" အာရှခြေစစ်ပွဲဝင်မယ့် လက်ရွေးစင် အမျိုးသမီးအသင်းအနေနဲ့ ကိုယ့်နိုင်ငံအတွက် အစွမ်းကုန် ကြိုးစားပေးဆပ်ကြမယ်ဆိုတာ ယုံကြည်ပြီးသားဖြစ်ပါတယ်။ ဒါပေမဲ့ အခုယှဉ်ပြိုင်ရမယ့် အသင်းတွေဟာ ခြေစွမ်းအရ ကွာခြားမှုမရှိတဲ့အသင်းတွေပါ။
ဒါကြောင့် စိတ်ဓာတ်ပိုင်း အသာစီးရနေဖို့လိုပါတယ်။ ဘယ်အသင်းကိုဖြစ်ဖြစ် နိုင်ရမယ်ဆိုတဲ့ ယုံကြည်ချက်နဲ့ အစွမ်းကုန် ကြိုးပမ်းအားထုတ် ရင် ခြေစစ်ပွဲ မအောင်စရာမရှိပါဘူး။ ဒီခြေစစ်ပွဲဟာ ၂၀၁၅ အမျိုးသမီး ကမ္ဘာ့ဖလားကိုသွားနိုင်မယ့် အခွင့်အရေးလည်း ရှိနေပါ တယ်။ တိုင်းပြည်အတွက် ဒီအခွင့်အရေးကို ရအောင်ဆုပ်ကိုင်နိုင်ကြမယ်လို့လည်း မျှော်လင့်ပါတယ်။" ဟု MFF ဥက္ကဋ္ဌ ဦးဇော်ဇော် က၂၀၁၄ အာရှဖလားခြေစစ်ပွဲ ၀င်ရောက်ယှဉ်ပြိုင်မည့် မြန်မာ့လက်ရွေးစင် အမျိုးသမီးအသင်းအား မေ၁၇ရက်နေ့ (၂း၀၀)နာရီက တွေ့ဆုံအားပေးစကား ပြောကြားခဲ့သည်။
အဆိုပါ အခမ်းအနားကို MFF ရုံးချုပ် အစည်းအဝေးခန်းမတွင် ကျင်းပပြုလုပ်ခဲ့ခြင်းဖြစ်ပြီး MFF ဥက္ကဋ္ဌ ဦးဇော်ဇော်၊ အထွေထွေ အတွင်းရေးမှူး ဦးတင်အောင်နှင့် အဖွဲ့ချုပ်ဌာနခွဲတာဝန်ခံများ၊ အမျိုးသမီးဘောလုံးကော်မတီဥက္ကဋ္ဌ ဒေါ်ခင်စံပယ်ကြည်၊အတွင်းရေးမှူး ဒေါ်မြတ်မြတ်ဦး၊ နည်းပြချုပ် ကုမာဒါနှင့်ကစားသမားများ တက်ရောက်ခဲ့ကြသည်။ မြန်မာ့လက်ရွေးစင် အမျိုးသမီးအသင်းအနေဖြင့် ပါလက်စတိုင်းနိုင်ငံ တွင် သွားရောက်ကစားရမည်ဖြစ်ရာ မတူညီသည့် စားသောက်နေထိုင်မှုနှင့်ရာသီဥတုအခြေအနေတို့ကို ဂရုတစိုက်ရှိကြစေရေး အတွက်လည်း တိုက်တွန်းမှာကြားခဲ့သည်။ ယင်းနောက် အမျိုးသမီးဘောလုံးကော်မတီ ဥက္ကဋ္ဌ ဒေါ်ခင်စံပယ်ကြည်မှလည်း ဆက်လက် အားပေးစကားပြောကြားခဲ့သည်။
မြန်မာ့လက်ရွေးစင် အမျိုးသမီးအသင်းအနေဖြင့် ပါလက်စတိုင်း နိုင်ငံတွင် ၂၀၁၄ အာရှခြေစစ်ပွဲ အုပ်စု(D)ပွဲစဉ်များ ယှဉ်ပြိုင်ကစား ရန် မေလ(၁၈)ရက်နေ့တွင် ရန်ကုန်မြို့မှ ထွက်ခွါမည်ဖြစ်သည်။ မြန်မာအသင်းသည် အုပ်စုပွဲစဉ်များအဖြစ် မေလ(၂၁)ရက်နေ့တွင် အိန္ဒိယ၊ မေလ(၂၃)ရက်နေ့တွင် အိမ်ရှင် ပါလက်စတိုင်း၊ မေလ (၂၅)ရက်နေ့တွင် တရုတ်(တိုင်ပေ)အသင်းများနှင့် ယှဉ်ပြိုင် ကစားရမည်ဖြစ်ပြီး အုပ်စု(ပထမ)တစ်သင်းသာ ခြေစစ်ပွဲအောင်မည်ဖြစ်သည်။
Popular Journal
အာရှခြေစစ်ပွဲဝင် မြန်မာအမျိုးသမီးဘောလုံးအသင်း မေလ(၁၈)ရက်နေ့တွင် ရန်ကုန်မြို့မှ ထွက်ခွါမည်
Labels:
အားကစား