တို့၏ ပထမဦးဆုံး ကွန်မြူနီတီပွဲအဖြစ် နဗားဒါးပြည်နယ်၊ လပ်စ်ဗေးဂတ်စ်မြို့တွင် တွေ့ဆုံပွဲကျင်းပခဲ့သည်ဟု ဆိုသည်။ မြန်မာမိသားစုဦးရေမှာ အခြားပြည်နယ်များထက်စာလျင် အင်အားနည်းသော်လည်း အဆိုပါပွဲကို ရပ်နီး ရပ်ဝေးက မြန်မာများ တက်ရောက် အားပေးကြသည်ကို တွေ့ရသည်။ နယူးယောက်မှသည် အယ်လ်အေကအထိ ၈၈ မျုိးဆက်မိတ်ဆွေများ တက်ရောက်ကြသည်ဟု ဆိုသည်။ ပထမဦးဆုံးအကြိမ် အမေရိကန်မြန်မာများနှင့် တွေ့ဆုံပွဲတွင် ကိုမင်းကိုနိုင်က မြန်မာပြည်က အလှူခံမဏ္ဍပ်မှာ ပထမအကြိမ် မီးပျက်တော့ ဖလားထဲကအလှူငွေ တ၀က်လျော့သွားတယ်၊ ဒုတိယအကြိမ် မီးပြန်ပျက်တော့ ဖလားကြီးပါ ပျောက်သွားတယ်ဟူသော ဟာသတခုကို ပြောပြပြီး မြန်မာပြည်တွင်လည်း ယခုတချိန် ဒီမိုကရေစီအရေး ထူထောင်နိုင်ခွင့်ရဖို့ အခုအချိန်မီးလာတုန်း အမြန်ဆုံး ကြိုးပမ်းကြဖိုို့ လိုအပ်ကြောင်း၊ နောက်တကြိမ်တော့ မီးပျက်မခံနိုင်ကြောင်း ပြောဆိုသွားသည်ကို ပရိသတ်များ တင်ထားသည့် ဖေ့စ်ဘွတ်ဗီဒီယိုကတဆင့် ကြားသိရသည်။
ကိုမင်းကိုနိုင်နှင့် ကိုကိုကြီးတို့၏ အမေရိကန်ခရီးစဉ်တွင် ယခု လပ်စ်ဗေးဂတ်စ်အပြီး နယူးယောက်မြို့တော်သို့ ပြန်လည်ဝင်ရောက်ပြီး မြန်မာမိသားစုများနှင့် တွေ့ဆုံပွဲကို တက်ရောက်မည် ဖြစ်သည်။ နယူးယောက်မြို့တော် ကွန်မြူနီတီတွေ့ဆုံပွဲ စီစဉ်သူတဦးဖြစ်သော ကိုနေတင်မြင့်ကပြောကြားရာတွင် နယူးယောက်မြို့တော်နှင့် ရပ်နီး ရပ်ဝေးက “၈၈ မျိုးဆက် မိတ်ဆွေများ” တက်ရောက်ကြမည်ဖြစ်ကြောင်း၊ အတူတကွတွေ့ဆုံ ဆွေးနွေးကြမည်ဟု ပြင်ဆင်နေကြကြောင်း ပြောကြားသည်။ နယူးယောက်မြို့တော်တွင် မေလ ၂၅ ရက်၊ ဖလော်ရီဒါ အော်လင်ဒိုတွင် မေလ ၂၆ ရက်၊ ပြီးနောက် အင်ဒီယာနာ၊ ဖို့ဝိန်းတို့ မေလ ၂၇ ရက် ဆက်တိုက် တွေ့ဆုံပွဲများ ရှိကြောင်း သိရှိရသည်။
အမေရိကန်ပြည်အနောက်ခြမ်း ဆန်ဖရန်စစ္စကိုဘေးဧရိယာသို့ ခရီးဆက်ပြီးနောက် ဇွန် ၁ ရက်တွင် ဆန်ဖရန်စစ္စကိုမြို့တော်၊ ဇွန် ၂ ရက်တွင် လော့စ်အိန်ဂျလိစ်မြို့တော် အသီးသီးရှိ မြန်မာတိုင်းရင်းသားမိသားစုများနှင့် တွေ့ဆုံကြမည် ဖြစ်သည်။
ဆန်ဖရန်စစ္စကိုဘေးဧရိယာရှိ မြန်မာမိသားစုများနှင့် တွေ့ဆုံပွဲတွင် ဒေသခံများက တယောက်တလက် ၀ိုင်းဝန်းမတည်မှုများ၊ စေတနာအလျောက် ထည့်ဝင်မှုများ၊ လုပ်အားပေးများနှင့် ဆောင်ရွက်လျက်ရှိကြောင်း ပွဲစီစဉ်သူ ဆန်ဖရန်ဘေးဧရိယာ မြန်မာကွန်မြူနီတီ သြဂနိုင်ဇာတဦးဖြစ်သည့် ကိုထွန်းမြတ်ဦး (ကိုပန်းသီး)က မိုးမခသို့ ပြောကြားသည်။
အမေရိကန်အနောက်ခြမ်းခရီးစဉ်အပြီးနောက် ၀ါရှင်တန်ဒီစီဖက်သို့ ပြန်သွားပြီး အမေရိကန်အဖွဲ့အစည်းများ၊ ဖိတ်ကြားထားသည့် အခမ်းအနားများသို့ တက်ရောက်ချီးမြှင့်ကြမည် ဖြစ်သည်။ ၎င်းနောက် ဇွန်လ ၈ ရက်တွင် နယူးယောက်ပြည်နယ်၊ ယူတီကာမြို့ မြန်မာတိုင်းရင်းသားမိသားစုများနှင့်၎င်း၊ ဇွန်လ ၉ ရက်တွင် ၀ါရှင်တန်ဒီစီမက်ထရို မြန်မာမိသားစုများနှင့်၎င်း ကွန်မြူနီတီတွေ့ဆုံပွဲများကို တက်ရောက်ကြမည် ဖြစ်သည်။
ခရီးစဉ်များကို မိုးမခရွာဆော်ကြီးအစီအစဉ်တွင် အောက်ပါအတိုင်း တင်ဆက်ထားပါသည်။ ယူတီကာပွဲစဉ်အသေးစိတ်ကို မကြာမီ စုံစမ်းတင်ဆက်ပေးမည် ဖြစ်သည်။
၈၈ မျိုးဆက် ခေါင်းဆောင်များနှင့် မြန်မာမိသားစုများ တွေ့ဆုံပွဲ ပွဲစဉ်များ
[21st May Tuesday] ၈၈ မျိုးဆက်ခေါင်းဆောင်များနဲ့ Las Vegas (ENDS)
[25th May - Saturday] မင်းကိုနိုင်၊ ကိုကိုကြီး နယူးယောက်မြို့တော် (Next !!!!)
[26th May Sunday] 88 Generation & Florida
[27th May Monday] ဖို့ဝိန်းမြန်မာများနှင့် ၈၈ မျိုးဆက်ခေါင်းဆောင်များ တွေ့ဆုံပွဲ
[1st June Saturday] ၈၈ မျိုးဆက်များနှင့် San Francisco Burmese Community
[2nd June Sunday] 88 Generation & LA Burmese Community
[9th June Sunday] ၀ါရှင်တန်ဒီစီ မက်ထရို မြန်မာတိုင်းရင်းသားများနဲ့ ၈၈ မျိုးဆက်ခေါင်းဆောင်တို့ တွေ့ဆုံပွဲ
(ဓာတ်ပုံ- လပ်စ်ဗေးဂတ်စ်ရောက် ၈၈ မျိုးဆက်ခေါင်းဆောင်များ၊ (ပြည်သူ့ဂုဏ်ရည်အဖွဲ့ကြီး၏ ဖေ့စ်ဘွတ်ကနေ ယူပါတယ်)
မိုးမခအထောက်တော်
