ရန်ကုန်နှင့် မန္တလေးစက်မှုဇုန်များ ၂၄ နာရီ မီးဖြတ်

ရန်ကုန်- ရန်ကုန်တိုင်းဒေသကြီးနှင့် မန္တလေးတိုင်းဒေသကြီးအတွင်းရှိ စက်မှုဇုန်များနှင့် အစိုးရစက်ရုံ၊ အလုပ်ရုံများအား မေလ ၆ ရက်မှ စတင်၍လျှပ်စစ်မီးပေးဝေမှုရပ်ဆိုင်းထားကြောင်း သတင်းရရှိသည်။

“ဒီနေ့ပဲ စဖြတ်လိုက်တယ်။ အများပြည်သူကို ပိုပေးချင်လို့ပါ။ ရန်ကုန်တိုင်းက စက်မှုဇုန်အားလုံးပဲ”ဟု အထက်ပါရန်ကုန်မြို့တော် လျှပ်စစ်ဓာတ်အားပေးရေးအဖွဲ့ ဥက္ကဋ္ဌ ဦးအောင်ခိုင်က မေ ၆ ရက်တွင် ပြောကြားသည်။

ယခုနှစ်စက်မှုဇုန်များကို လျှပ် စစ်မီးဖြန့်ဝေပေးရာတွင် တက္ကသိုလ်ဝင်တန်းစာမေးပွဲနီးချိန်တွင် တစ်ရက် လေးနာရီဝန်းကျင်သာ မီးပေးသည်။ ယင်းမတိုင်မီက စက်မှုဇုန်များကို တစ်ရက် ၁၆ နာရီခန့် မီးပေးခဲ့သည်။ တက္ကသိုလ်ဝင်တန်း စာမေးပွဲပြီးနောက် စက်မှုဇုန်များကို လျှပ် စစ်မီးတစ်ရက်ကို ငါးနာရီသာ ပေးခဲ့ပြီးနောက်
ယနေ့မှစ၍ လျှပ်စစ်ပေးခြင်းကို စက်မှုဇုန်များတွင် ရပ်ဆိုင်းလိုက်သည်။

“လုံးလုံးမရတော့လည်း ဒီဇယ် နဲ့လည်ရတာပေါ့။ အရင်ကလည်း ရတယ်ဆိုတာ မီးချောင်းထွန်းဖို့ လောက်ပဲ။ မော်တာလည်ဖို့က မီး စက်နဲ့ပဲ အများဆုံးလည်ရတာ” ဟု လှိုင်သာယာစက်မှုဇုန် စီမံခန့်ခွဲမှုကော်မတီဥက္ကဋ္ဌ ဦးမြတ်သင်းအောင်က ဆိုသည်။

လျှပ်စစ်မီးသည် မြန်မာနိုင်ငံသို့ ပြည်ပရင်းနှီးမြှုပ်နှံမှုများ ၀င်ရောက်ရန်အတားအဆီးကြီးတစ်ခု ဖြစ်နေသည်။ နိုင်ငံတော်အစိုးရကလည်း ယင်းပြဿနာကိုဖြေရှင်းရန် နည်းလမ်းမျိုးစုံနှင့် ကြိုးပမ်းနေသည်။ လက်ရှိအချိန်တွင် နွေရာသီ၌ လူနေရပ်ကွက်များတွင် မီးရရှိမှုများလာသော်လည်း စက်မှုဇုန်များမှာ ယခင်အတိုင်းပင် လျှပ်စစ်မီး ပြတ်တောက်မှုနှင့် ကြုံတွေ့နေရကြောင်း ထုတ်ကုန်လုပ်ငန်းရှင်များက ပြောကြားသည်။

မန္တလေးမြို့တွင်လည်း မေလ ၆ ရက် နံနက် ၇ နာရီ မှ စတင်ကာ မန္တလေးတိုင်းဒေသကြီး အတွင်းရှိ စက်မှုဇုန်များနှင့် ပုဂလိက စက်မှုလုပ်ငန်းများအား ၂၄ နာရီပတ်လုံး လျှပ်စစ်ဓာတ်အားဖြတ်တောက် ကာဝန်အားလျှော့ချမည် ဖြစ်သည်။

နွေရာသီ မိုးနည်းကာလ ရေအားလျှပ်စစ်စက်ရုံများမှ လျှပ်စစ်ဓာတ်အားထုတ်လုပ်မှုလျော့နည်းလာပြီး အများပြည်သူအသုံးပြုရန် ၀န်အားအတွက်သာ လုံလောက်ခြင်းကြောင့် ၀န်အားလျှော့ချခြင်း ဖြစ်ကြောင်း၊ စက်မှုဇုန်များကို ၂၄ နာရီပတ်လုံး ဓာတ်အားပိတ်ထားမည်ဖြစ်ပြီး ရပ်ကွက်/ကျေးရွာများ အတွင်းရှိ ပုဂ္ဂလိက စက်မှုလုပ်ငန်း များကိုလည်း လျှပ်စစ်ဓာတ်အားလုံးဝသုံးစွဲခွင့်ပြုမည်မဟုတ်ကြောင်းစက်မှုလုပ်ငန်းရှင်များထံ အကြောင်းကြားသည့် ညွှန်ကြားစာများတွင် ဖော်ပြထားသည်။

“ပြည်ထောင်စုအစိုးရ အစီအ စဉ်ပါ။ တိုင်းဒေသကြီးသက်သက် မဟုတ်ပါဘူး။ အဆင်မပြေနိုင်တဲ့ အကြောင်းကိုလည်း တင်ပြညှိနှိုင်း နေပါတယ်”ဟု မန္တလေးတိုင်းဒေသ ကြီး လျှပ်စစ်နှင့်စက်မှုဝန်ကြီး ဒေါက်တာမြင့်ကြူက ပြောသည်။

“လုံးဝ ရပ်နားထားဖို့ဆိုတာ ဘယ်လိုမှကို မဖြစ်နိုင်ပါဘူး။ ဘယ် လောက်ကြာမယ်ဆိုတာလည်း မပါ ဘူး။ အခုတစ်မြို့လုံး ယောက်ယက် ခက်ကုန်ကြပြီ။ ဘာလုပ်လို့ ဘာကိုင်ရမှန်းကို မသိတော့ဘူး”ဟု အမရပူရမြို့မှ စက်ရက်ကန်းလုပ်ငန်း လုပ်ကိုင်သူ အမျိုးသားတစ်ဦးက ပြောသည်။ ဂက်စ်တာဘိုင် စက်ရုံများ မကြာမီ လည်ပတ်နိုင်တော့မည် ဖြစ်ခြင်း၊ မိုးအနည်းငယ် ရွာသွန်းလာခြင်းတို့ကြောင့် ယခုအစီအစဉ်မှာ အလွန်ဆုံး နှစ်ပတ်ခန့်သာ ကြာမြင့်နိုင်ကြောင်းလည်း ၀န်ကြီးက ပြောကြားသည်။
7Day News Journal