ဇာတ်ကားရိုက်ကူးမှုတွေကို နားလိုက်ပြီဖြစ်ပေမယ့် ပရဟိတအလုပ်တွေကို လုပ်ဖြစ်နေတဲ့ မယ်လိုဒီက ဖေဖော်ဝါရီ၁၂ရက်နေ့၊ မနက် ၉နာရီကစပြီး ကန်တော်ကြီး ဗိုလ်ချုပ် ကြေးရုပ်ကျွန်း၊ UTOPIA တာဝါမှာ သုခရိပ်မြုံမိဘမဲ့ကလေး ဂေဟာနဲ့ AGAPE စောင့်ရှောက်မှုဂေဟာတို့ မှ ကလေးအယောက် ၁၅ဝတုိ့နဲ့ ရင်းရင်းနှီးနှီးပျော် ရွှင်စွာ Dream Boat ဂိမ်းကစားပွဲတွေကို ကစားခဲ့ပါတယ်။
UTOPIA တာဝါရှေ့ကို ရောက်တယ်ဆိုရင်ပဲ 'လူတိုင်းအားစိုက်လုပ်ရမှာ မေတ္တာ၊ ကရုဏာ၊ ငြိမ်းချမ်းခြင်း အဖြေပါ၊ ချစ်ခြင်းမေတ္တာဖြင့် မယ်လိုဒီ” ဆိုတဲ့ စာတန်းနဲ့ အင်္ကျီတွေဆင်တူ ဝတ်ဆင်ထားတဲ့ ကလေးတွေ၊မေတ္တာ နဲ့ ပါဝင်အားဖြည့်ကူညီပေးတဲ့ မောင်မောင်အေးတို့ Dream Boatအဖွဲ့၊ စီစဉ်ကူညီပေးတဲ့ အဖြူရောင်သက်တံ့ အဖွဲ့တွေနဲ့မယ်လိုဒီကိုပါ တွေ့ရပါတယ်။ မယ်လိုဒီက ဒီပွဲကို ပရိသတ်တွေလည်း လာနိုင်အောင်ဖေ့ဘုတ် ကနေ 'မိတ်ကပ်နဲ့ ဒေါက်ဖိနပ်မလိုပါ။ ဖြူစင်နှလုံးသားလေးက အားလုံး ဆုံစည်းဖို့ပါ'လို့ စာတမ်းလေးနဲ့ လည်း ဖိတ်ခေါ်ထားပါတယ်။ ''အဓိကက ပကာသနမပါ ဘူး။ ဒီကလေးတွေနဲ့ ပျော်ပျော်ရွှင်ရွှင် ကစားကြမယ်။ သူတို့ကို ခွဲခြားဆက် ဆံတာမျိုးမဟုတ်ဘူး။ သူတို့နဲ့ ရင်း ရင်းနှီးနှီးကစားတယ်။ နမ်းတယ်။ ကုန်းပိုးတယ်။
ကိုယ့်အချင်းချင်း တောင့်တသီးတခြားဆက်ဆံရင် ခံစားရတယ်။တစ်သားတည်းဆက်ဆံ ပြီး ပကာသနမလိုဘူး”လို့ မယ်လိုဒီက ပြောပြပါတယ်။ ပရဟိတလုပ်နေပေမယ့် ဖောင်ဒေးရှင်း၊ အသင်း၊ အဖွဲ့တော့ မထူထောင်ပါဘူးလို့ဆိုပြီး နောက်လိုက် ကောင်းပဲဖြစ်ချင်တယ်လို့ပြောလာတဲ့ မယ်လိုဒီက “ဒီလိုအဖွဲ့ အစည်းတစ်ခု ထူထောင်ဖို့ဆိုတာ မလွယ်ဘူး။ ဦးဆောင်တဲ့သူကို တအားလေးစားတယ်။ မျိုးကအစကတည်းက နောက် လိုက်လုပ်ရတာပဲ ဝါသနာပါတယ်။ အစကတည်း က ခေါင်းဆောင် ဖြစ်ရမှာမဟုတ်ဘူး။
ရှေ့ကခေါင်းဆောင်တာကို နောက်လိုက်ကောင်းပဲ ဖြစ်ချင်တာ'' လို့ ပြောပါတယ်။ ဒီပွဲကို ဖေဖော်ဝါရီ ၁၁ ရက်နေ့ မှာ ပြုလုပ်ဖို့ စီစဉ်ထားပေမယ့် ကလေးတွေ စာမေးပွဲကြောင့် ၁၂ ရက်နေ့မှပဲ လုပ်လိုက်ရတာလို့ ပြောပါတယ်။ ဖေဖော်ဝါရီ ၁၁ ရက်နေ့က သူတို့ချစ်သူ နှစ်ယောက်ရဲ့ အန်နီဗာစရီ ပါလို့ပြောလာတဲ့ မယ်လိုဒီက “၁၁ ရက်နေ့က ချစ်သူနဲ့ အန်နီဗာစရီနေ့ လေ။ သူက မြန်မာ ပြည်မှာ မရှိဘူး။ အချစ်ဆိုတာက ကိုယ် ကပဲ ချစ်ချစ်၊ သူကပဲ ချစ်ချစ်အဓိကက ချစ်ဖူးဖို့လိုတယ်။ ချစ်ဖူးမှ လူပီသမှာ။ မချစ်တတ်ဘူးဆို အဓိပ္ပာယ် မရှိဘူး။ ချစ်ခြင်းမေတ္တာ ရှိဖို့လိုတယ်။
မျိုးကတော့ သူဘယ် ရောက်နေလဲ၊ ဘာလုပ်နေလဲ ဆိုတာ စဉ်းစားမယ့်အစား သူအဆင်ပြေနေရင် ပိုကောင်းတယ်။ အပူမယူဘူး။ အခုအချိန်မှာကိုယ်လည်း တစ်နိုင်တစ်ပိုင် ကိုယ်နဲ့ ဆက်စပ်မှု ရှိတာကို ပျော်ရွှင်အောင်ထားတယ်'' လုိ့ပြောပြပါတယ်။ အယောက် ၂၅ဝ ကုန်ကျစရိတ်နဲ့ ငွေကျပ် ၆ သိန်း လှူဒါန်းခဲ့ပြီး ဒီလို တွေ့ဆုံမှုကို နောက်ထပ် လုပ်သွားနိုင်ဖို့ အတွက်လည်း စီစဉ်သွားမှာပါလို့ မယ်လိုဒီက ပြောပြခဲ့ပါတယ်။ မေမွန်မောင်၊ ဓာတ်ပုံ-အိသွဲ့ (တန့်ယန်း)
Popular Journal
ပြည်ထောင်စုနေ့မှာ ကလေးများနဲ့ ပျော်ပျော်ပါးပါးကစားခဲ့တဲ့ မယ်လိုဒီ
Labels:
အနုပညာသတင်း