ဇွန်လ ၀၆ ရက် ၂၀၁၃ ခုနှစ်
ရန်ကုန် (မဇ္ဈိမ)။ ။ ဗိုလ်ချုပ်ကြီးနေဝင်း၏ တော်လှန်ရေးကောင်စီ စစ်အစိုးရ အုပ်ချုပ်စဉ် ၁၉၆၂ ခုနှစ်၊ ဇူလိုင်လ ၇ ရက်နေ့က တက္ကသိုလ်ဝင်းအတွင်း ဆန္ဒပြနေသည့် ကျောင်းသားများကို အစိုးရတပ်မှ အကြမ်းဖက် ပစ်ခတ်ခဲ့သည့်
ဖြစ်ရပ်ကို စုံစမ်းစစ်ဆေးရေး ကော်မရှင်ဖွဲ့၍ ဖော်ထုတ်ပေးရန် ယင်းကာလက ကျောင်းသားခေါင်းဆောင် ဦးလှရွှေ က တောင်းဆိုလိုက်သည်။
၁၉၇၄ အလုပ်သမားအရေးအခင်းနှင့် ၁၉၇၄၊ ၇၅၊ ၇၆ ခုနှစ် ကျောင်းသား အရေးအခင်းများ၏ အောက်မေ့ဖွယ်အဖြစ် ရန်ကုန်မြို့တွင် ဇွန်လ ၆ ရက်နေ့က ပြုလုပ်သည့် အထိမ်းအမှတ် အခမ်းအနားတွင် တောင်းဆိုလိုက်ခြင်း ဖြစ်သည်။
“ဇူလိုင် ၇ လိုမျိုး အကြီးအကျယ် သတ်ဖြတ်ခံရတဲ့ သပိတ်မျိုး နောက်ထပ် ဒီလို မဖြစ်တော့ဘူးလို့ ဘယ်သူ တာဝန်ခံမလဲ။ ဒါကြောင့် ဇူလိုင် ၇ အရေးတော်ပုံကို စုံစမ်းရေး ကော်မရှင်ဖွဲ့ပြီး စုံးစမ်းပေးပါ” သူက ဆိုသည်။
ထိုနေ့က အစိုးရ၏ အကြမ်းဖက် ဖြိုခွင်းမှုကြောင့် ကျောင်းသား ၆၈ ဦး ဆေးရုံတင်ခဲ့ရပြီး ၁၆ ဦး သေဆုံးခဲ့ကြောင်း အရေးအခင်းပြီး နောက်တနေ့တွင် ပြုလုပ်သည့် သတင်းစာရှင်းလင်းပွဲ၌ ရန်ကုန် ဆေးရုံအုပ်ကြီးက တရားဝင် ပြောကြားခဲ့သည်။
သို့သော်ကျောင်းသား ထောင်နှင့်ချီ ရှိသော ကျောင်းသားများကို လက်နက်ကိုင် ၅၀၀ ခန့်က ဝိုင်းဝန်း အကြမ်း ဖက်ခြင်းဖြစ်၍ တရားဝင် ထုတ်ပြန်သည့် ဦးရေထက် အသေအပျောက်နှင့် ဒဏ်ရာရသူ ပိုများမည်ဟု ထိုအဖြစ် အပျက်ကို ကိုယ်တိုင်ကြုံခဲ့သည့် ကျောင်းသားအများစုက ယုံကြည်ကြသည်။
အေးအေးကျော်
မဇ္ဈိမ
၇ ဇူလိုင် အရေးတော်ပုံကို စုံစမ်းရေး ကော်မရှင်ဖွဲ့ပြီး စုံးစမ်းပေးရန်
Labels:
ပြည်တွင်းသတင်း