5.5.2013
၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း၏ ရှမ်းပြည်နယ်၊ မြောက်ပိုင်း လူထုတွေ့ဆုံဆွေးနွေးပွဲခရီးစဉ်အဖြစ် ယမန်နေ့ညက ရန်ကုန်မြို့မှထွက်ခွာခဲ့ကြရာ ရှမ်းပြည်နယ်မြောက်ပိုင်း၊ လားရှိုးမြို့သို့ ယနေ့၊ မေလ ၅ ရက်၊ ညနေ ၃း၃၀ နာရီတွင် ရောက်ရှိခဲ့ကြသည်။
လားရှိုးမြို့သို့ အ၀င်တွင် ဒေသခံတိုင်းရင်းသားများက အတီးအမှုတ်၊ အကအခုန်များဖြင့် သောင်းသောင်းဖြဖြ ၀မ်းပန်းတသာကြိုဆိုခဲ့ကြပြီး ညနေ ၄း၀၀ နာရီတွင် လားရှိုးမြို့၊ ရပ်ကွက် (၁၀) ရှိ တောရကျောင်းပရိယတ္တိစာသင်တိုက်တွင် လူထုတွေ့ဆုံဆွေးနွေးပွဲကို ကျင်းပခဲ့ကြသည်။
အခမ်းအနားတွင် ကိုပြုံးချိုက အခမ်းအနားမှူးအဖြစ်ဆောင်ရွက်ပြီး မင်းဇေယျ၊ ကိုကိုကြီး၊ မင်းကိုနိုင်တို့က လက်ရှိ မြန်မာနိုင်ငံ၏ နိုင်ငံရေးအခြေအနေများနှင့် အရပ်ဖက်လူ့အဖွဲ့အစည်းတို့၏ အရေးပါမှုများကို ဆွေးနွေးပြောကြားခဲ့ကြပြီး လားရှိုးမြို့ ဒေသခံများ၏ အပြန်အလှန်မေးမြန်းဆွေးနွေးချက်များကို ပြန်လည်ဖြေကြားရှင်းလင်းခဲ့ကြသည်။ အခမ်းအနားကို အပြန်အလှန်ဆွေးနွေးချက်များအပြီး ညနေ ၆း၀၀ နာရီတွင် ရုပ်သိမ်းခဲ့သည်။
88 Generation Students
၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း၏ လားရှိုးမြို့ လူထုတွေ့ဆုံပွဲ
Labels:
ပြည်တွင်းသတင်း