ကား ဆိုတာကို အိပ်မက်တောင် မမက်နိုင်တဲ့ သူတွေ ပြည်တွင်းထုတ် ဂျစ်ကားကို သိန်း ၃၀ လောက်နဲ့ ဝယ်နိုင်သလို၊ နိုင်ငံခြားကားသစ် ဆိုရင်တောင် သိန်း ၆၀/၇၀ လောက်ရှိရင် စီးနိုင်တယ်ဆိုတော့ မြို့ပြရဲ့ စိတ်ကူးအိပ်မက်ထဲကို ကားတွေ လှိမ့်ဝင်လာခဲ့ ပါတော့တယ်။
ရန်ကုန်မြို့ပြရဲ့ ပိတ်လှောင်မွန်းကျပ်လာမှုက တစ်နှစ်ထက်တစ်နှစ်ပိုပြီး လွန်ကဲလာပါတယ်။ လူတွေကြပ်၊ ကားတွေကြပ်၊ စိတ်ဓာတ်တွေကျပ်လွန်းလို့ စည်းကမ်းတွေကို လျှော့နေတာလား။ ဒါမှမဟုတ် အဖြေရှာမရ တော့တဲ့အတွက် ခက်လှတဲ့ပုစ္ဆာကို မတွက်ဘဲ ပစ်ထားလိုက်ကြတာလား။
မည်သို့ဆိုစေ ကားလမ်းကျဉ်းတာကို ပလက်ဖောင်းတွေကို လျှော့ပြီး ကျယ်အောင်ချဲ့၊ နဂိုကမှ လူသွားလို့မရတဲ့ ပလက်ဖောင်းမှာ ဈေးရောင်းတာ ကိုလည်းမဖြေရှင်းနိုင်၊ ကားတွေ လမ်းပျောက်၊ လူတွေ လမ်းပေါ်ရောက်၊ စိတ်ဓာတ်တွေ မြောင်းထဲရောက်နေတဲ့ ရန်ကုန်မြို့ပြ ကတော့ လှချင်ယောင်ဆောင်ပြီး ဂုဏ်မောက်နေတုန်းပါပဲ။
The Voice Weekly
