 |
| တပ်ကွင်းကားဘော်ဒီရုံရှေ့ရှိ တိမ်းမှောက် မီးလောင်ကျွမ်းနေသော ယာဉ်များကို ဖေဖော်ဝါရီ ၂၃ ရက် နံနက်က တွေ့ရစဉ် |
ကွန်တိန်နာယာဉ် တစ်စီးမှ အခြားယာဉ်နှစ်စီးကို တိုက်မိပြီးတိမ်မှောက်မီးလောင်မှု ဖြစ်စဉ်တစ် ခု ဖေဖော်ဝါရီ ၂၃ ရက်၊ နံနက် ၂ နာရီခွဲခန့်က မြောက်ဥက္ကလာပမြို့နယ်အတွင်း ဖြစ်ပွားခဲ့ကြောင်း သိရသည်။
ဖြစ်စဉ်မှာ မြောက်ဥက္ကလာပမြို့နယ်၊ သံသုမာလမ်းအတိုင်း မောင်းနှင်လာသော ကျောက်မှုန့်တင် ကွန်တိန်နာယာဉ်မှာ တပ်ကွင်းကားဘော်ဒီရုံအရောက် လိုက်ထရပ်ကားကို တိုက်မိပြီး ထိုမှတစ်ဆင့် ရပ်ထားသော မေတ္တာလှိုင်း ဘတ်(စ်)ကားယာဉ်ကို ထပ်ဆင့်တိုက်မိကာ တိမ်းမှောက်မီးလောင်သွား ခဲ့ကြောင်း မျက်မြင်တို့က ဆိုသည်။
အဆိုပါ ယာဉ်တိုက်မှု ဖြစ်စဉ်အနီးရှိ တပ်ကွင်းကားဘော်ဒီရုံးမှ ကိုကြည်ဝင်းက "ကွန်တိန်နာယာဉ်က လိုက်ထရပ်စ်ယာဉ်ကို တိုက်မိပြီး နောက်ထပ်ဘေးမှာ ရပ်ထားတဲ့ မေတ္တာလှိုင်းယာဉ်ကိုပါ ထပ်တိုက်ပြီး တိမ်းမှောက်သွားတယ်။ သိပ်မကြာဘူး၊ မီးလောင်မှု ဖြစ်သွားခဲ့တာပါ" ပြောသည်။
အဆိုပါယာဉ်တိုက်မှုတွင် ကွန်တင်နာယာဉ်နှင့်အတူ မေတ္တာလှိုင်းယာဉ်တို့ ပြင်းပြင်းထန်ထန် မီးလောင်ကျွမ်းသွားပြီး အခြားယာဉ်မှာလည်း အတော်ပျက်စီးသွားကြောင်း မျက်မြင်တို့က ပြောသည်။
 |
| တပ်ကွင်းကားဘော်ဒီရုံရှေ့ရှိ တိမ်းမှောက် မီးလောင်ကျွမ်းနေသော ယာဉ်များကို တွေ့ရစဉ် |
