အမျိုးသားဒီမိုကရေစီ အဖွဲ့ချုပ်နာယက ဦးတင်ဦး မွေးနေ့ဂုဏ်ပြု အမှာစကား ပြောကြားစဉ် |
တပ်မတော် သားများသည်လည်း ပြည်သူများကဲ့သို့ပင် ဒေါ်အောင်ဆန်းစုကြည်ကို ချစ်ခင်ကြသည်ဟုမြင်ကြောင်း အမျိုးသားဒီမိုကရေစီ အဖွဲ့ချုပ်နာယက ဦးတင်ဦးက ပြောကြားသည်။
ဇွန် ၁၉ ရက်က ရန်ကုန်မြို့ရှိ အမျိုးသားဒီမိုကရေစီ အဖွဲ့ချုပ်ရုံးချုပ်တွင် ပြုလုပ်သော ဒေါ်အောင်ဆန်းစုကြည်၏ (၆၈) နှစ် ပြည့်မွေးနေ့ပွဲတွင် ဂုဏ်ပြုအမှာစကား ပြောကြားရာ၌ ကာကွယ်ရေးဦးစီးချုပ်ဟောင်း တစ်ဦးလည်းဖြစ်သူ ဦးတင်ဦးက ယင်းကဲ့သို့ ထည့်သွင်းပြောကြားခဲ့ခြင်း ဖြစ်သည်။
"ပြည်သူလူထုက ဒေါ်အောင်ဆန်းစုကြည်ကို မေတ္တာထား ချစ်မြတ်နိုးတယ်ဆိုတာ အားလုံးအတူတူပဲလို့ သဘောပေါက်တယ်။ တပ်မတော်သားတွေလည်း အတူတူပဲ။ မပြောရဲလို့ မပြောတာလို့ပဲ သဘောပေါက်တယ်" ဟု ဦးတင်ဦးက ပြောကြားသည်။
ဒေါ်အောင်ဆန်းစုကြည် ရောက်ရှိသွားသည့်အတွက် လွှတ်တော်များ အသက်ဝင်လာပြီး လုပ်နိုင်သမျှ လုပ်လာသည်ဟု ထင်ကြောင်း၊ ပြည်သူများအတွက် လုပ်ပေးနိုင်သမျှ လုပ်ပေးရန်မှာ နေရာတစ်ခုရမှ အဆင်ပြေနိုင်မည် ဖြစ်သည့်အတွက် သမ္မတဖြစ် ချင်သည်ဟု ပြောသည်မှာ မှန်ကန်ကြောင်း၊ ဒေါ်အောင်ဆန်းစုကြည် သမ္မတဖြစ်နိုင်ရန် အားလုံးဝိုင်းဝန်း ကူညီစေလိုကြောင်းလည်း ဦးတင်ဦးက ပြောကြားသည်။
"တပ်မတော်သား တစ်ဦးဖြစ်ခဲ့တဲ့ ကျွန်aတ်ာဟာ ဒီနေ့ကာကွယ်ရေး ဦးစီးချုပ်ဟောင်း တစ်ဦးအနေနဲ့ ဗိုလ်ချုပ်အောင်ဆန်း ချခဲ့တဲ့ အစဉ်အလာ၊ အမွေတွေကို ဒီနေ့ကျွန်တော် အလံကိုင်ထားပြီးတော့ ဒေါ်အောင်ဆန်းစုကြည် သမ္မတဖြစ်ရေးအတွက် အပြည့်အ၀ ကူညီမှာ ဖြစ်တဲ့အတွက် အားလုံးအတူတကွ ဒေါ်အောင်ဆန်းစုကြည် သမ္မတဖြစ်ရေးအတွက် ကူညီပါလို့ မှာချင်တယ်" ဟု ဦးတင်ဦးက ဆိုသည်။
ဒေါ်အောင်ဆန်းစုကြည်သည် ခံနိုင်ရည်လည်း ရှိသလို စိတ်ရှည်မှုလည်း ရှိကြောင်း၊ သူရသတ္တိလည်း ရှိကြောင်းကို ဦးတင်ဦးက ၁၉၉၆ ခုနှစ် နိုဝင်ဘာတွင် ဖြစ်ပွားခဲ့သော ပဋိပက္ခအတွင်း ဖိနှိပ်မှုများ ကြုံခဲ့ရသော်လည်း အာဃာတမထားဘဲ ဥပဒေနှင့်အညီသာ ဆောင်ရွက်ပေးရန် တောင်းဆိုခဲ့ကြောင်း၊ ၂၀၀၃ ခုနှစ်တွင် ဖြစ်ပွားခဲ့သော ဒီပဲယင်း အရေးအခင်းတွင်လည်း အသက်အန္တရာယ် ပေးရန်အထိ ကြံစည်ခဲ့မှုကိုလည်း ခွင့်လွှတ်နိုင်ခဲ့ကြောင်း စသည့်ဥပမာများဖြင့် ထည့်သွင်းပြောကြားသည်။
ထို့ပြင် ဒေါ်အောင်ဆန်းစုကြည်တွင် သူရသတ္တိအပြင် ထူးကဲသည့် ဓမ္မသတ္တိလည်း ရှိကြောင်း၊ ဓမ္မသတ္တိဆိုသည်မှာ လုပ်သင့်လုပ်ထိုက်သည့် အချိန်တွင် လုပ်ဝံ့သည့် ဆုံးဖြတ်ချက်ကို ချနိုင်ပြီး မလုပ်သင့်ဘူးဟု ဆုံးဖြတ်လျှင်လည်း မလုပ်ဘဲနေရဲသည့် သတ္တိဖြစ်သည်ဟု ဦးတင်ဦးက ပြောကြားသည်။
Eleven Media Group