ရန်ကုန်-မန္တလေး လမ်းဟောင်းတွင် ရွှေနန်းတော် မြ၀တီ-ဇရပ်ကြီး ခရီးသည် တင် မှန်လုံယာဉ် တိမ်းမှောက်

တိမ်းမှောက်သွားသော ခရီးသည်တင် ယာဉ်အတွင်းမှ ဒဏ်ရာရရှိသူများအား ၀ိုင်းဝန်းကယ်ဆယ်နေစဉ်

15.8.2013
သြဂုတ် ၁၄ ရက် နံနက် ၇ နာရီ ၄၅ မိနစ်အချိန်က တောင်ငူခရိုင် အုတ်တွင်းမြို့နယ် အင်ဒိုင်းကျေးရွာ အနီးတွင် ရွှေနန်းတော် မြ၀တီ-ဇရပ်ကြီး ခရီးသည် တင်မှန်လုံယာဉ်တစ်စီး လမ်းဘေးသို့ ဆွဲချတိမ်းမှောက် မှု ဖြစ်ပွားခဲ့ရာ လူတစ်ဦး သေဆုံးခဲ့ပြီး ၅ ဦးအား ဆေးရုံတင်ပို့ ကုသထားရကြောင်း သိရသည်။

မြ၀တီမြို့မှ ဇရပ်ကြီးမြို့သို့ သြဂုတ် ၁၃ ရက် နံနက် ၉ နာရီမှ စတင်ထွက်ခွာလာသော ယာဉ်အမှတ် ၄င/၇၅၃၄ ယာဉ်မောင်း မင်းသိန်းကျော် (၂၃ နှစ်)(ဘ) ဦးအောင်နိုင် ဖြူးမြို့နယ်နေသူ မောင်းနှင် လာသော FUSO ခြောက်ဘီး ရွှေနန်းတော် မြ၀တီ-ဇရပ်ကြီး ခရီးသည် တင်မှန်လုံယာဉ် တစ်စီးသည် ယာဉ်မောင်းယာဉ်နောက်လိုက်နှင့် ခရီးသည် အပါအ၀င် လူ ၁၀ ဦးအား တင်ဆောင်လာပြီး တောင်ငူခရိုင်၊ အုတ်တွင်းမြို့နယ် အင်ဒိုင်းကျေးရွာအနီး အမြန်လမ်းမဟောင်း မိုင်တိုင်အမှတ် ၁၆၂ မိုင် ၆ ဖာလုံနှင့် ၇ ဖာလုံအကြား တွင် တောင်မှမြောက် သို့ မောင်းနှင်လာစဉ် အရှိန်မထိန်းနိုင်ဘဲ လမ်း၏အနောက်ဘက်သို့ ဆွဲချတိမ်းမှောက်ခဲ့ရာ ယာဉ်နောက်လိုက်တစ်ဦး သေဆုံးပြီး ခရီးသည် ကျားနှစ်ဦး မသုံးဦးအား အုတ်တွင်းမြို့နယ် ပြည်သူ့ဆေးရုံကြီးသို့ တင်ပို့ကုသ ထားရကြောင်း သိရသည်။

"ကားက ခရီးဆုံးခါနီးဆိုတော့ လူ ၁၀ ယောက် ၀န်းကျင်လောက်ပဲ ကျန်တော့တယ် ကျွန်မတို့ လင်မယားက ရှေ့တစ်ခုံ နောက်တစ်ခုံ ထိုင်နေတာ ကျွန်မက ကားမောင်းတဲ့သူရဲ့ နောက်တစ်ခုံကျော်မှာ စီးလာတာပါ။ ကျွန်မတို့ စီးလာတဲ့ကားက ရှေ့ကမောင်းနေတဲ့ မှန်လုံကားတစ်စီးကို ကျော်တက်ဖို့ လုပ်နေတာ အဲဒီအချိန်မှာ ကားမောင်းတဲ့သူက လက်တစ်ဖက်က ဖုန်းပြောနေပြီး လက်တစ်ဖက်တည်းနဲ့ ကားမောင်းနေတာ တွေ့ရတယ်။ ကားကလည်းအရှိန်နဲ့ မောင်းနေတာဖြစ်တော့ အရှိန်မထိန်းနိုင်ဘဲ ဟိုလူးဒီလူးဖြစ်ပြီး လမ်းရဲ့ဘယ်ဘက်ကို မှောက်သွားတာ ကျွန်မသိလိုက်တဲ့ အချိန်မှာ ကျွန်မက မြေကြီးထဲမှာ မျက်နှာမှောက်ပြီး ကားအောက်ရောက်နေတာ အဲဒီအချိန် အပြင်ကလူတွေက ဆွဲထုတ်တာပါ" အုတ်တွင်းမြို့နယ် ပြည်သူ့ဆေးရုံကြီးတွင် အတွင်းလူနာအဖြစ် ကုသမှု ခံယူနေရသူ မနန်းတင်မျိုးခမ်းက ဆိုသည်။

ဆေးရုံတက်တဲ့ ငါးယောက်ထဲမှာ ကျားတစ်ဦးနဲ့ မနှစ်ဦး၊ သုံးဦးကို တောင်ငူဆေးရုံကြီးကို လွှဲလိုက်ပါပြီ။ အဲဒီထဲမှာ မသိင်္ဂီ (၂၁ နှစ်)ဆိုတဲ့ အမျိုးသမီးကတော့ ဘယ်ဘက်ညှပ်ရိုးနဲ့ ညာဘက်ခြေသလုံးရိုး ကျိုးသွားတော့ လိုအပ်လို့ တောင်ငူဆေးရုံကြီး လွှဲလိုက်တာ ကျန်တဲ့နှစ်ယောက်ကတော့ သူတို့က တောင်ငူဆေးရုံကြီး ကို ပြောင်းတက်ချင်တယ်ဆိုလို့ ရွှေ့ပေးလိုက်တာပါ ငါးယောက်ထဲမှာ လေးယောက်က သာမာန်ဖူးရောင် ပေါက်ပြဲ ဒဏ်ရာလောက်ပဲ ဖြစ်ပါတယ်" ဟု အုတ်တွင်းမြို့နယ် ပြည်သူ့ဆေးရုံ အုပ် ဒေါက်တာကြည်စန်းထက်မှ ပြောကြားသည်။

အဆိုပါဖြစ်စဉ်နှင့်ပ တ်သက်ပြီး အုတ်တွင်းမြို့နယ် ကျွဲပွဲရဲစခန်းမှ ယာဉ်မောင်းမင်းသိန်းကျော်အား ယာဉ်(ပ)၁၁။ ၂၀၁၃၊ ပြစ်မှုပုဒ်မ ၃၀၄-က။ ၃၃၇။ ၃၃၈ ဖြင့် အမှုဖွင့် အရေးယူ ဆောင်ရွက်ထားရှိကြောင်း သိရသည်။
Eleven Media Group

တာမွေမှယာဉ်တိုက်မှု စစ်ဆေးနေဆဲဖြစ်၊ ယာဉ်တိုက်ခံရသူ စိုးရိမ်နေရ

ရန်ကုန် ၊ သြဂုတ် ၁၃။
သြဂုတ်လ ၁၂ ရက်နေ့ နေ့လည် ၁၂ နာရီတွင် တာမွေမြို့နယ် ၁၆၆ လမ်းထိပ်အလွန်၌ အမျိုးသမီးတစ်ဦး
ယာဉ်တိုက်မှု ဖြစ်ပွား၍ ဦးခေါင်းဒဏ်ရာရရှိကာ ရန်ကုန်ဆေးရုံကြီးတွင်
အတွင်းလူနာအဖြစ်ကုသနေရကြောင်း ရန်ကုန်တိုင်း ရဲဌာနချုပ်မှ သိရသည်။

တာမွေမြို့နယ် ၁၆၆လမ်းအနီ လမ်းဖြတ်ကူရာမှ တိုယိုအေ့စ်အစိမ်းရောင် ကိုယ်ပိုင်ကားသည် တစ်ဖက်ယာဉ်ကြောသို့
ဝင်ရောက် မောင်းနှင်လာပြီး အတိုက်ခံရခြင်းဖြစ်ကြောင်းနှင့်
အတိုက်ခံရသူ အမျိုးသမီးမှာ ဦးခေါင်းဒဏ်ရာ ရရှိ၍ ရန်ကုန် ဆေးရုံကြီးသို့ တင်ပို့ခဲ့ရပြီး လက်ရှိတွင်
အတွင်းလူနာအဖြစ် ဆေးကုသမှုခံယူနေရပြီး စိုးရိမ်နေရကြောင်း သိရသည်။

လက်ရှိတွင် တာမွေမြို့နယ် ယာဉ်ထိန်းတပ်ဖွဲ့မှ ရဲအုပ် ကျော်လွင်မိုးမှ တရားလိုပြုလုပ် တိုင်တန်းမှုအား
တာမွေမြို့နယ် မြို့မ ရဲစခန်းမှ ယာဉ်(ပ)၂၆/၁၃ဖြင့် ပြစ်မှုပုဒ်မ-၂၇၉/၃၃၈ဖြင့် ယာဉ်မောင်းအား
စစ်ဆေးလျက်ရှိကြောင်း သိရသည်။
ပိုင်လေး
မြန်မာ့ခေတ်

ပြည်လမ်းတွင် ယာဉ်တိုက်မှုဖြစ်၍ (၁)ဦးသေ (၅)ဦးဒဏ်ရာရ

Monday, August 05, 2013
၎.၈.၂၀၁၃ ရက်နေ့ ၂၃၃၀ အချိန် ကမာရွတ်မြို့နယ်၊ ပြည်လမ်းအတိုင်း တောင်မှမြောက်သို့ ယာဉ်မောင်း အောင်ကိုဝင်း (စုံစမ်းဆဲ)မောင်းနှင်လာသော ၂စ/---- ကင်တာအမျိုးအစား (ကိုယ်ပိုင် ယာဉ်)သည် မြန်မာ့အသံဝင်းရှေ့အရောက်တွင် အရှိန်မထိန်းနိုင်ဘဲ တဖက်ယာဉ်ကြောသို့ရောက်ရှိ ကာ ပြည်လမ်းအတိုင်း မြောက်မှတောင်သို့ ကိုတင်ဇော်မင်း (ဘ)ဦးတင်အုန်း၊ ရွှေကျင်မြို့နယ်၊ ပဲခူးတိုင်းဒေသကြီးနေသူ မောင်းနှင်လာသော ၈ဆ/---- လိုက်ထရပ်(ကိုယ်ပိုင်ယာဉ်)နှင့် နောက်ဘက်မှ ကိုအောင်ဝင်း မောင်းနှင်လာသည့် ၃စ/---- ဟိုင်းလတ်ဆပ်(ကိုယ်ပိုင်ယာဉ်)တို့အား တိုက်မိခဲ့ပါသည်။

ယာဉ်တိုက်မှုကြောင့် ယာဉ်(၃)စီးနှင့် ပန်းခုံများပျက်စီးခဲ့ပြီး ၂စ/---- ယာဉ်ပေါ်ပါ ရွှေပြည်သာမြို့နယ် နေသူများဖြစ်သည့်
ကိုရဲ (ဘ)ဦးဇော်လင်း၊ ကိုမင်းဇယ်ရူး (ဘ)ဦးဖိုးရူး၊ ကိုကျော်သက်နိုင် (ဘ)ဦးစိန်ဝင်း၊ ကိုဇော်မင်းထက် (ဘ)ဦးတင်အုန်းနှင့် ၈ဆ/---- ယာဉ် ပေါ်ပါ ယာဉ်မောင်း ကိုတင်ဇော်မင်းတို့တွင် ဖူးရောင်၊ ပေါက်ပြဲ၊ နာကျင်ဒဏ်ရာများ အသီးသီးရရှိခဲ့သဖြင့် ရန်ကုန်ဆေးရုံကြီးတွင် အတွင်း/အပြင်လူနာများအဖြစ် ကုသလျက်ရှိပြီး၊ ၈ဆ/---- ယာဉ်ပေါ်ပါ ကိုအောင်လင်းစိုး (စိစစ်ဆဲ)မှာ နဖူးစုတ်ပြဲ၊ ၀ဲနားသွေးထွက်၊ ၀ဲခြေ၊ လက်ဖျံတို့တွင် ဖူးရောင်ဒဏ်ရာ များရရှိခဲ့၍ ရန်ကုန်ဆေးရုံကြီးသို့ပို့ဆောင်စဉ် သေဆုံးသွားခဲ့ပါသည်။

အဆိုပါယာဉ်တိုက်မှုတွင် ယာဉ်အားမဆင်မခြင်မောင်းနှင်သူ ၂စ/---- ကင်တာအမျိုးအစား ယာဉ်မောင်း အောင်ကိုဝင်းမှာ အခင်းဖြစ်နေရာတွင် ယာဉ်ကိုထားကာထွက်ပြေးသွားခဲ့သဖြင့် ၎င်းအား ကမာရွတ်မြို့မရဲစခန်းယာဉ်(ပ)၄၀/၂၀၁၃၊ ပုဒ်မ ၂၇၉/၃၃၇ /၃၃၈/၃၀၄-က/၂၀၂ ဖြင့်အရေးယူ ထားရှိပြီး ဖမ်းဆီးရမိရေးဆောင်ရွက်လျက်ရှိကြောင်းသတင်းရရှိပါသည်။
Yangon Police

ပါဂျဲရိုး ကားတစ်စီး ဆူးလေခုံးကျော် တံတားအောက်သို့ အရှိန်လွန် ထိုးကျ

Monday, August 05, 2013
ဆူးလေခုံးကျော်တံတားပေါ်မှ ပါဂျဲရိုး ကားတစ်စီး အရှိန်လွန် ထိုးကျမှုတစ်ခု သြဂုတ်လ ၄ ရက် နေ့လယ် ၁၁ နာရီခွဲခန့်တွင် ဖြစ်ပွားခဲ့ကြောင်း သိရှိရသည်။

ဆူးလေဘုရား လမ်းမကြီးပေါ်အတိုင်း ရန်ကုန်ဘူတာကြီးဘက်သို့ မောင်းနှင်းလာသော ပါဂျဲရိုးကားမှာ ဆူးလေရထားလမ်း ခုံးကျော်တံတားပေါ် အတက်တွင် တံတားပေါင်အား အရှိန်ဖြင့် တိုက်မိကာ အောက်ရှိရထားလမ်းပေါ်သို့ ထိုးကျခဲ့ကြောင်း မျက်မြင်တွေ့ရှိသူများ၏ ပြောကြားချက်အရ သိရသည်။

ယင်းဖြစ်စဉ်အား မျက်မြင်တွေ့ရှိသူနှင့် ယာဉ်ပေါ်ပါသူ နှစ်ဦးအား ဆေးရုံသို့ ပို့ဆောင်ပေးခဲ့သူ ကိုလှဌေးက "ကျွန်တော်က ပထမဆုံး သိလိုက်ရတာ အသံအကျယ်ကြီးနဲ့ ၀ှီးဆိုပြီးတော့ တက်လာတာတွေ့တယ်။ နောက်တော့နိုင်ငံခြားကားတွေထဲကလို ဇောက်ထိုးကြီး အောက်ကိုကျလာပြီး ကားကပက်လက်လန်သွားတယ်" ဟု ပြောသည်။

ယင်းနောက် ပက်လက်လန် အနေအထား ပါဂျဲရိုးကားအား နီးစပ်ရာ လူငါးယောက်ခန့်မှ တစ်ဖက်သို့လှန်ကာ ယာဉ်ပေါ်ပါသူ နှစ်ဦးကို ကယ်ဆယ်ခဲ့ရကြောင် ၎င်းမှဆက်လက် ပြောကြားသည်။

ကယ်ဆယ်ခဲ့ရာတွင် ယာဉ်မောင်းဘက်ခြမ်းတွင် အသက်အသက် ၂၀ အရွယ် အမျိုးသမီးတစ်ဦးနှင့် ယာဉ်မောင်းဘေးရှိ အသက် ၅၀ ခန့်အရွယ် အမျိုးသားတစ်ဦးတို့အား တွေ့ရှိခဲ့ရကြောင်း၊ အမျိုးသမီးမှာ သတိလစ်နေပြီး ဆေးရုံသို့ပို့ဆောင်နေစဉ် အချိန်အတွင်း၌ ပြန်လည်သတိရရှိခဲ့ပြီး ဒဏ်ရာအချို့ ရရှိခဲ့ကြောင်း၊ အမျိုးသားမှာ မျက်နှာနှင့် ခြေထောက်တို့တွင် ဒဏ်ရာများ ရရှိခဲ့ကြောင်း ကယ်ဆယ်မှုတွင် ပါဝင်ခဲ့သူ ရထားလမ်းဝန်ထမ်း တစ်ဦးက ပြောကြားသည်။

ပါဂျဲရိုးယာဉ် ခုံးကျော်တံတားအောက်သို့ အရှိန်လွန် ပြုတ်ကျခဲ့ခြင်း ဖြစ်သည်ဟု သုံးသပ်ထားကြောင်း ဖြစ်စဉ်အား စစ်ဆေးနေသည့် မင်္ဂလာတောင်ညွှန့်မြို့နယ်မှ ယာဉ်မှုစစ် ရဲအုပ်ဖုန်းမြင့် သြဂုတ် ၄ ရက် နေ့လယ် ၂ နာရီခန့်က ပြန်လည်ဖြေကြားခဲ့သည်။

ပြုတ်ကျသွားသည့်ယာဉ်အား အမြန်ဆုံး ကရိန်းဖြင့် မယူမှုများ ပြုလုပ်သွားမည်ဖြစ်ပြီး ဖြစ်စဉ်အတိအကျအား စုံစမ်းစစ်ဆေးနေကြောင်း ယာဉ်မှုစစ် ရဲအုပ်ဖုန်းမြင့်က ဆက်လက်ပြောကြားသည်။ ယင်းဖြစ်စဉ်အား လာရောက်ကြည့်ရှုခဲ့သူ ၂၀၀ ခန့်ရှိကြောင်း သိရသည်။
eleven media group

ယာဉ်တိုက်မှုဖြစ်လူတစ်ဦးသေဆုံး ယာဉ်မောင်းသမား တိမ်းရှောင်နေဆဲ

မိုးညှင်း၊ သြဂုတ် ၃။
ကချင်ပြည်နယ်၊ မိုးညှင်းမြို့ အားကစားဘောလုံးကွင်းအနီး ပြည်ထောင်စုလမ်းမကြီးနှင့် ဦးဖိုးလှိုင်လမ်းထောင့်တွင် လူသေမှုတစ်ခု ဇူလိုင် ၃၁ရက်နေ့က ဖြစ်ပွားခဲ့သည်။

ဖြစ်စဉ်မှာ ဆယ်ဘီးကား(ယာဉ်အမှတ်၉/ခ ၇၂၄၅)သည် ပြည်ထောင်စုလမ်းမကြီးအတိုင်း မန္တလေးဘက်သို့သွားရာ ဦးဖိုးလှိုင်လမ်းကြားမှ ဖြတ်တက်လာသော ဆိုင်ကယ်မှာ အရှိန်မထိန်းနိုင်ဘဲ တိုက်မိသွားခဲ့ခြင်း ဖြစ်သည်။

ဆိုင်ကယ်၏ အနောက်တွင် စီနှင်းလာသူ မိုးညှင်းမြို့အောင်သပြေ(၂)နေ မောင်တူးတူးမှာ အဝေးသို့ လွင့်စဉ်ကာမျက်နှာတွင် ဒဏ်ရာများရရှိသွားခဲ့ပြီး ဆိုင်ကယ်မောင်းနှင်လာသူ မောင်လဆန့်(ခ)၀င်းနိုင်မှမှာ သေဆုံးသွားခဲ့သည်။

ဆယ်ဘီးကား မောင်းနှင်းလာသူ သဖန်းချောင်းကျေးရွာ၊ ရေနံချောင်းမြို့မှ ကားဆရာ ကိုစိန်သောင်းထိုက် ၈/ရနခ(နိုင်)၀၈၆၁၁၇ အသက်၃၃နှစ၊် (ဘ)ဦးဇော်ဝင်းမှာ ထွက်ပြေးတိမ်းရှောင်နေကြောင်း သိရသည်။

မိုးညှင်းရဲစခန်းမှ ရဲအုပ်စိုင်းဝင်းမျိုးမှ တရားလို ပြုလုပ်၍ ယာဉ်(ပ)၄/၂၀၁၃ပြစ်မှု ပုဒ်မ/၃၀၄(က)/၃၃ရ ဖြင့် အမှုဖွင့် အရေးယူ ဆောင်ရွက်သွားမည် ဖြစ်ကြောင်း သိရသည်။
သီဟ(ကချင်)
မြန်မာ့ခေတ်

အဆိုတော်ဆိုတေးခွဲစိတ်မှုအောင်မြင်၊ သတိရရန်စောင့်ဆိုင်းနေ

မန္တလေး၊ ဇူလိုင် ၁၅။
ဇူလိုင်လ၁၄ရက်နေ့၌ အမြန်လမ်းမ မိုင်တိုင်အမှတ်၂၉၁/၃တွင် ကားအရှေ့ ဘီးပေါက်၍ ပေ၂၀ ဝန်းကျင် အနက်ရှိသည့် ချောက်ထဲသို့ ကျသွားသောကြောင့် ဦးခေါင်းတွင် ဒဏ်ရာပြင်းထန်စွာ ရရှိခဲ့သော အဆိုတော် ဆိုတေးသည် မိတ္ထီလာဆေးရုံမှ မန္တလေးပြည်သူ့ ဆေးရုံသို့ ပို့ဆောင်ခွဲစိတ်ကုသမှု ခံယူရာ အောင်မြင်ကြောင်းနှင့် သတိရရန်အတွက် စောင့်ကြည့်ရကြောင်း ဆိုတေး၏ ဖခင် ဦးတင်မြင့်က ယနေ့ နေ့လည်၁၂နာရီအချိန်တွင် ပြောသည်။

“နှလုံးခုန်တာတို့ အသက်ရှူလမ်းကြောင်း အလုပ်လုပ်တာတော့ ပုံမှန်ဖြစ်နေပါပြီ။ သတိမလည်တာ တစ်ခုပဲ။ ဦးနှောက်ရဲ့ အလုပ်လုပ်တဲ့ စွမ်းရည်ကလည်း ၅ကျော်နေပြီလို့ ဆရာဝန်က ပြောတယ်။ ဒီထက် ဆက်တက်လာရင် သတိရလာလိမ့်မယ်လို့ ပြောပါတယ်”ဟု ၎င်းကဆက်လက် ပြောကြားသည်။

ဆိုတေးနှင့်အတူပါလာသော အမျိုးသမီးမှာ သေဆုံးသွားခဲ့ပြီးနောက် ၎င်းအမျိုးသမီးမှာ ဆိုတေး၏
အမျိုးသမီး ဖြစ်ကြောင်း ရဲမှတ်တမ်းတွင် ရေးသားထားသောကြောင့် မေးမြန်းကြည့်ရာတွင် “ကောင်မလေးက မိကောင်းဖခင်သမီးလေးပါ။ အရမ်းလိမ္မာတယ်။ အိမ်ထောင်သည် အနုပညာရှင်ဆိုရင် ပရိသတ်က အားမပေးမှာ စိုးရိမ်လို့ပါ”ဟု ဆက်လက် ပြောသည်။

“ဆရာဝန်ကတော့ နှစ်ရက်လောက်နေရင် သတိရမယ်ပြောတာပဲ။ အခြေနေကတော့ ကောင်းပါတယ်။ ယာဉ်မောင်း ကလည်းခြေထောက်ကော လက်ပါ ကျိုးသွားတယ်”ဟု ဆေးရုံသို့ သွားရောက် ကြည့်ရှုခဲ့သော ဆိုတေး၏ မိတ်ဆွေတစ်ဦးက ပြောသည်။

ယာဉ်မောင်းသန်းဝင်းလှိုင်ကို ပုဒ်မ၃၀၄(က)ဖြင့် မိတ္ထီလာခရိုင် သီးကုန်းအမြန်လမ်း ရဲစခန်းတွင်
အမှုဖွင့်ထားကြောင်း ၎င်းရဲစခန်းမှ စခန်းမှုးဒုရဲမှုးဦးနေဝင်းက ပြောသည်။

ယင်းအမြန်လမ်းမကြီးကို၂၀၀၉ခုနှစ် မေလမှစတင်အသုံးပြုခဲ့ရာ လေးနှစ်တာကာလအတွင်း(ဧပြီလကုန်အထိ) ယာဉ်တိုက်မှုဖြစ်စဉ်ပေါင်း ၄၃၂မှုတွင် သေဆုံးသူ၂၁၆ဦးရှိခဲ့ပြီး ဒဏ်ရာရရှိသူ၆၇၈ဦးထိ ရှိခဲ့ကြောင်းလည်း အမြန်လမ်း ရဲတပ်ဖွဲ့ မှ သတင်းထုတ်ပြန်ချက်များအရ သိရသည်။
လူလူ
မြန်မာ့ခေတ်

ဆိုတေးဇနီး ယဉ်တိမ်းမှောက်ကွယ်လွန် ဒဏ်ရာပြင်းထန်၍ ဆိုတေးကို မိတ္ထီလာမှ မန္တလေးသို့ ပြောင်းရွှေ့ဆေးကုသ

ဓါတ်ပုံ အင်တာနတ်

ရန်ကုန်၊ ဇူလိုင် ၁၄
အဆိုတော်ဆိုတေး လိုက်ပါစီးနင်းလာသော ၃စ/၈၈၇၇ နံပါတ်ပါ မော်တော်ယာဉ်သည် ရန်ကုန် မန္တလေး အမြန်လမ်းမကြီး ၂၉၁မိုင် ၃ ဖာလုံတွင် ယနေ့နေ့လည်ပိုင်းက တိမ်းမှောက်ခဲ့ရာ ဆိုတေး၏ ဇနီးဖြစ်သူ မချောချော သေဆုံးသွားခဲ့ကြောင်း သိရသည်။

ယဉ်ပေါ်တွင် ခရီးသည်စုစုပေါင်း လေးဦးလိုက်ပါလာတွင် ဆိုတေး၏ ဇနီးမချောချောသည် မိတ္ထီလာဆေးရုံတွင်ကွယ်လွန်သွားခဲ့ခြင်းဖြစ်ပြီး ဆိုတေးမှာမူ ဒဏ်ရာပြင်းထန်းသဖြင့် မန္တလေးမြို့သို့ ပြောင်းရွှေ့ဆေးကုသမှုခံယူနေ ကြောင်းလည်း သိရသည်။

ယဉ်မောင်းဖြစ်သူမှာ ခြေနှင့် လက် ကျိုး ဒဏ်ရာများရရှိခဲ့ပြီး ကျန်ခရီးသည်တစ်ဦး၏ အခြေအနေကိုမူ သတင်းအတိအကျ မရရှိသေးပါ။ ယင်းအမှုအား သီးကုန်းရဲစခန်းမှ တာဝန်ယူဆောင်ရွက်လျက်ရှိကြောင်း ဒေသခံတစ်ဦးက မြန်မာသံတော်ဆင့်သို့ ပြောသည်။

အဆိုတော်ဆိုတေးသည် ဖိုးချစ်ဇာတ်အဖွဲ့တွင် သီချင်းသီဆိုရန်အတွက် ခရီးထွက်ခွာခဲ့ခြင်းဖြစ်ကြောင်းလည်း သိရသည်။
Myanmartandawsint Newspaper

ရုရှားတွင် ဖြစ်ပွားသည့် ဘတ်စ်ကားနှစ်ပိုင်းပြတ်သွားသော ယာဉ်တိုက်မှု

ရုရှားနိုင်ငံ မော်စကိုမြို့တော် ဆင်ခြေဖုံးဒေသ အော့ဇ်နိုဘီရှီနိုတွင် ဖြစ်ပွားခဲ့သော ဘတ်စ်ကား နှစ်ပိုင်းပြတ်သွားသည့် ယာဉ်တိုက်မှု ဗီဒီယို။

မော်စကိုမြို့ ဆင်ခြေဖုံးဒေသ အော့ဇ်နိုဘီရှီနိုတွင် ယနေ့မွန်းလွဲပိုင်းက ဖြစ်ပွားသော အဆိုပါယာဉ်တိုက်မှုတွင် ကုန်တင်ကားက ဘတ်စ်ကား၏ အလယ်ပိုင်းကို အရှိန်ပြင်းစွာဖြင့် ဝင်ရောက်တိုက်မိခဲ့ရာ ဘတ်စ်ကားမှာ နှစ်ပိုင်းပြတ်ထွက်သွားသည်။

အဆိုပါ ယာဉ်တိုက်မှုကြောင့် လူ ၁၈ ဦးသေဆုံးကြောင်း ရုရှား အရေးပေါ်ဝန်ဆောင်မှုဝန်ကြီးဌာနက အတည်ပြုထားပြီး အသက်အငယ်ဆုံးမှာ ၆ နှစ်အရွယ် မိန်ကလေးဖြစ်ကြောင်း သိရသည်။ ယာဉ်တိုက်မှုဖြစ်ပွားစဉ် ဘတ်စ်ကားပေါ်တွင် လူ ၆၀ ဦး လိုက်ပါလာသည်။
Planet Myanmar Network

Video: Daily Mail

တောင်ငူ-ရန်ကုန် စေတမန်ခရီးသည်တင်ယာဉ် တိမ်းမှောက်

Friday, 12 July 2013
ယာဉ်မတော်တဆမှုများ မကြာခဏ ဖြစ်ပွားသည့် ရန်ကုန်- မန္တလေး အမြန်လမ်းမကြီး မိုင်တိုင်အမှတ် ၁၄/၃ နှင့် ၁၄/၅ ကြားတွင် ဇူလိုင်လ ၁၁ ရက်နေ့ နေ့လယ် ၁ နာရီခွဲခန့်က တောင်ငူ-ရန်ကုန် ပြေးဆွဲ သည့် စေတမန် ခရီးသည်တင်ယာဉ် တိမ်းမှောက်မှု ဖြစ်ပွားခဲ့ကြောင်း အမှတ် (၃) အမြန်လမ်းရဲစခန်း တာဝန်ရှိသူတစ်ဦးက The Voice သို့ပြောကြားသည်။

“ခရီးသည်ယာဉ်မှောက်တာ ဟုတ်ပါတယ်။ ထိခိုက်ပျက်စီးမှုကတော့ မသိရသေးပါဘူး” ဟု တောင်ငူမြို့ စေတမန် ခရီးသည်တင်ယာဉ်ဂိတ်မှ တာဝန်ရှိသူတစ်ဦးက အတည်ပြု ပြောကြားသည်။

အဆိုပါ ခရီးသည်တင်ယာဉ်သည် ဇူလိုင်လ ၁၁ ရက် နံနက် ၉ နာရီခွဲခန့်တွင် တောင်ငူမှ ခရီးသည် ၂၉ ဦးတင်ဆောင်ကာ ရန်ကုန်သို့ ထွက်ခွာလာခဲ့ပြီး ရန်ကုန်တိုင်းဒေသကြီး လှည်းကူးမြို့နယ် အတွင်း အရောက် ၎င်း၏ရှေ့တွင် မောင်းနှင်နေသည့် ကိုယ်ပိုင်ယာဉ် တစ်စီး ကို ကျော်တက်ရာမှ အရှိန်လွန်ကာ လမ်းလယ်ကျွန်းပေါ်သို့ ရောက်ရှိ
ကာ ပက်လက်လန်၍ တိမ်းမှောက်ခဲ့ခြင်း ဖြစ်ကြောင်း ရန်ကုန်-မန္တလေး အမြန်လမ်း ထိန်းသိမ်းရေးမှ အင်ဂျင်နီယာမှူးကြီး ဦးမျိုးမြင့် က ပြောကြားသည်။

ခရီးသည်တင်ယာဉ် တိမ်းမှောက်မှုကြောင့် ယာဉ်ပေါ်လိုက်ပါလာသူ အမျိုးသား ခြောက်ဦး၊ အမျိုးသမီး ခုနစ်ဦး စုစုပေါင်း ၁၃ ဦး ထိခိုက်ဒဏ်ရာ ရရှိခဲ့သဖြင့် လှည်းကူးမြို့နယ် ဆေးရုံသို့ တင်ပို့ကုသလျက်ရှိပြီး ဒဏ်ရာများမှာ စိုးရိမ်ဖွယ်ရာ မရှိကြောင်း ၎င်းက ဆက်လက်ပြောကြားသည်။

“ရှေ့ကယာဉ်မောင်းက အိပ်ငိုက်ပြီး ဟိုယိုင်ဒီယိုင် ဖြစ်သွားတဲ့အချိန် မှာ နောက်က ကျော်တက်တဲ့ ပုံသဏ္ဌာန်ကို တွေ့ရှိရတယ်။ ဒါကြောင့် အမြန်လမ်းမှာ မောင်းနှင်နေတဲ့ ယာဉ်မောင်းတွေက ရှေ့ကားကို ကျော်
မယ် ဆို သတိထားသင့်ပါတယ်” ဟု ၎င်းက သုံးသပ်ပြောကြားသည်။

ခရီးသည်တင်ယာဉ် တိမ်းမှောက်မှုကြောင့် ခရီးသည်တင်ယာဉ်မှ ယာဉ်မောင်း အောင်ကျော်မိုးကို ယာဉ် (ပ) ၁၂/၂၀၁၃၊ ပြစ်မှုဆိုင်ရာ ဥပဒေပုဒ်မ ၃၃၇/၃၃၈ ဖြင့် အမှုဖွင့် အရေးထားကြောင်း အမှတ်(၃) အမြန်လမ်းရဲစခန်းမှ တာဝန်ရှိသူတစ်ဦးက ပြောကြားသည်။

ရန်ကုန်-မန္တလေး အမြန်လမ်းမကြီး မိုင်တိုင်အမှတ် ၁/၇ နှင့် ၂/၀ အကြားတွင် ဇူလိုင်လ ၈ ရက် နံနက် ၅ နာရီကျော်က နီဆန်းကိုရိုလာ အဖြူရောင်ယာဉ်တစ်စီး ဆီပြတ်၍ ဆီဖြည့်နေစဉ် Toyota Belta အနက်ရောင်ယာဉ်က နောက်မှဝင်ရောက် တိုက်မိရာ ယာဉ်ပေါ်ပါသူ ခုနစ်ဦးအနက် နှစ်ဦးသေဆုံး ခဲ့ကြောင်း၊ ဇူလိုင်လ ၇ ရက်နေ့ ည ၁၀ နာရီကျော်တွင် အမြန်လမ်း၏ မိုင်တိုင် ၂၆၂/၃ နှင့် ၂၆၂/၄ အကြား
တွင် မန္တလာမင်း ခရီးသည်တင်ယာဉ်က ရှေ့တွင်မောင်းနေသည့် ဟိုင်းလပ်ဆာ့ဖ်ယာဉ်ကို ကျော်တက်ရာမှ ဟိုင်းလပ်ဆာ့ဖ်ယာဉ်က ဘယ်ဘက်သို့ ချိုးကွေ့ရာမှ ခရီးသည်ယာဉ်နှင့် တိုက်မိရာ တိမ်းမှောက်ခဲ့ပြီး ဟိုင်းလပ်ဆာ့ဖ်ယာဉ်ပေါ်မှ လေးဦးသေဆုံးခဲ့ကြောင်း ဆောက်လုပ်ရေး ဝန်ကြီးဌာန၏ ထုတ်ပြန်ချက်အရ သိရှိရသည်။

၂၀၀၉ ခုနှစ် မေလမှ ၂၀၁၃ ခုနှစ် ဧပြီလအထိ အမြန်လမ်းပေါ်တွင် ယာဉ်မတော်တဆမှု ၄၃၂ မှု ဖြစ်ပွားခဲ့ပြီး သေဆုံးသူ ၂၁၆ ဦး ၊ ဒဏ်ရာ
ရသူ ၆၇၈ ဦးခန့်ရှိကြောင်း အမြန်လမ်း ရဲတပ်ဖွဲ့မှူးရုံး၏ ထုတ်ပြန်ချက်
အရ သိရှိရသည်။

ရန်ကုန်-မန္တလေး အမြန်လမ်းကို ၂၀၀၉ ခုနှစ်တွင် စတင်ဖွင်လှစ်ခဲ့ပြီး လမ်းမကြီးတစ်ဖက်လျှင် အကျယ်၂၅ ပေရှိသည့် ယာဉ်သွားလမ်းနှစ်
လမ်း ပါရှိကြောင်း၊ အဆိုပါလမ်းမကြီးသည် တစ်နိုင်ငံ လုံးတွင်ရှိသည့် လမ်းအရှည်ပေါင်း ၁၅၀,၂၂၁ ကီလိုမီတာ၏ ၁ ဒသမ ၅ ရာခိုင်နှုန်း အရှည်ရှိကြောင်း မေလ၂၉ ရက်နေ့ထုတ် နိုင်ငံပိုင် သတင်းစာတွင် ဖော်ပြထားသည်။
The Voice Weekly

ရန်ကုန်-မန္တလေး အမြန်လမ်းမတွင် အိမ်စီးကားနှင့် မန္တလာမင်း အဝေးပြေးယာဉ်တို့ တိုက်မိပြီး လေးဦးသေဆုံး

ယာဉ်တိုက်မှု ဖြစ်ပွားပြီးနောက် surf အိမ်စီးကားကို တွေ့ရစဉ်

Tuesday, July 09, 2013
ရန်ကုန်-မန္တလေး အမြန်လမ်းမကြီး ပေါ်တွင် ဇူလိုင် ၇ ရက် နံနက် ၁ နာရီခွဲက surf အိမ်စီးကား တစ်စီးနှင့် မန္တလာမင်း အဝေးပြေးယာဉ် တစ်စီးတို့ တိုက်မိမှုကြောင့် surf အိမ်စီးကားပေါ်တွင် ပါသော ယာဉ်မောင်း
တစ်ဦးနှင့် မိသားစုသုံးဦး သေဆုံးခဲ့ကြောင်း သတင်းရရှိသည်။

ဖြစ်စဉ်မှာ ၂၀၁၃ ခုနှစ် ဇူလိုင် ၇ ရက် နံနက် ၁ နာရီခွဲတွင် ရန်ကုန်-မန္တလေး အမြန်လမ်းကြီး မိုင်တိုင်အမှတ် ၂၆၂ မိုင်၊ ၃ ဖာလုံ ပျော်ဘွယ်မြို့နယ်အတွင်း ရန်ကုန်မှ မိတ္ထီလာသို့ မောင်းနှင်နေသည့် surf အိမ်စီးကား (အဖြူရောင်) ယာဉ်ကို ရန်ကုန်-မန္တလေး ပြေးဆွဲနေသော မန္တလာမင်း ခရီးသည်ယာဉ် တစ်စီးက လက်ဝဲဘက်မှ ကျော်တက်စဉ် surf အိမ်စီးကား၏ ဘယ်ဘက်ခြမ်း နောက်ပိုင်းအား ၀င်တိုက်မိကြောင်း သိရသည်။

ယင်းသို့ ၀င်တိုက်မှုကြောင့် surf အိမ်စီးကားမှာ မန္တလာမင်း ခရီးသည်တင်ယာဉ်၏ အရှေ့သို့ ရောက်ရှိသွားခဲ့သဖြင့် ထပ်မံတိုက်
ခံရကာ တိမ်းမှောက်သွားခြင်း ဖြစ်ကြောင်း သိရသည်။ အဆိုပါ ယာဉ်တိုက်မှု ဖြစ်စဉ်ကြောင့် surf အိမ်စီးကားတွင် ပါရှိသည့် မိသားစုဝင် သုံးဦးဖြစ်သည့် ဦးညိုဝင်း (၄၅) နှစ်၊ ဒေါ်နီနီစိုး (၄၄) နှစ်၊ မဖြိုးဖြိုးလွင် (၂၈) နှစ်နှင့် ယာဉ်မောင်း အပါအ၀င် စုစုပေါင်း လေးဦး အခင်းဖြစ်နေရာတွင် သေဆုံးခဲ့ကြောင်း သိရသည်။

ထိုသို့ အတိုက်ခံရသော surf အိမ်စီးကားပေါ်ရှိ မိသားစုဝင်များမှာ မိတ္ထီလာ
မြို့တွင် ရောက်ရှိနေသူ မိခင်ကျန်းမာရေး မကောင်းသဖြင့် ဆေးကုသမှု ခံယူရန်အတွက် ရန်ကုန်သို့ ခေါ်ဆောင်ရန် သွားရောက်ခြင်း ဖြစ်ကြောင်း သိရသည်။

''အခင်းဖြစ်ပြီး ကျွန်တော်ရောက်သွားတော့ ပျော်ဘွယ်လေး ရဲစခန်းမှာ စစ်ချက်ယူတယ်၊ ဖြစ်တဲ့နေရာမှာ ကျွန်တော်တို့ဘက်က လေးယောက်လုံး ပွဲချင်းပြီးသေတယ်'' ဟု အခင်းဖြစ်ပွားရာ နေရာသို့ သွားရောက်ခဲ့သူ ကိုဝဏ္ဏက ဆိုသည်။

ယာဉ်တိုက်မှု ဖြစ်ပွားရာတွင် သေဆုံးသူ ယာဉ်ပိုင်ရှင် ကိုညွန့်ဝင်း၏ ဇနီးဖြစ်သူက ''ဒါနဲ့ပတ်သက်ပြီးတော့ ပျော်ဘွယ်လေး ရဲစခန်းကတော့ စစ်ချက်ယူထားတယ်၊ အမှုလဲ မဖွင့်ရသေးပါဘူး။ ကားမောင်းတဲ့ ကိုခိုင်မောင်လတ်က ကိုညွန့်ဝင်းရဲ့ သူငယ်ချင်း၊ နောက် ကျွန်မအစ်မနဲ့ အိမ်က ကလေးရယ် အားလုံးလေးယောက်သွားတာ အကုန်ပွဲချင်းပြီးတယ်'' ဟု သေဆုံးသူ၏ ဇနီးဖြစ်သူ ဒေါ်ဝင်းမာက ဆိုသည်။

ဇူလိုင် ၃ ရက်ကလည်း ရန်ကုန်-မန္တလေး အမြန်လမ်းမကြီး မိုင်တိုင်အမှတ် ၁၉၄ လယ်ဝေးမြို့ အနီးတွင် အမျိုးသား ဆရာဝန်လေးဦးနှင့် ယာဉ်မောင်း အမျိုးသားတစ်ဦး စီးနင်းလိုက်ပါလာသော လန်ခရူဆာ ကားတစ်စီး တံတားတစ်ခုပေါ်မှ အရှိန်လွန်ပြုတ်ကျသည့် ဖြစ်စဉ်တစ်ခု ဖြစ်ပွားခဲ့ပြီး ယာဉ်ပေါ်လိုက်ပါလာသူများ ထိခိုက်ဒဏ်ရာ ရရှိခဲ့သည်။

ယာဉ်ပေါ်ပါသူ ဆရာဝန်လေးဦးမှာ ဒေါက်တာအောင်မြင့် ၆၈ နှစ်၊ ဒေါက်တာမြအောင် ၆၇ နှစ်၊ ဒေါက်တာအောင်မြတ်စိုး ၆၁ နှစ်၊ ဒေါက်တာကျော်စိုး ၅၁ နှစ်တို့ဖြစ်ပြီး ယာဉ်မောင်းမှာ
ဦးသန်းဦး ၅၇ နှစ်တို့ ဖြစ်သည်။
Eleven Media Group

ယာဉ်မတော်တဆမှု ဖြစ်ပွားခြင်း

ဓါတ်ပုံ Ministry of Construction

ဓါတ်ပုံ Ministry of Construction

ဓါတ်ပုံ Ministry of Construction

ဇူလိုင်လ (၃)
၂၀၁၃ ခုနှစ် ဇူလိုင်လ (၃)ရက်နေ့ (၁၂း၁၅)အချိန်ခန့်တွင် ယာဉ်မောင်း ဦးသန်းဦး (၅၇)နှစ် မောင်းနှင်လာသော Land Cruiser အဖြူရောင် ၂ဃ/---- သည် ရန်ကုန် - မန္တလေး အမြန်လမ်း (အပြန်လမ်း) မိုင်တိုင်အမှတ် ၁၉၄/၀ တွင် အရှိန်လွန်ကာ လမ်းဘေးရှိ Guard Post တိုင်များနှင့် Barrier တုံးများအား ၀င်တိုက်၍ အင်ပင်သာ Under Pass အောက်သို့ ကျရောက်တိမ်းမှောက်သွားခဲ့ပါသည်။

ယာဉ်မောင်းနှင့်အတူ ဒေါက်တာ အောင်မြင့် (၆၈)နှစ် ၊ ဒေါက်တာ မြအောင် (၆၇)နှစ်၊ ဒေါက် တာ အောင်မြတ်စိုး (၆၁)နှစ်၊ ဒေါက်တာ ကျော်စိုး (၅၁)နှစ် စုစုပေါင်း အမျိုးသား(၅)ဦး လိုက်ပါလာပြီး ထိခိုက်ဒဏ်ရာရသူများအား ရန်ကုန် - မန္တလေးအမြန်လမ်း ပြုပြင်ထိန်းသိမ်းရေး အဖွဲ့ နှင့် လေကြောင်း ရန်ကာကွယ်ရေးတပ်ဖွဲ့တို့ ပူးပေါင်းကာ နေပြည်တော် ကုတင်(၁၀၀၀)ဆေးရုံသို့ ပို့ဆောင်ပေးခဲ့ပါသည်။ အဆိုပါ ယာဉ်မတော်တဆမှုဖြစ်စဉ်အား ပန်းတင် ရဲစခန်းမှ အရေးယူဆောင်ရွက်လျက်ရှိပါသည်။
FB စမ်းချောင်း ကိုကိုကြီး

ပြည်တွင် အမြန်ရထားနှင့်ဆိုင်ကယ်တိုက်

ပြည်၊ ဇူလိုင် ၂
ပဲခူးတိုင်းဒေသကြီး အနောက်ပိုင်း ပြည်မြို့တွင် ဇူလိုင်လ ၁ ရက်နေ့ည ၁၀ နာရီခန့်က ရွာဘဲရပ်ကွက် ဦးဝင်းမြစက် လမ်းအနီးရှိ သံလမ်းတွင် အမြန်ရထားနှင့် မော်တော်ဆိုင်ကယ်တိုက်မှု ဖြစ်ပွားခဲ့ကြောင်း ရွာဘဲရပ်ကွက် ဒေသခံများထံမှ စုံစမ်းသိရှိရသည်။

ရန်ကုန်-ပြည် အမှတ် ၇၁ အဆန် ရထားသည် အဆိုပါ သံလမ်းနေရာသို့ အရောက်တွင် ဆိုင်ကယ်က သံလမ်းကို ဖြတ်မောင်းရန် ကြိုးစားရာမှ ရထားနှင့် ဆိုင်ကယ်ရှေ့ခေါင်း ငြိခဲ့ခြင်းဖြစ်ကြောင်း အမှတ် (၂) မြို့မရဲတပ်ဖွဲ့စခန်းထံမှ သိရှိ ရသည်။
ဆိုင်ကယ်မောင်းနှင်သူ ထိခိုက်ဒဏ်ရာ ရခဲ့မှု မရှိခဲ့ကြောင်း အဆိုပါရဲတပ်ဖွဲ့ စခန်း တာဝန်ရှိသူက ပြောကြားသည်။

ရထားဥသြ စဆွဲစဉ်ကတည်းက တံခါးနှစ်ချက်စလုံးကို ပိတ်ထားခဲ့၍ စောင့်ဆိုင်းနေသော မော်တော်ဆိုင်ကယ် နှစ်စီးတွင် ဆိုင်ကယ်တစ်စီးမှာ တံခါး ဘေးလွတ်ရာနေရာမှ ကျော်ဝင်ခဲ့သော ကြောင့် ရထားနှင့် ချိတ်မိသွားခဲ့ခြင်း ဖြစ်ကြောင်း အဆိုပါသံလမ်းဂိတ်တွင် တာဝန်ကျသည့် မီးရထားဝန်ထမ်းဖြစ်သူ ဒေါ်နွယ်နီစိုးက ပြောကြားသည်။

မီးရထားမှာ တစ်စုံတစ်ရာ ထိခိုက် ပျက်စီးမှု မရှိခဲ့သော်လည်း ကျပ် ၃၀,၀၀၀ ဖိုးခန့် ဆိုင်ကယ်ရှေ့ အကာများ ပျက်စီး ဆုံးရှုံးခဲ့ပြီး ဆိုင်ကယ်မောင်းသူကို (ပ) ၄၉၇၊ မီးရထားအက်ဥပဒေ ၁၂၉ အရ အမှုဖွင့်ထားကြောင်း၊ သက်သေခံ ဆိုင်ကယ်ကို သိမ်းဆည်းထားပြီး လက်ရှိ ဆိုင်ကယ်မောင်းသူကို အာမခံနှင့် လွှတ်ထားကြောင်း အမှတ် (၂) မြို့မ ရဲတပ်ဖွဲ့ စခန်းထံမှ စုံစမ်းသိရှိရသည်။
The Voice Weekly

သင်္ဃန်းကျွန်း ယာဉ်ရှစ်စီး ဆင့်တိုက်

ရန်ကုန်၊ ဇူလိုင် ၁
ရန်ကုန်တိုင်းဒေသကြီး သင်္ဃန်းကျွန်း လေးထောင့်ကန်လမ်း ပြည်ထောင်စု ခုံးတံတား အဆင်းတွင် ဇွန်လ ၃၀ ရက်နေ့ ညနေ ၄ နာရီ ၄၅ မိနစ်က သစ်လုံးတင်ယာဉ် တစ်စီး ဘရိတ်ပေါက်ရာက ယာဉ် ရှစ်စီးဆင့် တိုက် မှု ဖြစ်ပွားခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးထံမှ စုံစမ်း သိရှိရ သည်။

သစ်လုံးများ တင်ဆောင်လာသည့် နီဆန်း အမျိုးအစား သစ်လုံးတင်ယာဉ် သည် ဘရိတ်ပေါက်ကာ Swift အနက်ရောင် ယာဉ်၊ Toyota အဖြူရောင် အငှားယာဉ်၊ Toyota ငွေရောင်ယာဉ်၊ Light Truck အပြာရောင်ယာဉ်၊ Probox ယာဉ်၊ SURF ခဲရောင်ယာဉ်၊ Toyota ခဲရောင်ယာဉ်၊ SURF မီးခိုးရောင် ယာဉ်တို့ကို ဆက်တိုက် ဆင့်တိုက်မှု ဖြစ်ပွားခဲ့ကြောင်း၊ အဆိုပါ ယာဉ်ရှစ်စီး ဆင့်တိုက်မှုကြောင့် တိုယိုတာ အငှားယာဉ်ပေါ်မှ လိုက်ပါလာ သည့် အသက် ၄၁ နှစ်အရွယ် အမျိုးသမီး တစ်ဦးနှင့် တိုယိုတာ ခဲရောင် ယာဉ်ပေါ်မှ လိုက်ပါလာသူ အသက်ခြောက်နှစ်အရွယ် ကလေးငယ် တစ်ဦး တို့ ဒဏ်ရာရရှိခဲ့ကြောင်း အဆိုပါ အမှုကို စစ်ဆေးသည့် ယာဉ်မှူးစစ် ရဲအရာရှိက ပြောကြားသည်။

“ဘရိတ်ပေါက်ပြီး ကားက ဆင်းသွားတာ။ ယာဉ်မောင်းလည်း အတတ်နိုင် ဆုံး အထိအခိုက် နည်းအောင် ရှောင်ရင်းနဲ့ ဖြစ်သွားတာ။ ကလေးတော့ ခေါင်းပေါက်လို့ လေးချက် ချုပ်ရတယ်” ဟု ၎င်းက ရှင်းပြ သည်။

အဆိုပါ ယာဉ်တိုက်မှုကြောင့် သစ်လုံးတင် ယာဉ်မောင်း ဦးအေးမင်းဦးကို ယာဉ်(ပ) ၁၉ /၁၃ ၊ ပုဒ်မ ၂၇၉/၃၃၈ ဖြင့် အမှုဖွင့် အရေးယူထားကြောင်း သင်္ဃန်းကျွန်းမြို့နယ် ရဲစခန်းထံမှ သိရှိရသည်။
The Voice Weekly

ပြည်လမ်းနှင့် ဥက္ကလာလမ်းဆုံ မီးပွိုင့်အနီး ယာဉ်သုံးစီးဆင့်တိုက်မှုဖြစ်ပွား

ရန်ကုန်၊ ဇွန် ၃၀
ရန်ကုန်တိုင်းဒေသကြီး မရမ်းကုန်းမြို့နယ် (၅) ရပ်ကွက် ပြည်လမ်းနှင့် ဥက္ကလာ လမ်းဆုံ မီးပွိုင့်အနီးတွင် ဇွန်လ ၃၀ ရက် နံနက် ၉ နာရီက ခရီးသည်တင် ယာဉ်နှစ်စီး အပါအဝင် ကိုယ်ပိုင်ယာဉ် တစ်စီးတို့ ယာဉ်သုံးစီး ဆင့် တိုက်မှုဖြစ်ပွားခဲ့ကြောင်း အဆိုပါကိုယ်ပိုင် ယာဉ်ပိုင်ရှင် အမျိုးသား က ပြောကြားသည်။

လသာ-လှည်းကူး ပြေးဆွဲသည့် အမှတ် ၁၄၁ ယာဉ်လိုင်း ခရီးသည်ယာဉ်က သင်္ဃန်းကျွန်း-လှော်ကားသို့ ပြေးဆွဲသည့် ၇၉ အပြာယာဉ်လိုင်း ဒိုင်နာ ခရီးသည်တင် ယာဉ်ကို နောက်မှ တိုက်မိရာက တစ်ဆင့် အရှိန်ဖြင့် ၇၉ ယာဉ်လိုင်းက ကိုယ်ပိုင်ယာဉ် ဟွန်ဒါဖစ်ကို တိုက်မိခဲ့ခြင်း ဖြစ်ကြောင်း မျက်မြင်တွေ့ရှိသူ အမျိုးသား တစ်ဦးက ပြောကြားသည်။

အဆိုပါ ယာဉ်တိုက်မှုကြောင့် ၇၉ ယာဉ်လိုင်းပေါ် စီးနင်းလာသူများ အနက် ငါးဦး ဒဏ်ရာ ရရှိခဲ့ရာ တစ်ဦးမှာ စိုးရိမ်ရကြောင်း၊ ဒဏ်ရာ ရရှိသူများကို အင်းစိန်ဆေးရုံသို့ တင်ပို့ ကုသလျက်ရှိကြောင်း မျက်မြင် တွေ့ရှိသူက ရှင်းပြသည်။

"တိုက်တဲ့အရှိန်က ကျွန်တော့်ကားရဲ့ ညာဘက် ရှေ့နောက် တံခါးနှစ်ခု ပိန်ချိုင့်သွားတယ်" ဟု ကိုယ်ပိုင်ယာဉ်ပိုင်ရှင် အမျိုးသားက ဆိုသည်။

အဆိုပါ ယာဉ်တိုက်မှုနှင့် ပတ်သက်၍ အမှုစစ် ရဲအရာရှိကို ဆက် သွယ် မေးမြန်းရာတွင် ၅၁ လမ်း ယာဉ်ထိန်းရုံးကိုသာ မေးမြန်းပါရန် ပြန် လည် ဖြေကြားသည်။
The Voice Weekly

ကုန်ကားအားဝင်တိုက်သောဆိုင်ကယ်မှ လူနှစ်ဦးသေဆုံး၍ တစ်ဦးဒဏ်ရာရ

လားရှိုး၊ ဇွန် ၃၀။
ယမန်နေ့ည ရှစ်နာရီခွဲအချိန်တွင် သီပေါ၊ လားရှိုးအဝေးပြေးလမ်းမကြီး၌ အရှိန်ဖြင့် မောင်းနှင်လာသော ဆိုင်ကယ် တစ်စီးသည် မျက်နှာချင်းဆိုင်မှ ကုန်ကားအား လမ်းကြောင်းမှား၍ ၀င်တိုက်ရာ
လူနှစ်ဦးသေဆုံး၍ တစ်ဦး စိုးရိမ်ရ အခြေအနေတွင် ရှိနေကြောင်း လားရှိုးယာဉ်ထိန်း ရဲတပ်ဖွဲ့မှ သိရသည်။

လားရှိုးမြို့နယ် မယ်ဟန်ကျေးရွာဘက်မှ အဝေးပြေး လမ်းမကြီးအတိုင်း လားရှိုးမြို့ဘက်သို့
မောင်းနှင်လာသော လူသုံးဦးပါ ဆိုင်တစ်စီးသည် ခိုစံတန်သစ်တောပျိုးဥယျာဉ် အနီး၌ လမ်းကြောင်းမှား၍ မျက်နှာချင်းဆိုင်မှ မောင်းနှင်လာသော ကုန်ကားအား ၀င်တိုက်ကာ ဆိုင်ကယ်မှာ ကားအောက်သို့ ရောက်သွားပြီး ဆိုင်ကယ်ယာဉ်မောင်း ထွန်းလင်းနှင့် အောင်ပိုင်ဆိုသူမှာ ဒဏ်ရာပြင်းထန်
သတိလစ်မေ့မျောသွားကြောင်း၊ ၎င်းတို့နှင့်အတူ ပါလာသော ကိုထက်ဆိုသူမှာ အခင်းဖြစ်ရာ၌ ပွဲခြင်းပြီး သေဆုံးသွားကြောင်း အမှုမှတ်တမ်းအရ သိရသည်။

သတိမေ့မျောသူနှစ်ဦးမှ ဆိုင်ကယ်မောင်းသူမှာ နောက်ရက်၌ ဆေးရုံတွင် သေဆုံးသွားသည်ဟု ဒုရဲအုပ် စောဝင်းက ပြောကြားသည်။ ကျန်ရှိနေသော အောင်ပိုင်ဆိုသူသည်လည်း ဆေးရုံတွင် စိုးရိမ်ရဖွယ် အခြေအနေရှိနေကြာင်း ဆက်လက် သိရသည်။

ထို့ကြောင့် ဆိုင်ကယ်ကို မဆင်မခြင် မောင်းနှင်လာသော ယာဉ်မောင်း ထွန်းလင်းအား ဥပဒေအရ အရေးယူရန် ဒုရဲအုပ်စောဝင်းက တရားလိုပြုလုပ် တိုင်တန်းရာ လားရှိုးမြို့မ ရဲစခန်းမှ မမစ(လရ)ယာဉ်(ပ)၂၈/၁၃၊ ပြစ်မှုပုဒ်မ ၃၀၄-က/၃၃၈အရ အရေးယူထားကြောင်း ရဲစခန်းမှ သိရသည်။
ထွန်းထွန်း
မြန်မာ့ခေတ်

အမြန်လမ်းတွင် သစ်တင်ယာဉ်တစ်စီး တိမ်းမှောက်မှုဖြစ်ပွား

နေပြည်တော်မှ ရန်ကုန်သို့ အပြန် အမြန်လမ်း မိုင်တိုင် ၂၂ အနီးတွင် ယနေ့ ညနေ ၆နာရီခွဲခန့် အချိန်က သစ်ခိုးတင်ဆောင်လာသည် ဟု ယူဆရသည့် အမှတ်တံဆိပ် မသိရသေးသော luxury (minivan) အမျိုးအစားယာဉ်တစ်စီး တိမ်းမှောက်မှု ဖြစ်ပွားခဲ့သည်။ ဒဏ်ရာရရှိမှု အခြေအနေနှင့် ဖြစ်စဉ်တို့ကို အသေးစိတ်သိရှိရခြင်းမရှိသေးပေ။
ပြည်သူ့ခေတ်

မြို့နယ် အုပ်ချုပ်ရေးမှူး ကား ဓာတ်တိုင်ဝင်တိုက်

ခင်ဦး၊ ဇွန် ၁၉
စစ်ကိုင်းတိုင်းဒေသကြီး ခင်ဦးမြို့နယ် အစိုးရ ဌာနဆိုင်ရာ ရုံးများ အခြေစိုက်ရာ ရုံးကြီးလမ်းပေါ်ရှိ မြို့နယ် အုပ်ချုပ်ရေးမှူး ရုံးရှေ့ ဓာတ်တိုင်ကို မြို့နယ်အုပ်ရေးမှူး၏ Super Cab ကားက ဇွန်လ ၁၇ ရက် ည ၁၀ နာရီ မိနစ် ၃၀ ခန့်တွင် ဝင်တိုက်မိ၍ ကားရှေ့ ပျက်စီးပြီး ဓာတ်တိုင် ထက်ပိုင်း ကျိုးသွား ကြောင်း မြို့ခံများက The Voice သို့ ပြောကြားသည်။

ဓာတ်တိုင် ကျိုးသွားပြီးနောက် ခင်ဦး မြို့တစ်မြို့လုံး လျှပ်စစ်မီးများ ပြတ်တောက်သွားကြောင်း ခင်ဦးမြို့ သိရီမွန် လက်ဖက်ရည်ဆိုင် ပိုင်ရှင် ဒေါ်အေးအေးအောင်က ပြောဆိုသည်။

ယင်းယာဉ်တိုက်မှုကို ပုဒ်မ ၂၇၉ ယာဉ်မဆင်မခြင် မောင်းနှင်မှုဖြင့် အမှုဖွင့် အရေးယူထားပြီး နောက်နေ့ နံနက်တွင် မီးပြန်လာကြောင်း ခင်ဦးမြို့ ရဲစခန်းမှ တာဝန်ရှိသူ တစ်ဦးက အတည်ပြုပြော ကြားသည်။

“လူက အထိအခိုက်မရှိပါဘူး” ဟု ၎င်းက ဆိုသည်။
The Voice Weekly

လှည်းကူးမြို့နယ်တွင် ယာဉ်တိုက်မှုဖြစ်ပွား

လှည်းကူး ဇွန် ၁၈
ယနေ့နေ့လည် ၁ နာရီ ၄၀ မိနစ်အချိန်က လှည်းကူးမြို့နယ် ရန်ကုန် - မန္တလေးလမ်းဟောင်း ဇရပ်ကွင်းရွာ စီအိုဒီ ကားမှတ်တိုင်အနီး ရန်ကုန်ဘက်မှ မောင်းနှင်လာသော ကုန်တင်ယာဉ် တစ်စီးသည် မိုးရွာသွန်းမှုကြောင့် လမ်းချော်ကာ လမ်းလယ်ကျွန်းရှိ သစ်ပင်အား ၀င်တိုက်ကာ တစ်ဖက်ယာဉ်ကြောသို့ရောက်ရှိသွားပြီး အမျိုးသားတစ်ဦးမောင်းနှင်လာသည့် ဆိုင်ကယ်အား ၀င်တိုက်ကာ တိမ်းမှောက်သွားခဲ့ကြောင်း သိရသည်။

ယာဉ်တိုက်တိမ်းမှောက်မှုကြောင့် ကုန်တင်ယာဉ်မောင်း နှင့် ဆိုင်ကယ်မောင်းနှင် သူ နှစ်ဦးတို့မှာ ဒဏ်ရာအပြင်းအထန် ရရှိပြီး လှည်းကူးဆေးရုံသို့ အနီးပတ်ဝန်းကျင် တွင် နေထိုင်သူများက တင်ပို့လိုက်ရကြောင်း သိရသည်။
သူရထွန်း
Popular Myanmar News Journal