လူကြိုက်များလာသော ဆူဇူကီးပစ်ကပ် ရက်သတ္တပတ်အတွင်း ဈေးနှုန်းမြင့်တက်လာ

သီဟကိုကို | တနင်္လာနေ့၊ ဇူလိုင်လ ၂၉ ရက် ၂၀၁၃ ခုနှစ် ၂၀ နာရီ ၅၇ မိနစ် 

ရန်ကုန်မြို့ ကားဈေးကွက်မှာ ဇူလိုင်လအတွင်း လူကြိုက်များလာပြီး အ၀ယ်လိုက်လျက်ရှိသော ဆူဇူကီးပစ်ကပ်ကား (ခွေးဘီလူး) တွေ ယခုရက်သတ္တပတ်အတွင်း ဈေးနှုန်းမြင့်တက်လာနေကြောင်း ရန်ကုန်မြို့ကားဈေးကွက်မှ ကားအရောင်းသမားများက ဆိုသည်။

ယခင် လူကြိုက်အများဆုံးဖြစ်ခဲ့သော ပရိုဘောက်ကားအမျိုးအစားများမှ တောင်တက်တောင်ဆင်းများတွင် အင်ဂျင်အပူတက်ကာ မီးလောင်ကျွမ်းမှုများကြောင့် နယ်အဆွဲနည်းလာခဲ့ပြီး ရန်ကုန်တွင်သာ အရောင်းအ၀ယ်ဖြစ်လျက်ရှိရာ ဈေးကွက်အတွင်း ဆူဇူကီးပစ်ကပ်များ အ၀ယ်လိုက်လာကြောင်း ယင်း တို့က ဆိုသည်။

ရန်ကုန်ကားဈေးကွက်တွင် ကားဝယ်ရောင်းလုပ်ငန်း လုပ်သက်ဆယ်နှစ်ကျော်ရှိနေသည့် ကားဝယ်ရောင်းသမား ဦးမျိုးက “အခုနောက်ပိုင်း ဆူဇူကီးပစ်ကပ်တွေက လူကြိုက်များလာပြီး ဈေးပါလိုက်တက်လာတယ်။ ဒီတစ်ပတ်ထဲမှာ အရင်ဈေးထက် သုံးသိန်းလောက်ကို လိုက်တက်လာတယ်။ လူတွေက အော်တိုဂီယာကို ပိုကြိုက်ကြတယ်”ဟု မဇ္ဈိမသို့ ပြောသည်။

ဇူလိုင်လဆန်းတွင် ဆူဇူကီးပစ်ကပ် ၂၀၀၇၊ ၂၀၀၈ မော်ဒယ် Manual တစ်စီးလျှင် ကျပ်သိန်း ၆၀၊ ၆၅ သိန်းခန့်ရှိရာမှ ၆၃ သိန်း၊ ၆၈သိန်း အထိ ဈေးပေါက်လာသလို အော်တိုတစ်စီးလျှင် ကျပ်သိန်း ၇၀မှ ၇၃ သိန်းအထိ ဈေးတက်လာကြောင်း ကားဈေးကွက်မှ သိရသည်။

မြန်မာနိုင်ငံမှ ကားများကို အဓိကတင်သွင်းလျက်ရှိသော ဂျပန်နိုင်ငံ၏ ယန်းငွေဈေးမှာ မြင့်တက်လျက်ရှိပြီး ကားတစ်စီးလျှင် ပျမ်းမျှ ကျပ်ငွေ ၁၀ သိန်းခန့် ဈေးမြင့်လျက်ရှိရာ ရန်ကုန်ကားဈေးကွက်အတွင်း ကားဈေးနှုန်းများမှာ ဈေးနှုန်းမာလျက်ရှိပြီး အရောင်းအ၀ယ် အေးလျက်ရှိကြောင်း သိရှိရသည်။

မင်းရဲကျော်စွာယာဉ်ရောင်းဝယ်ရေးစခန်းမှ ကားဝယ်ရောင်းသမား ဦးဖက်တီး(မော်လမြိုင်) က “သူတို့က ဈေးပေါတာထက် လူလည်းစီးလို့ရတယ်၊ လုပ်ငန်းသုံးလည်း သုံးကြတာများတော့ ဈေးကွက်မှာ အရောင်း အ၀ယ်လေး လိုက်လာတယ်။ ပရိုဘောက်ကတော့ ကျပ်သိန်း ၁၀၀၊ ၁၀၅ လောက်ပဲ”ဟု ပြောသည်။

ကားအရောင်းပြခန်းအများစုတွင် ဆူဇီးကီးပစ်ကပ် မော်ဒယ်မြင့် ၂၀၁၃ များသာ အရောင်းများပြီး တစ်စီးလျှင် ကျပ်သိန်း ၁၀၀ ကျော်ဈေးရှိလျက်ရှိကြောင်း သိရှိရသည်။

ရန်ကုန်မြို့ကားအရောင်းပြခန်းမှ မန်နေဂျာတစ်ဦးက “Showroom တွေမှာလည်း ဆူဇူကီးပစ်ကပ်လေးတွေ အရောင်းသွက်ပါတယ်။ ၂၀၀၈ အထက်မော်ဒယ်တွေ အရောင်းများတယ်။ ၂၀၁၂ လောက်အထိ ရှိပါတယ်။ Duty ဆောင်ပြီးဆို ကျပ်သိန်း ၁၀၀ လောက်တော့ ရှိတယ်”ဟု ပြောကြားသည်။

ရန်ကုန်ကားဈေးကွက်အတွင်းတွင် အခြားကားအမျိုးအစားများဖြစ်သည့် တိုရိုတာကားများ အရောင်းအ၀ယ်ဖြစ်လျက်ရှိပြီး တိုရိုတာဗက်တာ ၂၀၀၈ တစ်စီးလျှင် ကျပ်သိန်း ၁၂၀ ၀န်းကျင်၊ တိုရိုတာဗစ် တစ်စီးလျှင် ကျပ်သိန်း ၁၁၀ ၀န်းကျင်၊ ဟွန်ဒါဖစ် ၂၀၀၉ မော်ဒယ်တစ်စီးလျှင် ကျပ် ၁၂၅ သိန်း၊ အေဒီဗင် ၂၀၀၈ တစ်စီးလျှင် ကျပ် ၁၀၅ သိန်းဈေးတို့ဖြင့် ဈေးပေါက်လျက်ရှိကြောင်း သိရှိရသည်။

Mizzima - News in Burmese'