ရန်ကုန်၊ ဖေဖော်ဝါရီ-၁၂
စစ်ကိုင်းတိုင်းဒေသကြီး ဟုမ္မလင်းမြို့နယ်အတွင်းရှိ သစ်ပါးလွှာစက်ရုံမှ အလုပ်သမားများသည် ဖေဖော်ဝါရီ ၁၁ ရက်က ဂေါ်ဖီထုပ်သုပ်စားသုံးရာမှ အစာအဆိပ်သင့်မှု ဖြစ်ပွားခဲ့ပြီး နှစ်ဦးသေဆုံးကာ ၃၀ ဦးခန့် ဆေးရုံတင်ထားရကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်သည်။
ဟုမ္မလင်းမြို့နယ် ယက်ဖကျေးရွာရှိ "လပြည့်နဂါး" ကုမ္ပဏီသစ်ပါးလွှာစက်ရုံရှိ အလုပ်သမား ၃၂ ဦးသည် ဖေဖော်ဝါရီ ၁၁ ရက် မနက် ၆ နာရီခန့်တွင် ဂေါ်ဖီထုပ်အား သုပ်၍ ထမင်းကြမ်းနှင့် စားရာ အစာအဆိပ်သင့်ပြီး မူးဝေအော့အန် မေ့လဲသွားကြသဖြင့် ထမံသီ တိုက်နယ်ဆေးရုံသို့ တင်ပို့ဆေးကုသခဲ့ကြောင်း အဆိုပါထုတ်ပြန်ချက်တွင် ဖော်ပြထားသည်။
၎င်းတို့အနက်မှ အသက် ၂၂ နှစ်အရွယ် အမျိုးသမီးတစ်ဦးမှာ ယင်းနေ့၊ နေ့လယ် ၁ နာရီခွဲခန့်တွင် သေဆုံးသွားခဲ့ပြီး နေ့လယ် ၃ နာရီခန့်တွင် အသက် ၁၈ နှစ်အရွယ် အမျိုးသမီးတစ်ဦး ထပ်မံသေဆုံးသွားခဲ့ကြောင်း၊ ကျန် ၃၀ ဦးမှာ ထမံသီဆေးရုံတွင် ဆေးကုသမှုခံယူလျက်ရှိကြောင်း သတင်းရရှိသည်။7Day News Journal
ဂေါ်ဖီထုပ်သုပ်စားရာမှ နှစ်ဦးသေ၊ ၃၀ ဦး ဒဏ်ရာရ
Labels:
ပြည်တွင်းသတင်း