၈၈မျိုးဆက် ကျောင်းသားများအနေဖြင့် တူညီသည့် ဘာသာဝင်များအကြား သွေးထိုးလှုံ့ဆော်မှုများ၊ အကြမ်းဖက် သတ်ဖြတ်မှုများအား လက်ခံမည် မဟုတ်ကြောင်း၊ ဒေသအသီးသီးရှိ ဘာသာရေး၊ လူမှုရေး၊ အရပ်ဖက် အဖွဲ့အစည်းများ စုစည်းပြီး ပဠိပက္ခများကို ကြိုတင်ကာကွယ် တားဆီးကြရန်၊ ဘာသာရေးခေါင်းဆောင်များ၊ နိုင်ငံတော် တာဝန်ရှိသူများမှ ပဠိပက္ခများ အမြန်ဆုံး ရပ်တန့်ရာတွင် ပါဝင်ပူးပေါင်းကြရန်နှင့် ပဠိပက္ခများအား ဖြေရှင်းရာတွင် ပြည်ထဲရေးဌာန၏ လုပ်ပိုင်ခွင့်နှင့် ပဋိပက္ခဖြေရှင်းရာတွင် ထိရောက်ထက်မြက်ရန် လိုအပ်ကြောင်း ကိုဂျင်မီမှ ရှင်းလင်း ပြောကြားသည်။
“အကြမ်းဖက် တိုက်ခိုက်သူတွေကို ဒေသခံတွေက မကျွမ်းဝင်ဘူး၊ အဲဒီလူတွေကို မမြင်ဖူးဘူး၊ လူမျိုး ဘာသာကို ခွဲခြားပြီး တိုက်ခိုက်တာ မဟုတ်ဘူး၊ လူတွေကို နေမှုထိုင်မှုတွေ ပျက်သွားအောင်၊ ထိန်းမနိုင် သိမ်းမရအောင် လုပ်သွားတာ၊ မိမိဒေသမှာ သြဇာတက္ကမကြီးတဲ့ ဘာသာရေးခေါင်းဆောင်တွေ၊ လူမှုရေးခေါင်းဆောင်တွေ၊ အဖွဲ့အစည်းတွေက နေပြီးတော့ စုစုစည်းစည်းနဲ့ ကြိုတင်ပြီးတော့ ကာကွယ်ထားခြင်းဟာ အကောင်းဆုံး ကာကွယ်နိုင်တဲ့ နည်းလမ်းပဲလို့ မြင်ပါတယ် ”ဟု ကိုမင်းကိုနိုင်က မိတ္ထီလာမြို့၌ ဖြစ်ပွားခဲ့သော ပဠိပက္ခများနှင့် စပ်လျှင်း၍ ပြောကြားသည်။
ဘာသာတရာ အားလုံးတွင် အကြမ်းဖက်မှု၊ သတ်ဖြတ်မှုများ၊ ကိုယ်ကျင့်တရားနှင့် ပတ်သက်သည်များအား ထိန်းသိမ်းသည့် ဘာသာများဖြစ်ပြီး ညွှန်ကြားခြင်းမရှိကြောင်း၊ ယခုလက်ရှိ ဖြစ်ပေါ်နေခြင်းမှာ ဘာသာတရား အပေါ်တွင် အဓိပ္ပာယ် တလွဲတွေးခေါ်နေကြခြင်းကြောင့် ယခုကဲ့သို့ ပြဿနာများ ဖြစ်ပေါ်နေခြင်း ဖြစ်နိုင်ကြောင်း၊ ဘာသာဝင်အသီးသီး၏ ဘာသာတရားအပေါ် လွဲမှားစွာ နားလည်မှု လွဲမှားခြင်း ဖြစ်နိုင်သော်လည်း မိမ်ိဘာသာအပေါ် ကိုးကွယ်ယုံကြည်၍ ဖွံ့ဖြိုးတိုးတက်စေချင်ပြီး ကာကွယ်ခြင်းသည် အခြားဘာသာတရားအပေါ် မုန်းခြင်းမျိုး မဖြစ်ပေါ်သင့်ကြောင်း၊ ဗုဒဘာသာကို ချစ်သောကြောင့် အခြားဘာသာကို မန်းတီးခြင်း မဟုတ်ကြောင်း ဖြစ်ပွားခဲ့သည့် ပြဿနာများမှာ ဘာသာရေးကြောင့် မဟုတ်ဘဲ ကောလဟာလများကြောင့်သာ ဖြစ်နိုင်ကြောင်း ဆက်လက် ပြောကြားသည်။
၈၈မျိုးဆက် ကျောင်းသားများ အနေဖြင့် ယခုဖြစ်ရပ် မဖြစ်ပေါ်ခင် ကာလတည်းကလည်း နိုင်ငံရေးနှင့် ငြိမ်းချမ်းစွာ အသွင် ကူးပြောင်းရေး အပေါ်တွင် ထိခိုက်စေနိုင်သော ထူးခြားသည့် ဖြစ်ရပ်များ ပေါ်ပေါက်လာပါက တာဝန်ရှိသူများအား အကြောင်းကြားခြင်း၊ အသိပေးခြင်းအပြင် ဆွေးနွေးတိုင်ပင်မှုများ ပြုလုပ်ခဲ့ကြောင်း ပြောကြားသည်။
ယင်းသို့ ကာကွယ်ခြင်းအားဖြင့် နိုင်ငံ၏ ငြိမ်းချမ်းစွာ ဒီမိုကရေစီ အသွင် ကူးပြောင်းနေခြင်းအပေါ် မထိခိုက်စေခြင်းဖြင့် မိမိတို့၏ ဦးတည်ချက် မပျောက်အောင် ဆောင်ရွက်ခြင်း ဖြစ်ကြောင်းလဲ ကိုမင်းကိုနိုင်မှ ပြောကြားသည်။
မည်သည့်ဘက်မှ ကျူးလွန်သည်ဖြစ်စေ ရာဇဝတ်မှု အကြမ်းဖက်မှု ကျူးလွန်ခြင်းဖြစ်ကြောင်း၊ မည်သည့်မြို့ကို ဆက်လက်ထွက်ခွာမည်ဟု အကြမ်းဖက်သူများက အော်ဟစ် ပြောဆိုမှုများ ပြုလုပ်ခဲ့ကြသည်ကို သာမာန် ဒေသခံပြည်သူများ ကိုယ်တိုင်ကြားသိ နေသော်လည်း တစ်စုံတရာ တားဆီး အရေးယူနိုင်ခြင်း မရှိခြင်းမှာ ပြည်ထဲရေးဌာနမှ တာဝန်ရှိသူများမှ လုပ်ပိုင်ခွင့်နှင့် ပဠိပက္ခ ဖြေရှင်းနိုင်စွမ်း ထိရောက်ရန် လိုအပ်ကြောင်း၊ ရိုးရိုးအရပ်သား တစ်ယောက်အနေဖြင့်ပင် ဖုန်းဖြင့်ဆက်၍ လမ်းတွင်တားဆီးထားနိုင်ကြောင်း၊ တိုင်းပြည်အတွက် လိုအပ်နေသည့် နေရာများတွင် အင်အားများကို ခွဲဝေသုံးစွဲပြီး ယခုဖြစ်ရပ်များကို ကြိုတင်သတင်းရယူ၊ ဖော်ထုတ်၊ တားဆီးရန် လိုအပ်နေပြီဖြစ်ကြောင်း ဦးကိုကိုကြီးကလည်း ပြည်ထဲရေးဌာန၏ ပဠိပက္ခဖြေရှင်းနိုင်စွမ်း ထိရောက်မှု အားနည်းခြင်းအပေါ် ၎င်း၏အမြင်ကို ပြောကြားသည်။
မွတ်ဆလင် မိသားစုများအား သံဃာတော်များ၊ ဒေသခံပြည်သူများမှ မိသားစုလိုက် အမြောက်အများ ကူညီ ကယ်တင်ထားမှုများ ရှိခဲ့သော်လည်း ကြီးသည့်အမှု သေးစေရန်၊ သေးသည့်အမှုကို ပပျောက်စေရန် ဆောင်ရွက်နေချိန်တွင် ပြည်ပနိုင်ငံများမှ ပြဿနာများအား ပိုမို ရှုပ်ထွေးရန် ဆောင်ရွက်နေခြင်းမှာ ပြည်တွင်း အခြေအနေကို ထိန်းသိမ်းရာ မရောက်ဘဲ ပြဿနာကို ပိုမိုရှုပ်ထွေးစေရန် ဖော်ပြနေခြင်းကို ပြည်တွင်းရှိ ပြည်ပ သတင်းဌာနများ၊ ပြည်တွင်း သတင်းဌာနများ၊ သြဇာတိက္ကမ ရှိသည့် သတင်းဌာနများမှ သတင်းမှန်ကို ပြန်လည် တင်ပြပေးရန်လိုအပ်ကြောင်း ပြောကြားသည်။ သတင်းမီဒီယာ အတော်တော်များများတွင် သွေးသံရဲရဲ သတင်းများကို တင်ပြခြင်းကို ပိုမို စိတ်ဝင်စားနေကြောင်း၊ အချင်းချင်း ကူညီရိုင်းပင်း၍ စိတ်ချမ်းမြေ့စရာ သတင်းများကို တင်ပြခြင်းဖြင့် မိမိနိုင်ငံ၏ ပုံရိပ်ကို ပိုမိုမြှင့်တင်ရာ ရောက်စေနိုင်ကြောင်း၊ ထိုသို့တင်ပြနေခြင်းမှာ ပြဿနာ၏ အတိမ်အနက်အပေါ် သက်ရောက်စေနိုင်သဖြင့် မီဒီယာ သတင်းတင်ပြမှုများကို တာဝန်ယူသင့်ကြောင်း ဆက်လက် ပြောကြားသည်။
၈၈မျိုးဆက် ကျောင်းသားများ အနေဖြင့် နိုင်ငံသားဖြစ်ပါက လူမျိုးဘာသာ မခွဲခြားဘဲ တန်းတူညီမျှစေရန် ဆောင်ရွက်သွားမည် ဖြစ်ကြောင်းလည်း ဦးကိုကိုကြီးမှ ဖြစ်ပွားနေသော အခြေအနေများနှင့် ပတ်သက်၍ ပြောကြားခဲ့သည်။
မူဝါဒအရ ပဋိပက္ခများ ပြေလည်စေရန် ဆောင်ရွက်လျက်ရှိသကဲ့သို့ ကူညီကယ်ဆယ်ရေး လုပ်ငန်းများကိုလည်း ဆောင်ရွက်လျက် ရှိကြောင်း၊ တစ်ဖက်တလမ်းမှ ကူညီနိုင်ရန် လုပ်ဆောင်နေကြောင်း ရည်ရွယ်ချက် ထုတ်ဖော်ရခြင်းမှာ ခိုင်မာပြတ်သားသည့် မူဝါဒကို ထုတ်ဖော်ခြင်း ဖြစ်သလို မြန်မာနိုင်ငံတွင် မှီတင်းနေထိုင်သော ရှိသော အပြစ်မဲ့ ပြည်သူများဘက်တွင် အစဉ်အမြဲရှိနေမည်ကို ပြသခြင်းဖြစ်ကြောင်းလည်း ၈၈မျိုးဆက် ကျောင်းသားများ၏ လက်ရှိလုပ်ဆောင်နေမှုများနှင့် ရပ်တည်ချက်ကို ကိုဂျင်မီ ရှင်းလင်း ပြောကြားခဲ့သည်။
ဝေယံ
The Myanma Age
