သိမ်ဖြူ ငွေလဲစင်တာတွင် နိုင်ငံခြားငွေလဲနေသည်ကို ဇွန် ၂၀ ရက်က တွေ့ရစဉ် |
နိုင်ငံခြားငွေလဲနှုန်းသည် နှစ်ရက်အတွင်း ၂၀ ကျပ်နီးပါး ထပ်မံမြင့်တက်လာပြီး ယမန်နေ့က ပြင်ပငွေကြေး ဈေးကွက်တွင် ၉၇၅ ကျပ်အထိ ဖြစ်ပေါ်နေကြောင်း ငွေကြေးဈေးကွက် အသိုင်းအ၀ိုင်းထံမှ သတင်းရရှိသည်။
ဇွန် ၂၀ ရက်အတွက် ထုတ်ပြန်သော ဗဟိုဘဏ် ရည်ညွှန်းနိုင်ငံခြား ငွေလဲနှုန်းမှာ အမေရိကန် တစ်ဒေါ်လာလျှင် ၉၅၄ ကျပ် သတ်မှတ်ခဲ့ပြီး သိမ်ဖြူဈေးကွက်တွင် အမေရိကန် တစ်ဒေါ်လာလျှင် ၀ယ်ဈေး ၉၅၁ ကျပ်၊ ရောင်းဈေး ၉၆၁ ကျပ် ဖြစ်ပေါ်ခဲ့သည်။
ပြင်ပဈေးကွက်တွင် ၀ယ်ဈေး ၉၆၁ ကျပ်ဖြင့် ဈေးဖွင့်ခဲ့ပြီး မွန်းတည့် ၁၂ နာရီခန့်တွင် ၀ယ်ဈေး ၉၆၃ကျပ်၊ ရောင်းဈေး ၉၆၆ ဒသမ ၅ ကျပ်ဖြင့် အရောင်းအ၀ယ် ဖြစ်ပေါ်ခဲ့ပြီး မွန်းလွဲ ၃ နာရီခန့်တွင် ၀ယ်ဈေး ၉၆၈ ကျပ်၊ ရောင်းဈေး ၉၇၁ ကျပ်နှင့် ညနေပိုင်းတွင် ၀ယ်ဈေး ၉၇၀ ကျပ်၊ ရောင်းဈေး ၉၇၅ ကျပ်အထိ နာရီပိုင်းအတွင်း ၁၀ ကျပ်ဝန်းကျင် ဈေးနှုန်းမြင့်တက်ခဲ့ကြောင်း သိရသည်။
ဇွန် ၁၈ ရက်က ပြင်ပဈေးကွက်တွင် ၀ယ်ဈေး ၉၅၄၊ ရောင်းဈေး ၉၅၇ ကျပ်ရှိပြီး သိမ်ဖြူဈေးကွက်တွင် ၀ယ်ဈေး ၉၄၈၊ ရောင်း ဈေး ၉၅၈ ကျပ်သာရှိရာမှ ယခုကဲ့သို့ နှစ်ရက်အတွင်း ဈေးနှုန်းမြင့်တက်ခဲ့ခြင်း ဖြစ်သည်။
မြန်မာနိုင်ငံ၏ နိုင်ငံခြားငွေလဲနှုန်းသည် မေဒုတိယပတ်တွင် သိသိသာသာ စတင် မြင့်တက်ခဲ့ခြင်း ဖြစ်သည်။ မေ ၁၃ ရက်မှ မေ ၂၃ ရက်အထိ ၁၀ ရက်အတွင်း ဗဟိုဘဏ်မှ သတ်မှတ်သည့် အမေရိကန်ဒေါ်လာ ငွေလဲနှုန်းမှာ တစ်ဒေါ်လာ ၄၂ ကျပ်အထိ ထိုးတက်ခဲ့ပြီးနောက် ပြင်ပဈေးကွက်တွင် တစ်ဒေါ်လာ ၉၆၁ ကျပ်အထိ ဈေးမြင့်တက်ခဲ့သည်။
အဆိုပါ ၁၀ ရက်အတွင်း ဗဟိုဘဏ်၏ ရည်ညွှန်းဈေးနှုန်းသည် တစ်ဒေါ်လာ ၄၂ ကျပ် မြင့်တက်ခဲ့ခြင်းဖြစ်ပြီး ဧပြီ ၅ ရက် ဈေးဖြင့် ယှဉ်ပါက ၄၈ ရက်အတွင်း တစ် ဒေါ်လာ ၆၅ ကျပ်အထိ တက်လာခြင်းလည်း ဖြစ်သည်။
မေ ၂၇ ရက်နောက်ပိုင်း ပြန်လည်ကျဆင်းလာသော ငွေလဲနှုန်းသည် ယခုရက်ပိုင်းတွင် ထပ်မံမြင့်တက် လာခြင်းဖြစ်သည်။ ထိန်းကျောင်းမှုရှိသည့် နှုန်းရှင်ငွေလဲနှုန်း စနစ် (Managed Floating Exchange Rate Regime) စတင်ခဲ့သည့် ၂၀၁၂ ခုနှစ် ဧပြီ ၂ ရက်တွင် အမေရိကန် တစ်ဒေါ်လာလျှင် ၈၁၅ ကျပ် ပေါက်ဈေးသာ ရှိရာမှ ယခု ၁၄ လအကြာ ကာလအတွင်း တစ်ဒေါ်လာလျှင် ၁၆၀ ကျော် အထိ ဈေးနှုန်းမြင့်တက် လာခြင်းဖြစ်သည်။
Eleven Media Group