ယမန်နေ့ ညနေ(၆)နာရီက ဗီယက်နမ်နိုင်ငံ သောင်နတ် အားကစားကွင်းတွင် ယှဉ်ပြိုင် ကစားခဲ့သည့် မြန်မာ ယူ-၂၃ အသင်းနှင့် အိမ်ရှင် ဗီယက်နမ် ယူ-၂၃ အသင်းတို့ ပွဲစဉ်တွင် မြန်မာအသင်း အရေးနိမ့် ခဲ့ရခြင်း အဓိက အကြောင်းရင်းမှာ နည်းစနစ်ပိုင်း အားနည်းချက် များကြောင့်ဟု အသင်းအုပ်ချုပ်သူ ဦးတင်မြင့်အောင်က ပွဲအပြီး သတင်းစာရှင်းလင်းပွဲတွင် ဗီယက်နမ် မီဒီယာများ အား ရှင်းလင်း ပြောကြားခဲ့သည်။ မြန်မာ ယူ-၂၃ အသင်းမှာ အဆိုပါ ပွဲစဉ်တွင် (၂-၀) ဂိုးဖြင့် ဗီယက်နမ် အသင်းအား ရှုံးနိမ့်ခဲ့ရ ခြင်းဖြစ်ပြီး နည်းပြပက်ဆောင်ဟွာ အနေဖြင့် ကစားသမားများ စမ်းသပ်သုံးစွဲခြင်း နှင့်နည်းဗျူဟာပိုင်း စမ်းသပ်မှု များ အတွက်သာ ခြေစမ်းပွဲများ ကစား ခဲ့ခြင်းဖြစ် ဖြစ်ကြောင်းလည်း တွေ့ရသည်။
" ကျွန်တော့် အမြင်အရ ဗီယက်နမ် ယူ-၂၃ အသင်းဟာ ဒီနေ့ပွဲမှာ တကယ်ကို ကောင်းကောင်း ကစားနိုင်ခဲ့ပါတယ်။ ဒါကြောင့် ဒီပွဲမှာ သူတို့ နိုင်သင့်တာ မှန်ပါတယ်။ ကျွန်တော်တို့ အသင်း အနေနဲ့ကတော့ အဓိက အားနည်းချက်ဟာ နည်းစနစ်ပိုင်း ပါပဲ။ နည်းစနစ်ပိုင်း မကောင်းခဲ့တဲ့အတွက် အိမ်ရှင်ကို အရှုံးပေးခဲ့ရတာပါ" ဟု သတင်းစာ ရှင်းလင်းပွဲတွင် ပြောကြားခဲ့သည်။ ဗီယက်နမ် နှင့် မြန်မာ ယူ-၂၃ အသင်းများခြေစမ်းပွဲကို ကွင်းအပြည့် လာရောက် အားပေးခဲ့ကြသလို ဘင်ခရာအဖွဲ့များ၊ အမာခံ ပရိသတ်များ ဖြင့် များစွာ အားပေးမှု ရှိခဲ့သည်။ အိမ်ရှင် ဗီယက်နမ် အသင်းအတွက် ပွဲချိန် ၃၂ မိနစ်တွင် Dang Ngoc နှင့် ၅၃ မိနစ် တွင် Ha Ming Tuan တို့က သွင်းယူပေးခဲ့ကြ ခြင်းဖြစ်သည်။
" အသင်းမှာ ကစားသမား အသစ်တွေ များနေပြီး ဒီနေ့ တစ်ပွဲလုံးမှာ အာရုံစူးစိုက်မှု နည်းပါးနေတာ တွေ့ရတယ်။ ကျွန်တော့်မှာ အသင်းအတွက် အိုင်ဒီယာ အများကြီး ရှိပေမယ့် လေ့ကျင့်ရက်က ၂ ပတ်ပဲ ရှိသေးတာကြောင့် အချိန်ယူရ ဦးမှာပါ။ ၂၇ ကြိမ် မြောက် ဆီးဂိမ်းစ်အတွက် ကျွန်တော်တို့ ပြင်ဆင်ဖို့ အချိန်တွေ အများကြီး ရှိပါသေးတယ်။ " ဟု ဗီယက်နမ် နည်းပြ ဟောင်က ဆိုသည်။ မြန်မာ ယူ-၂၃ အသင်းသည် ဗီယက်နမ် ခြေစမ်း ခရီးစဉ်တွင် ပထမ ပွဲ၌ ဒေါင်နန်း ကလပ်အသင်းကို (၃-၁)ဂိုး၊ ဒုတိယ ခြေစမ်းပွဲ၌ ဗီယက်နမ် ယူ-၂၃ အသင်းကို (၂-၀)ဂိုး တို့ဖြင့် အရေးနိမ့် ခဲ့ရသည်။ ဗီယက်နမ် ယူ-၂၃ အသင်းနှင့် မြန်မာ ယူ-၂၃ အသင်းတို့သည် ၂၀၁၁ အင်ဒိုနီးရှား ဆီးဂိမ်းစ် တတိယ နေရာလုပွဲတွင် မြန်မာက (၄)ဂိုးပြတ် အနိုင်ရရှိခဲ့ပြီး ဒုတိယ အကြိမ် ထပ်မံ တွေ့ဆုံမှုတွင် ယခုကဲ့သို့ ဗီယက်နမ်က အိမ်ကွင်းတွင် ပြန်လည် အနိုင်ရရှိခဲ့သည်။
Okocha
Myanmar Football Federation
