ရခိုင်ပြည်နယ် ဒေသန္တရ အမိန့်အပေါ် စစ်တွေခရိုင် ရှစ်မြို့နယ်ရှိ NLD အဖွဲ့များ ထောက်ခံ

02 June 2013
ရခိုင်ပြည်နယ် အတွင်းရှိ မောင်တောနှင့် ဘူးသီးတောင် မြို့နယ်အတွင်း ဘင်္ဂါလီများ၏ လူဦးရေ တိုးပွားနှုန်း လျော့ကျရေးအတွက် တစ်လင်၊ တစ်မယားစနစ်နှင့် ကလေးနှစ်ယောက်သာ မွေးဖွားရမည်ဆိုသည့် ရခိုင်ပြည်နယ် အစိုးရမှ ဒေသန္တရအမိန့် ထုတ်ပြန်မှုအပေါ် စစ်တွေခရိုင်အတွင်းရှိ မြို့နယ် ၈ ခုမှ အမျိုးသား ဒီမိုကရေစီ အဖွဲ့ချုပ်များမှ ထောက်ခံကြောင်း သဘောထား တစ်ရပ်ကို မေ ၃၁ ရက်တွင် ထုတ်ပြန်ခဲ့သည်။

အဆိုပါ ဒေသန္တရအမိန့်မှာ လူ့အခွင့်အရေးနှင့် မညီဘဲ ယင်းကဲ့သို့ ခွဲခြားဆက်ဆံမှုမှာ ဥပဒေနှင့် မညီကြောင်း အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က မေ ၂၇ ရက်က ပြောကြားခဲ့ပြီးနောက် မေ ၃၁ ရက်တွင် ယခုကဲ့သို့ စစ်တွေခရိုင် အမျိုးသား ဒီမိုကရေစီ အဖွဲ့ချုပ် ရုံးခွဲများမှ အဆိုပါအမိန့်အပေါ် ထောက်ခံကြောင်း ထုတ်ပြန်ခဲ့ခြင်း ဖြစ်သည်။

သဘောထား ထုတ်ပြန်ချက်တွင် အဆိုပါ ဒေသန္တရ အမိန့်မှာ ရခိုင် တစ်ပြည်နယ်လုံးအတွက် မဟုတ်ဘဲ ဘင်္ဂါလီ လူဦးရေ လွန်စွာထူထပ်ပြီး မွေးဖွားနှုန်း ကြောက်ခမန်းလိလိ တိုးပွားနေသည့် ဒေသအတွက်သာ ဖြစ်ကြောင်း၊ ရခိုင်ပြည်နယ်၏ ပထ၀ီနိုင်ငံရေး အရလည်းကောင်း၊ အမျိုးသား လုံခြုံရေးအရ လည်းကောင်း လွန်စွာလိုအပ် နေသောကြောင့် အလေးအနက် ထောက်ခံအပ်ပါကြောင်း စသည်ဖြင့် ထည့်သွင်းဖော်ပြခဲ့သည်။
ကျွန်တော်တို့ဒေသမှာ နေကြည့်မှ ဒီအမိန့်ဟာ လိုအပ်တယ် ဆိုတာကို သဘောပေါက်မယ်။ ရန်ကုန်မှာနေလို့၊ ရှမ်းပြည်နယ်မှာနေလို့ ဒါကို သဘောပေါက်မှာ မဟုတ်ဘူး။ လွတ်လပ်ရေး ရခါစနဲ့ အခုလူဦးရေနှုန်းကို ယှဉ်ကြည့်ရင် ဒါကို သိနိုင်ပါတယ်။ ဒါကို လူဦးရေ ထိန်းချုပ်ရေးနဲ့ မထိန်းရင် ဘယ်လိုထိန်းမလဲ။ စီးပွားရေး၊ လူမှုရေးတွေနဲ့ မထိန်းနိုင်ရင် နိုင်ငံရေး ပြဿနာ ဖြစ်လာမယ်။ ပြီးရင် ဒေသတွင်း ပဋိပက္ခတွေ ဖြစ်လာမှာပဲ။ ဒါကြောင့် အချုပ်အခြာ အာဏာတည်မြဲဖို့အတွက် ဒီအမိန့်ကို လက်ခံတယ် . . . . .

"ဘူးသီးတောင်နဲ့ မောင်တောမှာ ဘင်္ဂါလီလူဦးရေ အဆမတန် များပြားနေတဲ့အတွက် ပြည်နယ်အစိုးရရဲ့ ထုတ်ပြန်ချက်ဟာ မှန်တယ်။ အမှန်တကယ် လိုအပ်လို့ ထုတ်တာပါ။ အဲဒါကို ထောက်ခံတယ်။ ဒေသအခြေအနေ အရလည်း လူဦးရေ တိုးပွားနှုန်းကလည်း ကြောက်မခန်းလိလိ ဖြစ်နေတယ်။ ဒါကြောင့် ပြည်နယ်အစိုးရဟာ တကယ်လိုအပ်လို့ ဒေသန္တရအမိန့်ကို ထုတ်ပြန်တာ ဖြစ်တယ်လို့ သုံးသပ်မိပါတယ်" ဟု ပုဏ္ဏားကျွန်းမြို့နယ်၊ အမျိုးသားဒီမိုကရေစီ အဖွဲ့ချုပ်မှ မြို့နယ်ဥက္ကဋ္ဌ ဦးကျော်အေးက ပြောကြားသည်။

အလားတူ စစ်တွေမြို့နယ် အမျိုးသားဒီမိုကရေစီ အဖွဲ့ချုပ်မှ အတွင်းရေးမှူးဖြစ်သူ ဦးစံရွှေကျော်ကလည်း "ဒီသားဆက်ခြား စီမံကိန်းကိုလုပ်တာ အခုမှလုပ်တာ မဟုတ်ဘူး။ အရင်ကတည်းက လုပ်နေတာဖြစ်တယ်။ ဒါကြောင့် ပြည်နယ်အစိုးရရဲ့ ဒေသန္တရာအမိန့်ဟာ ဘာမှကန့်ကွက်စရာ မရှိပါဘူး။ လုပ်သင့်တယ်လို့ မြင်ပါတယ်" ဟု ပြောကြားသည်။

အဆိုပါ ထုတ်ပြန်ချက်နှင့် ပတ်သက်၍ အမျိုးသား ဒီမိုကရေစီ အဖွဲ့ချုပ် ဗဟိုအလုပ်မှုဆောင် အဖွဲ့ဝင်နှင့် ရခိုင်ပြည်နယ် ဥက္ကဋ္ဌဖြစ်သူ ဦးညီပုအား ဆက်သွယ်မေးမြန်းရာ ယင်းထုတ်ပြန်ချက်ကို မသိသေးကြောင်း၊ ပြည်နယ်သဘောထားလည်း မဟုတ်သလို ဗဟိုသဘောထားလည်း မဟုတ်ကြောင်း ပြန်လည်ဖြေကြားသည်။

ယင်းဒေသန္တရ အမိန့်အပေါ် ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌ ဒေါက်တာအေးမောင်က "ကျွန်တော်တို့ကတော့ လက်ခံတယ်။ ကျွန်တော်တို့ဒေသမှာ နေကြည့်မှ ဒီအမိန့်ဟာ လိုအပ်တယ် ဆိုတာကို သဘောပေါက်မယ်။ ရန်ကုန်မှာနေလို့၊ ရှမ်းပြည်နယ်မှာနေလို့ ဒါကို သဘောပေါက်မှာ မဟုတ်ဘူး။ လွတ်လပ်ရေး ရခါစနဲ့ အခုလူဦးရေနှုန်းကို ယှဉ်ကြည့်ရင် ဒါကို သိနိုင်ပါတယ်။ ဒါကို လူဦးရေ ထိန်းချုပ်ရေးနဲ့ မထိန်းရင် ဘယ်လိုထိန်းမလဲ။ စီးပွားရေး၊ လူမှုရေးတွေနဲ့ မထိန်းနိုင်ရင် နိုင်ငံရေး ပြဿနာ ဖြစ်လာမယ်။ ပြီးရင် ဒေသတွင်း ပဋိပက္ခတွေ ဖြစ်လာမှာပဲ။ ဒါကြောင့် အချုပ်အခြာ အာဏာတည်မြဲဖို့အတွက် ဒီအမိန့်ကို လက်ခံတယ်" ဟု ပြောကြားသည်။
EMG