တာချီလိတ်မြို့တွင်း၌ ၀င်ရောက် ပစ်ခတ်မှုဖြစ်ပွား၊ လူတစ်ဦး ပွဲချင်းပြီးသေဆုံး

21 Jun, 2013
ရှမ်းပြည်နယ်အရှေ့ပိုင်း တာချီလိတ်မြို့ ၀ိန်းကျောက်ရပ်ကွက် စိန်ပန်းနီနီအအေးဆိုင်၌ ဇွန်လ(၁၈)ရက်နေ့၊ ည(၇)နာရီ အချိန်ခန့်တွင် အအေးဆိုင်ထိုင်နေသူနှစ်ဦး သေနတ်ပစ်ခတ်ခံခဲ့ရပြီးတစ်ဦးမှာ ပွဲချင်းပြီး သေဆုံးခဲ့ ကြောင်း ဒေသခံများထံက သိရသည်။

သေနတ်ဖြင့် ပစ်ခတ်ခံခဲ့ရသူနှစ်ဦးမှာ ဦးစိုင်းဝန်းကျောက်နှင့် ဦးဇော်မင်းထွန်းတို့ဖြစ်ပြီး အအေးဆိုင်တွင် လူလေးဦး ထိုင်နေခဲ့ရာမှ ၎င်းတို့နှစ်ဦးအား သေနတ်ဖြင့် (၃)ချက် ပစ်ခတ်ခဲ့ခြင်းဖြစ်ကြောင်း မျက်မြင်ဒေသခံ တစ်ဦးက ပြောသည်။

“ည ၇ နာရီလောက်ပဲ သေနတ်ကိုင်ထားတဲ့ လူတွေလာပြီး ပစ်သွားတာ။ ဘာယာဉ်မှတော့ မပါဘူး။သေနတ်နဲ့ ပစ်ပြီးတော့ ပြန်ထွက်သွားတာပဲ။ မှောင်နေတော့ ဘယ်နှစ်ယောက် လာပစ်သွားလည်းဆိုတာ မသိလိုက်ဘူး”ဟု မျက်မြင်ဒေသခံတစ်ဦးက ပြောသည်။

သေဆုံးသူ ဦးစိုင်းဝန်းကျောက်မှာ အုတ်၊ သဲ၊ ကျောက် ရောင်းဝယ်ရေးလုပ်ငန်း လုပ်ကိုင်သူတစ်ဦးဖြစ်ကြောင်း သိရှိရပြီး လွန်ခဲ့သော (၄)ရက်ခန့်က လူတစ်စုနှင့် မြေယာပိုင်ဆိုင်မှုကိစ္စအတွက် အငြင်းပွားခဲ့ရာမှ ၎င်း၏ နေအိမ် အား ထိုလူတစ်စုက ဘူဒိုဇာဖြင့် ထိုးကော် ဖျက်ဆီးသွားခဲ့ကြောင်း ဒေသခံများ၏ ပြောကြားချက်အရ သိရသည်။

ဦးစိုင်းဝန်းကျောက်မှာ အခင်းဖြစ်ပွားရာနေရာ၌ပင် ဦးခေါင်းကိုသေနတ်မှန်ကာ သေဆုံးသွားခဲ့ပြီး ဦးဇော်မင်း ထွန်းမှာ ဘယ်ဘက်လက်မောင်းနှင့် ညာဘက်ပေါင်တို့တွင် အရိုးကြေဒဏ်ရာများရရှိကာ မန္တလေးမြို့ ဆေးရုံ တွင် ဆေးဝါးကုသမှုခံယူခဲ့ပြီး ဇွန်လ(၁၉)ရက်နေ့တွင် ရန်ကုန်ဆေးရုံကြီးသို့ လွှဲပြောင်းပေးအပ်ခဲ့ကြောင်း တာချီ လိတ်မြို့နယ်ရဲစခန်းမှ စခန်းမှူး ဦးတင်ဌေးက ပြောသည်။

“တာချီလိတ်မြို့က တစ်ဖက်နိုင်ငံနဲ့ ချောင်းတစ်ခုပဲခြားတာပါ။ အပြစ်တစ်ခုကျူးလွန်ပြီး ထွက်ပြေးသွားရင် လိုက် ဖမ်းရတာ ခက်တယ်။ ပြစ်မှုကျူးလွန်တဲ့ လူတွေကို ဖမ်းဆီးဖို့ကခက်နိုင်တယ်” ဟု စခန်းမှူး ဦးတင်ဌေးက ပြော သည်။

၎င်းအမှုနှင့်ပတ်သက်၍ သေနတ်ဖြင့်ပစ်ခတ်သွားသူများအား လမ်းများပိတ်ဆို့ကာ ရှာဖွေနေပြီး မသင်္ကာသူများ ကိုလည်း သေချာစွာ စစ်ဆေးလျက် ရှိကြောင်း သိရသည်။
မှူးအိမ်ဇော်(မြစ်မခ)
Myit Makha Mediagroup