ကျိုင်းတုံ၊ ဇွန် ၁၆
ကမ္ဘာပေါ်တွင် ပြည်တွင်းစစ် သက်တမ်းရှည် မြန်မာနိုင်ငံရှိ တိုင်းရင်းသား လက်နက်ကိုင် အဖွဲ့အစည်းအများအပြား အခြေပြုသည့် ရှမ်းပြည်နယ် အရှေ့ပိုင်း ကျိုင်းတုံမြို့တွင် အပြည်ပြည်ဆိုင်ရာ ကြက်ခြေနီ ကော်မတီ (ICRC) က ခြေလက်အင်္ဂါ ချို့ယွင်းသူများအတွက် ခြေလက် အစားထိုး တပ်ဆင်ရန် ခြေတုလက်တု အလုပ်ရုံကို ၂၀၁၄ ခုနှစ်တွင် ဖွင့်လှစ်မည်
ဖြစ်ကြောင်း ICRC မှ ခြေတုလက်တု ပညာရှင် Mr.Leo Gasser ကပြောကြားသည်။
အဆိုပါ အကြောင်းအရာကို ကျိုင်းတုံမြို့တွဲဖက်ပြည်နယ် ကြက်ခြေနီ ကြီးကြပ်မှု ကော်မတီရုံးတွင် ဇွန်လ ၁၆ ရက်နေ့က ကျင်းပသော အပြည်ပြည်ဆိုင်ရာ ကြက်ခြေနီ ကော်မတီ (ICRC) နှင့် မြန်မာ နိုင်ငံ ကြက်ခြေနီအသင်း (MRCS) တို့ ပူးပေါင်း၍ ခြေလက်အင်္ဂါ ချို့ယွင်းမှုကြောင့်
ဖြစ်သော မသန်စွမ်းသူများ စာရင်းကောက်ယူ ရေးဆွေးနွေးပွဲတွင် ၎င်းက ပြောကြားခဲ့ခြင်း ဖြစ်သည်။
“ဒီနှစ် ဇူလိုင်ကနေ စက်တင်ဘာလအထိ စစ်တမ်းကောက်မယ်။ ၂၀၁၄ နှစ် ဆန်းမှာ အလုပ်ရုံ ဆောက်ပြီးတော့ နှစ်ကုန်ပိုင်းမှာ လုပ်ငန်း စတင်မယ”ဟု ၎င်းက ဆိုသည်။
ကျိုင်းတုံမြို့နယ်တွင် ခြေလက် ချို့ယွင်း၍ မသန်စွမ်း ဖြစ်နေသူများကို စာရင်း ကောက်ယူမည် ဆိုပါက ခြေတုလက်တု တပ်ဆင်ထားသူ တစ်ရာကျော်ခန့် ရှိကြောင်း တွဲဖက်ပြည်နယ် ကြက်ခြေနီ ကြီးကြပ်မှု ကော်မတီမှ ဒေါက်တာ ဝဏ္ဏစိုးက ရှင်းပြသည်။
ကမ္ဘာ့ကျန်းမာရေး အဖွဲ့ (WHO) ၏ စံသတ်မှတ်ချက်အရ မြန်မာနိုင်ငံတွင်
ခြေတုလက်တု ပညာရှင် ၃၆၀ ဦး လိုအပ်လျက်ရှိပြီး လက်ရှိ အနေအထားတွင် ICRC ၌ ခြေတုလက်တု ပညာရှင် ၁၁ ဦး သာ ရှိသည့် အတွက် ပညာရှင်များစွာ လိုအပ်နေဆဲ ဖြစ်ကြောင်း Mr.Leo Gasser ကထပ်လောင်း ပြောကြားသည်။
အပြည်ပြည်ဆိုင်ရာ ကြက်ခြေနီ ကော်မတီ (ICRC) က ခြေတုလက်တု အလုပ်ရုံကို ရှမ်းပြည်နယ် အရှေ့ပိုင်း ကျိုင်းတုံမြို့တွင် သာမက ကချင်ပြည်နယ်တွင်လည်း ဖွင့်လှစ်မည် ဖြစ်ကြောင်း ICRC ၏ ထုတ်ပြန်ချက်အရ သိရသည်။
The Voice Weekly
ကျိုင်းတုံတွင် ICRC ခြေတုလက်တု အလုပ်ရုံ ဖွင့်မည်
Labels:
ပြည်တွင်းသတင်း