ရန်ကုန်ပြည်သူ့ဆေးရုံကြီးအား အရှေ့ တောင်အာရှ အဆင့်မီဆေးရုံအဖြစ် ဆောက်လုပ်မည်
ရန်ကုန်၊မေ ၄။
ရန်ကုန်ပြည်သူ့ဆေးရုံကြီးအား နိုင်ငံခြားမှ ဗိသုကာပညာရှင်နှင့် တိုင်ပင်ကာ အရှေ့တောင်အာရှအဆင့်မီသောဆေးရုံအဖြစ် တည်ဆောက်ရန် စီစဉ်လျက်ရှိကြောင်း ရန်ကုန်ပြည်သူ့ဆေးရုံအုပ်ကြီး ဒေါက်တာဦးကျော်ကျော်၏ပြောကြားချက်အရ သိရသည်။
“ဒီတိုးချဲ့ ဆောက်လုပ်မယ့် ရန်ကုန်ပြည်သူ့ ဆေးရုံသစ်ကြီးကို ဆေးရုံပုံစံရော ၊ ဆေးကိရိယာ ပစ္စည်းတွေရောကိုအရှေ့တောင်အာရှ အဆင့်မီတဲ့ ဆေးရုံအဖြစ် တည်ဆောက်ဖို့ အစီအစဉ်ရှိပါတယ်။ အခုအစိုးရက လက်ရှိဆောက်လုပ်နေတဲ့ ဆေးရုံတွေ ရှိပေမယ့် ပုံစံက လွန်ခဲ့တဲ့ နှစ် ၂၀၊ ၃၀ လောက်က ပုံစံတွေ ဖြစ်နေတယ်။ ရန်ကုန်ဆေးရုံကြီး ဆိုတာက ရန်ကုန်မြို့ရဲ့ မျက်နှာစာ ဆေးရုံဖြစ်တဲ့အတွက် အရှေ့တောင်အာရှ အဆင့်မီတဲ့ ပုံစံဖြစ်အောင် ဆောက်မှာပါ” ဟု ရန်ကုန်ဆေးရုံအုပ်ကြီးက ပြောကြားသည်။
ရန်ကုန်ဆေးရုံကြီး တည်ဆောက်ရန် ပြည်တွင်းပြည်ပမှ ကျွမ်းကျင်ပညာရှင်များ လိုအပ်ကြောင်း၊ ယခု
ဆေးရုံသစ် တည်ဆောက်ရန် အစီအစဉ်တွင် ကော်မတီဖွဲ့စည်းပြီး ဆောင်ရွက်လျက်ရှိပြီး ဒေါ်အောင်ဆန်းစုကြည်မှ ဥက္ကဌအဖြစ် တာဝန်ယူထားကြောင်း၊ ပြည်ပ နိုင်ငံဖြစ်သောUK မှ ဗိသုကာ ပညာရှင် လော့ဒါဇီ
နှင့်Master Plan ကို ၃လအတွင်း အပြီးရေးဆွဲရန် တိုင်ပင်လျက်ရှိကြောင်း၊ Philip ကုမ္ပဏီမှလည်း
အခမဲ့ ကူညီပေးရန် ကမ်းလှမ်းမှုများရှိကြောင်း ၊မည်သည့်ကုမ္ပဏီနှင့် တည်ဆောက်မည် ဆိုသည်ကိုမူ ယခုချိန်ထိမသတ်မှတ်ရသေးဘဲ ကော်မတီမှ ဆုံးဖြတ်မည်ဖြစ်ကြောင်း ဒေါက်တာဦးကျော်ကျော်က ထည့်သွင်း ပြောကြားသည်။
ရန်ကုန်ပြည်သူ့ ဆေးရုံသစ်ကြီးကို တည်ဆောက်မည့် မြေနေရာတွင် ယခုအခါ မင်းရဲကျော်စွာ ကားရောင်းဝယ်ရေးစခန်း (ယာယီ)အဖြစ် အသုံးပြုနေသော မြေနေရာတွင် တည်ဆောက်မည် ဖြစ်ကြောင်းကို “ဒါက နဂိုကတည်းကကျန်းမာရေး ၀န်ကြီးဌာနက ပိုင်တဲ့ မြေနေရာပေါ့။ ၈၇လောက်ကတည်းက ဒီမြေနေရာမှာ ဆေးရုံတိုးချဲ့ ဆောက်ဖို့ အစီအစဉ်က ရှိပြီးသား။ ၈၈အရေးအခင်းဖြစ်တော့ မဆောက်ဖြစ်ဘူး ဖြစ်သွား တာ။
ဆေးရုံကြီးအနီး အနားမှာ ဆေးရုံတစ်ရုံ အဖြစ်နဲ့ လုံလုံလောက်လောက် ဆောက်နိုင်တဲ့ မြေနေရာအနေအထားကလည်းဒီတစ်နေရာပဲ ကျန်တော့တဲ့ အတွက် ဒီနေရာမှာ ဆောက်မယ်ဆိုပြီးလုပ်ခဲ့တာပါ။” ဟု
ရန်ကုန်ဆေးရုံအုပ်ကြီးဦးကျော်ကျော်က ရှင်းလင်းပြောကြားသည်။
ရန်ကုန်ပြည်သူ့ဆေးရုံသစ်ကြီး ဆောက်လုပ်ရေးအတွက် နိုင်ငံတော်မှ ၂၀၁၃-၁၄ ဘဏ္ဍာရေးနှစ်အတွက်
မြန်မာကျပ်ငွေ ၅ဘီလီယံကျော်ကို ချထားပေးကြောင်း၊ ပြင်ပမှ အလှုရှင်များလည်းလှုဒါန်းနိုင်ကြောင်း၊ ရန်ကုန်ပြည်သူ့ဆေးရုံသစ်ကြီးကို ယခုနှစ်အတွင်းမှာပင်စတင်တည်ဆောက်မည်ဖြစ်ကြောင်း၊ ကုတင် ၅၀၀(သို့)ကုတင် ၁၀၀၀ဆန့် ဆေးရုံအဖြစ် တည်ဆောက်မည် ဖြစ်ကြောင်းသိရသည်။
ဆုဝေ
မြန်မာ့ခေတ်
Labels:
ပြည်တွင်းသတင်း