မန်းရွှေမြို့တော် အဝေးပြေးယာဉ်တိမ်းမှောက်မှုတွင် ဒိန်းဒေါင်အမျိုးသမီးပါဝင်

ဖစ်စဉ်က ရန်ကုန်-မန္တလေး အမြန်လမ်းမကြီးအား ဆန်းစစ်သုံးသပ်စေခဲ့

မေလ ၂၄ရက်နေ့၊ ညနေ ၈နာရီ အချိန်က ရန်ကုန်မြို့မှ မန္တလေးမြို့သို့ ထွက်ခွာသွားသော မန်းရွှေမြို့တော်မှန်လုံအမြန်ယာဉ် (၆/ဃ ၇ဝ၈၅)သည် ရန်ကုန်-မန္တလေးအမြန်လမ်း၊ အုတ်တွင်းမြို့နယ်၊ ဗောဓိကုန်း ရဲစခန်းအပိုင်၊ မိုင်တိုင်အမှတ် ၁၂၅/ ၄ဖာလုံ၊ တံတားအမှတ် ၁၂၄/၃၊ ကိုးခွတံတား အရောက်မေ လ၂၅ရက်၊ နံနက်၆နာရီ ဝန်းကျင်ခန့်တွင်ရှေ့ဘီး ပေါက်ကာတိမ်း မှောက်မှုဖြစ်ပွားခဲ့သည်။ ၄င်းကားတွင် စီးနင်းလိုက်ပါလာသူ ခရီးသည် ၂၇ဦး အနက် သေဆုံးသူ၁၁ဦး ထိရှိခဲ့ပြီး ၁၆ဦး ထိခိုက်ဒဏ်ရာရရှိခဲ့ကြောင်း သိရသည်။ သေဆုံးသူ ၁၁ဦးအနက်မှာ တစ်ဦးမှာ သံဃာတော်ဖြစ်သော ကြောင့် ဖြူးမြို့၊မြို့ထောင်ကျောင်း ပဓာန နာယက ဆရာတော်က ကြီးမှူးပြီး မီးသဂြိုဟ်ပေးခဲ့ကာ ကျန်ဆယ်လောင်းအနက် ငါးလောင်းကို နာရေးကူညီမှု အသင်း(ရန်ကုန်)၏ အကူအညီဖြင့် ဖြူးမြို့၊ အနောက် သုဿန်၌ သင်္ဂြိုဟ်ပေးခဲ့ကြောင်း သိရသည်။

၎င်းဖြစ်စဉ် နှင့်ပတ်သက်ပြီး မတ်လ(၂၉)၊ (၃ဝ)ရက် ထုတ်မြန်မာ့ အလင်းသတင်းစာတွင် ရန်ကုန်-မန္တလေး အမြန်လမ်း၊ပြုပြင် ထိန်းသိမ်းရေး အဖွဲ့မှ အင်ဂျင်နီယာမှူး ကြီး ဦးမျိုးမြင့်က ”အမြန်လမ်း ပြုပြင်ထိန်းသိမ်းရေးအဖွဲ့အနေနဲ့ ပြုပြင်ထိန်းသိမ်းရေးလုပ်ငန်းတွေကို စခန်းပေါင်း ၃၄ခုအထိဖွင့်လှစ်ပြီး ဆောင်ရွက်နေတာပါ။ လမ်းတစ်လျှောက်၁ဝ မိုင်အကွာအဝေးလောက်မှာ စခန်းတစ်ခု စီထားရှိတဲ့ အပြင် စခန်းတစ်ခု စီတိုင်းမှာ လမ်းအစောင့် ငါးယောက် စီခန့်ထားပါတယ်။ ၁၁၅မိုင်မှာ ကျွန်တော်တို့ စခန်းရှိတဲ့အတွက် ဖြစ်စဉ် ဖြစ်ဖြစ်ချင်းမှာပဲ ချက်ချင်းသွားရောက် နိုင်ခဲ့ပါတယ်။ ယာဉ်က အပေါ်ကို မြောက်တက်သွားပြီးမှ အောက်ကိုပြုတ် ကျတာဖြစ်တဲ့အတွက် ဝုန်းဆိုတဲ့ အသံကြီးက ပတ်ဝန်းကျင်တစ်ခုလုံး ကို ပျံ့နှံ့သွားခဲ့ပါတယ်။ ကျွန်တော်တို့ ရဲတပ်ဖွဲ့ဝင်၊ ကြက်ခြေနီအဖွဲ့တွေနဲ့ ပူးပေါင်းပြီး လူနာတွေကို ဝိုင်းဝန်း ကယ်ဆယ်ခဲ့ပါတယ်။ အမြန်လမ်း တစ်လျှောက် ဒီလိုမျိုး အကြီးအကျယ် မဖြစ်ဖူးပါဘူး။တော်တော့်ကို ထူးခြားတဲ့ဖြစ်စဉ်ပါ” ဟု ပြောခဲ့သည်။ ထို့အပြင် ရဲမှူးကြီး နေဝင်းကလည်း ”ယာဉ်စည်းကမ်း၊လမ်းစည်းကမ်းတွေ ကို လိုက်နာဖို့အတွက်ပြီးခဲ့တဲ့ မတ်လ တစ်လလုံး ပညာပေးဆောင်ရွက်ခဲ့ ပါတယ်။ ကျေးရွာပေါင်း ၉၇ရွာကို အကြိမ်ပေါင်း ၃ဝဝ ကျော်ထက် မနည်း သွားရောက်ဆွေးနွေးခဲ့ပါတယ်။

အန္တရာယ်ကင်းရှင်းစေဖို့ အတွက် ရည်ရွယ်ဆောင်ရွက်ခဲ့တာပါ။တကယ်တော့ ဒီအမြန်လမ်းမကြီး ဟာ လွတ်လွတ်လပ်လပ်နဲ့၊ အန္တရာယ် ကင်းကင်းနဲ့သွားလာနိုင်တဲ့ လမ်းမကြီးပါ။ အခုဖြစ်စဉ်မှာ ယာဉ်က ခဏခဏပျက်နေတဲ့အတွက် ယာဉ်မောင်းနှစ်ယောက်စလုံး အနားမရကြပါဘူး။ ပင်ပန်းတော့ မောင်း နေစဉ်မှာ အိပ်ငိုက်၊ ဒီကနေ ဝမ်းနည်းဖွယ်ရာ သတင်းဆိုးကြီးဖြစ်ပွားခဲ့ ရတာပါ။

ယာဉ်တိမ်းမှောက်မှု မှတ်တမ်း၊ မှတ်ရာတွေအရတော့ ၉ဝရာ ခိုင်နှုန်းခန့်ဟာ ယာဉ်မောင်းတွေ အိပ်ငိုက်မှုနဲ့ အဆင့်မမီတဲ့ ကားဘီးတာယာတွေ ပွင့်ထွက်၊ ကွဲထွက်မှုတွေကြောင့်ပါ။ ဒါကြောင့် မေလ ၂၆ရက်နေ့က စတင်ပြီး ယာဉ်ကြံ့ခိုင်မှုပိုင်းတွေကို စတင်စစ်ဆေးနေပါပြီ။ ကြံ့ ခိုင်မှုမရှိရင် ဖြတ်သန်းသွားလာခွင့် ရတော့မှာ မဟုတ်ပါဘူး။ ၂ဝဝ၉ခုနှစ် မတ်လကနေ အခုဧပြီလအထိ အမြန် လမ်းပေါ်မှာ ယာဉ်စီးရေစုစုပေါင်း ၇၁ဝ၅၇၁၁စီးထိ ဖြတ်သန်းသွား လာခဲ့ပြီး ယာဉ်မတော်တဆမှု ၄၃၂မှု၊ သေဆုံးမှု ၂၁၆ဦး၊ ထိခိုက်ဒဏ်ရာ ရသူ ၆၇၈ဦး ရှိခဲ့ပါတယ်။ ဒါကို ပြန် လည်ဆန်းစစ်ကြည့်ရင် ယာဉ်မောင်း ရဲ့ ပေါ့ဆမှုက ၃ဝ၅မှု၊ယာဉ်ချွတ် ယွင်းမှုက ၁၁ဝမှု၊ ခရီးသည်တွေရဲ့ ပေါ့ဆမှုက နှစ်မှု၊ တခြားအကြောင်း ကြောင်းကြောင့်က ၁၁မှုပါ။ အခြား အကြောင်းဆိုတာက လမ်းမကြီးရဲ့ ဘေး အနီးအနားကျေးရွာတွေက ဆိုင်ကယ်တွေ လမ်းပြောင်းပြန် စီးတာ တွေ၊ထော်လာဂျီတွေတက် မောင်းနေ တာတွေ၊မဆင်မခြင်လမ်း ဖြတ်ကူးသူ တွေကို ပြောတာပါ။ ဒီလို အဖြစ်ဆိုး ထပ်မဖြစ်အောင် အစဉ်သတိပြု မောင်း နှင် ကြပါလို့ တိုက်တွန်းချင်ပါတယ်” ဟု ပြောသည်။ ပြည်သူ့ဆောက် လုပ်ငန်း(လမ်း)အင်ဂျင်နီယာချုပ်ဦး သိန်းဇော်ကလည်း ”ကျွန်တော်တို့ အနေနဲ့ နှစ်အလိုက် ဘတ်ဂျက်တွေ သတ်မှတ်ပြီး လမ်းအကာအကွယ် တန်းတွေ၊ ကွန်ကရစ် အကာအကွယ် တုံးတွေ၊ခြံစည်းရိုးတွေကို လုပ်ဆောင် ပါတယ်။ ဒီထက်အဆင့်မြင့်တင်ဖို့ အတွက်လည်း Us AID,JICA စတဲ့ နိုင်ငံခြားအဖွဲ့အစည်းတွေက လာပြီး လေ့လာသွားပါ ပြီ။ ကိုရီးယားဟန်နာ ကော်ပိုရေးရှင်းကလည်း လာပြီးလေ့ လာဖို့ရှိပါတယ်။ လက်ရှိအခြေ အနေထက် ကောင်း အောင်ဘယ်လို ကြံဆလုပ်ကိုင်မလဲဆိုတာကို လာပြီး လေ့လာမှာပါ”ဟု တွေ့ ဆုံမေးမြန်းခန်း ကဏ္ဍတစ်ခုတွင် ပြောကြားခဲ့သည်။

မန်းရွှေမြို့တော်ယာဉ်လိုင်း ဂိတ် မှူးက ”ရှေ့ဘီးပေါက်ပြီး လမ်းလယ် ကွန်ကရစ်တုံးကို ဝင်တိုက်ရာကနေ တံတားလက်ရမ်းတွေကို ဆက်ကာ ဆက်ကာဝင် တိုက်သွားတာ။ ကားခေါင် မိုးခါးလယ်ပိုင်းကျိုးကျသွားတယ်”ဟု ပြောသည်။ ၄င်းဖြစ်စဉ်တွင် ယာဉ် နောက်လိုက်နှစ်ဦးပါ သေဆုံးခဲ့ပြီး ယာဉ်မောင်းနှစ်ယောက်စလုံး စိုးရိမ်ရ သည့်အခြေအနေဖြင့် ဆေးကုသမှုခံ ယူနေရကြောင်း သိရသည်။ ဒဏ်ရာရ သူများထဲတွင် အမေရိကန်နိုင်ငံ သားတစ်ဦးပါဝင်ခဲ့ပြီး ယခုအခါ ဆေးကု သမှုခံယူရာကနေ သက်သာလာပြီဖြစ် သဖြင့် ဆေးရုံက ဆင်းခွင့်ပြုလိုက်ပြီ ဖြစ်ကြောင်းသိရသည်။ သေဆုံးသူ များ ထဲတွင် သရုပ်ဆောင်ဒိန်းဒေါင်၏ ဇနီးမအေးအေးမွန်လည်းပါဝင် ကြောင်းသိရသဖြင့် နာရေးကူညီမှု အသင်း(ရန်ကုန်)မှဦးတင်စောလေး က ”အလောင်းတွေကို သိသိချင်း သွားသယ်ကြတာ။ ညတွင်းချင်း ရန်ကုန်ကို ပြန်သယ်လာလိုက်တယ်။ ဒိန်းဒေါင်မိန်းမလည်း ပါသွားတယ်လို့ သိရတော့ စိတ်မကောင်းဘူး။ အကုန်လုံးအတွက် စိတ်မကောင်းတာပါ”ဟု ဝမ်းနည်း စကားဆိုသည်။ ထို့အတူ သရုပ်ဆောင်ခင်လှိုင်၏ ဇနီး မငယ်ကလည်း ” မအေးအေးမွန် မန္တလေးကို သွားတာ အိမ်ကလူတွေကို ပြောမ သွားဘူး။အလှူသွားမယ်လို့သာ ပြောသွားတယ်။ မန္တလေးကိုရောက် ရင်မိုးကုတ်ရောက်နေတဲ့သူ့ ယောက်ျား ထံဖုန်းဆက်ပြီး အံ့အားသင့်သွား အောင်လုပ်မယ်ဆိုတဲ့ စိတ်ကူးနဲ့ပေါ့။ အလောင်းက ပိုင်ရှင်မဲ့ဖြစ်နေတယ်။ သူ့ရဲ့ မှတ်ပုံတင်၊ လိပ်စာနဲ့တကွရဲ တွေက သူ့အိမ်ကို အကြောင်းကြား လိုက်တယ်။ သန်းခေါင်းစာ ရင်းထဲ မှာက ဒိန်းဒေါင် နာမည်တင်ဌေး။ ဒိန်းဒေါင်ဆိုတာကို မသိကြဘူး။

ဒါနဲ့ မိုးကုတ်ရောက်နေတဲ့ ဒိန်းဒေါင်ကို အကြောင်းကြားတော့ သူကလည်း ချက်ချင်းဆင်းမလာနိုင်တဲ့ အခါကျ တော့  ကိုခင်လှိုင်ကို အကူအညီ တောင်းတယ်။ ကိုခင်လှိုင်ကလည်း ကားရိုက်ရင်းတန်းလန်း။ ဒါနဲ့ အစ်မက နာရေးကူညီမှု အသင်းက ဦးကျော်သူကို အကူအညီတောင်းတော့ အစစအရာ ရာအဆင်ပြေသွားတယ်။ ဒိန်းဒေါင်လည်း ဒီအတိုင်းကြီးတော့ မသဂြိုဟ်ချင်ဘူး။ သူ့ကလေးတွေနဲ့ စုံစုံညီညီ ဖြစ်စေချင်တယ်။ အစ်မရယ် ကူညီ ပေးဆိုတာနဲ့ ဟိုကိုလိုက်သွားတယ်။ ဟိုရောက်တော့ သူ့အမေနဲ့ သူ့ ယောက္ခမလည်း ရောက်နေကြတယ်။ ညတွင်းချင်းပြန် သယ်လာပြီး ထိန်ပင်မှာထားတာ။ ဟိုကလူတွေက သူ့ ကို ချက်ချင်းသဂြိုဟ်ချင်ကြတာ။ ၂၈ ရက်နေ့ပေါ့။ ထိန်ပင်မှာပဲ သင်္ဂြိုဟ် လိုက်တယ်”ဟုပြောပြသည်။ မအေး အေးမွန်(အသက်၎ဝနှစ်) သေဆုံးချိန် တွင်သမီးတစ်ယောက်၊ အမွှာယောက်ျား လေးနှစ်ယောက်ကျန်ခဲ့ကြောင်း သိရသည်။

၎င်းအမှုကို ဗောဓိကုန်းရဲစခန်း မှ ယာဉ် (ပ) ၅/ ၂ဝ၁၃၊ ပြစ်မှု ဆိုင် ရာဥပဒေပုဒ်မ ၃၃၇/ ၃၃၈/ ၁ဝ၄- ကဖြင့် အမှုဖွင့်အရေးယူဆောင်ရွက် နေကြောင်းသိရပြီး မေလ ၂၈ ရက် နေ့က သေဆုံး၊ ထိခိုက်ဒဏ်ရာရသူ များအတွက် မန္တလေးတိုင်းဒေသကြီး ယာဉ်လုပ်ငန်းရှင်များ ကြီးကြပ်မှု ကော်မတီ(ယကက)၊ ရန်ကုန် (ယကက)၊  မန်းရွှေမြို့တော်  ဂိတ်တို့က ထောက်ပံ့ကြေးများပေးခဲ့ကြောင်းသိရသည်။
Mဘွယ်
Popular Journal