မှော်ဘီချောင်းရေလျှံသဖြင့် နေအိမ်ခြံဝင်းများအတွင်းရေကြီး

ရန်ကုန်- သြဂုတ် ၄
၃.၈.၂၀၁၃ ရက်နေ့ နံနက်ပိုင်းမှစ၍ မှော်ဘီမြို့နယ်တွင် မိုးအဆက်မပြတ်ရွာသွန်းမှုကြောင့် တောင်ကျ ရေများကျခဲ့သဖြင့်
မှော်ဘီချောင်းရေလျှံကာ မှော်ဘီမြို့ (၄)ရပ်ကွက်အတွင်းရှိ ယမုံနာ A၊ ယမုံနာ B၊ ယမုံနာ C ၊ ၁၅၀၀ ကွက်၊ ၅၀၀၀ ကွက်ပိုင်းရှိ
နေအိမ်ခြံဝင်းများအတွင်း ရေများဝင်ရောက်ခဲ့ရာ ရေအမြင့်၁ ပေ ၆ လက်မခန့်ရှိခဲ့သည်။

အဆိုပါရေများဝင်ရောက်မှုကြောင့် နေအိမ်များပြောင်းရွှေ့ရခြင်း၊ ကယ်ဆယ်ရေးစခန်းဖွင့်လှစ်ရခြင်း စသည့်အခြေအနေမျိုး
မရှိသော်လည်း ရေ၀င်ရောက်သဖြင့် ချက်ပြုတ်စားသောက်ရန် အခက်အခဲရှိ သောအိမ်ထောင်စု (၂၂၄ )စု၊ လူဦးရေ ကျား (၅၀၁)ဦး၊ မ (၅၃၅)ဦး၊ စုစုပေါင်း (၁၀၃၆)ဦးတို့အား တိုင်းဒေသကြီး လွှတ်တော်ကိုယ်စားလှယ် ဦးလှဦးနှင့် မှော်ဘီမြို့ (၄)ရပ်ကွက်
အုပ်ချုပ်ရေးမှူး ဦးသိန်းဝင်းနှင့်အဖွဲ့တို့မှ နီးစပ်ရာရပ်ကွက်/ကျေးရွာ အုပ်ချုပ်ရေးမှူးများနှင့်ညှိနှိုင်း၍ လတ်တလော စားသောက်နိုင်ရန်ထမင်းထုပ်များပေးဝေခဲ့ကြောင်းYangon Policeမှသိရသည်။
Popular Myanmar News Journal

မြန်မာနိုင်ငံ အောက်ပိုင်း ရေကြီးမှု အန္တရာယ် စိုးရိမ်ဖွယ်ရှိ

ရန်ကုန်၊ ဇူလိုင် ၁၇
မြစ်ဝကျွန်းပေါ်ဒေသ ဧရာဝတီတိုင်းဒေသကြီး၊ ရန်ကုန်တိုင်းဒေသကြီးနှင့် ပဲခူးတိုင်းဒေသကြီးတို့ကို National Aeronautics and Space Administration (NASA ) ၏ ဂြိုဟ်တု ဓာတ်ပုံများမှ တစ်ဆင့် လေ့လာချက်အရ ဇူလိုင်လအတွင်း ရေကြီး နစ်မြုပ်နိုင်မှု အန္တရာယ် စိုးရိမ်ဖွယ် အခြေအနေ ရှိကြောင်း မိုးလေဝသ ပညာရှင် ဒေါက်တာ ထွန်းလွင်က ပြောကြားသည်။

အဆိုပါ တိုင်းဒေသကြီးတို့တွင် ရေဖုံးလွှမ်းမှု အလားအလာ များပြားလျက် ရှိပြီး

ဧရာဝတီမြစ်၊ 

စစ်တောင်းမြစ်နှင့် 

ပဲခူးမြစ် တို့တွင် 

ရေကြီးမှု အန္တရာယ်ကို ကြုံတွေ့နိုင်ကြောင်း ၎င်းက ဆိုသည်။

ဇူလိုင်လ ၁၇ ရက်မှ ၃၀ ရက်နေ့အတွင်း ကာလများသည် မိုးကောင်း၍ စွတ်စိုမည့် ကာလဖြစ်ပြီး ဘင်္ဂလား ပင်လယ်အော်တွင်လည်း မုတ်သုံလေ အားကောင်းနေခြင်းကြောင့် မြန်မာနိုင်ငံတွင် မိုးရွာသွန်းမှု ပိုမို များပြားမည်ဖြစ်ကြောင်း ၎င်းက ဆိုသည်။

ဧရာဝတီတိုင်းဒေသကြီးတွင် ဇွန်လဆန်းပိုင်းမှ စတင်၍ မိုးရွာသွန်းမှု များပြားခြင်းကြောင့် စပါးစိုက်ခင်း အပျက်အစီးများ ဖြစ်ပေါ်ခဲ့ပြီး လက်ရှိ အချိန်တွင် ပျိုးနုတ်၊ ပျိုးခင်းထောင်ခြင်း လုပ်ငန်းများကို ပြန်လည် လုပ်ကိုင်နေရကြောင်း၊ ရာသီဥတုကြောင့် မိုးများခြင်းဖြစ်၍ ကြိုတင် ကာကွယ်ခြင်း မပြုလုပ်နိုင်သေးကြောင်း ဒေးဒရဲ မြို့နယ် လေးအိမ် ကုန်း ကျေးရွာမှ လယ် ၈၅ ဧက ပိုင်ဆိုင်သူ ဦးတင်ဝင်း က ပြောကြားသည်။

ဘင်္ဂလားပင်လယ်အော် အနောက်မြောက်ပိုင်းတွင် ဖြစ်ပေါ်နေသော လေဖိ အားနည်း ရပ်ဝန်းသည် ဇူလိုင်လ ၁၇ ရက်နေ့ မွန်းတည့် ၁၂ နာရီအချိန်တွင် အိန္ဒိယနိုင်ငံ သြရိဿ ကမ်းခြေသို့ ရွေ့လျား ဝင်ရောက်ခဲ့ပြီးဖြစ်ကြောင်း၊ ကပ္ပလီ ပင်လယ်ပြင်နှင့် ဘင်္ဂလား ပင်လယ်အော်တို့တွင် မုတ်သုံလေ အားကောင်းနေရာမှ အား အလွန် ကောင်းနေပြီး ဆက်လက်၍လည်း မုတ်သုံလေ ပိုမို အားကောင်းလာမည်ဖြစ်ကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနက ဇူလိုင်လ ၁၇ နေ့တွင် ထုတ်ပြန် ကြေညာသည်။

၂၀၁၂ ခုနှစ် သြဂုတ်လ အတွင်းက ဧရာဝတီ မြစ်ဝကျွန်းပေါ် ဒေသတွင် မိုးများပြီး ရေလွှမ်းမိုး နစ်မြုပ်မှု ၈၅ ရာခိုင်နှုန်းခန့်ရှိရာ စိုက်ပျိုးရေး လုပ်ငန်း များ ပျက်စီးခဲ့ကြောင်း ဒေသခံ တောင်သူများက ပြောကြားသည်။
The Voice Weekly

လွန်ခဲ့တဲ့ ဆယ်စုနှစ် ကမ္ဘာ့အပူဆုံးအဖြစ် စံချိန်တင်

04.07.2013
ကမ္ဘာတလွှားအတွက်  ဆယ့်ရှစ်ရာစုနှစ် အလယ်လောက်ကစပြီး  အပူချိန်ကို  မှတ်တမ်းတင် ခဲ့ရာမှာ၊  အခု နှစ်ဆယ်ရာစုနှစ်ထဲက  ပထမ ဆယ်စုနှစ်ကုန်ပိုင်း ကာလဟာ  အပူနွေးဆုံးအဖြစ် စံချိန်တင်ခဲ့တယ်လို့ ကုသသမဂ္ဂက ပြောပါတယ်။

၂၀၀၈ ခုနှစ်ထဲမှာဆိုရင် အိန္ဒိယ သမုဒ္ဒရာမြောက်ပိုင်းမှာ  လူအသေအပျောက် အများဆုံးလို့ စံချိန်တင်ရတဲ့  နာဂစ်ဆိုင်ကလုံး မုန်တိုင်းဟာ မေလအစော ပိုင်းမှာ မြန်မာနိုင်ငံကို ဝင်ရောက်ခဲ့တာမို့  လူပေါင်း  ၁ သိန်း ၃ သောင်း ၈ ထောင်ကျော် သေဆုံးပျောက်ဆုံးခဲ့ရသလို လူပေါင်း ၈ သန်းကို ဒုက္ခရောက်စေပြီး အိုးအိမ် ထောင်ပေါင်းများစွာ ပျက်စီး ဆုံးရှုံးခဲ့ရတယ်လို့  ဗုဒ္ဓဟူးနေ့ ထုတ်ပြန်တဲ့  ကုလသမဂ္ဂ အစီရင်ခံစာမှာ ဖော်ပြထားပါတယ်။

ဂျနီဗာအခြေစိုက် WMO လို့ခေါ်တဲ့ ကမ္ဘာ့ မိုးလေဝဿအဖွဲ့ကြီးက ထုတ်ပြန်တဲ့ ဒီအစီရင်ခံစာထဲမှာပဲ   ဒီဆယ်စုနှစ်အတွင်းမှာဆိုရင် ၂၀၀၈ ခုနှစ်ကလွဲလို့ ကျန်နှစ်တွေဟာ  အပူဆုံး ဆယ်နှစ်ထဲစာရင်းမှာ ဝင်နေတယ်လို့ ဖော်ပြထားပြီး ၂၀၁၀ ကို အပူဆုံးနှစ်အဖြစ် စံတင်ထားပါတယ်။

WMO က သူတို့တိုင်းထွာရရှိတဲ့  အပူချိန်၊ မိုးရေချိန်ပမာဏတွေနဲ့ အတူ ကမ္ဘာတဝှမ်းက  ဆိုးဝါးတဲ့ သဘာဝဒဏ်ခံရမှုကြောင့် ဖြစ်ပေါ်လာတဲ့ ဟာရီကိန်းလေမုန်တိုင်းတွေ၊  ဆိုးရွားတဲ့ ရေကြီးမှုတွေနဲ့ မိုးခေါင်ရေရှားမှုတွေကို ဖော်ပြထားပြီး ၂၀၁၀ ဆယ်စုနှစ်ကုန်ပိုင်းကို စိုထိုင်းဆ အများဆုံး နှစ်တွေအဖြစ်လည်း စစ်တမ်းထုတ်ခဲ့ပါတယ်။

တချို့ဒေသတွေမှာ တွေ့ရတဲ့ ပြင်းထန်တဲ့ ရာသီဥတု ရိုက်ခတ်မှုတွေဟာ သဘာဝ အခြေအနေ အပြောင်းအလဲတွေကြောင့် ဖြစ်တယ်လို့ ဆိုပါတယ်။

ကမ္ဘာတဝှမ်း ရာသီဥတုပြောင်းလဲတဲ့ ဒဏ်ကိုခံနေရတာဟာ ဖန်လုံအိမ် ဓာတ်ငွေ့ထုတ်လွှတ်မှု များလာတာကြောင့်ဖြစ်ပြီး ဒါဟာ သဘာဝပတ်ဝန်းကျင်ကိုရော သမုဒ္ဒရာတွေအတွက်ပါ ဆိုးရွားတဲ့ အနေထားတွေကို ဖြစ်စေတယ်လို့ WMO ရဲ့ အထွေထွေ အတွင်းရေးမှူး Michel Jarraud ကပြောပါတယ်။
ဗွီအိုအေ (မြန်မာပိုင်း)

ဘင်္ဂလားပင်လယ်အော်တွင် လေဖိအားနည်းရပ်ဝန်း ဖြစ်ပေါ်

ရန်ကုန်၊ ဇွန် ၂၃
ဘင်္ဂလားပင်လယ်အော် အနောက်မြောက်ပိုင်းတွင် ဖြစ်ပေါ်နေသော လေဖိ အားနည်း ရပ်ဝန်းသည် အားပျော့ ပျက်ပြယ်သွားခြင်းမရှိဘဲ ဆက်လက် တည်ရှိနေသေးကြောင်း ဇွန်လ ၂၃ ရက်နေ့တွင် မိုးလေဝသနှင့် ဇလဗေဒ ညွှန်ကြားမှု ဦးစီးဌာနက သတင်း ထုတ်ပြန်သည်။

အဆိုပါ လေဖိအားနည်း ရပ်ဝန်းသည် ယမန်နေ့ မွန်းလွဲ၂နာရီ တိုင်းထွာချက် များအရ ဘင်္ဂလားပင်လယ်အော် အနောက်မြောက်ပိုင်း တွင် ဖြစ်ပေါ်နေခြင်းဖြစ်ပြီး ယနေ့အချိန်ထိ ဆက်လက် တည်ရှိနေသေးကြောင်း၊ လေဖိအားနည်း ရပ်ဝန်း၏ အရှိန်ကြောင့် ကမ်းရိုးတန်း တစ်လျှောက်နှင့် ကမ်းလွန် ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်ဖြစ်ကြောင်း သတိပေးချက် ထုတ်ပြန်ထားသည်။

အဆိုပါ လေဖိအားနည်း ရပ်ဝန်း အရှိန်အပြင် တောင်တရုတ် ပင်လယ်ပြင် တွင် ဖြစ်ပေါ်နေသော မုန်တိုင်း အကြွင်းအကျန်များသည် မြန်မာနိုင်ငံ ဘက်သို့ ရွေ့လျားလာပါက မိုးရေ မရရှိသော အလယ်ပိုင်းဒေသများအတွက် စိုက်ပျိုးရေ ရရှိမည့် အထောက်အပံ့ကောင်း ဖြစ်စေသည်ဟု မိုးလေဝသ ပညာရှင် ဒေါက်တာထွန်းလွင်က ပြောကြားသည်။

"ဘင်္ဂလားပင်လယ်အော်မှာ မုန်တိုင်းမဖြစ်တော့ အလယ်ပိုင်းက မိုးနည်း တယ်" ဟု ၎င်းက ဆိုသည်။

တောင်တရုတ်ပင်လယ်တွင် ဖြစ်ပေါ်နေသော အပူပိုင်း မုန်တိုင်း ဘီဘင်ကာ (BEBINCA) သည် တုံကင် ပင်လယ်ကွေ့သို့ ရောက်ရှိခဲ့ပြီး ဗီယက်နမ်နိုင်ငံ နန်ဒင်းမြို့၏ အရှေ့တောင်ဘက် ၉၇ မိုင်အကွာ ပင်လယ်ပြင်ကို ဗဟိုပြုနေကြောင်း အဆိုပါ အပူပိုင်း မုန်တိုင်းသည် အနောက်မြောက်ဘက်သို့ ဆက်လက် ရွေ့လျားနေပြီးနောက် ၁၈ နာရီအတွင်း ဗီယက်နမ်နိုင်ငံ မြောက်ပိုင်းကမ်းခြေသို့ ဖြတ်ကျော်ဝင်ရောက်မည်ဖြစ်ကြောင်းမိုးလေဝသနှင့် ဇလဗေဒ ညွှန်ကြားမှု ဦးစီးဌာနက ထူးခြား အခြေအနေ အဖြစ် ကြေညာထားသည်။
The Voice Weekly

မြန်မာကိုယ်ပိုင်ဂြိုဟ်တု လွှတ်တင်ခြင်းနှင့် အင်တာနက် ဆက်ကြောင်းသစ် ချိတ်ဆက်ရေး ဆောင်ရွက်မည်ဟု SingTel ဆို

ရန်ကုန်၊ ဇွန် ၁၁မြန်မာနိုင်ငံ၏ ဆက်သွယ်ရေး ဝန်ဆောင်မှုလုပ်ငန်း လိုင်စင်ရရှိရန် တင်ဒါ ဝင်ရောက် ယှဉ်ပြိုင်နေသည့် စင်ကာပူ ဆက်သွယ်ရေးကုမ္ပဏီ SingTel က မြန်မာနိုင်ငံအတွက် ကိုယ်ပိုင်ဂြိုဟ်တု လွှတ်တင်ရေးနှင့် အပြည်ပြည်ဆိုင်ရာ အင်တာနက် ဆက်ကြောင်းသစ် ချိတ်ဆက်ခြင်း လုပ်ငန်းများကို ဆောင်ရွက်သွားမည်ဖြစ်ကြောင်း ယင်းကုမ္ပဏီ အမှုဆောင် အရာရှိချုပ် Mr. Mark Chongက ပြောကြားသည်။

ယခုအခါ ဂြိုဟ်တုလွှတ်တင်ရေး ရှေ့ပြေး လေ့လာ ဆန်းစစ်မှုများ ပြုလုပ်နေ ပြီး မြန်မာအစိုးရကိုလည်း ပူးပေါင်း ပါဝင်ရန် ကမ်းလှမ်း ထားကြောင်း၊ မြန်မာနိုင်ငံ၏ ဆက်သွယ်ရေး လမ်းကြောင်းသစ်အဖြစ် အင်တာနက် ဆက်ကြောင်းသစ် SE-ME-WE 5 ကေဘယ်လ်နှင့် ချိတ်ဆက်ရေး ဆောင်ရွက်သွားမည်ဖြစ်ကြောင်း ၎င်းက ထပ်လောင်း ပြောကြားသည်။

"ခုဒီမှာက SE-ME-WE 3 ကေဘယ်လ်တစ်ခုတည်းနဲ့ ချိတ်ထားတာ။ သက်တမ်း ကြာမြင့်ပြီး မကြာခဏ ပြတ်တောက်မှုတွေ ဖြစ်တတ်တဲ့ ဆက်ကြောင်း တစ်ခုတည်းအပေါ် မှီခိုထားတာ၊ ဆက်သွယ်ရေးတွေ တိုးချဲ့ဖို့ အခက်အခဲ ဖြစ်စေပါတယ်" ဟု Mr. Mark Chong က ဆိုသည်။

ဆက်သွယ်ရေးကဏ္ဍ ဖွံ့ဖြိုးရန် ဝန်ကြီးဌာန၏ ငွေကြေးနှင့် နည်းပညာ အင်အား သက်သက်ဖြင့် ဆောင်ရွက်နိုင်မည်မဟုတ်ဘဲ ပုဂ္ဂလိကနှင့် ပူးပေါင်း ဆောင်ရွက်ရန်လိုကြောင်း၊ ဆက်သွယ်ရေး ဖွံ့ဖြိုးမှုအတွက် အဓိကကျသည့် နိုင်ငံပိုင် ဂြိုဟ်တု လွှတ်တင်ရေး အကျိုးတူ ဆောင်ရွက်သွား မည်ဖြစ်ကြောင်း ဆက်သွယ်ရေးနှင့် သတင်းအချက်အလက် နည်းပညာ ဝန်ကြီးဌာနက ကြေညာထားသည်။

SingTel သည် မြန်မာနိုင်ငံ၏ ဆက်သွယ်ရေး ဝန်ဆောင်မှုလုပ်ငန်း လိုင်စင် တစ်နေရာအတွက် မြန်မာနိုင်ငံရှိ ကမ္ဘောဇအုပ်စု၊ M-TEL ကုမ္ပဏီတို့နှင့် ပူးပေါင်းကာ တင်ဒါ ဝင်ရောက် ယှဉ်ပြိုင်လျက်ရှိပြီး လိုင်စင် မရရှိပါကလည်း ဆက်သွယ်ရေးလုပ်ငန်းများတွင် ဆက်လက် ပူးပေါင်း ဆောင်ရွက် သွားမည်ဖြစ်ကြောင်း M-Tel အမှုဆောင်အရာရှိချုပ်
Mr. Jonathan Myo Kyaw Thaung က ပြောကြားသည်။

ဆက်သွယ်ရေး ဝန်ဆောင်မှုလုပ်ငန်း လိုင်စင်အတွက် တင်ဒါ ဝင်ရောက် ယှဉ်ပြိုင်နေသည့် ၁၁ ဖွဲ့တွင် မည်သူ ရရှိသည်ဖြစ်စေ ကမ္ဘာ့အဆင့်မီ ဆက်သွယ်ရေး ဝန်ဆောင်မှုများ အသုံးပြုနိုင်မည်ဖြစ်ကြောင်း ၎င်းက ဆက်လက် ပြောကြားသည်။

မြန်မာနိုင်ငံ၏ ဆက်သွယ်ရေး ကဏ္ဍတွင် မိုဘိုင်းလ်ဖုန်း ဝန်ဆောင်မှုများ အတွက်သာ ကုမ္ပဏီ အဖွဲ့အစည်း လေးခုကို ကန့်သတ် ခွင့်ပြုမည်ဖြစ်သော် လည်း အခြားသော ဆက်သွယ်ရေး ကဏ္ဍအားလုံးတွင် ဝင်ရောက် လုပ်ကိုင်လိုပါက ခွင့်ပြုမည်ဖြစ်ကြောင်း မြန်မာ့ဆက်သွယ်ရေးနှင့် သတင်း အချက်အလက် နည်းပညာ ဝန်ကြီးဌာနက ထုတ်ပြန်ထားသည်။

ကမ္ဘာ့အကြီးဆုံး ဆက်သွယ်ရေး ကုမ္ပဏီငါးခုတွင် ပါဝင်သည့် SingTel ကုမ္ပဏီသည် ST-1 နှင့် ST-2 ဂြိုဟ်တုများကို အောင်မြင်စွာ လွှတ်တင် ထားပြီး မြန်မာနိုင်ငံနှင့် SE-ME-WE 3 အင်တာနက် ဆက်ကြောင်း ချိတ်ဆက်စဉ်က ပါဝင် ဆောင်ရွက်ခဲ့သည့် ကုမ္ပဏီတစ်ခု ဖြစ်သည်။
The Voice Weekly

မဟာစင် မုန်တိုင်း မြန်မာ ကနေ ကွေ့ထွက်သွား

ပိုင်ဆိုင် သမျှ ပစ္စည်းတွေကိုသယ်၊ ကလေးတွေကို ခေါ်ပြီး မုန်တိုင်းကို ရှောင်ပြေး ခဲ့ကြ

16 မေလ 2013
မဟာစင် ဆိုင်ကလုန်း မုန်တိုင်းဟာ မေလ ၁၆ ရက် ကြာသပတေးနေ့ ညနေက ဘင်္ဂ္လားဒေ့ရှ် နိုင်ငံ စစ်တကောင်း ဒေသကို ဖြတ်ကျော် ပြီး ကုန်းတွင်း ပိုင်းကို ဝင်ရောက် သွားခဲ့ ပါတယ်။

ဆိုင်ကလုန်း မုန်တိုင်းရဲ့ အကြွင်း အကျန် အနေနဲ့ ဘင်္ဂ္လားဒေ့ရှ်၊ အိန္ဒိယနဲ့ မြန်မာ နိုင်ငံ နယ်စပ် ဘက်မှာ ကုန်းတွင်း မုန်တိုင်း အဖြစ် ဆက်လက် တည်ရှိ နေတယ်လို့ မိုးလေဝသနဲ့ ဇလ ဗေဒ ဦးစီးဌာနက ပြောပါတယ်။

အဲဒီ မုန်တိုင်းက အရှေ့မြောက် ဘက်ကို ဆက်လက် ရွေ့လျား သွားပြီး တဖြည်းဖြည်း အားလျော့ ပျက်ပြယ် သွားမယ်လို့ လည်း ခန့်မှန်းထား ပါတယ်။

အများ အားဖြင့် ကုန်းတွင်း မုန်တိုင်းတွေဟာ ၂၄ နာရီ ကနေ ၃၆ နာရီလောက် အထိ ကုန်းတွင်းပိုင်းမှာ ရှိနေ တတ်တယ်လို့ မိုးလေဝသ ပညာရှင်တွေက ပြောပါတယ်။

ကုန်းတွင်း မုန်တိုင်းဟာ ပင်လယ်ပြင်မှာ ရှိနေတဲ့ မုန်တိုင်းလောက် ဘေးအန္တရာယ် မရှိဘဲ ရေငွေ့တွေ စုပြီး မိုးရွာ တာသာ ဖြစ်နိုင်တယ်လို့ မိုးလေဝသနဲ့ ဇလ ဗေဒ ဦးစီးဌာန ဒုတိယ ညွှန်ကြားရေးမှူး ဦးချစ်ကျော်က ဘီဘီစီကို ပြောပါတယ်။

ကုန်းတွင်း မုန်တိုင်းကြောင့် မိုးများ နိုင်ပြီး မိုးမကြိုက်တဲ့ အပင်တွေ ထိခိုက် နိုင်တာ၊ တောင်ပေါ်မှာ မိုးရွာတဲ့ အတွက် မြေပြိုတာ၊ တောင်ပေါ် ကားလမ်းတွေ ပျက်စီးတာ တွေ အပြင် တောင်ကျ ရေတွေ အလုံး အရင်းနဲ့ ဆင်း လာပြီး ရုတ်တရက် ရေကြီးတဲ့ အန္တရာယ်တွေ ရှိနိုင်တယ်လို့ လည်း သူက ပြောပါတယ်။

လေတိုက်နှုန်း အားဖြင့် ကုန်းတွင်း မုန်တိုင်းက တစ်နာရီကို ၃၅ မိုင် လောက်သာ တိုက်ခတ် နိုင်တဲ့ အတွက် အိမ်တွေ အမိုး အကာ ပျက်စီးတာ မရှိနိုင်ဘဲ လူသေကြေတာ လည်း မရှိနိုင်ဘူးလို့ ဆိုပါတယ်။

မဟာစင် မုန်တိုင်း အားပျော့ သွားပေမဲ့ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ချင်းပြည်နယ်၊ ရခိုင်ပြည်နယ် တို့မှာ မိုးသည်းထန် နိုင်တယ်လို့ မိုးလေ ဝသနဲ့ ဇလ ဗေဒဦးစီးဌာနက ခန့်မှန်းထား ပါတယ်။
ဘီဘီစီ

မုန်တိုင်းသတင်း

နောက် ၁၀နာရီအတွင်း မုန်တိုင်းဝင်မည်။
၂၀၁၃ခုနှစ်၊ မေလ(၁၆)ရက်နေ့မြန်မာစံတော်ချိန်(၀၆း၀၀)နာရီ အချိန်ထုတ်ပြန်ချက်

ယနေ့မြန်မာစံတော်ချိန်(၀၅း၃၀)နာရီအချိ်န်တိုင်းထွာချက်များအရဘင်္ဂလားပင်လယ်အော်မြောက်ပိုင်းတွင်ဖြစ်ပေါ်နေသောဆိုင်ကလုန်းမုန်တိုင်းမဟာစင်(MAHASEN)သည်အရှေ့မြောက်ဘက်သို့ရွေ့လျားခဲ့ပြီး၊မြန်မာနိုင်ငံ၊ မောင်တောမြို့၏အနောက်တောင်ဘက်မိုင် (၁၆၀)ခန့်၊ စစ်တွေမြို့၏အနောက်ဘက်မိုင်(၁၈၀)ခန့်၊ အိန္ဒိယနိုင်ငံ၊ ကိုလ်ကတ္တားမြို့၏အရှေ့ တောင်ဘက် မိုင်(၁၆၀)ခန့်နှင့် ဘင်္ဂလားဒေ့ရ်ှနိုင်ငံ၊ စစ်တကောင်းမြို့၏အနောက်တောင်ဘက် မိုင်(၁၈၀)ခန်အကွာ ပင်လယ်ပြင်ကိုဗဟိုပြုနေပါသည်။

အဆိုပါဆိုင်ကလုန်းမုန်တိုင်းသည်အရှေ့မြောက်ဘက်သို့ဆက် လက်ရွေ့လျားပြီး၊ ဘင်္ဂလားဒေ့ရ်ှနိုင်ငံ၊ စစ်တကောင်းမြို့နှင့် မြန်မာနိုင်ငံ၊ မောင်တောမြို့အကြားမှ ကမ်းခြေကိုနောက် (၁၂)နာရီအတွင်း ဖြတ်ကျော်ဝင်ရောက်မည်ဟု ခန့်မှန်းရပါသည်။

ဆိုင်ကလုန်းမုန်တိုင်း၏လက်ရှိ အခြေအနေမှာအနီရောင်အရေးပေါ် အခြေအနေသို့ရောက်ရှိပြီး၊ ဘင်္ဂလားဒေ့ရ်ှနိုင်ငံနှင့် မြန်မာနိုင်ငံနယ်စပ်သို့ ဦးတည်ရွေ့ လျားလျက်ရှိသည့် အခြေအနေ ဖြစ်ပါသည်။

ဆိုင်ကလုန်းမုန်တိုင်းမဟာစင်(MAHASEN)သည်ကမ်းခြေသို့ဖြတ်ကျော်စဉ်လေတိုက်နှုန်းမှာတစ်နာရီလျှင်မိုင်(၆၀)မှ မိုင်(၇၀)အထိတိုက်ခတ်နိုင်ပြီး၊မုန် တိုင်းကြောင့်မြင့်တက်နိုင်သောရေလှိုင်းအမြင့်မှာမောင်တောမြို့နယ်ကမ်းခြေတွင် (၈)ပေမှ (၁၀)ပေခန့်၊ စစ်တွေခရိုင်ကမ်းခြေတွင် (၆)ပေမှ (၈)ပေခန့်နှင့်ကျောက်ဖြူခရိုင်ကမ်းခြေတွင်(၄)ပေမှ(၆)ပေခန့်  မြင့်တက်နိုင်ပါသည်။

ထို့အပြင်မုန်တိုင်းနှင့်အတူ မိုးသည်းထန်စွာရွာသွန်းနိုင်ပါသဖြင့် စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင် မိုးရွာသွန်းမှုကြောင့် မြေပြိုခြင်း၊ တောင်ကျရေများကြောင့်လျှပ်တစ်ပြက်ရေကြီးခြင်း အန္တရာယ်များကို သတိပြုရှောင်ရှားသင့်ပါသည်။

အဆိုပါဆိုင်ကလုန်းမုန်တိုင်းအရှိန်ကြောင့်မြစ်ဝကျွန်းပေါ်၊မုတ္တမကွေ့၊ရခိုင်ကမ်းရိုးတန်းတစ်လျှောက်နှင့်ကမ်းလွန် ပင်လယ်ပြင်တို့တွင်မကြာ ခဏမိုးသက်လေပြင်းများကျရောက်ပြီး၊လှိုင်းကြီးမည်။မိုးသက်လေပြင်း
ကျစဉ်ရေပြင်/မြေပြင်လေသည်တစ်နာရီလျှင်မိုင်(၆၀)မှ မိုင်(၇၀)အထိတိုက်ခတ်နိုင်သည့်အတွက်ပင်လယ်မှငါးဖမ်းထွက်သည့် ငါးဖမ်းရေယာဉ်များ၊ သင်္ဘောများ၊ မုန်တိုင်းအန္တရာယ်ကို ကြိုတင်ရှောင်ရှားကြပါရန် အကြံပြုအပ်ပါသည်။
မိုးလေ၀သနှင့် ဇလဗေဒ ညွှန်ကြားမှုဦးစီးဌာန

01B MAHASEN ရဲ့ (၁၆-၅-၂၀၁၃)ရက်နေ့ နံနက်(၆)နာရီခွဲအချိန် နောက်ဆုံးအခြေအေန

(၁၆-၅-၂၀၁၃)ရက်နေ့ နံနက်(၆)နာရီခွဲအချိန် မိုးလေ၀သဂြိုဟ်တုတိမ်ပုံအရ Mahasen ဆိုင်ကလုန်းဟာ အနောက်လေစီးကြောင်းများအတွင်း အရှေ့မြောက်ဖက်ကို ရွေ့လာပြီး
အိန္ဒိယ-ဘင်္ဂလားဒေ့ နှစ်နိုင်ငံနယ်စပ်တလျှောက်ကနေပြီး အရှေ့မြောက်ဖက်ကို ဆက်လက်ရွေ့နေပါတယ်။ ကုန်းတစ်ဝက်ရေတစ်ဝက်အနေအထားမို့ ပိုမိုအားကောင်းလာ ဖို့ အလွန်ခဲယဉ်းပါလိမ့်မယ်။

နေ့ရက်။ ၁၆-၅-၂၀၁၃
အချိန်။ နံနက်(၆)နာရီခွဲအချိန်။
လတ္တီတွဒ်။ 20.5°N
လောင်ဂျီတွဒ်။ 89.9°E
ဦးတည်ရာ။ 40°
နှုန်း။ တစ်နာရီ (၁၄.၅)မိုင်နှုန်း။
လေတိုက်နှုန်း။ တစ်နာရီ မိုင်(၆၀)
လေပုန်း။ တစ်နာရီ မိုင်(၇၅)မိုင်
မုန်တိုင်းအချင်းဝက်။ (၈၅)မိုင်
ဗဟိုအနီးရေလှိုင်း။ (၁၂)ပေ
မောင်တောကမ်းခြေ မုန်တိုငးဒိရေ။။ ၁ ပေမှ ၂ ပေ

ယခင် ခန့်မှန်းထားတဲ့အတိုင်း ထိခိုက်မှုဟာ ဘင်္ဂလားဒေ့ရ်ှဖက်ပိုများပါလိမ့်မယ်။ ၀င်တာခန့်မှန်းတာထက် ပိုစောနိုင်ပါတယ်။

ဒေါက်တာထွန်းလွင် (MCCW)
FB-Tun Lwin

မဟာစင် ဝင်တော့မယ်လို့ အစိုးရ ကြေငြာ

15 မေလ 2013
မဟာစင် မုန်တိုင်း ကို အနီရောင်အဆင့် သတ်မှတ်လိုက်ပြီး ရခိုင်ပြည်နယ်၊ မောင်တောနဲ့ ဘင်္ဂ္လားဒေ့ရ်ှနိုင်ငံ စစ်တကောင်းတို့ ကြားကနေ ဝင်ရောက်တော့မှာ ဖြစ်တယ်လို့ မြန်မာနိုင်ငံ မိုးလေဝသနဲ့ ဇလဗေဒ ဌာနက ထုတ်ပြန်လိုက်ပါတယ်။

ဗုဒ္ဓဟူးနေ့ မြန်မာစံတော်ချိန် ညနေ ၆ နာရီခွဲ တိုင်းတာချက်အရ နောက်ထပ် ၁၆ နာရီခွဲလောက် အကြာမှာ ကုန်းတွင်းပိုင်းကို ဝင်ရောက်တိုက်ခတ်မှာ ဖြစ်တယ်လို့ မိုးလေဝသနဲ့ ဇလဗေဒဌာနက ဆိုပါတယ်။

မြန်မာဘက်ခြမ်းမှာတော့ မောင်တောကို အရင်ဝင်မှာ ဖြစ်ပြီး စစ်တွေနဲ့ ကျောက်ဖြူတွေကို ဆက်လက် ရိုက်ခတ်သွားမယ်လို့ မိုးလေဝသနဲ့ဇလဗေဒ ဒုတိယညွှန်ကြားရေးမှူး ဦးချစ်ကျော်က ဘီဘီစီကို ပြောပါတယ်။

မဟာစင် မုန်တိုင်းကြောင့် တခြားတိုင်းနဲ့ ပြည်နယ်တွေမှာလည်း မိုးရွာသွန်းပြီး ရေကြီးတာ မြေပြိုတာတွေ ဖြစ်နိုင်တယ်လို့လည်း သတိပေးထားပါတယ်။
BBC Burmese

ဘင်္ဂါလီဒုက္ခသည်အချို့ မုန်တိုင်းရှောင်ရန် ငြင်းဆို

ရန်ကုန်၊ မေ- ၁၄
ဘင်္ဂါလီဒုက္ခသည်စခန်းများကို မုန်တိုင်းအန္တရာယ်ကင်းရာဘေးလွတ်ရာသို့ ယနေ့ရွှေ့ပြောင်းပေးရာတွင် အချို့စခန်းများမှာ ရွှေ့ပြောင်းရန်ငြင်းဆိုခဲ့ကြောင်း သတင်းရရှိသည်။

စစ်တွေမြို့နယ် သဲချောင်းတစ်ဝိုက်ရှိ မိမိအစီအစဉ်ဖြင့် နေထိုင်ကြသော ဘင်္ဂါလီဒုက္ခသည်စခန်းများကို ပုလင်ပြင်ကျေးရွာ ဇုန်တောကြီးကယ်ဆယ်ရေးစခန်းတွင် ဆောက်လုပ်ထားသော တဲတန်းလျားကြီးများသို့ ရွှေ့ပြောင်းရာအချို့မှာ ငြင်းဆိုခဲ့ပြီး မည်သည့်အတွက်ကြောင့် မရွှေ့ပြောင်းနိုင်သည်ကို တိကျစွာပြောဆိုနိုင်
ခြင်းလည်း မရှိကြောင်း တာဝန်ရှိသူများက ပြောသည်။

“စခန်းက ခေါင်းဆောင်တချို့ကို အုန်းတောကြီးကယ်ဆယ်ရေးစခန်းအခြေအနေကို ခေါ်ပြပြီးတော့ ရွှေ့ပြောင်းခိုင်းတယ်။ ပထမတော့ သဘောတူပြီးမှ မန်စီစခန်းကလူတွေက မပြောင်းနိုင်ဘူးလို့ပြောတယ်။ ဘာကြောင့်လဲဆိုရင်လည်း ရေရေရာရာမပြော နိုင်ကြဘူး”ဟု တာဝန်ရှိသူတစ်ဦးက ပြောသည်။

ဒုတိယသမ္မတ ဦးဉာဏ်ထွန်းနှင့် တာဝန်ရှိသူများသည် အဆိုပါ မန်စီဒုက္ခသည်စခန်းသို့ လာရောက်ကြည့်ရှုသွားပြီး တာဝန်ရှိသူများ ဒုက္ခသည်စခန်းများမှတာဝန်ခံများနှင့် အရေးပေါ်အစည်းအဝေးတစ်ခုကို ယနေ့ညပိုင်း တွင် ပြုလုပ်ခဲ့သည်။ စခန်းများရွှေ့ပြောင်းရန်အစီအစဉ်ကို ယာယီရပ်တန့်ထားကြောင်း နောက်
ဆုံးသတင်းရရှိသည်။
7Day News Journal

MAHASEN ၏ လမ်းကြောင်း-Landfall-path တောင်ဘက်သို့ ၄၅ မိုင်ခန့် ကျဆင်းလာ

on May 15th, 2013
JTWC မှ မေလ ၁၅ ရက် မြန်မာစံတော်ချိန် နံနက် ဝ၃၃ဝ နာရီ မုန်တိုင်းသတိပေးထုတ်ပြန်ချက်အမှတ်-၁၉ တွင် ဆိုင်ကလုန်းမုန်တိုင်း MAHASEN သည် အိန္ဒိယနိုင်ငံ ကိုလ်ကတ္တားမြို့ တောင်-အနောက်တောင်ဘက် ၄၄၃ နော်တီကယ်မိုင်(၅ဝ၉ မိုင်ခန့်) တွင် ဗဟိုပြုနေပြီး အရှေ့မြောက်ဘက်သို့ ၈ နော်တီကယ်မိုင်(တစ်နာရီ ၉ မိုင်) နှုန်းဖြင့် ရွေ့လျားခဲ့ကြောင်း တွေ့ရပါသည်။ မုန်တိုင်း ကုန်းတွင်းသို့ ဖြတ်ကျော်ဝင်ရောက်မည့် နေရာမှာလည်း မူလ စစ်တကောင်းမြို့ပေါ်မှ ဖြတ်ကျော်ဝင်ရောက်မည့်လမ်းကြောင်း၏ တောင်ဘက် ၄၅ မိုင်ခန့် – ကော့ဇ်ဘဇားမြို့ မြောက်-အနောက်မြောက်ဘက် ၁၇ မိုင်ခန့်နှုင့် မြန်မာနိုင်ငံ မောင်တောမြို့၏ မြောက်-အနောက်မြောက်ဘက် ၆၆ မိုင်ခန့်သို့ ကျဆင်းလာကြောင်းတွေ့ရပါသည်။ မုန်တိုင်းလမ်းကြောင်း တောင်ဘက်သို့ ရောက်လာလေလေ မြန်မာနိုင်ငံ ရခိုင်ပြည်နယ်မြောက်ပိုင်းသို့ မုန်တိုင်းအန္တရာယ် ကျရောက်နိုင်ခြေ များလာလေ ဖြစ်သည်ကို သတိပြုရပါမည်။

ဆိုင်ကလုန်းမုန်တိုင်း MAHASEN မှာ ကုန်းတွင်းသို့ ဖြတ်ကျော်ဝင်ရောက်နိုင်မည့် နေ့ရက်နှင့် တဖြည်းဖြည်း ပိုမိုနီးကပ်လာပြီဖြစ်သဖြင့် JTWC ၏ လမ်းကြောင်းခန့်မှန်းမှုမှာလည်း အနည်းငယ်မျှသာ ကွာခြားနိုင်တော့မည်ဖြစ်ပါသည်။ ဤအခြေအနေတွင် မုန်တိုင်း၏ အရွယ်အစား၊ အင်အား၊ ဖြတ်ကျော်ဝင်ရောက်နိုင်မည့် လမ်းကြောင်း အသေးစိတ်၊ ကုန်းတွင်းဝင်ရောက်ပြီးနောက် မုန်တိုင်းအကြွင်းအကျန်များ ဆက်လက်မျောပါရွေ့လျားမည့် ဒေသခန့်မှန်းချက် စသည်တို့အား အတိအကျ ခန့်မှန်းပေးနိုင်ရန်မှာ အရေးကြီးပါသည်။ ဤအချက်အလက်များပေါ် မူတည်၍ မုန်တိုင်းလေပြင်းအန္တရာယ်နှင့် မုန်တိုင်းဒီလှိုင်းရိုက်ခတ်မည့် အန္တရာယ်တို့အပြင် ကုန်းတွင်းမုန်တိုင်းအဆင့်(သို့မဟုတ်)လေဖိအားနည်းရပ်ဝန်းအဆင့်ဖြင့် ဆက်လက်ရွေ့လျားမည့်နေရာများအတွက် မိုးသည်းထန်ပြီး တောင်ကျရေ အရှိန်အဟုန်ဖြင့်စီးဆင်းကာ ရေကြီးမှု အန္တရာယ် ဖြစ်နိုင်ခြေကိုလည်း ကြိုတင်ခန့်မှန်းတွက်ဆနိုင်မည်ဖြစ်ပါသည်။
mmweather.ygn

မဟာဆန်နောက်ဆက်တွဲ ဒေါက်တာဦးထွန်းလွင်၏ သုံးသပ် အကြံပြုချက်

မုန်တိုင်း MAHASEN နဲ့ပတ်သက်လို့ အကြံပြုချက်...

(၁၅-၅-၂၀၁၃)နံနက် ၅း၄၅ နာရီအချိန်
လက်ရှိအခြေအနေအရ ပင်လယ်ပြင်ဟာ အန္တရာယ်အကြီးဆုံးဖြစ်နေပါတယ်။ ဒါကြောင့် (၁၆-၅-၂၀၁၃) ရက်နေ့ကစပြီး မြန်မာ့ရေပိုငနက်ပင်လယ်ပြင်အတွင်း ငါးဖမ်းရေယာဉ်တွေ၊ ကုန်သွယ်ကူးသန်းရေယာဉ်တွေဟာ လေပြင်း နဲ့ လှိုင်းအန္တရာယ်ကို အထူးသတိထား သွားလာမောင်းနှင် ကြဖို့လိုပါတယ်။ အရွယ်အစားငယ်တဲ့ ရေယာဉ်များဟာ ကမ်းမှဝေးရာကို သွားခြင်းမှ ရှောင်ရှားကြဖို့ အလွန်အရေးကြီးပါတယ်။ ကုန်းပေါ်ကို လေတိုက်နှုန်း တစ်နာရီ မိုင် ၈၀ မှ မိုင် ၁၀၀နှုန်းလောက် ရှိတဲ့လေဟာ မုန်တိုင်းဒီရေ ၃ ပေမှ ၅ ပေခန့်သာတက်နိုင်ပါတယ်။ တကယ်လို့ အမုန်တိုင်းအ၀င်မှာ အပြောင်းအလဲ ဖြစ်လို့ လေတိုက်နှုန်းဟာ ရုတ်တရက် တစ်နာရီ မိုင်(၁၂၀)အထိ ဖြစ်သွားတာနဲ့ မုန်တိုင်းဒီရေအမြင့်ဟ (၁၂)ပေလောက်ဖြစ်သွားပါ့်မယ်။ အလွန် အန္တရာယ်ကြီးပါတယ်။ ဒါကြောင့် မုန်တိုင်းသတင်းကို အမြဲနားထောင်ဖို့လိုပါတယ်။

နတ်မြစ်အတွင်းပိုင်းမှာ ရုတ်တရက်ရေကြီးနိုင်တယ်ဆိုတာကိုလည်း ဒေသခံများ မမေ့ကြဖို့ လိုပါတယ်။

Credit to;
ဒေါက်တာထွန်းလွင် (MCCW)
မြန်မာနိုင်ငံသူ နိုင်ငံသားများအားလုံး သဘာဘေးများမှ ကင်းဝေးနိုင်ကြပါစေ။
မြန်မာဓိက

ဆိုင်ကလုန်းမုန်တိုင်း MAHASEN စစ်တကောင်းမြို့ သို့ ဦးတည်လျှက်ရှိ

May 14th, 2013
မုန်တိုင်း MAHASEN သည် မေလ ၁၄ ရက် မြန်မာစံတော်ချိန် ၁၈၃ဝ နာရီက အိန္ဒိယနိုင်ငံ ချင်နိုင်းမြို့ အရှေ့ - အရှေ့ မြောက်ဘက် ၄၁၈ မိုင်ခန့် ၊ မြန်မာနိုင်ငံ စစ်တွေမြို့  အနောက်တောင်ဘက် မိုင် ၅၇ဝ ခန့် ၊ ဘင်္ဂလားဒေ့ရ်ှနိုင်ငံ စစ်တကောင်းမြို့  အနောက်တောင်ဘက် မိုင် ၆၃ဝ ခန့် တွင် တည်ရှိ နေပြီး လွန်ခဲ့သော ၆ နာရီ အတွင်းက အရှေ့ မြောက်ဘက်သို့  တစ်နာရီ ၈ မိုင်နှုန်းဖြင့် မူလခန့် မှန်းလမ်းကြောင်း အတိုင်း ဆက်လက် ရွေ့လျား ခဲ့ပါသည်။ အရှေ့ မြောက်ဘက်သို့ ကွေ့ ပြီးနောက် မုန်တိုင်း MAHASEN သည် ဘင်္ဂလားဒေ့ရ်ှနိုင်ငံ စစ်တကောင်းမြို့ သို့  ဦးတည်ရွေ့ လျားနေပြီး မေလ ၁၇ ရက် မြန်မာ စံတော်ချိန် ညနေ ၁၈၃ဝ နာရီ မတိုင်မီ စစ်တကောင်းမြို့ ပေါ်မှ ကုန်းတွင်းကို ဖြတ်ကျော် ဝင်ရောက်မည်ဟု ခန့် မှန်းထား ပါသည်။
MAHASEN သည် မေလ ၁၆ ရက် ညနေ ၁၈၃ဝ MST(Myanmar STandard Time) တွင် ပိုမို အားကောင်းလာပြီး အဆင့်-၁ (CAT-1) ဆိုင်ကလုန်းမုန်တိုင်း အဖြစ်သို့  ရောက်ရှိ လာမည် ဖြစ်ကြောင်း၊ ကုန်းတွင်းသို့  ဖြတ်ကျော်လုနီး အချိန် ညနေ ၁၈၃ဝ MST မတိုင်မီ ရွေ့ လျားမှုနှုန်း မြန်ဆန်လာခြင်းနှင့် Vertical Wind Shear (VWS) မြင့်လာခြင်းကြောင့် အပူပိုင်း မုန်တိုင်း (Tropical Storm – TS) အဆင့်သို့  ပြန်လည် လျော့ကျပြီးမှ ကုန်းတွင်းသို့ ဖြတ်ကျော် ဝင်ရောက်မည် ဖြစ်ကြောင်း JTWC မှ ခန့် မှန်း ထားပါသည်။ TS အဆင့်တွင် မုန်တိုင်းဗဟို၌ လေတိုက်နှုန်း ၅ဝ နော်တီကယ်မိုင် (တစ်နာရီ ၅၈ မိုင်နှုန်းခန့် ) ရှိမည် ဖြစ်ပါသည်။
01B MAHASEN
14 May 2013 1200Z
Location: 14.8 86.2
Winds: 45 knots
Central Pressure: 989 hPa
MMweather Page

ဒုတိယသမ္မတဦးဉာဏ်ထွန်း ရခိုင်သို့ သွားရောက်ကွပ်ကဲမည်

ရန်ကုန်၊ မေ ၁၃
မဟာစင် ဆိုင်ကလုန်းမုန်တိုင်း ဖြတ်ကျော်မည့် ရခိုင်ပြည်နယ်သို့ အမျိုးသား သဘာဝဘေး ကာကွယ်စောင့်ရှောက်ရေး ဗဟိုကော်မတီဥက္ကဋ္ဌ ဒုတိယ သမ္မတဦးဉာဏ်ထွန်း သွားရောက်၍ အနီးကပ် ကွပ်ကဲသွားမည်ဖြစ်ကြောင်း နိုင်ငံတော်သမ္မတရုံးက မေလ ၁၃ရက်နေ့ ည ၈ နာရီ တွင် သတင်းထုတ်ပြန်သည်။

ရေတပ်ဗိုလ်ချုပ်ကြီးတာဝန် ထမ်းဆောင်ခဲ့သော ဒုတိယသမ္မတ ဦးဉာဏ်ထွန်းသည် အနောက်ပိုင်းတိုင်း စစ်ဌာနချုပ် အခြေစိုက်ရာအမ်းမြို့တွင် အခြေပြုကာ သဘာဝဘေးအန္တရာယ် ကာကွယ်ရေးနှင့် ပြန်လည်ထူထောင်ရေး လုပ်ငန်းများကို အနီးကပ်ကွပ်ကဲသွားမည် ဖြစ်ကြောင်း ယင်းထုတ်ပြန်ချက်တွင် ဖော်ပြသည်။

မုန်တိုင်းဒဏ် ကျရောက်နိုင်သော ကမ်းရိုးတန်းဒေသရှိ တိုင်းစစ်ဌာနချုပ်များ တွင် လေယာဉ်၊ ရဟတ်ယာဉ်၊ သင်္ဘော၊ မော်တော်ယာဉ်များကို လိုအပ်ပါက ချက်ချင်းအကူအညီ ပေးနိုင်ရန် အသင့်ပြင် ဆင်ထားပြီး ဆေးကုသရေး အဖွဲ့နှင့် အခြား အထောက်အကူပြုနိုင်မည့် အဖွဲ့များကိုလည်း ဖွဲ့စည်း၍ ကြိုတင်အသင့် ပြင်ဆင်ထားကြောင်း နိုင်ငံတော်သမ္မတရုံးက ထုတ်ပြန်ထားသည်။

ရခိုင်ပြည်နယ်တွင် မုန်တိုင်းဒဏ်နှင့် ဒီရေတက်လာနိုင်သည့် နေရာများ၊ ကမ်းခြေ တစ်လျှောက်တဲများ၊ ယာယီတဲများဖြင့် နေထိုင်သူများကို လုံခြုံစိတ်ချရသော နေရာများသို့ မေလ ၁၄ ရက်နေ့နှင့် ၁၅ ရက်နေ့တို့တွင် အပြီးပြောင်းရွှေ့ရန် ညွှန်ကြားထားကြောင်း ယင်းထုတ်ပြန်ချက် တွင် ဖော်ပြသည်။
ပင်လယ်ကမ်းစပ်နှင့် နီးသော ဒုက္ခသည်စခန်းများ၊ မုန်တိုင်းအန္တရာယ် ကြုံတွေ့နိုင်သော ဒုက္ခသည် များကို ဦးစားပေး ပြောင်းရွှေ့ပေးနေခြင်းဖြစ်ပြီး အဆိုပါ အိမ်ထောင်စုများကို ဒုက္ခသည်များကို နေရာချရန် ဆောက်လုပ်ထားသည့် နေအိမ် များကို မေလ ၁၂ ရက်နေ့က စတင် ပြောင်းရွှေ့ပေးနေကြောင်း ရခိုင်ပြည်နယ် အစိုးရအဖွဲ့ သတင်းပြန်ကြားရေးဆပ် ကော်မတီမှ အဖွဲ့ဝင် ဦးမျိုးသန့်ကပြော ကြားသည်။
"အသိပေးချက်တွေ၊ အရေးပေါ် ထုတ်ပြန်ချက်တွေကို ရခိုင်ပြည်နယ် မြောက်ပိုင်းဒေသကို အဓိကထား ထုတ်ပြန်ထားတယ်" ဟု ၄င်းကဆိုသည်။

မုန်တိုင်းဒဏ် ခံရနိုင်သော ဒုက္ခသည်များကို ကုန်းမြင့်နေရာများသို့ ပြောင်းရွှေ့နေကြောင်း ယနေ့ည ၈ နာရီ မြန်မာ့အသံနှင့် ရုပ်မြင်သံကြားတွင် ကြေညာခဲ့သည်။

အဆိုပါမုန်တိုင်းသည် ရခိုင်ပြည်နယ် သာမက ချင်းပြည်နယ်၊ မကွေးတိုင်း ဒေသကြီး၊ စစ်ကိုင်းတိုင်းဒေသကြီး၊ ရှမ်းပြည်နယ်၊ မန္တလေးတိုင်းဒေသကြီးနှင့် ကချင်ပြည်နယ် တို့ကို ဖြတ်သန်းမည်ဖြစ်ကြောင်း မိုးလေဝသအင်တာနက် ဝက်ဘ်ဆိုဒ်တစ်ခု ဖြစ်သည့် http://www.wunderground.com/ တွင် မေလ ၁၃ရက်နေ့ ည ၉ နာရီ အချိန်တွင် ဖော်ပြထားသည်။
The Voice Weekly

မဟာစင် မုန်တိုင်း လမ်းကြောင်း ပြောင်းမှာကို စောင့်ကြည့်နေ

မဟာစင် မုန်တိုင်း ၁၆ ရက်နေ့ညနေမှာ မြန်မာ့ ကမ်းရိုးတန်းကို ဝင်နိုင်

13 မေလ 2013
မြန်မာ နိုင်ငံမှာ မိုးလေဝသနဲ့ ဇလဗေဒ ညွှန်ကြားမှု ဦးစီးဌာနရဲ့ မေလ ၁၃ ရက် မနေ့က ထုတ်ပြန်ချက်အရ ဘင်္ဂ္လား ပင်လယ်အော် အရှေ့တောင်ပိုင်းမှာ ဖြစ်နေတဲ့ မဟာဆင် ဆိုင်ကလုန်း မုန်တိုင်းဟာ မြန်မာ နိုင်ငံ ကိုကိုးကျွန်းရဲ့ အနောက်ဖက် မိုင် ၄၁ဝ ၊ ပုသိမ်မြို့ အနောက်တောင်ဖက် မိုင် ၅၄ဝ ၊ ကျောက်ဖြူမြို့ အနောက်တောင်ဖက် မိုင် ၅၉ဝ အကွာ ပင်လယ်ပြင်ကို ဗဟိုပြုနေတယ်လို့ ဆိုပါတယ်။

မုန်တိုင်း တိုက်ချိန်မှာ ရခိုင်ကမ်းရိုးတမ်းနဲ့ မြစ်ဝကျွန်းပေါ် ကမ်းရိုးတမ်း ဒေသတွေမှာ မုန်တိုင်း ဒီရေလှိုင်း ဒဏ် ခံရနိုင်ပြီး ဒေသခံတွေ ဂရုပြု လိုက်နာရမယ့် အချက်တွေကို ရေဒီယိုနဲ့ ရုပ်မြင်သံကြား တို့ ကနေ ထုတ်ပြန် ထားတယ်လို့ မြန်မာ နိုင်ငံ သတင်းနဲ့ ပြန်ကြားရေး ဌာန ထုတ်ပြန်ချက်မှာ ဖော်ပြထားပါတယ်။

မုန်တိုင်းဒဏ် ခံရပြီး ဒီရေတက်နိုင်တဲ့ ရခိုင်ပြည်နယ် အတွင်းက နေရာနဲ့ ကမ်းခြေ တလျှောက်က တဲတွေကို မေလ ၁၄ရက်နဲ့ ၁၅ ရက် နေ့တွေမှာ အပြီးတိုင် လုံခြုံ စိတ်ချရတဲ့ နေရာတွေကို အမြန် ရွေ့ပြောင်းကြဖို့ ကိုလည်း မှာကြား ထားပြီး ဖြစ်တယ်လို့ သိရပါတယ်။

အမျိုးသား သဘာဝ ဘေးအန္တရယ် ကာကွယ် စောင့်ရှောက်ရေး ဗဟို ကော်မတီ ဥက္ကဌ ဒုတိယ သမ္မတ ဦးဉာဏ်ထွန်းနဲ့ စီမံခန့်ခွဲမှု လုပ်ငန်း ကော်မတီ က တာဝန်ရှိသူတွေက မေလ ၁၄ရက်နေ့ ဒီနေ့မှာ ရခိုင်ပြည်နယ် အမ်းမြို့နယ်မှာ အနီးကပ် ကွပ်ကဲသွားဖို့ စီစဉ် ညွှန်ကြားထားတယ်လို့ မြန်မာ နိုင်ငံ သတင်းထုတ်ပြန်ရေး အဖွဲ့ ကြေညာချက်မှာ ရေးသား ထားပါတယ်။

မိုးဇလ ညွှန်မှူးဟောင်း ဦးထွန်းလွင်ရဲ့ ဖေ့စ်ဘွတ်ခ် စာမျက်နှာမှာတော့ မေလ ၁၃ရက် တနင်္လ࿿ာနေ့ ညသန်းခေါင်ကျော် အချိန် ၊ မေလ ၁၄ရက် အင်္ဂ࿿ါနေ့ နံနက် (ဝး၃၀)နာရီ အထိတော့ ခန့်မှန်းတဲ့ အတိုင်း ဖြစ်မလာသေးဘူးလို့ ဆိုထားပါတယ်။

(၁၃-၅-၂၀၁၃)ရက်နေ့အထိ Mahasen နဲ့ပတ်သက်တဲ့ data တွေ အရ မဟာစင် မုန်တိုင်းကို (၁၃-၅-၂၀၁၃)ရက်နေ့ ညနေ(၆)နာရီခွဲက စတင်ပြီး အရှေ့မြောက် ယွန်းယွန်းဆီကို စပြောင်းတော့မယ်လို့ ခန့်မှန်းထားခဲ့ ပေမယ့် Mahasen ဟာ အနောက်မြောက်ဖက် ကို ဆက်လက် ရွေ့ရှားနေစဲ ဖြစ်တယ်လို့ ဖော်ပြထားပါတယ်။

မေလ ၁၆ ရက်နဲ့ ၁၇ ရက်မှာ ဘင်္ဂ္လားဒေ့ရှ် နဲ့ ရခိုင် ကမ်းခြေကို ဘင်္ဂ္လားဒေ့ရ်ှနိုင်ငံ၊ စစ်တကောင်းမြို့အနီးက ဖြတ်ကျော် လိမ့်မယ်ဆိုတဲ့ မူလခန့်မှန်းချက်ကတော့ မပြောင်းလဲသေးပါဘူး။

ထူးခြားမှု အနေနဲ့ မုန်တိုင်းဟာ ကမ်းခြေကို ဖြတ်ကျော် ပြီးတဲ့နောက် ကုန်းတွင်းပိုင်းမှာ ချင်းပြည်နယ် ၊ စစ်ကိုင်းတိုင်း အထက်ပိုင်း နဲ့ ကချင်ပြည်နယ် တွေအထိ ဆက်လက် ရွေ့လျားမယ် ဆိုထား ပါတယ်။

မေလ ၁၃ ရက် တနင်္လ࿿ာနေ့ ညနေ ၆ နာရီ က မိုးလေ ဝသ တိုင်းထွာ ချက်တွေ အရ ဘင်္ဂ္လား ပင်လယ်အော်မှာ ဖြစ်ပွား နေတဲ့ မဟာစင် မုန်းတိုင်း ဟာ ကိုကိုကျွန်းရဲ့ အနောက် တောင်ဘက် မိုင် ၄၃၀ ခန့်၊ ကျောက်ဖြူမြို့ အနောက် တောင်ဘက် မိုင် ၆၀ဝ ခန့်မှာရှိတဲ့ ပင်လယ်ပြင်ကို ဗဟိုပြု နေပါတယ်။

မဟာစင် မုန်တိုင်းဟာ မြောက်ဘက်ကို ဆက်လက် ရွေ့လျားနေပြီး လာမယ့် ၁၆ ရက်နေ့ ညနေမှာ ရခိုင် ပြည်နယ် မြောက်ပိုင်းနဲ့ ဘင်္ဂ္လား နယ်စပ်ကို ဝင်ရောက် နိုင်တယ်လို့ ခန့်မှန်း ကြပါတယ်။

မြန်မာ နိုင်ငံ ဘက်ကို မုန်တိုင်း ဖြတ်သွားတဲ့ အခါမှာ ဆိုင်ကလုန်း မုန်တိုင်း အဆင့် မဟုတ် တော့ဘဲ အင်အားပြင်း မုန်တိုင်းငယ် အဆင့် နဲ့သာ ဖြတ်သွား မယ်လို့ လည်း အမေရိကန်၊ အိန္ဒိယနဲ့ မြန်မာ မိုးလေဝသ ပညာရှင် တွေက ခန့်မှန်းကြ ပါတယ်။

မုန်တိုင်း ဗဟိုချက်မှာ လေတိုက်နှုန်း တစ်နာရီကို မိုင် ၆၀ ရှိနိုင်တယ်လို့ မြန်မာနိုင်ငံ မိုးလေဝသနဲ့ ဇလဗေဒ ဦးစီးဌာန ဒုတိယ ညွှန်ကြားရေးမှူး ဦးချစ်ကျော် က ပြောပါတယ်။

မုန်တိုင်း အရှိန်ကြောင့် မြန်မာ့ ကမ်းရိုးတန်းမှာ ရံဖန်ရံခါ မိုးသက်လေပြင်း ကျရောက်ပြီး လှိုင်းကြီးနိုင် တယ်လို့လည်း သတိပေး ထားပါတယ်။

လောလောဆယ် မဟာစင် မုန်တိုင်းက ဘင်္ဂ္လား ပင်လယ်အော် အတွင်း အဖြစ်ပြောင်းဇုံ Critical Zone အတွင်းမှာ ရှိနေတာကြောင့် မုန်တိုင်း လမ်းကြောင်း ပြောင်း သွားနိုင်တယ်လို့ ဦးချစ်ကျော် က ပြောပါတယ်။

လမ်းကြောင်း ပြောင်းသွားမယ် ဆိုရင် ၄၈ နာရီ ကြိုတင် သိရှိ နိုင်မှသာ ကြိုတင် ပြင်ဆင်မှုတွေကို လုပ်နိုင်မှာ ဖြစ်လို့ မသိလိုက်တာမျိုး မဖြစ်ရအောင် နေ့ည မပြတ် စောင့်ကြည့် နေတယ်လို့ လည်း သူက ဆိုပါတယ်။
BBC Burmese

ခန့်မှန်းတဲ့အတိုင်းဖြစ်မလာသေးပါ

၁၄-၅-၂၀၁၃ ရက် တနင်္လာနေ့ အင်္ဂါနေ့ နံနက် (၀၀း၃၀)နာရီအထိတော့ ခန့်မှန်းတဲ့အတိုင်းဖြစ်မလာသေးပါ

(၁၃-၅-၂၀၁၃)ရက်နေ့အထိ Mahasen နဲ့ပတ်သက်တဲ့ data တွေ ရလာတော့ မဟာဆန်သူကို (၁၃-၅-၂၀၁၃)ရက်နေ့ ညနေ(၆)နာရီခွဲမှာ စတင်ပြီး NNE ကို စပြောင်းတော့မယ်လို့ ခန့်မှန်းထား ခဲ့ပေမယ့် Mahasen ဟာ NW ကိုဆက်လက်ရွေ့လျှားနေဆဲဖြစ်ပါတယ်။ မကွေ့သေးပါဘူး။

ဒါပေမယ့် (၁၃-၅-၂၀၁၃)ရက်နေ့ ည(၉)နာရီခွဲအချိန် ထုတ်ပြန်ချက်မှာတော့ (၁၄-၅-၂၀၁၃) ရက်နေ့ မနက်ပိုင်းမှာ NNE ကွေ့မယ်လို့ ခန့်မှန်းထားဆဲဖြစ်ပါတယ်။ မေလ(၁၆-၁၇)မှာ
ဘင်္ဂလားဒေ့ရှ် နဲ့ ရခိုင်ကမ်းခြေကို ဘင်္ဂလားဒေ့ရ်ှနိုင်ငံ၊ စစ်တကောင်းမြို့အနီးက ဖြတ်ကျော် လိမ့်မယ်ဆိုတဲ့ မူလခန့်မှန်းချက်ကတော့ မပြောင်းလဲသေးပါဘူး။

အဲ...ထူးခြားလာတာတစ်ခုကတော့ မုန်တိုင်းဟာ ကမ်းခြေကိုဖြတ်ကျာ်ပြီးတဲ့နောက် ကုန်းတွင်းပိုင်းမှာ ချင်ပြည်နယ်၊၊ စစ်ကိုင်းတိုင်းအထက်ပိုင်း နဲ့ ကချင်ပြည်နယ်တွေအထိ ဆက်လက်ရွေ့လျှားမယ်ဆိုတာပါလာပါတယ်။

ဒီတော့.. (၁၄)ရက်နေ့ မနက်အထိ စောင့်ကြည့်ရပါဦးမယ်...။

နွားသေကို ကြိုးချီပြီး အပိုင်လုပ်လို့ရပေမယ့် မုန်တိုင်းဆိုတာကတော့ ဒီလိုပါဘဲဗျာ။
အလွန် စိတ်ရှည်၊ ဇွဲကောင်း ရပါတယ်။

ဒေါက်တာထွန်းလွင် (MCCW)
Popular Myanmar News Journal

“မဟာဆန်” မုန်တိုင်းနောက်ဆက်တွဲသတင်း”

မန္တလေး၊ မေ ၁၄-၂၀၁၃
မဟာဆန်မုန်တိုင်းဝင်ရောက်ရန် တဖြည်းဖြည်းနီးကပ်လာသည်နှင့်အမျှ ဘင်္ဂလားဒေ့ခ်ျနိုင်ငံ၊ အိန္ဒိယနိုင်ငံများမှ ပင်လယ်ရေကြောင်းဆိပ်ကမ်း တွေအားလုံး အရေးပေါ်အခြေအနေတစ်ရပ်အဖြစ် အသိပေးထားပြီး၊ အရေးပေါ်အစီအစဉ်များ အားလုံး ကြိုတင်ပြင်ထားပြီးဖြစ်ကြောင်း ZeeNews. com အင်တာနက်သတင်းစာမျက်နှာမှာ ဖော်ပြထားပါတယ်။ မုန်တိုင်းဗဟိုမှာ (၈၅)မိုင်စက်ဝန်းအတွင်း ရေပြင်၊ မြေပြင်လေတိုက်နှုန်း (၁)နာရီမိုင်(၁၀၀)နှုန်းမှ (၁၄၅) နှုန်းအထိ တိုက်ခတ်နိုင်ကြောင်း၊ နောက်(၄၈)နာရီအတွင် လှေသင်္ဘောများ ပင်လယ်ပြင်မထွက်ကြရန် နှိုးဆော် ထားကြောင်း၊ အပြင်းထန်ဆုံး ဆိုင်ကလုန်းမုန်တိုင်းအဆင့်ကို မရောက်ရှိနိုင်သော်လည်း ပိုမိုအားကောင်းလာနိုင်ဖွယ် ရှိကြောင်း၊ (NDTV)မြန်မာဘင်္ဂလားနှစ်နိုင်ငံ နယ်စပ်ဒေသတွေမှာ ရေကြီးမြေပြိုမှုတွေ ဖြစ်လာနိုင်တဲ့အတွက် အရေးပေါ်စီမံခန့်ခွဲမှုတွေ ကြိုတင်ဆောင်ရွက်ထားရှိကြရန် အဆက်မပြတ် သတိပေးနှိုးဆော်လျှက်ရှိပါသည်။

မြန်မာစံတော်ချိန် ၀၀း၃၀နာရီ တိုင်းထွာချက်များအရ အိန္ဒိယနိုင်ငံ တမီနာဒူးပြည်နယ်ကမ်းရိုးတန်း၏ အရှေ့ဖက် ၃၄၈-မိုင်၊ မြန်မာနိုင်ငံပုသိမ်မြို့၏ အနောက်တောင်ဖက် ၆၄၇-မိုင်အကွာ ပင်လယ်ပြင်မှာ ဗဟိုပြုရောက်ရှိနေပြီး နောက် ၄၈-နာရီအတွင်း ငပလီကမ်းခြေမှ ၄၃၀-မိုင်၊ဘင်္ဂလားဒေ့ရ်ှနိုင်ငံ စစတကောင်းမြို့၏အနောက်တောင်ဖက် မိုင်၄၀၀ အကွာကို ရောက်ရှိလာမှာဖြစ်ပြီး “မဟာဆန်” ဆိုင်ကလုံးဟာ မြန်မာ့ကမ်းရိုးတမ်းကိုဖြတ်ကျော်ကာ ကုန်းတွင်းပိုင်းဒေသဆီသို့ ဦးတည်နိုင်ခြေကို အင်္ဂါနေ့ (မေလ-၁၄-ရက်)ကစတင်ပြီး သတိထားစောင့်ကြည့်ရတော့မှာဖြစ်ပြီး ရခိုင်ပြည်နယ်၊ ရန်ကုန်တိုင်း၊ မကွေးတိုင်း အနောက်အလယ်ပိုင်းဒေသများ၊ ချင်းပြည်နယ်နှင့် ဧရာဝတီ မြစ်ဝကျွန်းပေါ်ဒေသတွေမှာ မိုးသက်မုန်တိုင်းများ ၀င်ရောက်လာနိုင်ခြေမြင့်မားနေပြီး၊ ရေကြီးမြေပြိုမှုတွေကြုံတွေ့နိုင်တာကြောင့် ဘေးအန္တရာယ်ဆိုင်ရာ ကြိုတင်ပြင်ဆင်ရေးနှင့် အရေးပေါ်ကူညီကယ်ဆယ်ရေး အစီအစဉ်တွေ ဆောင်ရွက်ထားရှိရန် အသိပေးနှိုးဆော်လိုက်ရပါတယ်။

မြန်မာနိုင်ငံနှင့်ပါတ်သက်၍လည်း……
ရခိုင်ပြည်နယ်မြောက်ပိုင်း သတိပေးအဆင့်ရှိဖို့လိုပြီဖြစ်ကြောင်း MCCW ထုတ်ပြန်ထားပြီးဖြစ်ပါတယ်။
“မဟာဆန်” ဆိုင်ကလုံးမုန်တိုင်းဟာ ဘင်္ဂလားပင်လယ်အော် အနောက်မြောက်ကို ရွှေ့လျားနေရာက မေလ ၁၃-ရက်နေ့ နေ့လည်ကစတင်ပြီး မြောက်ဘက်ကို ဦးတည်နေပြီး မေလ ၁၃ရက်နေ့ ညမှာတော့ အရှေ့မြောက်ကို ဦးတည်ရွှေ့လျားတော့မယ့် တစ်ဆစ်ချိုး အပြောင်းအလဲကို ဦးတည်နေတယ်လို့ ဒေါက်တာထွန်းလွင်က ခန့်မှန်းထာပါတယ်။

ရခိုင်ပြည်နယ်မြောက်ပိုင်းကို သတိပေးအဆင့်ထားဖို့လိုနေပြီး ရခိုင်ကမ်းရိုးတမ်းနဲ့ ဧရာဝတီတိုင်းအနောက်ခြမ်းကိုတော့ နှိုးဆော်အဆင့် သတ်မှတ်ဖို့လိုတယ်လို့ မြန်မာ့ရာသီဥတု ပြောင်းလဲခြင်းဆိုင်ရာ စောင့်ကြည့်အဖွဲ့ MCCW က ဆိုပါတယ်။

ပြည်ထောင်စုသမ္မတမြန်မာနိုင်ငံတော်၊ သတင်းထုတ်ပြန်ရေးအဖွဲ့မှလည်း သတင်းထုတ်ပြန်ချက်(၈/၂၀၁၃) ကို ယမန်နေ့က ထုတ်ပြန်နှိုးဆော်ထားပါသည်။
s.m.Aunng
မြန်မာဓိက

မုန်တိုင်းသတင်း

၂၀၁၃ခုနှစ်၊ မေလ(၁၃)ရက်နေ့မြန်မာစံတော်ချိန်(၁၃း၀၀)နာရီ အချိန်ထုတ်ပြန်ချက်

ယနေ့မြန်မာစံတော်ချိန်(၁၂း၃၀)နာရီ အချိန်တိုင်းထွာချက်များအရ
ဘင်္ဂလား ပင်လယ်အော် အရှေ့တောင်ပိုင်းနှင့် ယင်းနှင့်ဆက်စပ်
လျှက်ရှိသော ဘင်္ဂလားပင်လယ်အော် အနောက်တောင်ပိုင်းတွင် ဖြစ်ပေါ်နေသော ဆိုင်ကလုန်း မုန်တိုင်းမဟာစင်(MAHASEN)သည် မြန်မာနိုင်ငံ(ကိုကိုးကျွန်း)၏ အနောက်တောင်ဘက် မိုင်(၄၁၀)ခန့်၊
ပုသိမ်မြို့၏ အနောက်တောင်ဘက်မိုင်(၅၄၀)ခန့် ၊ကျောက်ဖြူမြို့၏ အနောက်တောင် ဘက်မိုင်(၅၉၀)ခန့် အကွာပင်လယ်ပြင်ကှိုဗဟိုပြုနေပါသည်။

မုန်တိုင်းသည်မြောက်ဘက်သို့ဆက်လက်ရွေ့လျားနိုင်ပြီး၊မုန်တိုင်း ဗဟိုချက်အနီးတွင် အမြင့်ဆုံးလေတိုက်နှုန်းမှာမိုင်(၆၀)အထိရှိနိုင်ပါသည်။ဆိုင်ကလုန်းမုန်တိုင်း၏အရှိန်ကြောင့် မြန်မာ့ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါမိုးသက်လေပြင်းများ ကျရောက် ပြီးလှိုင်းကြီးမည်။ မိုးသက်လေပြင်းကျစဉ်ရေပြင်/မြေပြင်လေသည် တစ်နာရီလျှင် မိုင်(၄၀)မှ(၄၅)မိုင်အထိ တိုက်ခတ်နိုင်ပါသည်။

ဆိုင်ကလုန်းမုန်တိုင်း၏ လက်ရှိအခြေအနေမှာ အ၀ါရောင် အဆင့်သာ ရှိသော်လည်း နောက်ဆုံးတိုင်းထွာရရှိသော ခန်မှန်းချက်အရ မေလ(၁၆)ရက်နေ့ညပိုင်းခန့်တွင်မြန်မာနိုင်ငံ(ရခိုင်ကမ်းရိုးတန်းမြောက်ပိုင်း) ကမ်းခြေနှင့် ဘင်္ဂလားဒေ့ရ်ှနိုင်ငံ ကမ်းခြေဒေသများဆီသို့ဖြတ်ကျော်
ဝင်ရောက် နိုင်ကြောင်းခန့်မှန်းရပါသည်။မြန်မာ့ကမ်းရီုးတန်းတစ်လျှောက်နှင့် ကမ်းလွန် ပင်လယ်ပြင်တို့ရှိကမ်းနီး၊ကမ်းဝေးငါးဖမ်းရေယာဉ်များ၊သင်္ဘောများအနေဖြင့် မုန်တိုင်းအန္တရာယ် ရှောင်ရှားရန် လိုအပ် ကြောင်းအကြံပြုအပ်ပါသည်။
မိုးလေဝသနှင့်ဇလ‌ဗေဒညွှန်ကြားမှုဦးစီးဌာန
The Voice Weekly

မုန်တိုင်းသတင်း

၂၀၁၃ခုနှစ်၊ မေလ(၁၃)ရက်နေ့မြန်မာစံတော်ချိန်(၇း၀၀)နာရီ အချိန်ထုတ်ပြန်ချက်

ယနေ့မြန်မာစံတော်ချိန် (၀၆း၃၀)နာရီအချိန်တိုင်းထွာချက်များအရ ဘင်္ဂလားပင်လယ်အော်အရှေ့တောင်ပိုင်းတွင် ဖြစ်ပေါ်နေသော ဆိုင်ကလုန်းမုန်တိုင်း မဟာစင်(MAHASEN)သည် မြန်မာနိုင်ငံ၊ (ကိုကိုးကျွန်း)၏အနောက်တောင်ဘက်မိုင် (၄၃၀)ခန့်၊ ပုသိမ်မြု့၏ အနောက်တောင်ဘက်မိုင် (၅၇၀)ခန့်၊ အိန္ဒိယနိုင်ငံ၊ ချင်းနိုင်မြို့၏အရှေ့တောင်ဘက်မိုင် (၃၈၀)ခန့်အကွာပင်လယ်ပြင်ကှိုဗဟိုပြုနေပါသည်။

အဆိုပါဆိုင်ကလုန်းမုန်တိုင်းသည် မြောက်ဘက်သို့ဆက်လက်ရွေ့လျားနိုင်ပြီး၊ မုန်တိုင်းဗဟိုချက်အနီး တွင်အမြင့်ဆုံးလေတိုက်နှုန်းမှာမိုင်(၆၀)ထိရှိနိုင်ပါသည်။ဆိုင်ကလုန်းမုန်တိုင်း၏အရှိန်ကြောင့်မြစ်ဝကျွန်း
 ပေါ်၊မုတ္တကွေ့၊မွန်တနင်္သာရီကမ်းရိုးတန်းတစ်လျှောက်နှင့်ကမ်းလွန်ပင်လယ်ပြင်တို့တွင်ရံဖန်ရံခါမိုးသက်
 လေပြင်းများကျရောက်ပြီးလှိုင်းကြီးမည်။

မိုးသက်လေပြင်းကျစဉ် ရေပြင်/မြေပြင်လေသည်တစ်နာရီလျှင်မိုင်(၄၀)မှ (၄၅) မိုင်အထိတိုက်ခတ်နိုင်ပါ သည်။ ဆိုင်ကလုန်းမုန်တိုင်း၏ လက်ရှိအခြေအနေမှာ အ၀ါရောင်အဆင့်သာရှိသော်လည်း နောက်ဆုံးတိုင်းထွာ ရရှိသောခန်မှန်းချက်အရမေလ (၁၆)ရက်ညနေပိုင်းခန့်တွင် မြန်မာနိုင်ငံ(ရခိုင်ကမ်းရိုးတန်းမြောက်ပိုင်း) ကမ်းခြေနှင့် ဘင်္ဂလားဒေ့ရ်ှနိုင်ငံကမ်းခြေဒေသများဆီသို့ ဖြတ်ကျော်ဝင်ရောက်နိုင်ကြောင်း ခန့်မှန်းရပါသည်။

မြန်မာ့ကမ်းရီုးတန်းတစ်လျှောက်နှင့်ကမ်းလွန်ပင်လယ်ပြင်တို့ရှိကမ်းနီး၊ကမ်းဝေးငါးဖမ်းရေယာဉ်များ၊ သင်္ဘောများအနေဖြင့်မုန်တိုင်းအန္တရာယ်ရှောင်ရှားရန်လိုအပ်ကြောင်းအကြံပြုအပ်ပါသည်။
(မိုးလေ၀သနှင့် ဇလဗေဒ ညွှန်ကြားမှု ဦးစီးဌာန)
Popular Myanmar News Journal

အပူပိုင်းမုန်တိုင်း 01B(MAHASEN) သတိပေးချက်အမှတ် (၁၁)

အပူပိုင်းမုန်တိုင်း 01B(MAHASEN) သတိပေးချက်အမှတ် (၁၁) (၁၃-၅-၂၀၁၃)ရက်၊ နံနက် (၃း၃၀) နာရီ အချိန်ထုတ်ပြန်သည်။

အပူပိုင်းမုန်တိုင်း မဟာဆန်သူဟာ (၁၃-၅-၂၀၁၃) ရက်နေ့ နံနက် (၃)နာရီခွဲအချိန်မှာ Lat 11.0°N Long 86.6°E အိန္ဒိယနိုင်ငံ၊ ကာလကတ္တားမြို့ရဲ့တောင်ဖက် (၈၆၅)မိုင်အကွာ ပင်လယ်ရေပြင် အပေါ်မှာ ဗဟိုပြုနေပါတယ်။ မုန်တိုင်းဟာ လွန်ခဲ့တဲ့(၆)နာရီအတွင်း က မြောက်အနောက်ယွန်းယွန်း(NNW)ကို တစ်နာရီ(၇)မိုင်နှုန်းနဲ့ ရွေ့လျှားလာခဲ့ပါတယ်။

ဒါဟာဖြင့် မူလရွေ့လျှားရာ ဦးတည်ဖက် NW (315° Bearing) ကနေ NNW(337° Bearing) ကို ပြောင်းလာခဲ့တာဖြစ်တဲ့အတွက် မုန်တိုင်းဟာ စတင်ကွေ့နေပြီ ဆိုတာကို ပြသနေခြင်းပါဘဲ။ ။ (360° Bearing ဆိုရင် မြောက်ဖက်အရပ်ဖြစ်ပါတယ်။)

ကောင်းကင်မိုးလေ၀သဂြိုဟ်တု တိုင်းတာချက်များအရ မုန်တိုင်းမှာရှိတဲ့တိမ်တွေဟာ ပြီးခဲ့တဲ့ (၆)နာရီအတွင်း ပိုမိုထူထပ်သိပ်သည်းလာနေတဲ့အတွက် မုန်တိုငးဟာ ပြန်လည်အားပျိုး(regain strength)လာနေပြီ ဆိုတာကို တွေ့နေရပါတယ်။ နောက်တစ်ချက်က မုန်တိုင်းဦးတည်ရာဖက် အရှေ့မြောက်ဖက် (45° Bearing)ကို မပြောင်းမှီ မုန်တိုင်းရဲ့ ရွေ့လျှားမှုနှုန်းဟာ နောက်(၂၄)နာရီ အတွင်းမှာ နှေးကွေးလာမယ်လို့ခန့်မှန်းရပါတယ်။ ဒါဟာ မုန်တိုင်းတို့ရဲ့ သဘာဝဖြစ်ပါတယ်။ အဲဒီနောက်မှာတော့ မုန်တိုင်းရဲ့အင်အားဟာ အရှေ့မြောက်ဖက်ကို ရွေ့လျှားရင်းနဲ့ တဖြည်းဖြည်း နဲ့ ပိုမိုအားကောင်းလာပါလိမ့်မယ်။

စိတ်သက်သာရာ ရစေနိုင်တဲ့အချက်တစ်ခုကတော့ ဘင်္ဂလားဒေ့ရှ် နဲ့ ရခိုင်ကမ်းရိုးတန်း ဖက်ဆီ ကို ဦးတည် ရွေ့လျှားလာနိုင်မယ့် 01B(MAHASEN) ဆိုင်ကလုန်းမုန်တိုင်းဟာ ဘင်္ဂလားဒေ့ရ်ှနိုင်ငံ ကမ်းခြေကို စစ်တကောင်းမြှိုအနီးက မဖြတ်ကျော်မီလေးမှာ အားလျော့သွားနိုင်တယ်လို့ ခန့်မှန်းရတဲ့ အချက်အလက်တွေ တွေ့နေရခြင်းဘဲ ဖြစ်နိုင်ပါတယ်။ တစ်နည်းပြောရရင်တော့ အားပျော့သွားပြီးမှ ကမ်းကိုဖြတ်နိုငတယ်လို့ ဆိုလိုခြင်းဖြစ်ပါတယ်။ ဒါဆိုရင်ဖြင့် ထိခိုက်မှုတွေကို လျော့ပါးသွားစေနိုင်ပါတယ်။

ကံမကောင်းချင်တော့ မဟာဆန်သူဟာ ကွေ့ပါလိမ့်မယ်။
ကံကောင်းချင်တော့ အားပျော့သွားပြီးမှ ကမ်းကို ဖြတ်နိုင်လို့ အပျက်အစီးတွေ သက်သာရာ ရနိုင်ပါတယ်။
လို့ဆိုပါတော့ဗျာ။

အရေးကြီးတာကတော့ ဒါတွေအားလုံးဟာ ကြိုတင်ခန့်မှန်းချက်များသာဖြစ်လို့ အချိန်နဲ့အမျှ အပြောင်းအလဲတွေဆိုတာ ရှိလာနိုင်ပါတယ်။ ကျွန်တော်တို့ဘက်က မုန်တိုင်းသတင်းတွေကို အချိန်နဲ့တပြေးညီ update လုပ်ပေးနေရသလို ဒေသခံပြည်သူများကလည်း သတင်းတွေကို အချိန်နဲ့ တပြေးညီ အမြဲ update လုပ်ပြီး နားစွင့်နေဖို့လိုပါတယ်။

မြန်မာနိုင်ငံသူ နိုင်ငံသားများ အားလုံး သဘာဝဘေးအန္တရာယ်များမှ ကင်းဝေးနိုင်ကြပါစေ။
ဒေါက်တာထွန်းလွင် (MCCW)
Popular Myanmar News Journal