ရန်ကုန်၊ ဇွန် ၂၁
ရှစ်လေးလုံး ဒီမိုကရေစီ အရေးတော်ပုံ၏ ကျောင်းသားပြည်သူများ ပူးပေါင်း လှုပ်ရှားခဲ့သည့် မြေနီကုန်း အရေးအခင်း၌ ကျဆုံးခဲ့သည့် ကျောင်းသား၊ ပြည်သူများ အတွက် (၂၅) နှစ်ပြည့် အမှတ်တရ ဂုဏ်ပြု သည့်အနေဖြင့် မြေနီကုန်း လမ်းဆုံရှိ လမ်းလယ်ကျွန်းတွင် အဖြူရောင် နှင်းဆီပန်းများဖြင့် တစ်မိနစ် ငြိမ်သက် အလေးပြုခဲ့ကြောင်း အဖြူရောင်တွဲလက်များ အဖွဲ့မှ ဦးဘိုဘိုက ပြောကြားသည်။
ယင်းသို့ ပြုလုပ်ခြင်းသည် အဖွဲ့အစည်း တစ်ခုအနေနှင့် ပြုလုပ်ခြင်း မဟုတ်ဘဲ ၁၉၈၈ ခုနှစ် ဇွန်လ ၂၁ ရက်နေ့ မြေနီကုန်း ကျောင်းသား အရေးအခင်းတွင် ကျဆုံးသွားသည့် ကျောင်းသားများအတွက် အမှတ်တရ ပြုလုပ်ခြင်း ဖြစ်ကြောင်း အဆိုပါ အထိမ်းအမှတ် ပွဲတွင်ပါဝင်သူ ကျောင်းသားဟောင်း ဦးချိုကြီးက ပြောဆိုသည်။
၁၉၈၈ ခုနှစ် မတ်လ ကျောင်းသား လှုပ်ရှားမှုများကို အကြမ်းဖက် နိမ်နှင်းပြီးနောက် ကျောင်းများ ပြန်ဖွင့်ချိန် ရန်ကုန်တက္ကသိုလ် အဓိပတိလမ်း ပေါ်တွင် ကျောင်းသား ခေါင်းဆောင်များက တစ်ပါတီ စနစ် ဆန့်ကျင်ရေး၊ ဖမ်းဆီးခံ ကျောင်းသားများ ပြန်လွှတ်ရေး နိုင်ငံရေး တရားပွဲများ ကျင်းပ ရာကျောင်းများ ပိတ်လိုက်သည့် ဇွန်လ ၂၁ ရက်နေ့တွင် ပြည်လမ်းအတိုင်း ငြိမ်းချမ်းစွာ ဆန္ဒပြ ချီတက်လာရာ မြေနီကုန်း လမ်းဆုံတွင် လုံထိန်းများက အကြမ်းဖက် နှိမ်နင်းသဖြင့် ပြည်သူများ ဝင်ပူးပေါင်းပြီးနောက် လုံထိန်း အချို့ သေဆုံးပြီး အထက်တန်း ကျောင်းသားအချို့ အပါအဝင် ကျောင်းသား ၁၀ ဦးလည်း ကျဆုံးခဲ့ကြောင်း ၈၈ မျိုးဆက် ကျောင်းသားခေါင်းဆောင် တစ်ဦးက ပြောကြားသည်။
The Voice Weekly
မြေနီကုန်း အရေးအခင်း ကျဆုံးသူများကို ဂုဏ်ပြု
Labels:
ပြည်တွင်းသတင်း