Posted on May 20 13 - 07:04 PM | Hits : 128
ရှေးဟောင်း မာယာ လူမျိုးတို့၏ လက်ရာ အမွေအနှစ် ပိရမစ်ကြီး တစ်ခုကို ဖျက်ဆီးမှုအတွက် ဘီလစ်ဇီ အစိုးရက ပြင်းပြင်းထန်ထန် ဝေဖန် ရှုတ်ချမှုများ ပြုလုပ်လိုက်သည်။ အင်္ဂါနေ့က လမ်းဖောက်လုပ်ရေး လုပ်ငန်းခွင် တစ်ခုအတွက် တာဝန်ယူထားသည့် ဆောက်လုပ်ရေး ကုမ္ပဏီ တစ်ခုက နှစ်ပေါင်း (၂၃၀၀) ကြာမြင့်တည်ရှိခဲ့သည့် ရှေးခေတ်လက်ရာ အမွေအနှစ်ကို ဘူဒိုဇာများဖြင့် ထိုးချ ဖျက်ဆီးနေမှုအား အစိုးရက ကန့်ကွက်ခဲ့သည်။ ယခုဖျက်ဆီးခံရသော ပိရမစ်သည် မာယာခေတ် လက်ကျန် ပိရမစ် အဆောက်အအုံများအနက် ဘီလစ်ဇီတွင် တည်ရှိနေသည့် အရွယ်အစား အကြီးဆုံး တစ်ခုလည်း ဖြစ်သည်။
ဘီလစ်ဇီ ခရီးသွားလုပ်ငန်းနှင့် ယဉ်ကျေးမှု ဝန်ကြီးဌာနက နိုမူလ် ပိရမစ်ကို ဖျက်ဆီးမှုကို လက်ခံနိုင်စရာ မရှိကြောင်း ပြောကြားခဲ့သည်။ အဆိုပါ ပိရမစ်သည် နိုင်ငံမြောက်ပိုင်းရှိ မက္ကစီကိုနှင့် နယ်နိမိတ် အနီးတွင် တည်ရှိသည်။ "သက်တမ်း နှစ်ပေါင်း (၂၃၀၀)လောက် ရှိနေတဲ့ လူသားယဉ်ကျေးမှု အမွေအနှစ် လက်ရာတစ်ခုကို ဖျက်ဆီးတယ်ဆိုတာ မျက်ကွယ်ပြုလို့မရတဲ့၊ ခွင့်လွှတ်လို့ မရတဲ့ လုပ်ရပ်ပဲ"ဟု ဝန်ကြီးဌာနမှ ပြောရေးဆိုခွင့်ရ အရာရှိက ပြောကြားခဲ့သည်။ နိုမူလ်ကဲ့သို့ ယဉ်ကျေးမှု အမွေအနှစ်များကို မည်သို့သောအခြေအနေတွင်မဆို ထိန်းသိမ်းသင့်ကြောင်းလည်း ၎င်းက ဆိုသည်။
ဘီလစ်ဇီ မနုဿဗေဒ ဌာန၏ အကြီးအကဲဖြစ်သူ ဂျင်မီအောက ပိရမစ်ကို သာမန် တောင်ကုန်းတစ်ခုနှင့် အမြင်မှားနိုင်စရာ အကြောင်းမရှိဟုလည်း ဝေဖန်ခဲ့သည်။ ကုမ္ပဏီကမူ မိမိတို့သည် ယင်းကို တောင်ကုန်းတစ်ခုဟုသာ ယူဆခဲ့ကြောင်း ဖြေရှင်းထားသည်။ အောကမူ ယင်းပိရမစ် တည်ရှိသည်ကို လူအများ သိရှိထားသလို တည်ဆောက်ပုံ အရလည်း သဘာဝ ကျောက်ဆောင်များထက် များစွာ ပြန့်ပြူး သပ်ရပ်နေကြောင်း ထောက်ပြခဲ့သည်။
အတိုက်အခံ ပါတီဖြစ်သော ပြည်သူ့ညီညွတ်ရေး ပါတီကပါ အစိုးရကို ယခုကိစ္စတွင် ထောက်ခံခဲ့ပြီး ယင်းဖျက်ဆီးမှုသည် သမိုင်းအမွေအနှစ်ကို ဖျောက်ဖျက်မှုဟု စွပ်စွဲခဲ့သည်။
အဆိုပါ လုပ်ရပ်သည် ယင်းဒေသ၏ ကမ္ဘာလှည့် ခရီးသွား လုပ်ငန်းကိုပါ ထိခိုက်စေမည်ဟုလည်း အတိုက်အခံ ပါတီက ထောက်ပြခဲ့သည်။ ဘီလစ်ဇီသည် အလယ်ပိုင်း အမေရိကတွင် တည်ရှိသည့် နိုင်ငံငယ်လေး တစ်ခုဖြစ်ပြီး လူဦးရေ သုံးသိန်းခွဲမျှသာ မှီတင်းနေထိုင်သည်။ နိုင်ငံ၏ နေရာအများစုမှာ သစ်တောများဖြင့် ဖုံးလွှမ်းနေပြီး ရာပေါင်းများစွာသော မာယာခေတ်လက်ရာ အဆောက်အအုံပျက် ရာနှင့်ချီပြီး ကြွင်းကျန် တည်ရှိနေဆဲဟု သိရှိရသည်။
Source: CBS News, Planet Myanmar Network
