ရန်ကုန်၊ ဇွန် ၁၇
ပြည်တွင်းထုတ်သတင်း ဂျာနယ်တစ်စောင်ဖြစ်သော မြန်မာပို့စ်သတင်းဂျာနယ်သည် ပြီးခဲ့သည့် မေလအတွင်းက ဂျာနယ်မျက်နှာဖုံးတွင်အစိတ်သား တပ်မတော်သားဟူသော စကားရပ်ကို သုံးစွဲခဲ့ခြင်း၊ ယင်းမေလအတွင်း၌ပင် မျက်နှာဖုံးသတင်းအဖြစ် “နိုင်ငံတကာ ဧည့်သည်တော်ကြီးများရှေ့၌ နိုင်ငံတော်အလံ ဇောက်ထိုးဖြစ်ရပ် ထပ်မံပေါ်ပေါက်”ကြောင်း သတင်းတို့ကို ဖော်ပြပြီးနောက် အစိုးရထိပ်တန်း အရာရှိကြီးများ ၏ ခေါ်ယူတွေ့ဆုံခြင်းကိုခံရပြီးမကြာမီ ၎င်းတို့ ဂျာနယ်ရုံးစိုက်ရာ မြန်မာနိုင်ငံရဲတပ်ဖွဲ့ပိုင်၊ တိုင်းဒေသကြီး အရန်တပ်ခွဲဝင်းအတွင်းရှိ အဆောက်အအုံမှနေ၍ ဂျာနယ်ရုံးခန်းကို ပိတ်သိမ်းရွှေ့ပြောင်းပေးရန် ရန်ကုန်တိုင်းဒေသကြီးရဲတပ်ဖွဲ့၏ အကြောင်းကြားမှုကို ဇွန်လ ၁၇ ရက်နေ့က တရားဝင်ရရှိခဲ့သည်။
ယင်းသို့ တရားဝင်အကြောင်းကြားစာမရရှိမီ ဇွန်လ၁၅ရက်နေ့ကပင် ရန်ကုန်တိုင်းဒေသကြီး ရဲတပ်ဖွဲ့မှူးက ပြောင်းရွှေ့ခိုင်းသည်ဟုဆိုကာ ရဲတပ်ဖွဲ့ဝင်အချို့က ဂျာနယ်ရုံးခန်းသို့ လာရောက်ပြောကြားမှုပြုခဲ့ကြောင်း ဂျာနယ်တာဝန်ရှိသူတစ်ဦးက မြန်မာသံတော်ဆင့်သို့ ပြောသည်။
ယခု အကြောင်းကြားစာရောက်ရှိချိန် တွင် ၎င်းတို့ဂျာနယ် ရုံးခန်းတစ်ခုတည်းသာမဟုတ်ဘဲ ၎င်းဂျာနယ်၏ မိခင်ကုမ္ပဏီဖြစ်သော Ammta Living Space ဟိုတယ်သုံးပရိဘောဂဆိုင်ရာ အဆောက်အဦနှင့် မြန်မာ ပို့စ်ဂျာနယ်၊ မြန်မာပို့စ်ဂလိုဘယ်ဂျာနယ်တို့ ရုံးစိုက်ရာ United Media Group အဆောက်အအုံအပါအ၀င် ကားပြုပြင်ခြင်းလုပ်ငန်း ၇ခုကိုပါ ယင်းမြေနေရာမှ ပြောင်းရွှေ့ခံရခြင်းဖြစ်ကြောင်း အကြောင်းကြားစာ၌ ဖော်ပြထားသည်။ ယင်းအကြောင်းကြားစာတွင် ၎င်းအဆောက်အအုံဆိုင်ခန်းများသည် ၂၀၁၂ခုနှစ် ဇွန်လက တည်းက လစာများ တောင်းခံခြင်းမရှိတော့သဖြင့် မြန်မာနိုင်ငံရဲတပ်ဖွဲ့ဌာနချုပ်နှင့် စာချုပ်ငှားရမ်းထားသူများ သည် ၁၃-၆-၁၃ နေ့တွင် အမြန်ရွှေ့ပြောင်းပေးရန် ဖော်ပြထားသည်။
ယင်းဖော်ပြချက်ပါ လစာ မပေးရသည့်ကာလနှင့် ယခု ပြောင်းရွှေ့ထားသည့်ကာလကြားတွင် အချိန်တစ်နှစ်ခန့်ရှိပြီဖြစ်၍ ယင်းကာလအတွင်း မြန်မာနိုင်ငံရဲတပ်ဖွဲ့နှင့်နားလည်မှုဖြင့် အဆောက်အအုံများဆက်လက်အသုံးပြုခွင့်ရရှိထား ခြင်းဖြစ်သည်။ ယင်းသို့ တစ်နှစ်ကျော် နားလည်မှုဖြင့် ဆောင်ရွက်နေပြီးမှယခုချိန်တွင် အစိုးရထိပ်ပိုင်း အရာရှိများ ခေါ်ယူသတိပေးခံရသည့် သတင်းများဖော်ပြပြီးချိန်နှင့် တိုက်ဆိုင်စွာ ရွှေ့ပြောင်းပေးရန် အကြောင်းကြားခံရခြင်းဖြစ်သည်။
အဆိုပါ သတင်းဖော်ပြမှုများနှင့် ပတ်သက်၍လည်း မြန်မာပို့စ်သတင်းဂျာနယ် ထုတ်ဝေသူနှင့် တာဝန်ရှိသူတို့ကို နေပြည်တော်၌ နိုင်ငံတော်သမ္မတ၏ ပြောရေးဆိုခွင့်ရှိသူ ဦးရဲထွဋ်ဦးဆောင်၍ အစိုးရအဖွဲ့ရုံး၊ ညွှန်ကြားရေးမှူးချုပ် ဦးဇော်သန်းလင်း၊ သမ္မတရုံး ညွှန်ကြားရေးမှူးချုပ် ဦးရဲမင်း၊ ရှေ့နေချုပ်ရုံး ညွှန်ကြားရေးမှူးချုပ် ဦးဝင်းမြင့်၊ ပြန်ကြားရေးနှင့် ပြည်သူ့ဆက်ဆံရေး ညွှန်ကြားရေးမှူးချုပ် ဦးရဲတင့်၊ နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေး (စာရေးဆရာမှူးဇော်)၊ မူပိုင်ခွင့်နှင့် မှတ်ပုံတင်ဌာန (စာပေစိစစ်နှင့် မှတ်ပုံတင်ဌာန) ညွှန်ကြားရေးမှူး ဦးအောင်ကျော်ဦးတို့က ခေါ်ယူတွေ့ဆုံခဲ့ပြီးနောက် မြန်မာပို့စ်ဂျာနယ်က တောင်းပန်စာတစ်ရပ်ကို ဖော်ပြခဲ့ပြီး ဖြစ်သည်။
ယင်းသို့ တောင်းပန်စာဖော်ပြပေးခဲ့ရမှုအပေါ် မြန်မာပို့စ်နှင့် မြန်မာပို့စ်ဂလိုဘယ် အယ်ဒီတာချုပ် ဦးသန်းထိုက်သူက ၎င်း၏ ဖေ့စ်ဘုတ်စာမျက်နှာ၌ “ရာဂဏန်းမျှရှိသော ရုံးဝန်ထမ်းများထမင်းအိုးကွဲရပေ လိမ့်မည်။ နောက်သို့ပြန်ကြည့်ရင်း ဘ၀တွင် မလုပ်ချင်ဆုံးသော အလုပ်တစ်ခု၊ မည်သည့်အခါကမှလည်း မလုပ်ခဲ့သည့် အလုပ်တစ်ခုကို ကျွန်ုပ်လုပ်ခဲ့ရပါတော့သည်။ ထိုထိုဤဤယင်း၎င်း အကြောင်းအရာများကြောင့် “တောင်းပန်သည်” လေးစားလျက် ...” ဟု ရေးသားဖော်ပြထားသည်။
ယခုကဲ့သို့ရွှေ့ပြောင်းပေးရန် အကြောင်းကြားစာပို့ခံရခြင်းအပေါ် ရွှေ့ပြောင်းခံရခြင်းတွင်ပါဝင်သော ကားပြုပြင်ရေးလုပ်ငန်းများသို့ မြန်မာသံတော်ဆင့်မှသွားရောက် မေးမြန်းရာ ၎င်းတို့အားလုံးထံမှ ပြန်လည် ဖြေကြားမှုမရရှိခဲ့ပေ။
Myanmartandawsint Newspaper
မြန်မာပို့စ်ဂျာနယ်ရုံးခန်းပြောင်းရွှေ့ရန် ရဲတပ်ဖွဲ့မှ အကြောင်းကြား
Labels:
ပြည်တွင်းသတင်း