ဘုရားလှိုဏ်ခေါင်းအောင်း၍ ဟောင်သောခွေး

သားသမီးမကောင်း မိဘခေါင်းဟု ဆိုရိုးစကားရှိပါသည်။ အဆိုပါ ဆိုရိုး စကားမှာ မိဘတွေကို သတိပေးစကားလော၊ သားသမီးတွေကို ဆိုဆုံးမခြင်းလောဟု ကျွန်တော်ဥာဏ်မှီသမျှစဉ်းစားကြည့် ပါသည်။ မိဘများအနေဖြင့် သားသမီး များ လိမ္မာရေးခြားရှိအောင် ဆိုဆုံးမဖို့ တာဝန်ရှိသကဲ့သို့ သားသမီး များအနေ ဖြင့်လည်း ကိုယ့်ကြောင့် မိဘဖြစ်သူများ အပြောအဆို အကဲ့ရဲ့မခံရအောင် နေထိုင်သွားဖို့ လိုအပ်ပါသည်။

မိဘများအနေဖြင့် သားသမီးများ လိမ္မာရေးခြားရှိအောင် ဆုံးမသွန်သင်ရုံ ဖြင့်မပြီးပါ။ ကိုယ်တိုင်လည်း စံနမူနာပြ အောင်နေထိုင်လုပ်ကိုင်ကြဖို့ လိုပါသည်။ သို့မဟုတ်ပါက ငါပြောသလိုလုပ်၊ ငါလုပ် သလိုမ လုပ်နှင့်ဟု ပြောသကဲ့သို့ ဖြစ်နေ ပါမည်။တစ်ချိန်က ကျွန်တော်တို့ နိုင်ငံရှိကျေးရွာ အချို့တွင် နှစ်လုံး ပြူးသေနတ်တစ်လက် ဖြင့် အာဏာရှင်ကြီးများရှိခဲ့ပါသည်။ သူကြီးသားလူမိုက်၊ မြေးလူဆိုးတို့ သွား  လေရာ အဆောင်အယောင် အစောင့် အရှောက်နှင့် ဆယ်အိမ်ခေါင်းလည်း မပြောရဲ၊ လက်ညှိုးညွှန်ရာရေဖြစ်သည်။ မြောက်ကိုရီးယားလို အာဏာရှင် ဖခင် နေရာရပြန်လျှင် ပြဿနာ မရှိသော်လည်း သမ္မတမားကို့စ် ကဲ့သို့ တိုင်းပြည်မှ ထွက် ပြေးရသည်။ ဘိုးအေဖြစ်သူ အာဏာရှိ စဉ်က လက်ညှိုးညွှန်ရာ ရေဖြစ်ခဲ့သော မြေးများ အခြားအာဏာရှင်ကို တော်လှန် ဖို့ ကြိုးစားမိရာမှ မိဘရော ဘိုးအေပါ ဒုက္ခရောက်ရသည့်အဖြစ်မျိုးလည်း ကျွန်တော်တွေ့ခဲ့ရသည်။

၁၉၉၆ခုနှစ်က သမီးဖြစ်သူ တက္ကသိုလ်တက်ရင်း ညဘက်တွင် စီးပွားရေးတက္ကသိုလ်တွင် ဒီပလိုမာ သင်တန်းတက်သည်။ ညသင်တန်းတွင် အမြဲလိုလို မိန်းကလေးများကို လိုက်လံ နောက်ပြောင်ပြီး ရိသဲ့သဲ့ ပြောသည့် ကျောင်းသားတစ်ဦးရှိကြောင်း၊ သူကိုတွေ့ လျှင် ကျောင်းသားများရော မိန်းကလေး များပါ ဝေးဝေးကရှောင်ကြကြောင်း၊ “သမီး ကတော့ခပ်တည်တည်ပဲနေတယ်။ နောက်ဆုံးမခံနိုင်အောင် စရင်တော့ နင့်အဖိုးဘယ်သူလည်းဆိုတာ ငါသိတယ်။ ငါ့အဖိုးဘယ်သူလည်းဆိုတာ နင်သိလား” ဟု ပြောလိုက်မည် ဖြစ်ကြောင်း ပြောပြပါသည်။

ကမ္ဘာ့သမိုင်း၊ နိုင်ငံတကာသမိုင်း၊ မြန်မာသမိုင်းများတွင် ပြည်သူလူထုကို ညှင်းပန်းနှိပ်စက်သော မင်းဆိုးမင်းညစ် များကို မည်သို့အရေးယူဆောင်ရွက်ခဲ့ကြ သည်ဟု မရှိသလောက်ဖြစ်ပါသည်။ ဘုရင်မင်းတရားမှ အမြင်မကြည်လင် သူ၊ မင်းစည်းစိမ်ကို လုပ်ကြံမည်ဟု ယူဆသူများ၊ တိုင်းပြည်အပေါ် သစ္စာ ဖောက်သူများကို ဆွေ(၇)ဆက်၊ မျိုး(၇) ဆက် သတ်ဖြတ်ခံ ရသည့်အကြောင်းများ ဖတ်ရှုခဲ့ရပါသည်။ ဖခင်ဖြစ်သူ၏ အပြစ် ကြောင့် ဆွေ(၇)ဆက်၊ မျိုး(၇)ဆက် အသတ်ခံ ရခြင်းဖြစ်ပါသည်။

ယနေ့ခေတ်တွင် အဆိုပါ ဆွေ(၇) ဆက်၊ မျိုး(၇)ဆက် ဥပဒေမကျင့်သုံးသင့် သော်လည်း အချို့အာဏာ ရှင်များ ကျင့်သုံးခဲ့ကြသည်။ စော်ဘွားကြီးတစ်ဦး ပျောက်ခြင်းမလှ ပျောက်သွားပြီး မိသားစု များ နိုင်ငံခြား သို့ ရောက်သွားခဲ့ရသည်။ အဖိုးဖြစ်သူကို အရေးယူပြီး မိသားစုဝင် သားသမီးမြေးမြစ်များ ထိန်းသိမ်းခံခဲ့ရ သည်။ ဤသည်တို့မှာ သက်ဦးဆံပိုင်ဘုရင် တို့၏ လမ်းစဉ်အတိုင်းဖြစ်ပါသည်။

ကျွန်တော့်တွင် ညီအစ်ကိုမောင်နှမ ငါးယောက်ရှိပါသည်။ ငယ်စဉ်ကမိဘ နှစ်ပါး၏ ဆွေမျိုးမိတ်ဆွေများက ကျွန်တော်တို့ ညီအစ်ကိုမောင်နှမတစ်စု ကို ကြည့်ပြီး ““အိုစာ၊မင်းစာ စိတ်ချရပြီ”” ဟုပြောကြသည်။ ကျွန်တော်မသိသဖြင့် မေးကြည့်ပါသည်။ “အိုစာ”ဆိုသည်မှာ မိဘများ အိုမင်းသည့်အချိန်တွင် ပြု စု စောင့်ရှောက်ရန်ဖြစ်ပြီး “မင်းစာ”ဆိုသည် မှာ နိုင်ငံအုပ်ချုပ်သည့် မင်းအတွက် ပြည်သူတို့အတွက် အလုပ်အကျွေးပြုစု ရန် ဖြစ်ကြောင်း ပြောကြပါသည်။ ကျွန်တော့်မိဘများ ကွယ်လွန်ချိန်အထိ ကောင်း စွာစောင့်ရှောက်ပြုစုခဲ့ပါသည်။ မိဘနှင့်တူသော မင်းနှင့်တိုင်းပြည် အတွက် အသက်(၆၀)အထိ အလုပ် အကျွေးပြုပြီး နိုင်ငံတာဝန်ထမ်းဆောင်ခဲ့ ပါသည်။

ကျွန်တော်တို့ ဗုဒ္ဓဘာသာဝင်များ မိဘနှင့်တူသော မင်းကို ချစ်ခင်ကြသည်။ အလုပ်အကျွေးပြုကြပါသည်။ ၀န်ထမ်းများ တာဝန်ထမ်းဆောင်ခြင်း၊ အလုပ်သမား များ အလုပ်လုပ်ခြင်း၊ တောင်သူလယ် သမား များ လယ်ယာစိုက် ပျိုးထုတ်လုပ်ခြင်းမှာ မင်းအတွက် တိုင်းပြည်အတွက် ဖြစ်ပါ သည်။ မိဘနှင့်တူသော “မင်း” ၏ ပြန်လည် စောင့်ရှောက်မှုကို သားသမီးဖြစ်သော ပြည်သူတို့ ခံယူလိုကြပါသည်။ နှလုံးသားတွင် “မင်းကောင်းမင်းမြတ်” အဖြစ် ကျောက်တိုင်စိုက်ထူလိုကြပါ သည်။

ခေတ်အဆက်ဆက်တရားဝင်ရော၊ တရားမ၀င်ပါ မင်းကို ဆန့်ကျင်သူများ ဆွေ(၇)ဆက်၊ မျိုး(၇)ဆက် ခံရသော် လည်း “မင်း”ကိုမကျေနပ်သည့် ပြည်သူတွေ ဘက်က အရေးယူဖို့ ဥပဒေ မရှိခဲ့ပါ။ သို့သော် ပြည် သူများ၏ တံတွေးခွက်မှာ ပက်လက်မျှောခဲ့ရပါသည်။ ထိုသို့ဖြစ် သည်မှာ “မင်း” ဖြစ်သူလွန်သည် လား၊ ပြည်သူတို့ လွန်သည်လား ဆိုသည်မှာ စဉ်းစားရန်လိုပါသည်။

၁၉၉၀ပြည့်နှစ် ခလရ(၁၀၂)တွင် ကျွန်တော် တပ်ရင်းမှူးတာဝန် ထမ်း ဆောင်စဉ် ဖြစ်ပါသည်။ စစ်ဗျူဟာမှူး အစည်းအဝေးခန်းမမှာ မာဇဒါဂျစ်မောင်းပြီး ပြန်လာသော ကျွန်တော်စစ်ဗျူဟာမှူး အိမ်ခြံအတွင်းမှ ပြေးထွက်လာသော ခွေးလေးတစ်ကောင် တွေ့သည်နှင့် ဘိရိတ်နင်းလိုက်ပါသည်။ ကားပေါ်ပါ လာသည့် တပ်ထောက်ဗိုလ်ကြီးခင်အောင် နှင့် လုံခြုံရေးရဲဘော်များ ကသိကအောင့် ဖြစ်သွား ကြသည်။ ကျွန်တော့်ဘေးတွင် ထိုင်နေသော ဗိုလ်ကြီးခင်အောင်မှ “အဘ ရယ် ခွေးပဲတိုက်ပစ်လိုက်ပေါ့” ဟု ပြောပါသည်။ ကျွန်တော်မှ “ဘယ်ကခွေးလဲ”ဟု မေးလိုက်ပါသည်။ “ဗျူဟာမှူးအိမ်ကခွေး” ဟု သူပြန်ဖြေလိုက်ပါသည်။

ဤသည်မှာ တပ်မတော်သား တစ်ဦး၏ စိတ်ဓါတ်၊ မြန်မာနိုင်ငံသား တစ်ဦး၏ စိတ်ဓါတ်ဖြစ်ပါသည်။ အကြီးအကဲမဆိုထားနှင့် အကြီးအကဲ၏ သားသမီးမဆိုထားနှင့် အကြီးအကဲအိမ်မှ ခွေးကိုပင် ဂရုစိုက်ခဲ့ပါသည်။ မြန်မာ စကားပုံတွင်လည်း “ခွေးရိုက်လျှင် ခွေးရှင် မျက်နှာကြည့်”ဟု ရှိခဲ့ပါသည်။ တစ်ခုတော့ ရှိသည်။ “ဘုရားလှိုင်ခေါင်း အောင်း၍ ဟောင်သောခွေး”ကို ကျွန်တော် တို့ ခွင့်လွှတ်ဖို့ ခက်ပါသည်။

နိုင်ငံ့ခေါင်းဆောင်များ ကွယ်လွန် ချိန်တွင် ပြည်သူတို့ တုံ့ပြန်မှုကို တွေ့နိုင် ပါသည်။ ပြည်သူ ချစ်သော၊ ပြည်သူကို ချစ်သော နိုင်ငံခေါင်းဆောင်ကြီး ကျဆုံး ချိန်တွင် တစ်ပြည်လုံးငိုကြွေးခဲ့ကြသည်။ ရက်ပေါင်းများစွာ ပြသထားသည်ကို နေ့စဉ် လူရာထောင်မက လာရောက်ဂါ ရ၀ပြုကြသည်။ နှစ်ပေါင်း များစွာကြာ သည့်တိုင် သူ့ကိုမမေ့၊ သူမိသားစုအပေါ် သူ့ကျေးဇူးတွေထင်ဟပ်ဆဲ။ ငွေကြေး တစုံတရာမ ထားခဲ့သော်လည်း သူ့သမီး ဖြစ်သူက ယနေ့တိုင်ဖခင်၏ ကောင်းမွေ ကိုရင်ဝယ်ပိုက်ပြီး ပြည်သူတို့၏ ချစ်ခင်မှု ကို ရရှိခဲ့သည်။ သူ့ဖခင်ဆောင်ရွက်ဆဲ ဖြစ်သော “မင်းစာ”ဖြစ်သည့် မင်းနှင့် တိုင်းရင်းသားပြည်သူ တစ်ရပ်လုံးအတွက် လုပ်ကိုင်ရမည့် လုပ်ငန်းများကို ခေါင်းမော့၊ ရင်ကော့ပြီး ဆောင်ရွက်နေ ပါသည်။
အခြားသော နိုင်ငံခေါင်းဆောင်များ အပေါ် ပြည်သူတို့ မည်သို့သဘောထား ကြသည်။ ငွေကြေးချမ်း သာကြွယ်ဝသော ခေါင်းဆောင်များ၏ မိသားစု၊ သားသမီး မြေး မြစ်တို့အပေါ် ပြည်သူတို့ မည်သို့ တုံ့ပြန်ကြသည်၊ ကွယ်လွန်ချိန်တွင် မည်သို့ ဖြစ်သည်ကို စာဖတ်သူများ သိပြီးဖြစ်၍ ပြောပြရန်လိုမည် မထင်ပါ။

ယနေ့ နိုင်ငံတော်ကို အုပ်ချုပ်နေသူ များကို ပြည်သူတစ်ရပ် လုံးမှ ချစ်ခင်လေး စားစေလို၍ ရေးသား လိုက်ရခြင်း ဖြစ်ပါ သည်။ကျွန်တော့်သမီး၏ အဖိုးဖြစ်သူမှာ ၁၉၄၇ ခုနှစ်က ကြယ်တစ်ပွင့် ထောင် မှူး လေးဖြစ်ပါသည်။ ရန်ကုန်ထောင်ကြီး တွင် တာဝန်ထမ်းဆောင်ပါသည်။ ဇူလိုင် (၁၉)အပြီးတွင် သူနှင့်အတူ ထောင်မှူး လေး နှစ်ဦးအား နိုင်ငံတော်မှ အထူးတာဝန် တစ်ရပ် ပေးအပ်ခဲ့ပါသည်။ တာဝန်အရပ် ရပ် ပြီးဆုံးချိန်တွင် သူတို့သုံးဦး Austraila နိုင်ငံသို့ အကျဉ်းထောင်ပညာ သင်ရန်စေ လွှတ်ခြင်းခံရပါသည်။ မြန်မာ ပြည်သို့ ပြန်ရောက်ချိန်တွင် နှစ်ဦးအား ၀ဏ္ဏကျော်ထင်ဘွဲ့ချီးမြှင့်ပြီး ကျွန်တော် သမီး၏ အဘိုးမှာ ကြယ်တစ်ပွင့်ထောင် မှူးလေးအဆင့်မှ ကြယ်သုံးပွင့်ထောင်ပိုင် အဆင့်သို့ ရာထူးတိုးမြှင့်ခြင်းခံရပါသည်။

ဤသည်မှာ ပြည်သူ့ကိုချစ်ကြဖို့၊ ပြည်သူချစ်သောမင်း၏ လမ်းခရီးမှာလမ်းကိုဖျက်ပြီး နောက်ပြန်မ လှည့်ကြဖို့ သတိပြုစေလို၍ ဖြစ်ပါသည်။ ပြည်သူ ချစ်သော နိုင်ငံခေါင်းဆောင်အား အာဏာ ရယူလိုမှုဖြင့် ကျူးလွန်ခဲ့သည့် ပြစ်မှုများ မှာ သားစဉ်မြေးဆက် ပြည်သူတို့ မေ့ကြ မည်မဟုတ်ပါ။ မြန်မာနိုင်ငံသားအား လုံး မိဘ ကောင်း၊ သားသမီးကောင်းများ ဖြစ်ကြပါစေ။
 အောင်မြင်သူ
The Hot News