ကာလရှည်ကြာ အစိုးရဌာနက စီမံအုပ်ချုပ်သော လေယာဉ်ဆီ တင်သွင်းခြင်းနှင့် ဖြန့်ဖြူး ရောင်းချခွင့်ကို ပုဂ္ဂလိက ကုမ္ပဏီများသို့ တစ်နှစ်တစ်ကြိမ် သက်တမ်းတိုး စနစ်ဖြင့် လုပ်ပိုင်ခွင့်ပေးမည်ဖြစ်ကြောင်း စွမ်းအင်ဝန်ကြီးဌာန ပြောရေးဆိုခွင့်နှင့် သတင်း ထုတ်ပြန်ရေးအဖွဲ့ထံမှ သိရသည်။
လေယာဉ်ဆီ တင်သွင်း ဖြန့်ဖြူး ရောင်းချခွင့်ပြုရန်အတွက် ကုမ္ပဏီ အရေအတွက်နှင့် အဆိုပြုလွှာ၏ နောက်ဆုံး ပိတ်ရက်ကိုလည်း ကန့်သတ်ထားခြင်း မရှိကြောင်း၊ လေယာဉ်ဆီ တင်သွင်း ဖြန့်ဖြူးခွင့် ရရှိသူသည် မိမိ ဖြန့်ဖြူး ရောင်းချနိုင်သည့် ဈေးကွက် လိုအပ်ချက် ပမာဏအတိုင်း တင်သွင်း ဖြန့်ဖြူး ရောင်းချနိုင်မည်ဖြစ်ကြောင်း ယင်းအဖွဲ့မှ တာဝန်ရှိသူ တစ်ဦးက ဖြေကြားသည်။
“လက်ရှိ ပြည်ပကနေ လေယာဉ်ဆီ တင်သွင်း ဖြန့်ဖြူးရောင်းချနေတဲ့ ပုဂ္ဂလိက ကုမ္ပဏီ တစ်ခုမျှ မရှိပါဘူး” ဟု ၎င်းက ဆိုသည်။
ယခုနှစ်အတွင်း ပြည်တွင်း လေကြောင်းလိုင်းများ တိုးချဲ့ လာခြင်းနှင့် လေကြောင်းလိုင်း အသီးသီးတို့သည် လေယာဉ်အသစ်များ ဝယ်ယူလာခြင်းတို့ကြောင့် လေယာဉ်ဆီ လိုအပ်ချက် များပြားနိုင်ပြီး လေယာဉ်ဆီကို ပြည်တွင်းထုတ်လုပ်မှုနှင့် သုံးစွဲမှုတို့ မမျှတခြင်းတို့ကြောင့် ဖြစ်နိုင်ကြောင်း၊ ပုဂ္ဂလိက ကုမ္ပဏီများမှ မိမိတို့ အစီအစဉ်ဖြင့် ဝယ်ယူ တင်သွင်းပါက ပိုမို အလုပ်ဖြစ်နိုင်ကြောင်း ပြည်တွင်း ၌ မော်တော်ယာဉ်သုံး ဆီများ ဖြန့်ဖြူး ရောင်းချနေသည့် ဒန်ကို ကုမ္ပဏီမှ တာဝန်ရှိသူ တစ်ဦးက The Voice သို့ ပြောကြားသည်။
ပြည်ပမှ လေယာဉ်ဆီ ဝယ်ယူ တင်သွင်းမည့် ကုမ္ပဏီ အဖွဲ့အစည်းသည် စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနသို့ ၎င်းဌာနက သတ်မှတ်ထားသော စည်းကမ်းများအတိုင်း လိုက်နာ၍ တင်သွင်းခွင့် လိုင်စင် လျှောက်ထား ရယူပြီး တင်သွင်းမည့် လေယာဉ်ဆီနှင့် ပတ်သက်၍ သက်ဆိုင်ရာ ဌာနများ၏ စံချိန်စံညွှန်းနှင့် အသိအမှတ်ပြု လက်မှတ်များ ရှိထားရမည်ဖြစ်ကြောင်း၊ ဖြန့်ဖြူး ရောင်းချရာတွင်လည်း သက်ဆိုင်ရာ လေကြောင်းလိုင်းနှင့် နိုင်ငံတကာ အသိအမှတ်ပြု အဖွဲ့အစည်း များ၏ စစ်ဆေး အတည်ပြုချက်များဖြင့် ဆောင်ရွက်ရမည်ဖြစ်ကြောင်း စွမ်းအင်ဝန်ကြီးဌာန ပြောရေး ဆိုခွင့်နှင့် သတင်းထုတ်ပြန်ရေး အဖွဲ့ထံမှ သိရသည်။
နိုင်ငံအတွင်းရှိ လေဆိပ်များ၌ လေယာဉ်ဆီ သိုလှောင်၍ လေယာဉ် များသို့ ဖြည့်တင်း ဖြန့်ဖြူးရာတွင် ပို့ဆောင်ရေးဝန်ကြီးဌာန၏ သဘောတူ ခွင့်ပြုချက်ဖြင့် ဆောင်ရွက်ရမည် သို့မဟုတ် မြန်မာ့ရေနံ
ထွက်ပစ္စည်း ရောင်းဝယ်ရေးလုပ်ငန်းသို့ လေယာဉ်ဆီ အပ်နှံ၍ ဝန်ဆောင်ခ ပေးချေကာ ဖြန့်ဖြူးရောင်းချရမည်ဖြစ်ကြောင်း၊ နိုင်ငံခြား ကုမ္ပဏီများနှင့် အကျိုးတူ ဆောင်ရွက်ခြင်း သို့မဟုတ် နိုင်ငံခြား ကုမ္ပဏီမှ ရာနှုန်းပြည့် ရင်းနှီးမြှုပ်နှံမှုဖြင့် ဆောင်ရွက်ခြင်းဖြစ်လျှင် မြန်မာနိုင်ငံ ရင်းနှီးမြှုပ်နှံမှု ကော်မရှင်သို့ တင်ပြကာ ခွင့်ပြုချက်ရယူ၍ ဆောင်ရွက် ရမည်ဖြစ်ကြောင်း အထက်ပါအဖွဲ့က ဆိုသည်။
ယခင်က လေယာဉ်ဆီ တင်သွင်း ဖြန့်ဖြူး ရောင်းချခြင်းကို အစိုးရဝန်ကြီး ဌာနကသာ ကိုယ်တိုင် ဆောင်ရွက်ပြီး ယခု နိုင်ငံပိုင် မီဒီယာများမှ တစ်ဆင့် အများပြည်သူသို့ ဇွန်လ ၂၆ရက်နေ့မှစ၍ အဆိုပြုလွှာ ခေါ်ယူမှု ကြေညာ ထားခြင်းမှာ ပထမဦးဆုံးအကြိမ် ဖြစ်သည်။
ဖရန့်ကလင်
The Voice Weekly
