ပြည်ထောင်စုမြန်မာနိုင်ငံသည် တိုင်းရင်းသားလူမျိုးစု အသီးသီးဖြင့် ပေါင်းစပ်ဖွဲ့စည်းထားသော နိုင်ငံတနိုင်ငံဖြစ် ပေသည်။
သို့သော် မြန်မာနိုင်ငံ၌ အဓိကလူမျိူးကြီး ရှစ် မျိုးရှိပြီး မျိုးနွယ်စုပေါင်း ( ၁၃၅ )မျိုးရှိသည်ဟု ပြောဆိုသုံးနှုန်းနေမှု ကို တိုင်းရင်းသားပါတီ ခုနစ်ပါတီဖြင့် စုဖွဲ့ထားသော “ညီနောင်တိုင်းရင်းသားများ ဖက်ဒရေးရှင်း” က ကန့်ကွက်ကြောင်း ၂၀၁၃ ခုနှစ်၊မတ်လ ၂ ရက်နှင့် ၃ ရက်နေ့က ပြုလုပ်ခဲ့သော နှစ်လတကြိမ် ပုံမှန်လွှတ်တော် အစည်းအဝေးအပြီးတွင် ကြေညာချက်ထုတ်ပြန်ခဲ့သည်။
၂၀၁၃ ခုနှစ်၊ဖေဖော်ဝါရီလ ၂၈ ရက်က ပြုလုပ်သည့် ပြည်သူ့လွှတ်တော် အစည်းအဝေး၌ လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန၊ ဒုတိယဝန်ကြီး ဦးဝင်းမြင့်က ပြည်သူ့လွှတ်တော်ကိုယ်စားလှယ် ဦးအောင်သိန်း(ရွာငံ) မဲဆန္ဒနယ်၏ မေးခွန်းကိုဖြေကြားရာတွင် သုံးနှုန်းပြောဆိုမှုကို ညီနောင်တိုင်းရင်းသားများ ဖက်ဒရေးရှင်းက ကန့်ကွက်ခဲ့ခြင်း ဖြစ်သည်။
“ လွှတ်တော်မှာ လဝက ဒုတိယဝန်ကြီး ဦးဝင်းမြင့်က တိုင်းရင်းသား ၁၃၅ မျိုး နာမည်တွေချပြတယ်၊ နာမည်ထပ် နေတာတွေ့ရတယ်။ ရှမ်းမှာဆိုလျှင် ရှမ်း၊ရှမ်းကြီး၊တိုင်းလျမ်တို့ဆို တမျိုးတည်းပဲ” ဟု ရှမ်းတိုင်းရင်းသားများ ဒီမိုကရက်တစ်ပါတီမှ ပြည်သူ့လွှတ်တော်ကိုယ်စားလှယ် ဦးစိုင်းမိုးအောင်က ပြောကြားခဲ့သည်။”
တိုင်းရင်းသားမျိုးနွယ်စု ၁၃၅ မျိုးရှိသည်ဟု သုံးနှုန်းခြင်းသည် မျိုးနွယ်စုများလွန်း၍ တစ်မျိုးစီ၏ အခွင့်အရေးအား သီးခြား ဆောင်ရွက်ပေးရန်ခက်ခဲသည်ဟု နိုင်ငံရေးအရ အကြောင်းပြရန် ဖြစ်နိုင်သည်ဟု ၎င်းးကမှတ်ချက်ချခဲ့သည်။ ၎င်းကပင် - “ တိုင်းရင်းသားရှစ်မျိုးထဲမှာ ဗမာကလွဲပြီး၊ကျန်တဲ့ တိုင်းရင်းသားတွေက လက်ခံနိုင်တဲ့ အနေအထား မရှိဘူး၊ ပြန် ပြီးစိစစ်ဖို့လိုပါတယ် ” “ စာရင်းပြုစုဖို့လိုတယ် လို့ပြောချင်ပါတယ် ” ဟူ၍ဖြည့်စွက်ပြောကြားသွားခဲ့သည်။
၁၉၉၀ ပြည့်နှစ်၊ စက်တင်ဘာ ၂၆ ရက်နေ့ထုတ် လုပ်သားပြည်သူ့နေ့စဉ် သတင်းစာ၌ ဆောင်းပါးရှင် မြန်ပြည် သား ရေးသားခဲ့သော “ တိုင်းရင်းသားလူမျိုးစု (၁၃၅) မျိုး နေထိုင်ရာ တို့ ပြည်ထောင်စုမြန်မာနိုင်ငံ ” ဆောင်းပါး၌ တိုင်းရင်းသားလူမျိုးစု ၁၃၅ မျိုး၏ စာရင်းကို အောက်ပါအတိုင်း ရေးသားဖော်ပြထားပါသည်။( သို့သော် ၂၀၁၃ မတ် ၁၃ ရက်နေ့ထုတ် Northern Star ဂျာနယ်၌ ရဲစွမ်းသူ၏ “ နိုင်ငံတော့်မျက်နှာ ” ဆောင်းပါး၌ အချို့တိုင်းရင်းသားလူမျိုးစု၏ အမည်များကို မှားယွင်းစွာဖော်ပြထားပါသည်။)
(က) ကချင်စု
၁။ ကချင်
၂။ ကရို
၃။ ဒလောင်
၎။ ဂျိန်းဖော
၅။ ဂေါ်ရီ
၆။ ခခု ( ရဲစွမ်းသူ၏ နိုင်ငံတော့်မျက်နှာဆောင်းပါး၌ ခဥ ဟုဖော်ပြထားသည်။)
၇။ ဒုရင်
၈။ မရု (လော်ဂေါ်) (မရူ သာအမှန်ဖြစ်သည်)
၉။ ရဝမ်
၁၀။ လရှီ (လာချစ်)
၁၁။ အဇီး
၁၂။ လီဆူး
(ခ) ကယားစု
၁။ ကယား
၂။ ဇယိမ်း (နိုင်ငံတော်မျက်နှာဆောင်းပါး၌ ခုယိမ်းဟု မှားယွင်းဖော်ပြထား)
၃။ ကယမ်း ( ပဒေါင် ) ( ကယန်းဟုရေးသားရပါမည်။)
၎။ ဂေခို
၅။ ဂေဘား
၆။ ပရဲ ( ကယော ) (နိုင်ငံတော့်မျက်နှာဆောင်းပါး၌ ပယဲဟု မှားယွင်းဖော်ပြထား)
၇။ မနူမနော
၈။ ယင်းတလဲ
၉။ ယင်းတော်
(ဂ) ကရင်စု
၁။ ကရင်
၂။ ကရင်ဖြူ
၃။ ပလေကြီး ( ကလေချီ )
၎။ မွန်ကရင်
၅။ စကော ( ကရင် )
၆။ တလှေပွာ
၈။ တွဲ(ဘွဲဟုရေးသားရပါမည်)
၉။ မောအေပွား
၁၀။ မိုးပွာ
၁၁။ ပိုး ( ကရင် )
(ဃ) ချင်းစု
၁။ ချင်း
၂။ မယ်တိုင် ( ကသဲ )
၃။ ဆလိုင်း
၎။ ကလင်တော ( လူရှေ )
၅။ ခမီ
၆။ အောဝခမီ (နိုင်ငံတော့်မျက်နှာဆောင်းပါး၌ သြော်ဝခမီဟု ရေးသားထား)
၇။ ခေါနိုး
၈။ ခေါင်စို
၉။ ခေါင်ဆိုင်
၁၀။ ခွာဆင်းမ်
၁၁။ ခွန်လီခေါ်ဆင်မ်
၁၂။ ဂန်ဘဲ
၁၃။ ဂွေးတဲ
၁၄။ ငွန်း
၁၅။ ဆီစာန် (နိုင်ငံတော့်မျက်နှာဆောင်းပါး၌ ဆီစဉ်ဟု ဖော်ပြထား)
၁၆။ ဆင်ထန် (နိုင်ငံတော့်မျက်နှာဆောင်းပါး၌ ဆင်ထမ်းဟု ဖော်ပြထား)
၁၇။ ဆိုင်းတန် (နိုင်ငံတော့်မျက်နှာဆောင်းပါး၌ ဆိုင်းထန်ဟု ဖော်ပြထား)
၁၈။ လာတောင်
၁၉။ ဇိုထုံး
၂၀။ ဇိုဖေ
၂၁။ ဇို
၂၂။ ဇန်ညှပ် ( ဇန်နိယပ် )
၂၃။ တပေါင်
၂၄။ တီးတိန် ( တဲဒင်မ် )
၂၅။ တေဇန်
၂၆။ တိုင်ချွန်း
၂၇။ တာ့ဒိုး
၂၈။ တောရ်
၃၀။ ဒင်မ်
၃၁။ ဒိုင် ( ယင်ဒူး )
၃၂။ နာဂ
၃၃။ တန်ဒူး
၃၄။ မာရင်
၃၄။ ပနမ်း
၃၅။ မကန်း
၃၆။ မဟူ
၃၇။ မီရမ် (ခေါ်) မရာ
၃၈။ မီအဲ
၃၉။ မွင်း
၄၀။ လူရှိုင်း
၄၁။ လေးမြို
၄၂။ လင်တဲ့
၄၃။ လောက်တူ
၄၄။ လိုင်
၄၅။ လိုင်လို
၄၆။ ပါကင်းမ် (ခေါ်) မရို
၄၇။ ဟွာလ်ငို
၄၈။ အနူး
၄၉။ အနန်
၅၀။ အူပူ
၅၁။ လျင်းတု (လျင်းဘုဟုသာ စကားလုံးပေါင်းရမည်)
၅၂။ အရှိုချင်း ( မြေပြန့် )
၅၃။ ရောင်ထု
( င ) ဗမာစု
၁။ ဗမာ
၂။ ထားဝယ်
၃။ မြိတ်
၎။ ယော
၅။ ရဘိန်း ( ယဗိန်း ဟုသာပေါင်းရမည်။ )
၆။ ကဘူး ( ခုံကူး )
၇။ ဂဏန်း ( ကနန်း ဟုသာ စကားလုံးပေါင်း ပေါင်းရမည်။ )
၈။ ဆလုံ
၉။ ဖုန်း ( ဖွန် )
( စ ) မွန်စု
၁။ မွန်
( ဆ ) ရခိုင်စု
၁။ ရခိုင်
၂။ ကမန်
၃။ ခမွီး
၎။ ဒိုင်းနက်
၅။ မရမာကြီး
၆။ မြို
၇။ သက်
( ဇ ) ရှမ်းစု
၁။ ရှမ်း
၂။ ယွန်း ( လအို )
၃။ ကွီ
၎။ ဖျင်
၅။ သအို ( ယအို သာအမှန်ဖြစ်သည်။ )
၆။ ဓနော )
၇။ ပလေး
၈။ အင်
၉။ စုံ ( ဆံ ) (နိုင်ငံတော့်မျက်နှာဆောင်းပါး၌ စုံ (ဆန်)ဟု ဖော်ပြထား)
၁၀။ ခမူ
၁၁။ ကော် ( အခါ-အီကော )
၁၂။ ကိုးကန့်
၁၃။ ခန္တီးရှမ်း
၁၄။ ဂုံ ( ခုန် )
၁၅။ တောင်ရိုး
၁၆။ ဓနု
၁၇။ ပလောင်(တအာင်းဟူ၍သာသုံးနှုန်းရမည်)
၁၈။ မြောင်ဇီး
၂၀။ ယင်းကြား
၂၁။ ယင်းနက်
၂၂။ ရှမ်းကလေး
၂၃။ ရှမ်းကြီး
၂၄။ လားဟူ
၂၅။ လွယ်လ
၂၆။ အင်းသား
၂၇။ အိုက်တွယ် ( အိုက်ဘွယ် သာအမှန်ဖြစ်သည်။ )
၂၈။ တိုင်းလွယ်
၂၉။ တိုင်းလျမ်
၃၀။ တိုင်းလုံ
၃၁။ တိုင်းလေ့
၃၂။ မိုင်းသာ
၃၃။ မောရှမ်း
ဟူ၍ဖြစ်သည်။
(က) ကချင်အုပ်စုတွင် ၁၂ - မျိုး
( ခ) ကယားအုပ်စုတွင် ၉ - မျိုး
( ဂ) ကရင်အုပ်စုတွင် ၁၁ - မျိုး
(ဃ) ချင်းအုပ်စုတွင် ၅၃ - မျိုး
( င) ဗမာအုပ်စုတွင် ၉ - မျိုး
( စ) မွန်အုပ်စုတွင် ၁ - မျိုး
(ဆ) ရခိုင်အုပ်စုတွင် ၇ - မျိုး
( ဇ) ရှမ်းအုပ်စုတွင် ၃၃ -မျိုး
စုစုပေါင်း ၁၃၅ မျိုး ဟူ၍ဖော်ပြထားသည်။
အဆိုပါ စာရင်းကို ၁၉၃၁ ခုနှစ် သန်းကောင်စာရင်း၊၁၉၅၃-၅၄ ခုနှစ် လူမျိုးစုစာရင်း၊၁၉၆၀ ပြည့်နှစ် ယဉ်ကျေးမှု ဝန်ကြီးဌာန၊ ရှေးဟောင်းစာပေနှင့် ယဉ်ကျေးမှုရုံး၏ အကြံပြုချက်နှင့် မြန်မာ့သမိုင်းကော်မရှင်၏ အကြံပေးချက်၊ ၁၉၇၂ ခုနှစ် မြန်မာ့ဆိုရှယ်လစ် လမ်းစဉ်ပါတီ ဗဟိုကော်မတီဌာနချုပ်၊ တိုင်းရင်းသားရေးရာကော်မတီ၏ ညှိနှိုင်းပေးချက်အရလည်းကောင်း အချိန်ယူပြုစုခဲ့ပြီး ၁၉၈၃ ခုနှစ် သန်းကောင်စာရင်းတွင် သုံးခဲ့သော စာရင်းများဟုဆိုသည်။
စစ်အစိုးရ အဆက်ဆက် စာရင်းထဲက ဒလောင်၊ဂေါ်ရီ၊ခခူနှင့်ဒူရင် တို့သည် ဂျင်းဖောအနွယ်ကွဲများသာ ဖြစ်ပြီး၊ သီးခြားကချင်လူမျိုးစုများ မဟုတ်ပေ။ ခခူနဲ့ဒူရင်ဆိုလျှင် မျိုးနွယ်ကွဲ တစ်ခုတည်းကိုပင် နာမည်နှစ်မျိုးခေါ် ထားခြင်းဖြစ်သည်။ ထို့ကြောင့်ကချင်(၁၂)မျိုးထဲတွင် ကချင်၊ထရုမ်း၊ဒလောင်၊ဂျိမ်းဖော၊ဂေါ်ရီ၊ခခု၊ဒူးလန်း၊မရှု(လော်ဂေါ်)၊ ရဝမ်၊ လရှီ၊ အဇီး။ လီဆူးးစသည်ဖြင့် လဝက ဒုတိယဝန်ကြီးက ပြောကြားနေသော်လည်း ခြောက်မျိုးကိုသာ လက်ခံမည်ဟု အမျိုးသားလွှတ်တော် ကိုယ်စားလှယ် (ကချင်-၁) မှဦးခက်ထိန်နန်က လွှတ်တော်၌် ပြောကြားခဲ့သည်။ ၎င်းကဆက်၍-
“ တကယ်ကောင်းကောင်းမွန်မွန်ရေတွက် မယ်ဆိုရင် ၁၃၅ မျိုးမရှိပါဘူး၊ ကိုယ် မိသားစုမှာ လူဘယ်နှယောက်ရှိတယ်ဆိုတာ မသိတာ မဖြစ်သင့်ပါဘူး “ မဖြစ်စွက်ပြောကြားသွားသည်။
ထို့ပြင် အင်ဂျားယန်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်ဒွဲဘူကလည်း-
“ ကချင်ဆိုတဲ့အထဲမှာ ကျန်တဲ့ခြောက်မျိုးကပါပြီးသား “ ကချင်ဆိုတာ ထပ်ထည့်စရာမလိုဘူး ” ဂျိမ်း ဖော၊လီဆူး၊ရဝမ်၊အဇီး၊လရှီ၊မရူ(လော်ဂေါ်) တို့သာ ကချင်လူမျိုးထဲပါတာပါ ” ဟူ၍ပြောကြားခဲ့သည်။
အစိုးရ၏ ကယားမျိုးနွယ်စုထဲတွင် မျိုးနွယ်စု(၉)မျိုးပြထားသည်။ အမှန်မှာ ဇယိမ်း၊ကယန်း(ပဒေါင်)၊ဂေခို(ကဲ့ခို)၊
ယင်းဘော် လေးမျိုးသည် ကယန်း(ပဒေါင်)မျိုးနွယ်စု၏ အမည်ကွဲ သို့မဟုတ် မျိုးနွယ်ကွဲများသာဖြစ်သည်။ ထို့ကြောင့် အစိုးရ၏ မျိုးနွယ်စု (၉)မျိုးသည် လက်တွေ့တွင် (၅)မျိုးသာဖြစ်သည်။ ဂေဘား လူမျိုးစုသည် ဘွဲကရင် ထဲ၌ပါဝင်ပါသည်။
ကရင်လူမျိုးစု (၁၁)မျိုး၌ လူမျိုးစုတစ်မျိုး၏ အမည်ကွဲများ၊မျိုးနွယ်ကွဲများကို သီးခြားလူမျိုးစုအဖြစ်ပြထားသည်။ မွန်ကရင်ဆိုသည်မှာ ပိုးကရင်ဖြစ်ပြီး၊စာဖြူကရင်ဆိုသည်မှာ ခရစ်ယာန်ဘာသာ ကိုးကွယ်သော ကရင်ဖြစ်ပါသည်။ ခြုံ၍ဆိုသော် ကရင်လူမျိုးစုကသတ်သတ်၊စကော၊ပိုး၊ဘွဲ စသည့်လူမျိုးစုကသတ်သတ် ဖော်ပြထားခြင်းသည် ပညာရှင်များအတွက် ရယ်စရာဖြစ်နေပါသည်။
ချင်းမျိုးနွယ်စုပေါင်း (၅၃) မျိုးထားမှုသည် အဆိုးရွားဆုံးဖြစ်သည်။ ထုံးစံအတိုင်း ချင်းဆိုသည်အမည်ဖြင့် မျိုးနွယ်စုတမျိုးလည်းပြထားလိုက်သေးသည်။ (၅၃) မျိုး၌ ချင်းမျိုးနွယ်စုအဖြစ် အမှတ်အသားလက္ခဏာ identity မသတ်မှတ်နိုင်သော နာဂ၊မဏိပူရနွယ်ဘွား ကသည်း(ကသဲ) နှင့် နီပေါနွယ်ဘွား လျင်ဘု (မြန်ပြည်သားဆောင်းပါး နှင့် Northern Star (၂၀၁၃ မတ်၁ ၃) ရဲစွမ်းသူ၏ “နိုင်ငံတော့်မျက်နှာ”ဆောင်းပါးတို့၌ လျင်းဘု ကို လျင်းတု ဟူ၍မှားယွင်းစွာဖော်ပြထားသည်။) ကိုလည်းထည့်ထားသည်။ ယနေ့ချင်းနိုင်ငံရေးပါတီများနှင့် ပညာရှင်အများစု လက်ခံထားသော ချင်းလူမျိုးစု(၈)မျိုးကိုသာ လက်ခံထားသည်။ လူမျိုး(Race)၊Tribe(မျိုးနွယ်စု)၊ ဆွေမျိုးစု(Clan)၊စကားဝဲအစု(Dialect) များ ရောနှောနေသောကြောင့် အစိုးရစာရင်းသည် (၅၃) မျိုးဖြစ်ရခြင်းသာဖြစ်ပါသည်။အမှန်စာရင်းကြည့်ကြပါစို့။
ဗမာလူမျိုးစု အရေအတွက်ကို ဗေဒင်ကိန်းခန်းအရ နဝင်းကြေရန်(၉) မျိုးပြထားပါသည်။ ယော၊ထားဝယ်နှင့်မြိတ်(ဘိတ်) တို့ကို သီးခြားလူမျိုးစုပြထားမှုသည် မှားယွင်းပါသည်။ စကားဝဲ(Dialect) အစုကွဲသာဖြစ်ကြောင်း မနုဿဗေဒပညာရှင်များနှင့်ဘာသာဗေဒပညာရှင်များ ထောက်ပြမှုကို စစ်အစိုးရသည် လက်မခံခဲ့ပေ။
ရှမ်းပြည်နယ်၌သီးခြား ဗမာလူမျိုးစုနွယ်ဝင် ဓနု၊တောင်ရိုးနှင့်အင်သားများကို ရှမ်းလူမျိုးစုစာရင်း၌ ပြထားသည်။
ကဒူးနှင့်ကနန်းများကို ခွဲပြထားသလို ကချင်ပြည်နယ်၊ရှမ်းပြည်နယ်များထဲမှ ဖုန်းလူမျိုးနှင့်တိဘက်-မြန်မာအနွယ်မဟုတ် သည့် ဆလုံများကို ဗမာလူမျိုးစုစာရင်းထဲ ထည့်ထားမှုသည် မနုဿဗေဒပညာ နိမ့်ကျရာရောက်နေပါသည်။ စစ်ကိုင်းတိုင်းထဲမှ နာဂများကို ချင်းလူမျိုးစုစာရင်းထဲထည့်ထားသော်လည်း ကချင်ပြည်နယ်ထဲမှ ကဒူး၊ကနန်းများကို ဗမာလူမျိုးစုထဲ ထည့်ထားမှုသည် တွေးရခက်ကြီးဖြစ်နေရသည်။
မွန်လူမျိုးစုကို တစ်မျိုးထဲသာပြထားပြီး တခြားမွန်ခမာမျိုးနွယ်များဖြစ်သည်ဝ၊ ပလောင်(တအာင်း)၊ ယင်းနက်၊
ယင်းကျားစသည်များကို ရှမ်းလူမျိုးစုစာရင်းထဲ ထည့်ထားပြန်သည်။
ရခိုင်လူမျိုးစုကိုမူ (၇) မျိုး စာရင်းပြထားသည်။ ရခိုင်လူမျိုးစု (၇) စုတွင် ထည့်သွင်းထားသည့် ခမွီးများကိုလည်းချင်းလူမျိုးစု (၅၃) မျိုး၌ ဖော်ပြထားသည်။ ခမီးမျိုးနွယ်စုများနှင့်အတူတူပင်ဖြစ်သည်။ ရခိုင်တိုင်းရင်းသားများ တိုးတက်ရေးပါတီ ဥက္ကဌ ဒေါက်တာအေးမောင်ကပြောပြသည်။ “သူတို့(ခမီး) တွေကလည်း ကျွန်တော်တို့အခေါ် ခမွီးတွေက ရခိုင်ပြည်ရောက် ချင်းလူမျိုးများသာဖြစ်ပါတယ်” ဟု၎င်းကပြောကြားခဲ့သည်။
ရှမ်းလူမျိုးစုစာရင်း၌ (၃၃)မျိုးပြထားရာ၊ ရှမ်းသာမဟုတ် ဗမာမျိုးနွယ်များ၊ တခြားတိဘက်ဗမာမျိုးနွယ်များ၊ မွန်ခမာမျိုးနွယ်များ စသည်တို့ဖြင့်ရောထွေးနေသည်။ ရှမ်းကြီးနှင့်တိုင်းလုံ ဆိုသည် တမျိုးတည်းဖြစ်ပြီး၊ ခန္တီးရှမ်းနှင့်တိုင်းလျမ်ကို ပြထားသော်လည်း တိုင်းနူ(ရှမ်းတရုတ်)၊တိုင်းလီ၊တိုင်းလျန်(ရှမ်းနီ) နှင့် ဒရယ်ကိုချန်ထားခဲ့သည်။ အင်းသား၊စုံ(ဆံ)၊ဝ နှင့် တိုင်းလွယ်တို့သည် တမျိုးတည်းသာဖြစ်ပါသည်။ တိုင်းလွယ်ကို သီးခြား မွန် ခမာ လူမျိုးစုအဖြစ်ယူ၍ရနိုင်သည်။ ကွီ နှင့် လားဟူ မကွာသလို ဖျင် နှင့် အခါလည်းမကွဲလှပါပေ။ ပလေး နှင့် ပလောင် တမျိုးတည်းဖြစ်သလို မြောင်ဇီး၊ယအို(ယောင်) နှင့် အိုက်ဘွယ် (မြန်ပြည်သားဆောင်းပါး အိုယ်ဟု မှားယွင်းစွာဖော်ပြထားသည်။) သည်တမျိုးတည်းသာဖြစ်သည်။
နယ်စပ်ချင်းထိစပ်နေ၍ ယူနန်တရုတ်လူမျိုးများကို မြန်ပြည်တိုင်းရင်းသား ကိုးကန့်လူမျိုးအဖြစ် သတ်မှတ်ထားသည်ကိုတွေ့ရသည်။ ထိုပြင် ယွန်း(လော)လူမျိုး၊ခမူ(လော)လူမျိုး၊ရှမ်းကလေး(ဝါ)တိုင်းလေ့(ထိုင်း)၊တိုင်းလျမ်(ယူနန်) လူမျိုးတို့ လည်း တိုင်းရင်းသားလူမျိုးစုထဲ၌ ထည့်ထားသည်။ ချင်းပြည်နယ်ဘက်မှ ကသည်း(မဏိပူရ)လူမျိုး၊လင်းဘု(နီပေါ)လူမျိုးတို့ကိုလည်း တိုင်းရင်းသားလူမျိုးစုအဖြစ် သတ်မှတ်ထားသော်လည်း မြန်မာပြည်နယ်နမိတ်ထဲ နေထိုင်လျက်ရှိသည့် တိုင်းလိ(ယူနန်)၊ ပသျှူး(မလေး)၊ တိဘက်၊ ဂေါ်ရခါး(နီပေါ)၊ တို့ကို တိုင်းရင်းရင်းသားလူမျိုးစုအဖြစ် လက်ခံထားခြင်းမရှိသည်ကိုလည်းတွေ့ရသည်။
မည်သို့ဆိုစေ စစ်အစိုးရ အဆက်ဆက်လက်ခံထားသော တိုင်းရင်းသားလူမျိုးစု (၁၃၅) မျိုးသည် (၇၇) မျိုးသည်စာရင်းထပ်နေ၍ (၅၈)မျိုးသာရှိပေသည်။ ယင်း ၅၈ မျိုး၌လည်း ထမန်၊တိုင်းလျန်(ရှမ်းနီ)တို့သည် တိုင်းရင်သားလူမျိုးစု စာရင်း၌ မပါဝင်ဘဲကျန်ရစ်နေသလို ယဗိန်း၊ဓနော၊ခမူ ကဲ့သို့ မျိုးတုံးလုဆဲဆဲ (ဝါ) လူဦးရေရာဂဏန်းသာရှိ တိုင်းရင်းသားလူမျိုးစုများလည်းရှိနေသည်။
မြန်မာ့သမိုင်းကော်မရှင်(ယခုမြန်မာ့သမိုင်းအဖွဲ့)၏ အကြံပေးချက်အရ လူမျိုးစုစာရင်းများကို ပြုစုထားသည်ဆို ရာ၌လည်း မြန်မာ့သမိုင်းအဖွဲ့သည် သီးခြားလွတ်လပ်သည့်အဖွဲ့ မဟုတ်သလို အစိုးရထိန်းချုပ်အောက်ရှိ အဖွဲ့အစည်းသာ ဖြစ်ပြီး တော်လှန်ရေးကောင်စီအစိုးရလက်ထက်မှ ယနေ့တိုင် မြန်မာ့သမိုင်းအဖွဲ့၏ ထောက်ပြအကြံပြုချက်များကို ဘယ် သောအခါမှ လက်ခံလေ့မရှိဘဲ စစ်အစိုးရအဆက်ဆက်သည် ၎င်းတို့၏ အကျိုးစီးပွားနှင့် အာဏာတည်မြဲရေး အတွက်သာ
ပြုမူဆောင်ရွက်လျက်ရှိသည်။
ထို့ကြောင့် တိုင်းရင်းသားခေါင်းဆောင်များ တင်ပြသကဲ့သို့ စစ်အစိုးရအဆက်ဆက်သည် လူမျိုးစုများစွာထည့် သွင်း ဖော်ပြထားခြင်းသည် လူမျိုးစုတမျိုးစီ၏ အခွင့်အရေးများအား သီးခြားဆောင်ရွက်ပေးရန် ခက်ခဲမှုရှိသည်ဟု နိုင်ငံရေးအရ အကြောင်းပြကောင်းရန်သာဖြစ်ပြီး တိုင်းရင်းသားလူမျိုးစုများကို လေ့လာစီစစ်၍ပြန်လည်ပြုစုရန် လိုအပ်ပါကြောင်း စေတနာကောင်းဖြင့်လေ့လာဆန်းစစ်တင်ပြလိုက်ပါရပါသည်။
စာကိုး
၁။ ဂါမဏိ၊ “ ၁၃၅ ” ခေတ်ပြိုင်ဂျာနယ် အမှတ်(၁)၊ နှစ်လည်မဂ္ဂဇင်း ၂၀၀၄-၂၀၀၅။စာ ၅၀-၅၃။
၂။ မြန်ပြည်သား “ တိုင်းရင်းသားလူမျိုးစု(၁၃၅)မျိုးနေထိုင်ရာ တို့ပြည်ထောင်စုမြန်မာနိုင်ငံ ” လုပ်သားပြည်သူ့နေ့စဉ်သတင်းစာ (၂၆.၉.၉၀)
၃။ သန်းဝင်းလှိုင်၊ အနှစ်ချုပ် မြန်မာ့သမိုင်း အဘိဓာန် ပထမတွဲ၊ရန်ကုန်၊ပညာရှေ့ဆောင် (ပ)ကြိမ် ၂၀၁၀။
သန်းဝင်းလှိုင်
FB-Sa Maung
