May 15 13
ကင်ညာနိုင်ငံတွင် ပါလီမန် ဂိတ်ဝ၌ ဝက်များကို လွှတ်ပေးကာ အစိုးရ ဥပဒေပြု အမတ်များကို ပြည်သူများက ဆန္ဒပြခဲ့ကြောင်း သိရှိရသည်။ နိုင်ရိုဘီမြို့တော်ရှိ ပါလီမန် အဆောက်အအုံ ရှေ့မှောက်တွင် ဝက်ကောင်ရေ နှစ်ဒါဇင်ကို လွှတ်ပေးကာ ဥပဒေပြု အမတ်များကို လောဘကြီးသော ဝက်များဟု ဆန္ဒပြသူများက ခိုင်းနှိုင်း လှောင်ပြောင်ခဲ့ကြသည်။ အဓိကအားဖြင့် အသစ် ရွေးချယ် တင်မြှောက်ခံရသည့် အမတ်များက လုပ်ခလစာ ခံစားခွင့် တိုးမြှင့်ရယူရန် တောင်းဆိုမှုကို ပစ်မှတ်ထား ဆန္ဒပြခဲ့ခြင်း ဖြစ်သည်။ "ပါလီမန် အဖွဲ့ဝင်တွေ အနေနဲ့ သူတို့ စိတ်ထဲရှိတဲ့အတိုင်း လိုချင်သလို လုပ်ခလစာတွေ လျှောက်တောင်းနေတာမျိုး ကျွန်တော်တို့ ခွင့်မပြုနိုင်ဘူး"ဟု ဆန္ဒပြမှုကို စေ့ဆော်ဦးဆောင်သူ တစ်ဦးဖြစ်သည့် အိုကီယာ အွမ်တာတာက ပြောကြားခဲ့သည်။
၎င်းက "သူတို့ဟာ ဝက်တွေလိုပဲ လောဘကြီးတယ်။ ဒါကြောင့် သူတို့နဲ့ တူတဲ့ အကောင်တွေကို ကျွန်တော်တို့ ဒီခေါ်လာတာလေ"ဟုလည်း ဆိုသည်။ ဆန္ဒပြသူ အချို့သည် တိရစ္ဆာန်သွေးဟု ယူဆရသော အရာအချို့ကိုလည်း ပလက်ဖောင်းများပေါ်တွင် သွန်းလောင်းခဲ့ကြသည်။ ပါလီမန် အမတ်များ၏ လုပ်ခလစာကို ပြန်လည် စီစစ်ပြီး မြှင့်တင်ပေးရန် တောင်းဆိုခဲ့သည့် ဥပဒေပြုအမတ် မီသီကာ လင်တူရီက "ကင်ညာဆိုတာ မွဲတေနေတဲ့ နိုင်ငံ တစ်ခု မဟုတ်ဘူးလေ။ ဒီအဆိုကို လေးလေးစားစား လက်ခံ စဉ်းစားသင့်ပါတယ်"ဟု မှတ်ချက်ပြုထားသည်။
ကင်ညာနိုင်ငံ၏ အမတ်ရာထူးသည် လက်ရှိ အနေအထားတွင်ပင် အာဖရိကတိုက် တစ်ခုလုံး၌ အကောင်းဆုံး အလုပ်အကိုင် စာရင်းတွင် ပါဝင်နေပြီး ဖြစ်သည်။ ကင်ညာ ပါလီမန်မှ အမတ်တစ်ဦးသည် အခွန်ကင်းလွတ်ပြီး တစ်လလျှင် ဒေါ်လာ (၁၃၀၀၀)မျှ ရရှိနေသည်။ ဆန္ဒပြသူများသည် ၎င်းတို့ ယူဆောင်လာသည့် ဝက်များတွင် တစ်ကောင်ချင်းစီ၌ ၎င်းတို့ ရည်ညွှန်းလိုသည့် အမတ်များ၏ အမည်ကို ရေးထိုးထားကြသေးသည်။ ယခုဖြစ်စဉ်တွင် ဆန္ဒပြသူ (၁၀)ဦးမျှကို လုံခြုံရေးများက ထိန်းသိမ်းထားလိုက်ကြောင်းလည်း သိရှိရသည်။
Source: AFP
Planet Myanmar Network