ကိုအောင်နိုင်(တက္ကစီယာဉ်မောင်း)
ဖြေ – ရန်ကုန်မြို့မှာ လမ်းပိတ်ဆို့မှုဆိုတာ အားလုံးက ညည်းညူနေကြတဲ့ ကိစ္စပဲဖြစ်ပါတယ်။ လမ်းပိတ်ဆို့မှုဟာ လျော့ကျသွားတယ်လို့ မကြားရဘဲ ပိတ်ပြီးရင်း ပိတ်နေတာပါပဲ။ မဟာစင်မုန်တိုင်းရဲ့ အကျိုးကြောင့် မိုးတွေ တဝုန်းဝုန်းရွာတဲ့အခါ ကတ္တရာလမ်းပေါ် ရေတွေတင်တော့ လမ်းပိတ်တာက ပိုဆိုးလာတာလည်း တွေ့ရပါတယ်။ ကိုအောင်နိုင်ရဲ့ မေးခွန်းနဲ့ ပတ်သက်ပြီး ရန်ကုန်မြို့တော်အများပြည်သူ သယ်ယူပို့ဆောင်ရေး အာဏာပိုင်အဖွဲ့က ဥက္ကဋ္ဌဦးကြည်သိန်းကို မေးမြန်း ရာမှာတော့ ဦးကြည်သိန်းက မထသ(ဗဟို)က ဆောင်ရွက်နေတဲ့အတွက် မထသ(ဗဟို)ကိုသာ မေးဖို့ ပြောပါတယ်။ဒါနဲ့ မထသ (ဗဟို) ဥက္ကဋ္ဌ ဦး လှအောင်ဆီကို ဆက်သွယ်မေးမြန်းခဲ့ရာမှာ သူက ”ကားကြီးတွေ မဆင်မခြင်မောင်းနေတာ တချို့နေရာတွေမှာ တွေ့ရတယ်။
လမ်းပြောင်းပြန်မောင်းတာ၊ ကျော်တက်တာတွေကို ကျွန်တော်တို့ တာဝန်နဲ့အညီ ၁၃၈ နဲ့အညီ လက်ရှိ အပြစ်ပေးအရေးယူနေပါတယ်။ သို့သော်ငြားလည်း အဲဒါတွေက ကျူးလွန်နေကြတယ်။ ယာဉ်မောင်းတွေကို အပြစ်ပေးအရေးယူတဲ့အပြင် အသိပညာပေးခြင်းအပိုင်းကိုလည်း တိုးတက်ဆောင်ရွက်နေတယ်။ ယာဉ်လုပ်သားတွေနဲ့ တစ်ရက်တာ ဆွေးနွေးတာ၊ အသိပညာပေးတာ၊ မလုပ်သင့်တာ မလုပ်ရအောင်၊ အရှိန်ပြင်းမမောင်းရအောင်၊ လမ်းပြောင်းပြန်မောင်းရင် စစ်ဆေးဖော်ထုတ်ပြီး အရေးယူနေတယ်။ ပြည်သူလူထုရဲ့ တိုင်ကြားချက် ရရင်လည်း အရေးယူဆောင်ရွက်ပေးပါ တယ်။
ဒါနဲ့ အဲဒီကိစ္စရပ်တွေ ပပျောက် သွားလားဆိုတော့ ယာဉ်မောင်းတွေရဲ့ အသိတရားနဲ့ လိုက်နာမှုမှာအားနည်း တယ်လို့ ယူဆပြီးတော့ အသိပညာပေး ခြင်းတွေကို တိုးမြှင့်ပါတယ်။ တစ်လကို သင်တန်း ၂ မျိုး ၂ ကြိမ်နဲ့ ယာဉ်မောင်း၊ ယာဉ်နောက်လိုက်တွေကို ပညာပေးဆွေးနွေးတာ အခုဆိုရင် ယာဉ်လုပ်သား သုံးထောင်ကျော်သွားပါပြီ။ ယာဉ်လုပ်သားတွေဟာလည်း ပြည်သူလူထုထဲက ပြည်သူဖြစ်တဲ့အတွက်
အားလုံးကဝိုင်းဝန်းပြီးဆောင်ရွက် ပေးစေချင်ပါတယ်။ကျွန်တော်တို့အပိုင်းကလည်း လေ့လာမှုတွေ လုပ်နေပါတယ်။ ရရှိလာတဲ့ ငွေကြေးကနေ ခွဲဝေမှုတွေလုပ်ပြီး မျှမျှတတနဲ့ ယာဉ်ပိုင်ရှင်တွေရော၊ ယာဉ် လုပ်သားတွေရော ညီညွတ်မျှတစွာ ရရှိရေးကို ဆောင်ရွက်နေတယ်။ ဘတ်စ်ကားမောင်းတဲ့သူတွေရော၊ ယာဉ်အသုံးပြုမောင်းတက္ကစီတွေရော၊ ပြည်သူလူထုတွေ အကုန်လုံး သယ်ယူပို့ဆောင်ရေး အခန်းကဏ္ဍကို ဝိုင်း ဝန်းပြီး လုပ်ဆောင်စေချင်ပါတယ်” လို့ဆိုပါတယ်။
မေး – အအေးခန်းစက်ရုံတွေကို မီးပေးပြီဆိုတော့ စက်မှုဇုန်နဲ့ ပါဝါ မီတာတွေကို ဘယ်တော့လောက် မီးပြန်ပေးဖို့ စီစဉ်ထားပါသလဲ။
ကိုမောင်လေး(လှိုင်သာယာ)
ဖြေ – မေလ ဒုတိယပတ်အတွင်းက မိုးရေရရှိတဲ့အပေါ် မူတည်ပြီး ဒီလ ကုန်မှာ စက်မှုဇုန်တွေကို မီးပြန်ပေးဖို့ စီစဉ်နေတယ်လို့ ရန်ကုန်မြို့တော် လျှပ်စစ်ဓာတ်အားပေးရေးအဖွဲ့က ပြောပါတယ်။မိုးရွာပြီး သိပ်တော့မကြာပါဘူး။ မေ ၁၆ ရက်ကစပြီး ရန်ကုန်က အအေးခန်းစက်ရုံတွေကို လျှပ်စစ်မီး ပြန်ပေးပါတယ်။ ၂၄ နာရီပြည့် မဟုတ် ပေမယ့် ခဏတစ်ဖြုတ်ပဲ ပျက်တယ်လို့ အအေးခန်းစက်ရုံတွေက ပြောပါ တယ်။ အအေးခန်းစက်ရုံတွေအတွက်တော့ လျှပ်စစ်မီးဖြတ်တာ ၁ဝ ရက် လောက်သာပေါ့။
ကိုမောင်လေးရဲ့ မေးခွန်းနဲ့ပတ်သက်ပြီး ရန်ကုန်မြို့တော် လျှပ်စစ်ဓာတ် အားပေးရေးအဖွဲ့ ဥက္ကဋ္ဌ ဦးအောင်ခိုင်ကို Popular News က ဆက်သွယ် မေးမြန်းရာမှာတော့ အခုလို ပြောပါတယ်။
”အအေးခန်းစက်ရုံတွေကို ၁၆ ရက်နေ့ကစပြီး မီးပြန်ပေးတာပါ။ စက်မှု ဇုန်နဲ့ ပါဝါမီတာတွေကတော့ လောလောဆယ် မပေးနိုင်သေးဘူး။ ဘယ်တော့ ပေးမယ်ဆို တာလည်း မသိနိုင်သေးဘူး။ ဓာတ်အားတိုးလာရင်တော့ ပေးသွားမှာပါ”။
မေး – ယာဉ်မတော်တဆမှုတွေ မကြာခဏ ဖြစ်နေတဲ့ ရန်ကုန်-နေပြည်တော်-မန္တလေး အမြန်လမ်းမှာ အခုမိုးတွင်းကာလ အန္တရာယ်ထပ်မများဖို့ ဘယ်လိုများ ဆောင်ရွက် ထားပါသလဲ။
ကိုသိန်းတန်(မန္တလေး)
ဖြေ – ကိုသိန်းတန်ရေ၊ ကိုသိန်းတန်ရဲ့မေးခွန်းမရောက်ခင် တစ်ရက် မေ ၂၅ ရက် နံနက်ကပဲ ၁၂၅ မိုင်မှာ ရန်ကုန်ကနေ မန္တလေးကို ထွက်ခွာလာတဲ့ ခရီးသည်တင်ယာဉ်တစ်စီး တိမ်းမှောက်ခဲ့ပါတယ်။ ခရီးသည် ၂၆ ဦး ပါလာတဲ့အထဲက ၁၁ ဦးပွဲချင်းပြီး သေဆုံးသွားတယ်လို့ သိရပါတယ်။ ကိုသိန်းတန် ပြောသလိုပါပဲ ရန်ကုန်-နေပြည်တော်-မန္တလေး အမြန် လမ်းပေါ်မှာ ယာဉ်မတော်တဆဖြစ်မှုတွေကို မကြာခဏ ကြုံနေရပါတယ်။ ဖြစ်လိုက်ပြီဆိုရင်လည်း ကြားရတဲ့သတင်းက အသည်းအသန်တွေချည်းပါပဲ။ကိုသိန်းတန်ရဲ့မေးခွန်းကို Popular News ကနေ နေပြည်တော်- ရန်ကုန် အမြန်လမ်းယာဉ်လိုင်း ထိန်းသိမ်းစစ်ဆေးရေးကို ဆက်သွယ်မေးမြန်းခဲ့ရာမှာ ရဲအုပ် ဝင်းထွန်းအောင်က အခုလို ဖြေကြားခဲ့ပါတယ်။
”ကျွန်တော်တို့ အခု အရှိန်နှုန်းတိုင်းတာတဲ့စနစ်ကို မိုဘိုင်းစနစ်နဲ့ စစ်ဆေး ချက်ယူပါတယ်။ ၁ဝဝ ကီလိုမီတာအထက် မောင်းနှင်တဲ့ကားတွေကို ကားနံပါတ်၊ အမျိုးအစားမှတ်သားပြီး သက်ဆိုင်ရာတရားရုံးမှာ ဒဏ်ငွေဆောင် ခိုင်းပါတယ်။ နောက်ထပ် အရေးယူမယ့်အစီအစဉ်တော့ လောလောဆယ် မရှိသေးပါဘူး”
မေးခွန်းများမေးလိုပါက popularnews@popularmyanmar.com (သို့မဟုတ်) ဂျာနယ်တိုက် လိပ်စာအတိုင်း စာတိုက်မှ တစ်ဆင့် မိမိ မေးလိုသည့် မေးခွန်းနှင့်အတူ အမည်၊ နေရပ်၊ မှတ်ပုံတင်အမှတ် ထည့်သွင်း၍ မေးမြန်းနိုင်ပါသည်။
(အယ်ဒီတာအဖွဲ့)
Popular Myanmar News Journal
