စစ်ကိုင်းတိုင်းဒေသကြီး ခင်ဦးမြို့နယ် အစိုးရ ဌာနဆိုင်ရာ ရုံးများ အခြေစိုက်ရာ ရုံးကြီးလမ်းပေါ်ရှိ မြို့နယ် အုပ်ချုပ်ရေးမှူး ရုံးရှေ့ ဓာတ်တိုင်ကို မြို့နယ်အုပ်ရေးမှူး၏ Super Cab ကားက ဇွန်လ ၁၇ ရက် ည ၁၀ နာရီ မိနစ် ၃၀ ခန့်တွင် ဝင်တိုက်မိ၍ ကားရှေ့ ပျက်စီးပြီး ဓာတ်တိုင် ထက်ပိုင်း ကျိုးသွား ကြောင်း မြို့ခံများက The Voice သို့ ပြောကြားသည်။
ဓာတ်တိုင် ကျိုးသွားပြီးနောက် ခင်ဦး မြို့တစ်မြို့လုံး လျှပ်စစ်မီးများ ပြတ်တောက်သွားကြောင်း ခင်ဦးမြို့ သိရီမွန် လက်ဖက်ရည်ဆိုင် ပိုင်ရှင် ဒေါ်အေးအေးအောင်က ပြောဆိုသည်။
ယင်းယာဉ်တိုက်မှုကို ပုဒ်မ ၂၇၉ ယာဉ်မဆင်မခြင် မောင်းနှင်မှုဖြင့် အမှုဖွင့် အရေးယူထားပြီး နောက်နေ့ နံနက်တွင် မီးပြန်လာကြောင်း ခင်ဦးမြို့ ရဲစခန်းမှ တာဝန်ရှိသူ တစ်ဦးက အတည်ပြုပြော ကြားသည်။
“လူက အထိအခိုက်မရှိပါဘူး” ဟု ၎င်းက ဆိုသည်။
The Voice Weekly
